Muktadha wa mada kwenye kidirisha cha maelezo

Kumbuka: Kama njia ya kushughulikia Ugonjwa wa Virusi vya Korona 2019 (COVID-19), unaweza kuona vidirisha vya maelezo vilivyo na viungo vya kupata maelezo zaidi kuhusu COVID-19 au maelezo ya chanjo ya COVID-19. Katika baadhi ya maeneo, utaona maelezo ya COVID-19 au ya chanjo ya COVID-19 katika lugha za maeneo hayo pamoja na viungo vya kuelekeza kwenye nyenzo za eneo husika, kama vile wizara za afya na vituo vya kudhibiti magonjwa.

Unapotafuta au kutazama video zinazohusiana na mada ambazo ni rahisi kuwa na maelezo ya kupotosha, kama vile kutua kwenye mwezi, unaweza kuona kidirisha cha maelezo katika sehemu ya juu ya matokeo ya utafutaji au chini ya video unayotazama.

Vidirisha vya maelezo huonyesha maelezo ya msingi, yaliyotolewa kwa washirika wengine huru ili kutoa muktadha zaidi kuhusu mada. Iwapo ungependa kupata maelezo zaidi, vidirisha pia vinaunganisha kwenye tovuti za washirika wengine.

Vidirisha hivi vya maelezo vitaonekana bila kujali maoni au mitazamo iliyo kwenye video.

Huenda vidirisha vya maelezo visipatikane katika nchi au maeneo yote na kwa lugha zote. Tunajitahidi kuweka vidirisha vya maelezo katika nchi au maeneo zaidi.

Vidirisha hivi vya maelezo havitumiwi katika uamuzi wowote kuhusu uchumaji wa mapato. Pata maelezo zaidi kuhusu Mwongozo wetu wa Maudhui Yanayofaa Watangazaji.

Maoni

YouTube haiidhinishi au kutunga maelezo yoyote yanayoonyeshwa katika vidirisha vya maelezo kwenye YouTube. Iwapo hukubaliani na maelezo katika makala fulani, tafadhali wasiliana na mmiliki wa tovuti iliyochapisha makala hayo. Ukiona kidirisha cha maelezo kinachokiuka Mwongozo wa Jumuiya yetu, tutumie maoni.