ನಿರ್ಬಂಧಗಳು ವೀಕ್ಷಕರು ನಿಮ್ಮ ವೀಡಿಯೊಗಳನ್ನು ವೀಕ್ಷಿಸುವುದನ್ನು ಅಥವಾ ನಿಮ್ಮ ಸಮುದಾಯದ ಪೋಸ್ಟ್ಗಳನ್ನು ನೋಡುವುದನ್ನು ತಡೆಯಬಹುದು. ನಿರ್ಬಂಧಗಳು ನೀವು YouTube ಪಾಲುದಾರ ಕಾರ್ಯಕ್ರಮದಲ್ಲಿದ್ದಾಗ ಮಾನಿಟೈಸೇಶನ್ ಮೇಲೆ ಪ್ರಭಾವ ಬೀರಬಹುದು. ಉದಾಹರಣೆಗೆ, ವೀಡಿಯೊ 18 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ವೀಕ್ಷಕರಿಗೆ ಸೂಕ್ತವಲ್ಲದಿರಬಹುದು ಅಥವಾ ಕೃತಿಸ್ವಾಮ್ಯಕ್ಕೆ ಸಂಬಂಧಿಸಿದ ಸಮಸ್ಯೆಯೊಂದು ಬಾಕಿಯಿರಬಹುದು.
ನಿಮ್ಮ ವೀಡಿಯೊದ ಮೇಲಿನ ನಿರ್ಬಂಧಗಳನ್ನು ಪರಿಶೀಲಿಸಿ
ನಿರ್ಬಂಧಗಳು ನಿಮ್ಮ ವೀಡಿಯೊದ ಮೇಲೆ ಪ್ರಭಾವ ಬೀರುತ್ತಿವೆಯೇ ಎಂದು ನೋಡಲು:
- YouTube Studio ಗೆ ಸೈನ್ ಇನ್ ಮಾಡಿ.
- ಎಡಭಾಗದ ಮೆನುವಿನಿಂದ, ಕಂಟೆಂಟ್ ಅನ್ನು ಆಯ್ಕೆಮಾಡಿ.
- ವೀಡಿಯೊಗಳು ಟ್ಯಾಬ್ನಲ್ಲಿ, ಪಟ್ಟಿಯಲ್ಲಿ ನಿಮ್ಮ ವೀಡಿಯೊವನ್ನು ಹುಡುಕಿ ಮತ್ತು “ನಿರ್ಬಂಧಗಳು” ಕಾಲಮ್ ಅನ್ನು ಪರಿಶೀಲಿಸಿ. ನಿಮ್ಮ ವೀಡಿಯೊಗಳನ್ನು ಫಿಲ್ಟರ್ ಮಾಡಲು, ಫಿಲ್ಟರ್ ಮಾಡಿ ಎಂಬುದನ್ನು ಕ್ಲಿಕ್ ಮಾಡಿ ಮತ್ತು ನಿಮ್ಮ ಫಿಲ್ಟರ್(ಗಳನ್ನು) ಆಯ್ಕೆ ಮಾಡಿ:
- ವಯಸ್ಸಿನ ನಿರ್ಬಂಧ: 18 ವರ್ಷಕ್ಕಿಂತ ಹೆಚ್ಚು ವಯಸ್ಸಿನ ಪ್ರೇಕ್ಷಕರು ಅಥವಾ ಯಾವ ನಿರ್ಬಂಧವೂ ಇಲ್ಲ.
- ಕೃತಿಸ್ವಾಮ್ಯ: Content ID ಕ್ಲೈಮ್ಗಳು ಅಥವಾ ಕೃತಿಸ್ವಾಮ್ಯ ಸ್ಟ್ರೈಕ್ಗಳು.
- ಮಕ್ಕಳಿಗಾಗಿ ರಚಿಸಲಾಗಿದೆ: ಮಕ್ಕಳಿಗಾಗಿ ರಚಿಸಲಾಗಿದೆ (ನೀವು ಸೆಟ್ ಮಾಡಿರುವುದು), ಮಕ್ಕಳಿಗಾಗಿ ರಚಿಸಲಾಗಿದೆ ಎಂದು ಸೆಟ್ ಮಾಡಲಾಗಿದೆ ( YouTube ಮೂಲಕ), ಮಕ್ಕಳಿಗಾಗಿ ರಚಿಸಿಲ್ಲ, ಅಥವಾ ಸೆಟ್ ಮಾಡಿಲ್ಲ.
- ನಿರ್ಬಂಧವನ್ನು ಪಟ್ಟಿ ಮಾಡಿದ್ದರೆ, ಇನ್ನಷ್ಟು ತಿಳಿಯಲು ಮತ್ತು ಪರಿಶೀಲನೆಗೆ ವಿನಂತಿಸುವುದಕ್ಕಾಗಿ ನೀವು ಅದರ ಮೇಲೆ ಹೋವರ್ ಮಾಡಬಹುದು.
ನಿಮ್ಮ ಪೋಸ್ಟ್ ಮೇಲಿನ ನಿರ್ಬಂಧಗಳನ್ನು ಪರಿಶೀಲಿಸಿ
ನಿರ್ಬಂಧಗಳು ನಿಮ್ಮ ವೀಡಿಯೊದ ಮೇಲೆ ಪ್ರಭಾವ ಬೀರುತ್ತಿವೆಯೇ ಎಂದು ಪರಿಶೀಲಿಸಲು:
- YouTube Studio ಗೆ ಸೈನ್ ಇನ್ ಮಾಡಿ.
- ಎಡಭಾಗದ ಮೆನುವಿನಿಂದ, ಕಂಟೆಂಟ್ ಅನ್ನು ಆಯ್ಕೆಮಾಡಿ.
- ಪೋಸ್ಟ್ಗಳು ಟ್ಯಾಬ್ನಲ್ಲಿ, ಪಟ್ಟಿಯಲ್ಲಿ ನಿಮ್ಮ ಪೋಸ್ಟ್ ಅನ್ನು ಹುಡುಕಿ ಮತ್ತು "ನಿರ್ಬಂಧಗಳು" ಕಾಲಮ್ ಅನ್ನು ಪರಿಶೀಲಿಸಿ.
ನಿರ್ಬಂಧವನ್ನು ಪಟ್ಟಿ ಮಾಡಿದ್ದರೆ, ಇನ್ನಷ್ಟು ತಿಳಿಯಲು ಮತ್ತು ಪರಿಶೀಲನೆಗೆ ವಿನಂತಿಸುವುದಕ್ಕಾಗಿ ನೀವು ಅದರ ಮೇಲೆ ಹೋವರ್ ಮಾಡಬಹುದು.
ನಿರ್ಬಂಧಗಳ ಪ್ರಕಾರಗಳು
ಕೃತಿಸ್ವಾಮ್ಯ
ಕೃತಿಸ್ವಾಮ್ಯ ಸಂರಕ್ಷಿತ ಕಂಟೆಂಟ್ ಅನ್ನು ಹೊಂದಿರುವ ವೀಡಿಯೊವನ್ನು ನೀವು ಅಪ್ಲೋಡ್ ಮಾಡಿದರೆ, ನಿಮ್ಮ ವೀಡಿಯೊ Content ID ಕ್ಲೈಮ್ ಅಥವಾ ಕೃತಿಸ್ವಾಮ್ಯ ಸ್ಟ್ರೈಕ್ ಅನ್ನು ಪಡೆಯಬಹುದು.
ನಿಯಮಗಳು ಮತ್ತು ನೀತಿಗಳು
ನಿಮ್ಮ ವೀಡಿಯೊ ಅಥವಾ ಪೋಸ್ಟ್, ಬಳಕೆಯ ನಿಯಮಗಳ ಸಮಸ್ಯೆಯಿಂದಾಗಿ YouTube ತೆಗೆದುಹಾಕಿದರೆ, ಸೀಮಿತಗೊಳಿಸಿದರೆ, ಅಥವಾ ಖಾಸಗಿಯಾಗಿಸಿದರೆ “ನಿರ್ಬಂಧಗಳು” ಕಾಲಮ್ನಲ್ಲಿ “ಬಳಕೆಯ ನಿಯಮಗಳು” ಎಂಬುದನ್ನು ನೀವು ನೋಡುತ್ತೀರಿ. ಉದಾಹರಣೆಗೆ, ಈ ಕೆಳಗಿನ ಸಂದರ್ಭಗಳಲ್ಲಿ ನೀವು ಬಳಕೆಯ ನಿಯಮಗಳ ಸಮಸ್ಯೆಯನ್ನು ನೋಡಬಹುದು:
- ನಿಮ್ಮ ವೀಡಿಯೊ ಅಥವಾ ಪೋಸ್ಟ್ ನಮ್ಮ ಸಮುದಾಯ ಮಾರ್ಗಸೂಚಿಗಳನ್ನು ಉಲ್ಲಂಘಿಸುವ ಅನುಚಿತವಾದ ಕಂಟೆಂಟ್ ಅನ್ನು ಒಳಗೊಂಡಿದೆ.
- ನಿಮ್ಮ ವೀಕ್ಷಣೆ ಸಂಖ್ಯೆಯನ್ನು ನೀವು ಕೃತಕವಾಗಿ ಹೆಚ್ಚಿಸಿದ್ದೀರಿ.
- ನೀವು YouTube ಸೇವಾ ನಿಯಮಗಳನ್ನು ಉಲ್ಲಂಘಿಸಿದ್ದೀರಿ.
- ನಿಮ್ಮ ವೀಡಿಯೊ ಅಥವಾ ಪೋಸ್ಟ್ಗೆ ಸಂಬಂಧಿಸಿದಂತೆ ಟ್ರೇಡ್ಮಾರ್ಕ್ ಸಮಸ್ಯೆಯಿದೆ.
- ನಿಮ್ಮ ವೀಡಿಯೊ ಅಥವಾ ಪೋಸ್ಟ್ ಕುರಿತು ನಾವು ಕಾನೂನಾತ್ಮಕ ದೂರನ್ನು ಪಡೆಯುತ್ತೇವೆ.
ವಯಸ್ಸಿನ ನಿರ್ಬಂಧಗಳು
ನಿಮ್ಮ ವೀಡಿಯೊ 18 ವರ್ಷದೊಳಗಿನ ವೀಕ್ಷಕರಿಗೆ ಸೂಕ್ತವಲ್ಲ ಎಂದಾದರೆ, ಅದನ್ನು ವಯೋಮಾನ ನಿರ್ಬಂಧಿತ ಕಂಟೆಂಟ್ ಎಂಬುದಾಗಿ ಪರಿಗಣಿಸಬಹುದು.
ಮಕ್ಕಳಿಗಾಗಿ ರಚಿಸಲಾಗಿದೆ
ನಿಮ್ಮ ಕಂಟೆಂಟ್ ಅನ್ನು ಮಕ್ಕಳಿಗಾಗಿ ರಚಿಸಲಾಗಿದೆ ಎಂದು ಸೆಟ್ ಮಾಡಲಾಗಿದ್ದರೆ, ಅನ್ವಯಿಸುವ ಕಾನೂನುಗಳನ್ನು ಅನುಸರಿಸುವುದಕ್ಕಾಗಿ ನಾವು ಕೆಲವೊಂದು ಫೀಚರ್ಗಳನ್ನು ನಿರ್ಬಂಧಿಸುತ್ತೇವೆ.
ಜಾಹೀರಾತಿಗಾಗಿ ಸೂಕ್ತತೆ
ನೀವು YouTube ಪಾಲುದಾರ ಕಾರ್ಯಕ್ರಮದಲ್ಲಿದ್ದರೆ ಮತ್ತು ನಿಮ್ಮ ಕಂಟೆಂಟ್ ಹೆಚ್ಚಿನ ಜಾಹೀರಾತುದಾರರಿಗೆ ಅರ್ಹವಲ್ಲ ಎಂದು ಗುರುತಿಸಿದರೆ, ನಿಮ್ಮ ವೀಡಿಯೊದಲ್ಲಿ ಆ್ಯಡ್ಗಳನ್ನು ಸೀಮಿತಗೊಳಿಸಬಹುದು ಅಥವಾ ರನ್ ಮಾಡದಿರಬಹುದು.