Ef þú ert með YouTube Music-reikning getur verið að þú fáir rými á þjóni þar sem þú getur hlaðið upp og geymt ákveðið efni úr tölvunni þinni (til dæmis tónlistarskrár sem gætu innihaldið lýsigögn og plötuumslög) („vistað tónlistarefni“). Ef þú velur að hlaða upp vistuðu tónlistarefni muntu halda öllum fyrirliggjandi réttindum þínum að vistaða tónlistarefninu og afrit af því verður geymt fyrir þína hönd. YouTube mun gera vistaða tónlistarefnið þitt aðgengilegt fyrir þig gegnum YouTube Music-reikninginn þinn. Vistaða tónlistarefnið verður einungis aðgengilegt þér gegnum YouTube Music-reikninginn þinn og þú getur ekki deilt því með neinum öðrum, þar á meðal YouTube-notendum sem gætu verið hluti af fjölskylduaðildinni þinni á Google eða YouTube. Þú berð lagalega ábyrgð á vistuðu tónlistarefni sem þú hleður upp á YouTube Music og þú mátt ekki láta neitt efni fylgja með sem er hugverk þriðja aðila (til dæmis höfundarréttarvarið efni) nema þú hafir heimild frá þeim aðila eða hafir á annan hátt lagalegt leyfi til þess.
Við gætum þurft að gera takmarkaðar og nauðsynlegar breytingar á vistuðu tónlistarefni eftir þörfum til að hægt sé að spila það á YouTube Music eða gegnum YouTube Music-forritið. YouTube mun ekki deila vistaða tónlistarefninu þínu með þriðju aðilum.