Авторлық құқық иесі өзінің авторлық құқығы қорғалған контентінің YouTube-те рұқсатсыз жарияланғанын анықтаса, авторлық құқықты бұзған контентті жою туралы сұрау жібере алады.
Осы процесс кезінде ол авторлық құқықпен қорғалған контентті жоюды жоспарлау опциясын таңдай алады. Яғни YouTube жою туралы сұрауды растағаннан кейін, жүктеп салушыға арнасына авторлық құқықтың бұзылғаны туралы ескерту жіберілгенге дейін әрекет ету үшін 7 күн уақыт беріледі. Осы 7 күндік мерзімде жүктеп салушылар орындай алатын бірнеше әрекет:
- Бейнені жою: жүктеп салушы 7 күндік мерзім аяқталарға дейін YouTube-тен бейнесін өшірсе, оның арнасына авторлық құқықтың бұзылғаны туралы ескерту салынбайды.
- 7 күндік мерзім аяқталған соң, бейнені өшіру авторлық құқықтың бұзылғаны туралы ескерту мәселесін шешпейді.
- Өтініш берушіге хабарласу: жүктеп салушы жою туралы сұрауды жіберген адаммен байланысып, авторлық құқықты бұзған контентті жою туралы сұрауды қайтарып алуды өтіне алады.
- Апелляция жіберуді тоқтату: жоспарланған жою туралы сұрау жүктеп салушының Content ID шағымын апелляциялау нәтижесі болса, жүктеп салушы 7 күндік мерзімде апелляция жіберуден бас тарта алады.
- Жүктеп салушы бас тарта отырып, контентінің өшірілуіне жол бермейді және арнасы авторлық құқықтың бұзылғаны туралы ескерту алмайды. Дегенмен Content ID шағымының бейнеге қатысты күші болады. Авторлық құқықты бұзған контентті жою туралы сұрау мен Content ID шағымының айырмашылығы туралы толық ақпарат алыңыз.
- Ештеңе істемеу: жүктеп салушы 7 күндік мерзімнен кейін жою туралы сұраудың күшіне енгенін күте алады. Мұндайда контент YouTube-тен өшіріледі және жүктеп салушының арнасына авторлық құқықтың бұзылғаны туралы ескерту қолданылады. Содан соң жүктеп салушы авторлық құқықтың бұзылғаны туралы ескертуді шешуді және оның жолдарын таңдай алады.
- Контентке бірнеше Content ID шағымы немесе жою туралы сұрау қолданылуы мүмкін, бірақ бір уақытта авторлық құқықтың бұзылғаны туралы тек бір ескерту беріледі.
Мұндайда жүктеп салушы бейненің өшірілуі қате деп есептесе, қарсы хабарландыру жібере алады. Авторлық құқықты бұзған контентті жою туралы сұрау жөнінде толық ақпарат алыңыз.