Para makapag-live stream sa mobile, kakailanganin mo ang mga sumusunod:
- Hindi bababa sa 50 subscriber.
- Walang paghihigpit sa live streaming sa loob ng nakalipas na 90 araw sa iyong channel.
- Para i-verify ang iyong channel.
- Para i-on ang live streaming. Posibleng kailanganin mong maghintay nang 24 na oras bago mo puwedeng simulan ang iyong unang live stream.
- Isang iOS 8+ device.
Kung mahigit 50 at wala pang 1,000 ang iyong mga subscriber
Ipapalabas ang iyong stream sa limitadong bilang ng mga manonood, at magde-default sa pribado ang archive mo pagkatapos ng bawat session. Kapag nakakuha ka na ng 1,000 subscriber, posibleng kailanganin mong maghintay para makakuha ng ganap na access sa mobile live streaming.
Bakit pinaghihigpitan ang aking live stream sa mobile?
Palagi kaming tumutuklas ng mga bagong paraan para magbigay-daan sa mga creator na makagamit ng mas maraming feature habang pinapanatiling ligtas ang aming komunidad. Para makatulong sa mga nagsisimula pa lang na creator, habang pinipigilan ang mga gumagawa ng masama sa pang-aabuso sa mobile live streaming, gumawa kami ng mga pag-iingat para limitahan ang paglaganap ng potensyal na mapaminsalang content.
Bakit pinaghihigpitan ang aking live stream sa mobile?
Pagkatapos mong magkaroon ng 1K subscriber, posibleng tumagal nang ilang linggo para maalis ang mga limitasyon ng mobile live streaming. Dagdag pa rito, kung nabawasan ang iyong bilang ng subscriber sa panahong ito (dahil sa mga regular na pag-unsubscribe, o pag-aalis ng mga spam o isinarang account), posibleng mas tumagal ito.
Kung naging mas mababa sa 1,000 ang mga subscriber ng iyong channel, magkakaroon ka ng parehong mga limitasyon noong wala ka pang 1,000 subscriber. Hindi ka mawawalan ng access sa live streaming sa mobile.
Gumawa at mag-iskedyul ng live stream sa mobile
- Sa iyong telepono o tablet, buksan ang YouTube app.
- Sa ibaba, i-tap ang Gumawa
Mag-live.
- Para sa iyong unang live stream sa mobile: Posibleng abutin nang hanggang 24 na oras ang pagsisimula ng una mong live stream. Kapag pinayagan na, puwede ka nang mag-live stream kaagad.
- Sundin ang mga hakbang para gumawa ng live stream.
- Para sa mga user na 13 hanggang 17 taong gulang sa YouTube, nakatakda sa hindi nakalista ang inyong default na setting ng privacy ng live stream sa mobile. Kung 18 taong gulang o mas matanda ka na, nakatakda sa pampubliko ang iyong default na setting ng privacy ng live stream sa mobile. Puwede mong baguhin ang setting na ito para gawing pampubliko, pribado, o hindi nakalista ang kanilang live stream.
- Para mag-iskedyul para sa ibang pagkakataon, i-tap ang Higit pang opsyon.
- Para magtakda ng mga opsyon para sa live chat, paghihigpit sa edad, pag-monetize, at higit pa, i-tap ang Higit pang opsyon
Magpakita pa. Pagkatapos ay i-tap ang Susunod.
- Para i-stream ang screen ng iyong telepono, i-tap ang Gumawa ng channel
Ibahagi ang screen
.
- I-tap ang Mag-live.
- Para tapusin ang iyong stream, i-tap ang Tapusin. Magkakaroon ng archive ng stream sa iyong channel. Puwede mong i-edit ang setting ng privacy o i-delete ang archive anumang oras.
Magsimula ng nakaiskedyul na live stream sa mobile
- Sa iyong telepono o tablet, buksan ang YouTube app.
- I-tap ang Gumawa
Mag-live.
- I-tap ang Kalendaryo
Piliin ang iyong live stream.
Tandaan: Puwede kang mag-delete ng mga nakaiskedyul na live stream sa pamamagitan ng pagpindot sa button na i-delete. - I-tap ang Mag-live.
Mag-live stream ng app gamit ang iOS ReplayKit
Kapag gumagamit ng sinusuportahang app gaya ng Procreate, Asphalt 8: Airborne, o Mobile Legends: Bang bang, puwede kang mag-stream nang direkta sa YouTube. Para simulang mag-stream:
- Buksan ang app na gusto mong i-stream.
- Buksan ang Menu para sa live streaming, at piliin ang YouTube.
- Sundin ang mga hakbang para i-set up iyong stream.
- I-tap ang Mag-live.
Tandaan: Para mag-live stream gamit ang ReplayKit, kailangan mo ng device na gumagamit ng iOS 10.2+.