Staying Safe on YouTube: Policies and Tools for Creators
YouTube ni mahali ambapo watu wanashiriki simulizi zao, wanatoa maoni yao na kuwasiliana na wengine. Tunataka kuhakikisha kuwa watayarishi na watazamaji wanahisi wapo salama kufanya hivyo. Ingawa watayarishi na watazamaji wengi wa YouTube wanataka kushiriki, kujifunza na kuwasiliana, tunajua kuwa kuna matukio ya matumizi mabaya au hata unyanyasaji. Pata maelezo zaidi kuhusu sera na zana zinazotumika ili kukulinda ukiwa unatumia YouTube yaliyo hapa chini.
Sera kuhusu chuki na unyanyasaji
YouTube ina sera mahususi ya kusaidia kukulinda dhidi ya chuki na unyanyasaji.
- Matamshi ya chuki: Sera hii hulinda vikundi mahususi na wanachama walio kwenye vikundi hivi. Tunachukulia maudhui kuwa ni matamshi ya chuki yanapochochea chuki au vurugu dhidi ya vikundi kulingana na sifa zinazolindwa kama vile umri, jinsia, mbari, tabaka, dini, mwelekeo wa kingono au hali ya kuwa mwanajeshi aliyestaafu. Pata maelezo zaidi kuhusu sera yetu ya matamshi ya chuki.
- Unyanyasaji: Sera hii hulinda watu mahususi. Tunachukulia maudhui kuwa ni ya kinyanyasaji yanapomlenga mtu kupitia matusi makali kwa muda mrefu kulingana na sifa na maumbile, ikiwa ni pamoja na hali yake ya kuwa katika kikundi cha watu wanaolindwa au hali za kimaumbile. Sera hii pia inajumuisha tabia hatari kama vile vitisho, uchokozi, upekuzi na utangazaji wa taarifa binafsi au kuhimiza tabia mbaya kwa mashabiki. Pata maelezo zaidi kuhusu sera ya unyanyasaji.
Ili kupata maelezo zaidi kuhusu sera za YouTube, angalia orodha yetu kamili ya Mwongozo wa Jumuiya.
Zana za kujilinda mwenyewe
Tunachukua hatua kali katika kuwalinda watayarishi, wasanii na watumiaji kwenye YouTube. Ndiyo maana tunakuhimiza utumie zana mbalimbali zilizoorodheshwa hapa chini ili kukufanya ujisikie uko salama unapotumia YouTube.
Kuripoti maudhui yasiyofaa, mabaya au watumiaji wenye matumizi mabaya
- Ripoti maudhui mabaya au yasiyofaa
- Ripoti ukiukaji wa faragha
- Ripoti matukio ya uigaji wa kituo chako au maudhui yako
Zuia maoni yasiyofaa au mabaya, maudhui au watumiaji wenye matumizi mabaya
- Zuia watoa maoni
- Zuia maneno mahususi kwenye maoni
- Subirisha maoni kwa ajili ya ukaguzi
- Zuia watazamaji wengine kwenye gumzo la moja kwa moja
Weka akaunti yako salama
- Linda akaunti yako ya YouTube
- Futa au ufiche kituo chako cha YouTube
- Weka au uondoe ufikiaji wa kituo chako kwenye YouTubel
- Mwongozo wa Faragha wa YouTube
Kumbuka: Ikiwa una wasiwasi kwamba akaunti yako imedukuliwa, imetekwa au imeathiriwa, fuata hatua hizi ili Kulinda akaunti yako ya YouTube.
Nyenzo za washirika zinazoaminika kwa usalama wa mtandaoni (Marekani pekee)
Kwa vidokezo na video zaidi ambazo zinaweza kukufanya ujisikie uko salama zaidi kwenye YouTube, tembelea Kituo cha Usalama cha Watayarishi.