თუ საავტორო უფლებების მფლობელი აღმოაჩენს თავისი საავტორო უფლებებით დაცულ, უნებართვოდ გამოყენებულ კონტენტს YouTube-ზე, მას შეუძლია საავტორო უფლებების დარღვევის გამო ვიდეოს წაშლის მოთხოვნის წარდგენა.
ამ პროცესის ფარგლებში, მას შეუძლია აირჩიოს საავტორო უფლებებით დაცული კონტენტის წაშლის დაგეგმვის ვარიანტი. ეს იმას ნიშნავს, რომ YouTube-ის მიერ წაშლის მოთხოვნის დადასტურების შემდეგ, ამტვირთავს ეძლევა 7 დღე, რომ იმოქმედოს, სანამ საავტორო უფლებების დარღვევასთან დაკავშირებულ გაფრთხილებას მიიღებს მისი არხი. 7-დღიანი პერიოდის განმავლობაში ამტვირთავს შეუძლია რამდენიმე გზის არჩევა:
- ვიდეოს წაშლა: თუ ამტვირთავი ვიდეოს YouTube-იდან წაშლის 7-დღიანი პერიოდის დასრულებამდე, მისი არხი აღარ მიიღებს საავტორო უფლებების დარღვევასთან დაკავშირებულ გაფრთხილებას.
- 7-დღიანი პერიოდის დასრულების შემდეგ ვიდეოს წაშლით საავტორო უფლებების დარღვევასთან დაკავშირებული გაფრთხილების პრობლემა არ მოგვარდება.
- მოსარჩელესთან დაკავშირება: ამტვირთავს შეუძლია დაუკავშირდეს პირს, რომელმაც კონტენტის წაშლის შესახებ განაცხადი შეიტანა (მოსარჩელე) და სთხოვოს მას, გაიწვიოს საავტორო უფლებების დარღვევის გამო ვიდეოს წაშლის მოთხოვნა.
- აპელაციის გაუქმება: თუ დაგეგმილი წაშლის მოთხოვნა გამოწვეული იყო ამტვირთავის მიერ კონტენტის ID-სთან დაკავშირებული პრეტენზიის აპელაციასთან, ამტვირთავს შეუძლია აპელაციის გაუქმება 7-დღიან პერიოდში.
- გაუქმებით ამტვირთავი თავიდან იცილებს კონტენტის წაშლის საფრთხეს. ასეთ შემთხვევაში არც მისი არხი მიიღებს საავტორო უფლებების დარღვევასთან დაკავშირებულ გაფრთხილებას. ამის მიუხედავად, კონტენტის ID-სთან დაკავშირებული პრეტენზია მაინც აქტიური დარჩება ვიდეოსთან მიმართებაში. შეიტყვეთ მეტი საავტორო უფლებების დარღვევის გამო ვიდეოს წაშლის მოთხოვნასა და კონტენტის ID-სთან დაკავშირებულ პრეტენზიას შორის სხვაობის შესახებ.
- რეაგირებისგან თავის შეკავება: ამტვირთავს შეუძლია მოიცადოს, სანამ ამოშლის მოთხოვნა ძალაში შევა 7-დღიანი პერიოდის გასვლის შემდეგ. ამის შემდეგ კონტენტი წაიშლება YouTube-იდან, ხოლო ამტვირთავის არხი საავტორო უფლებების დარღვევასთან დაკავშირებულ გაფრთხილებას მიიღებს. ამტვირთავს მოუწევს, აირჩიოს საავტორო უფლებების დარღვევასთან დაკავშირებული გაფრთხილების მოგვარების გზა.
- კონტენტზე, შესაძლოა, კონტენტის ID-სთან დაკავშირებული რამდენიმე პრეტენზია ან ამოშლის მოთხოვნა იყოს შესული, მაგრამ საავტორო უფლებების დარღვევასთან დაკავშირებით ერთდროულად მხოლოდ ერთი გაფრთხილებაა შესაძლებელი.
იმ შემთხვევაში, თუ ამტვირთავი ფიქრობს, რომ მისი ვიდეო შეცდომით წაიშალა, მას შეუძლია საპასუხო უწყების გაგზავნა. შეიტყვეთ მეტი საავტორო უფლებების დარღვევის გამო ვიდეოს წაშლის მოთხოვნასთან დაკავშირებული პროცესის შესახებ.