Bly veilig op YouTube

Staying Safe on YouTube: Policies and Tools for Creators

YouTube is ’n plek waarheen mense kom om hul stories te deel, opinies uit te druk en interaksie met mekaar te hê. Ons wil seker maak dat skeppers en kykers veilig voel om dit te doen. Terwyl die groot meerderheid van YouTube se skeppers en kykers wil deel, leer en met mekaar in verbinding kom, weet ons dat daar gevalle van misbruik of selfs teistering is. Kom hier onder meer te wete oor die beleide en nutsgoed wat in plek is om jou op YouTube te beskerm.

Skeppers en gebruikers het ook ’n verantwoordelikheid om YouTube ’n veilige en gesonde platform te hou. Kom hier meer te wete oor hoe ons skeppers en gebruikers aanspreeklik hou vir die behoud van hierdie standaarde.

Beleide oor haat en teistering

YouTube het spesifieke beleide om te help om teen haat en teistering te beskerm.

Haatspraak: Hierdie beleid beskerm spesifieke groepe en lede van daardie groepe. Ons beskou inhoud as haatspraak wanneer dit .haat of geweld teen groepe aanmoedig op grond van beskermde kenmerke soos ouderdom, geslag, ras, stand, geloof, seksuele oriëntasie of oudsoldaatstatus. Kom meer te wete oor ons haatspraakbeleid.
Teistering: Hierdie beleid beskerm spesifieke individue. Ons beskou inhoud as teistering wanneer dit ’n individu met verlengde en kwaadwillige beledigings teiken, op grond van intrinsieke kenmerke, insluitend hul beskermde groepstatus of fisiese kenmerke. Dit sluit ook skadelike gedrag soos dreigemente, afknouery, nasnuffeling (doxxing) en aanmoediging van beledigende aanhangergedrag in. Kom meer te wete oor ons teisteringbeleid.

Gaan kyk na ons volledige lys gemeenskapsriglyne om meer te wete te kom oor YouTube se beleide.

Nutsgoed om jouself te beskerm

Ons maak erns met die beskerming van skeppers, kunstenaars en gebruikers op YouTube. Dit is hoekom ons jou aanmoedig om die verskeie nutsgoed te gebruik wat hier onder gelys word, om jou te help om veilig te voel terwyl jy YouTube gebruik.

Gee onvanpaste of beledigende inhoud of gebruikers aan

Blokkeer onvanpaste of beledigende opmerkings, inhoud of gebruikers

Hou jou rekening veilig

Let wel: As jy bekommerd is dat jou rekening gekuberkraak, gekaap of in gevaar is, moet jy hierdie stappe volg om Jou YouTube-rekening te beveilig.

Vertroude vennoothulpbronne vir aanlyn veiligheid (Slegs VSA)

Gaan na die Skepperveiligheidsentrum vir wenke en video’s wat jou kan help om veiliger te voel op YouTube.

Was dit behulpsaam?

Hoe kan ons dit verbeter?