Staying Safe on YouTube: Policies and Tools for Creators
YouTube — адамдар оқиғаларын бөлісетін, ойларын білдіретін және басқа адамдармен әрекеттесетін жер. Авторлар мен көрермендердің осы әрекеттерді қауіпсіз түрде орындағанын қалаймыз. YouTube авторлары мен көрермендерінің көпшілігі контентті бөлісуді, үйренуді және байланысуды қалайды, дегенмен ара-тұра қорлау, тіпті харассмент жағдайлары да болып жататынын білеміз. Төменде YouTube-тегі сізді қорғайтын саясаттар мен құралдар туралы толық ақпарат алыңыз.
Өшпенділік пен харассментке қатысты саясаттар
YouTube-тің өшпенділік пен харассменттен қорғануға қатысты арнайы саясаттары бар.
- Ғадауат сөздер: бұл саясат нақты топтар мен сол топтардың мүшелерін қорғайды. Жас, жыныс, нәсіл, каста, дін, жыныстық бағдар немесе ардагер мәртебесі сияқты қорғалған сипаттарға негізделген топтарға қарсы өшпенділік не зорлық-зомбылық тудыратын контентті ғадауат сөздер деп есептейміз. Ғадауат сөздер туралы саясатымыз туралы толық ақпарат алыңыз.
- Харассмент: бұл саясат нақты жеке тұлғаларды қорғайды. Туа біткен ерекшеліктеріне, соның ішінде қорғалған топ мәртебесіне немесе сыртқы келбетіне негізделе отырып, жеке тұлғаға ұзақ уақыт бойы теріс ниетпен тіл тигізетін контентті харассмент деп есептейміз. Бұл қорқыту, қорлау, доксинг немесе ережеге қайшы жанкүйерлікке үгіттеу сияқты зиянды әрекеттерді де қамтиды. Харассментке қатысты саясатымыз туралы толық ақпарат алыңыз.
YouTube саясаттары туралы толық ақпарат алу үшін Қауымдастық қағидаларының толық тізімін қарап шығыңыз.
Өзіңізді қорғауға көмектесетін құралдар
Біз YouTube-тегі авторлардың, орындаушылардың және пайдаланушылардың қауіпсіздігіне мұқият қараймыз. Сол себепті YouTube-ті пайдалану кезінде өзіңізді қауіпсіз сезіну үшін төмендегі тізімнен түрлі құралдарды пайдалануға шақырамыз.
Орынсыз немесе ереже бұзатын контент не пайдаланушылар туралы шағымдану
- Орынсыз немесе ереже бұзатын контент туралы шағымдану
- Құпиялық қағидаларының бұзылғанын хабарлау
- Сіздің немесе арнаңыздың атын жамылу жағдайы туралы хабарлау
Орынсыз немесе ережеге қайшы пікірлерді, контентті немесе пайдаланушыларды блоктау
- Пікір жазушыларды блоктау
- Пікірлердегі нақты сөздерді блоктау
- Тексеруге жіберу үшін пікірлерді жарияламай тұра тұру
- Тікелей эфир чатында басқа көрермендерді блоктау
Аккаунтыңыздың қауіпсіздігін сақтау
- YouTube аккаунтын қорғау
- YouTube арнасын жою немесе жасыру
- YouTube арнасына кіру рұқсатын қосу немесе жоюl
- YouTube Құпиялық қағидалары
Ескертпе: аккаунтыңызға хакерлік әрекет жасалды, зиянкестік жасалды немесе ол бұзылды деген күдігіңіз болса, YouTube аккаунтын қорғау үшін мына қадамдарды орындаңыз.
Интернеттегі қауіпсіздік (тек АҚШ) бойынша сенімді серіктестердің ресурстары
YouTube-те өзіңізді қауіпсіз сезінуге көмектесетін қосымша кеңестер мен бейнелерді көру үшін Авторларға арналған қауіпсіздік орталығына өтіңіз.