Kapag na-on ang feature na DVR ng YouTube, mabibigyang-daan ang iyong mga manonood na mag-pause, mag-rewind, at magpatuloy habang nasa live stream. Kapag ipinagpatuloy ng manonood ang pag-play, magpapatuloy ang live stream kung saan siya nag-pause. Para ma-on ang DVR, sundin ang mga hakbang na ito:
- Pumunta sa YouTube Studio.
- I-click ang Gumawa
Mag-live.
- Magsimulang mag-live stream ngayon mula sa tab na Stream o mag-iskedyul ng live stream mula sa tab na Pamahalaan.
- Mula sa dashboard ng stream, i-click ang I-enable ang DVR.
Mag-live.Mga Limitasyon
Kung magiging masyadong mahaba ang iyong live stream, may limitasyon kung hanggang saan lang makakapag-rewind ang mga manonood mo. Magagawa nilang bumalik nang hanggang 12 oras sa karamihan ng mga device.
- 2 oras para sa mga stream sa Mababang latency at Napakababang latency.
- 4 na oras para sa mga stream sa Normal na latency.
- Mas maiikli ang limitasyon para sa panonood sa Apple TV, Apple AirPlay, o mga mas lumang bersyon ng app
Nalalapat din ang mga limitasyong ito kapag nagpo-pause at nagpapatuloy ang manonood. Hindi mababalikan ng mga manonood ang panahon bago ka mag-live.
Pag-disable ng DVR
Kung pipiliin mong i-disable ang DVR, hindi magagawa ng mga manonood na bumalik habang nagsi-stream ka, pero makikita pa rin ng mga manonood ang recording ng iyong buong stream kapag available na ito. Hindi sinusuportahan ang pag-disable ng DVR para sa streaming sa webcam at mobile.
Kung magbago ka ng iyong isip tungkol sa DVR pagkaraan mong mag-live, puwede ka pa ring mag-enable o mag-disable habang nagla-live stream. Gayunpaman, malalapat lang ang mga pagbabago sa mga manonood na nagsimulang mag-play ng iyong stream pagkatapos mong gawin ang pagbabago.