ປ່ຽນຄຸນນະພາບຂອງວິດີໂອທ່ານ

ເພື່ອມອບປະສົບການການເບິ່ງທີ່ດີທີ່ສຸດໃຫ້ທ່ານ, YouTube ຈະປ່ຽນຄຸນນະພາບວິດີໂອສະຕຣີມຂອງທ່ານໂດຍອ້າງອີງຈາກເງື່ອນໄຂການເບິ່ງຂອງທ່ານ. ເງື່ອນໄຂເຫຼົ່ານີ້ເປັນສາເຫດທີ່ທ່ານສັງເກດເຫັນວ່າຄຸນນະພາບວິດີໂອຂອງທ່ານປ່ຽນໄປເມື່ອທ່ານເບິ່ງວິດີໂອ.

ປັດໄຈບາງຢ່າງທີ່ສົ່ງຜົນຕໍ່ຄຸນນະພາບວິດີໂອມີດັ່ງນີ້:

• ຄວາມໄວໃນການເຊື່ອມຕໍ່ອິນເຕີເນັດຂອງທ່ານ.
• ເຄື່ອງຫຼິ້ນວິດີໂອ/ຂະໜາດໜ້າຈໍ: ໂດຍທົ່ວໄປແລ້ວ, ວິດີໂອທີ່ມີຄຸນນະພາບສູງຈະຫຼິ້ນຢູ່ໜ້າຈໍຂະໜາດໃຫຍ່ໄດ້ດີກວ່າ.
• ຄຸນນະພາບຂອງວິດີໂອຕົ້ນສະບັບທີ່ອັບໂຫຼດ: ຫາກມີການບັນທຶກວິດີໂອດ້ວຍຄວາມລະອຽດມາດຕະຖານ, ວິດີໂອນັ້ນຈະບໍ່ສາມາດຫຼິ້ນໃນຮູບແບບຄວາມລະອຽດສູງໄດ້.
• ໂປຣແກຣມທ່ອງເວັບຂອງທ່ານ: ບາງໂປຣແກຣມທ່ອງເວັບບໍ່ຮອງຮັບ ຮູບແບບວິດີໂອ ຫຼື ຕົວເລືອກຄຸນນະພາບເວີຊັນທີ່ໃໝ່ກວ່າ.

ໝາຍເຫດ: ດ້ວຍ YouTube Premium, ທ່ານສາມາດເບິ່ງວິດີໂອໃນຄວາມລະອຽດ 1080p Premium ຢູ່ໂທລະສັບ ແລະ ແທັບເລັດຂອງ Apple ໄດ້. ສະໝັກເປັນສະມາຊິກ YouTube Premium ຫຼື ສຶກສາເພີ່ມເຕີມກ່ຽວກັບສິດທິປະໂຫຍດ YouTube Premium.

ປ່ຽນຄຸນນະພາບວິດີໂອ

ທ່ານສາມາດປ່ຽນຄຸນນະພາບວິດີໂອຂອງວິດີໂອທີ່ກໍາລັງເບິ່ງຢູ່ຄອມພິວເຕີ, ໂທລະທັດ ຫຼື ອຸປະກອນມືຖືໄດ້ດ້ວຍຕົນເອງ.

ວິທີປ່ຽນຄຸນນະພາບຂອງວິດີໂອທີ່ທ່ານກໍາລັງເບິ່ງ

ຕິດຕາມ ຊ່ອງຜູ້ຊົມ YouTube ສຳລັບຂ່າວຫຼ້າສຸດ, ຂໍ້ມູນອັບເດດ ແລະ ເຄັດລັບຕ່າງໆ.

ປ່ຽນຄຸນນະພາບວິດີໂອຢູ່ໂທລະທັດຂອງທ່ານ:

1. ໃນເຄື່ອງຫຼິ້ນວິດີໂອ, ໃຫ້ເລືອກ ການຕັ້ງຄ່າ .
2. ເລືອກ ຄຸນນະພາບ.
3. ເລືອກຄຸນນະພາບວິດີໂອທີ່ທ່ານຕ້ອງການ.

ໝາຍເຫດ: ວິດີໂອຄຸນນະພາບສູງບາງຮູບແບບ (ຕົວຢ່າງ: 1080p, 4K) ອາດບໍ່ສາມາດຫຼິ້ນໄດ້ໃນບາງອຸປະກອນ, ເນື່ອງຈາກອຸປະກອນເຫຼົ່ານັ້ນອາດບໍ່ຮອງຮັບເທັກໂນໂລຢີການບີບອັດຂໍ້ມູນວິດີໂອຮຸ່ນຫຼ້າສຸດ (VP9).

ເພື່ອປ່ຽນຄຸນນະພາບວິດີໂອໃນຂະນະທີ່ກຳລັງເບິ່ງຢູ່ຄອມພິວເຕີຂອງທ່ານ:

1. ໃນຕົວຫຼິ້ນວິດີໂອ, ໃຫ້ເລືອກ ການຕັ້ງຄ່າ .
2. ຄລິກ ຄຸນນະພາບ.
3. ເລືອກຄຸນນະພາບວິດີໂອທີ່ທ່ານຕ້ອງການ.