YouTube Analytics құралында YouTube-тен түскен табысты және арна көрсеткіштерін көруге болады. Кейбір көрсеткіштер ұқсас болып көрінуі мүмкін, бірақ YouTube жарнамаларынан түскен табысты бағалау үшін олардың ара-жігін ажыратқан маңызды.
RPM
Мың көру санына шаққандағы табыс (RPM) – әр 1000 көру санына шаққанда қанша ақша тапқаныңызды білдіретін көрсеткіш. RPM бірнеше табыс көзіне, соның ішінде жарнамалар, арна мүшеліктері, YouTube Premium-нан түскен табыс, Super Chat және Super Stickers ресурстарына негізделеді.
Неліктен RPM көрсеткіші CPM көрсеткішінен төмен?
- YouTube-тегі табысты бөліскеннен кейінгі тапқан табысыңызды есептейді.
- Барлық көру санын, соның ішінде монетизацияланбайтын көру санын есепке алады.
RPM мен CPM көрсеткіштерінің айырмашылығы қандай?
RPM |
CPM |
|
|
RPM неліктен маңызды?
RPM көрсеткішін қалай арттыруға болады?
- Барлық бейнеде монетизация қосыңыз.
- Бейне ортасында ойналатын жарнамаларды қосыңыз.
- Табысты әртараптандыру үшін балама монетизация функцияларын (мысалы, мүшеліктер, Super Chat) қосыңыз.
Есіңізде болсын, әр функцияның талаптары мен нұсқаулары әртүрлі.
RPM көрсеткішінің артуы мен кемуі нені білдіреді?
RPM табыс туралы қандай ақпарат береді?
RPM – авторларға арналған пайдалы монетизация көрсеткіші. Дегенмен ол табыс туралы толық мәлімет ұсынбайды. Ол қамтымайтын ақпарат төменде берілген:
- тауар сату немесе тауар сөресін пайдаланудан түскен табыс;
- бренд мәмілелері мен демеушіліктен түскен табыс (YouTube BrandConnect-ті қоспағанда).
- YouTube арқылы келген жанама табыс (қызметтер, тілдесу және консультация ақысы).
RPM көрсеткішін талдау арқылы қандай табыс көзі жалпы табысқа көп әсер ететінін түсіне алмайсыз.
Себебі RPM бірнеше көрсеткішті біріктіреді, бірақ табысыңызға көп әсер еткен табыс көзін айқындамайды.
Мысалы, бейнелеріңізді көру саны артқанымен, жарнама олардың бәрінде бірдей қосылмаған болса, RPM көрсеткіші төмендеуі мүмкін. Не болмаса, көру саны айтарлықтай өзгермегенімен, көрермендер арна мүшелігіне тіркеліп жатса, RPM көрсеткіші артуы ықтимал.
RPM көрсеткішіндегі өзгерістерді жақсырақ түсіну үшін YouTube ұсынған түрлі аналитикалық құралдарды қатар пайдаланған жөн.
CPM
1000 рет көрсету құны (CPM) – жарнама берушілер YouTube-те жарнама көрсету үшін қанша ақша жұмсайтынын білдіретін көрсеткіш. YouTube Analytics-те түрлі CPM көрсеткіштері беріледі:
- CPM: жарнаманы 1000 рет көрсету үшін жарнама беруші төлейтін ақы. Жарнаманы көру саны жарнама көрсетілген сайын есептеледі.
- Ойнату негізіндегі CPM: жарнама көрсетілетін бейнелерді 1000 рет ойнату үшін жарнама беруші төлейтін ақы.
CPM мен ойнату негізіндегі CPM айырмашылығы неде?
CPM көрсеткіші неліктен маңызды?
CPM көрсеткіші неге өзгеріп тұрады?
- Жыл мезгілі: жарнама берушілер жыл мезгіліне қарай мөлшерлемені көтеріп/түсіріп тұрады. Мысалы, көптеген жарнама беруші мереке алдында көбірек ақы ұсынады.
- Көрермендер географиясының өзгеруі: жарнама берушілер өз жарнамалары көрсетілетін географиялық аймақтарды басқарады. Түрлі локациялардың жарнама нарығындағы бәсекелестік деңгейі әртүрлі болады, сондықтан географияға байланысты CPM көрсеткіштері де өзгереді. Көру трафигінің басым бөлігі келетін локация өзгерсе, CPM көрсеткіштері де өзгереді. Мысалы, осыған дейін көру трафигі CPM көрсеткіші жоғары аймақтардан келіп, енді CPM көрсеткіші төмен аймақтарға ауысса, CPM көрсеткішінің төмендегенін байқауыңыз мүмкін.
- Қолжетімді форматтар үлесінің өзгеруі: әдетте жарнаманың әр түрі үшін CPM көрсеткіштері бөлек болады. Мысалы, жарнамалық ресурста өткізіп жіберілмейтін жарнамалар көбірек болса, CPM көрсеткіші жоғары болуы мүмкін.
Болжалды табыс және жарнамадан түскен табыс
- Болжалды табыс: барлық табыс түрінен, соның ішінде арна мүшеліктерінен, YouTube Premium жазылымынан және Super Chat функциясынан түскен жиынтық табыс. Бұл көрсеткіш "Табыс" қойындысында беріледі.
- Жарнамадан түскен болжалды табыс: бейнеңіздегі жарнамалардан ғана келген табыс. Бұл көрсеткіш табыс көздері туралы есепте беріледі.
Көру, жарнама көрсету және болжалды пайда түсіретін ойнату саны
- Көру саны: бейнеңіздің неше рет көрілгені.
- Жарнама көрсету саны: бейнеңізде жекелеген жарнамалардың неше рет көрілгені.
- Болжалды пайда түсіретін ойнату саны: бейнеңіздің неше рет жарнамамен көрілгені.
Бейнеңіз 10 рет көріліп, соның 8-інде жарнама көрсетілген болса, көру саны 10, ал болжалды пайда түсіретін ойнату саны 8 болады. Егер сол болжалды пайда түсіретін ойнату әрекеттерінің бірінде 2 жарнама көрсетілген болса, жарнама көрсету саны 9 болады.
YouTube бейнелерінің бәрінде де жарнама көрсетіле бермейді. Төмендегі жағдайларда бейнеге жарнама қосуға болмайды:
- бейне жарнама берушілерге қолайлы болмаса;
- бейне үшін жарнама көрсету опциясы өшірулі болса;
- көрерменге көрсетілетін жарнама жоқ болса. Жарнама берушілер белгілі құрылғылар, тұрғындар тобы және қызығушылықтар бойынша таргетинг жасай алады. Көрерменіңіз сондай таргетинг талаптарына сай келмеуі мүмкін. Бейнежарнамалар үшін қолжетімді таргетинг әдістері туралы толық ақпарат алыңыз.
- Көрермен орналасқан географиялық аймақ, оған соңғы рет жарнама көрсетілгеннен бері өткен уақыт, Premium жазылымының бар-жоғы сияқты көптеген фактор бар.
Соған байланысты, көру саны әдетте болжалды пайда түсіретін ойнату санынан көбірек болады.