Tumia makala haya ili upate maelezo kuhusu jinsi ya kuangalia hali ya uchumaji wa mapato ya video yako na uelewe maana ya kila aikoni ya uchumaji wa mapato. Unaweza pia kupata maelezo kuhusu maana ya aikoni ya uchumaji wa mapato iliyo karibu na video yako inapobadilika.
Kumbuka: Uwezo wako wa kuchuma mapato kwenye video unategemea vigezo kadhaa, ikiwa ni pamoja na madai ya hakimiliki, ugavi wa mapato na ufaafu wa video kwa watangazaji. Ili upate maelezo zaidi, jifunze jinsi ya kupakia video ili uchume mapato kupitia matangazo.
Kuangalia hali ya uchumaji wa mapato kwenye video
Ili uangalie hali ya uchumaji wa mapato ya video yako:
- Ingia katika Studio ya YouTube.
- Katika menyu ya kushoto, chagua Maudhui
.
- Katika safu wima ya Uchumaji wa mapato, unaweza kupata aikoni za uchumaji wa mapato. Ili upate maelezo kuhusu maana ya kila aikoni, unaweza kuwekelea kiashiria juu yake.
.Ili uchuje orodha ya video zako kulingana na hali ya uchumaji wa mapato:
- Bofya menyu ya kuchuja
Uchumaji wa mapato.
- Ili uonyeshe video zenye aikoni za kijani, chagua Zinazochuma mapato. Ili uonyeshe video zenye aikoni za kijivu na nyekundu, chagua Zisizochuma mapato. Ili uonyeshe video zenye aikoni za njano, chagua Chache.
- Bofya TUMIA.
Uchumaji wa mapato.Mwongozo wa aikoni ya uchumaji wa mapato
Tumia jedwali hili kujifunza maana ya kila aikoni ya uchumaji wa mapato.
| Aikoni na maelezo |
Wakati aikoni inaonyesha |
Maana ya aikoni kwa hali ya uchumaji wa mapato ya video yako | Vidokezo kuhusu hali hii ya uchumaji wa mapato |
|---|---|---|---|
 Inakagua |
Aikoni hii huonyeshwa karibu na video wakati mifumo yetu inakagua video ili kubaini ufaafu wa kuwekwa matangazo. | Wakati ukaguzi wa kubaini ufaafu wa kuwekwa matangazo unaendelea, hatuonyeshi matangazo kwenye video yako. |
Mifumo yetu hukagua ufaafu wa kuwekwa matangazo wakati wa mchakato wa upakiaji. Ukaguzi huu kwa kawaida huchukua chini ya dakika 20 na hauzidi saa 1. Ukaguzi ukikamilika, rangi ya aikoni hubadilika na kuwa kijani, njano au nyekundu. Ili uboreshe uwezo wa kuchuma mapato, tunapendekeza usubiri ukaguzi ukamilike kabla ya kufanya video yako iwe ya umma. |
| Aikoni hii huonyeshwa karibu na video wakati imetii mwongozo wetu wa maudhui yanayofaa watangazaji. | Video inatimiza masharti ya kuonyesha matangazo mengi. | Kumbuka kuwa huenda usipokee mapato yote ya matangazo kwenye video. Wakati mwingine, mapato yako yanaweza kuzuiwa kwa muda kwa sababu ya mzozo wa hakimiliki au chanzo cha hadhira kisicho sahihi. | |
| Aikoni hii huonyeshwa karibu na video wakati hadhira yake imebainishwa kuwa inalenga watoto. | Video hii imetimiza masharti ya matangazo ambayo hayawekewi mapendeleo pekee. | - | |
| Aikoni hii huonyeshwa wakati umepakia video ya toleo lingine la wimbo na mchapishaji wa muziki adai video hiyo. Hapo awali mchapishaji huyu wa muziki alikubali kugawana mapato na watayarishi walio kwenye Mpango wa Washirika wa YouTube wanaotayarisha matoleo mengine ya wimbo. | Video hiyo inagawana mapato na mwenye hakimiliki za muziki. Unapata sehemu tu ya mapato, lakini si mapato yote kwa video hii. | Pata maelezo zaidi kuhusu ugavi wa mapato pamoja na uchumaji wa mapato katika video za matoleo mengine ya nyimbo zinazotimiza masharti. | |
| Aikoni hii huonyeshwa karibu na video mapato yanaposhikiliwa kando wakati mchakato wa kupinga dai la Content ID unaendelea. | Baada ya mzozo wa Content ID kutatuliwa, huwa tunalipa mapato hayo kwa mhusika anayefaa. | Ikiwa maelezo ya hali yanasema “Madai ya hakimiliki”: Hii inamaanisha tulibaini kuwa video ina maudhui yenye hakimiliki na mwenye hakimiliki anakagua rufaa au mzozo wako. Pata maelezo zaidi kuhusu uchumaji wa mapato wakati wa kupinga madai ya Content ID. | |
| Aikoni hii huonyeshwa karibu na video wakati video haijatimiza masharti yote kwa mujibu wa mwongozo wetu wa maudhui yanayofaa watangazaji. | Chapa zinaweza kuchagua kujiondoa kwenye maudhui ambayo hayajatimiza masharti kwa mujibu wa mwongozo wetu wa maudhui yanayofaa watangazaji. Kwa hivyo, video inaweza kuchuma mapato machache ikilinganishwa na maudhui yanayofaa watangazaji. |
Ikiwa maelezo ya hali yanaonyesha “Ufaafu wa kuwekwa matangazo”: Maelezo haya yanamaanisha kuwa mifumo yetu ya kiotomatiki ilitathmini video hii. Unaweza kuomba ukaguzi, kumaanisha kuwa mtaalamu wa sera atakagua video tena na iwapo itafaa, anaweza kubadilisha hali ya uchumaji wa mapato ya video. Ikiwa maelezo ya hali yanaonyesha “Ufaafu wa kuwekwa matangazo - Inakaguliwa”: Maelezo haya yanamaanisha kuwa mtaalamu wa sera anakagua video. Mtaalamu anaweza kudumisha au kubadilisha hali ya uchumaji wa mapato na uamuzi wake ni wa mwisho. Ikiwa maelezo ya hali yanaonyesha “Ufaafu wa kuwekwa matangazo - Imethibitishwa kupitia ukaguzi”: Maelezo haya yanamaanisha kuwa wataalamu wetu wa sera walikagua video na wanaamini kuwa haitii mwongozo wetu wa maudhui yanayofaa watangazaji. Hali ya aikoni ya njano haiwezi kubadilishwa. Kumbuka: Ikiwa video ina chanzo cha hadhira kisicho sahihi, haitasababisha aikoni ya njano. Aikoni za njano zinatumika tu kwenye video kulingana na mwongozo wetu wa maudhui yanayofaa watangazaji. |
|
 Haitimizi masharti |
Mara nyingi, aikoni hii huonyeshwa karibu na video wakati kuna madai ya hakimiliki kwenye video. | Video haiwezi kuwekewa mipangilio ya kuchuma mapato. | Ikiwa maelezo ya hali yanasema “Hakimiliki”: Maelezo haya yanamaanisha kuwa mwenye haki amedai video yako kwa kutumia Content ID au amewasilisha ombi la kuondoa video kwa kukiuka hakimiliki ambalo ni kamili na halali. Hali hii hutokea wakati video yako imetumia kazi inayolindwa kwa hakimiliki bila kupata idhini. Kwa hivyo, huchumi tena mapato kwenye video. |
 Imezimwa |
Kwa matangazo ya Ukurasa wa Kutazama, aikoni hii inamaanisha umechagua kutowasha kipengele cha uchumaji wa mapato ya video. Ukipata aikoni hii kwenye Video zako Fupi, inaamanisha kwamba hujakubali Sehemu ya Uchumaji Mapato katika Video Fupi katika Studio ya YouTube. | Video hii haijawasha mipangilio ya kuchuma mapato. | Ikiwa maelezo ya hali yanasema “Hakimiliki”: Hii inamaanisha kuwa mtu mwingine ana hakimiliki ya maudhui yaliyo kwenye video yako. Matangazo yanaonyeshwa na mapato yanatumwa kwa mwenye hakimiliki. Habari njema ni kwamba mwenye hakimiliki anaweza kuchagua kugawana mapato nawe. Ikiwa utabadilisha hali ya uchumaji wa mapato iwe “imewashwa,” utapata sehemu ya mapato kwa video hii. |
Sababu inayoweza kufanya aikoni ya uchumaji wa mapato ibadilike rangi kutoka ya kijani kuwa njano
Wakati mwingine aikoni ya uchumaji wa mapato kwenye video hubadilika kutoka rangi ya kijani 
Unachoweza kufanya kuhusu mabadiliko ya aikoni
Kabla ya kuchapisha video yako kuwa ya umma
Wakati wa mchakato wa kupakia, tunapendekeza upakie video yako katika hali ya haijaorodheshwa au ya faragha mapema iwezekanavyo ili kuhakikisha video yako inachapishwa kwa wakati unaofaa baada ya mchakato wa kukagua ufaafu wa kuwekwa matangazo kukamilika.
Baada ya kuchapisha video yako
Hali ya uchumaji wa mapato kwenye video yako inaweza kubadilika baada ya kuipakia, lakini kwa kawaida huwa thabiti ndani ya saa 24. Kumbuka kuwa katika hali fulani, hali ya uchumaji wa mapato inaweza kubadilika hata baada ya saa 24 kulingana na jinsi watazamaji wanavyotagusana na video yako.
Ikiwa unafikiri kuwa aikoni ya manjano iliyo kwenye video yako imewekwa kimakosa, unaweza kuomba uhakiki ufanywe na binadamu. Baada ya mtaalamu wa sera kukagua video na kufanya uamuzi wa mwisho, aikoni ya uchumaji wa mapato haipaswi kubadilika.