இசை உள்ள ஒரு வீடியோவை நீங்கள் பார்க்கும்போது வீடியோவின் விளக்கத்தில் “இசை” என்ற பிரிவு இருக்கக்கூடும். பாடல், கலைஞரின் பெயர்கள் போன்ற வீடியோவிலுள்ள இசை தொடர்பான தகவல்கள் இந்தப் பிரிவில் இருக்கும்.
பின்வரும் சூழல்களில் இந்தத் தகவல்களைச் சில வீடியோக்களுக்கு YouTube தானாகவே சேர்க்கும்:
- Content ID போன்ற YouTubeன் பதிப்புரிமை நிர்வாகக் கருவிகளில் ஏதேனுமொன்றின் மூலம் உரிமைகோரப்பட்ட வீடியோக்கள்.
- YouTube ஆடியோ லைப்ரரியில் உள்ள இசையைக் கொண்டுள்ள வீடியோக்கள்.
பொதுவான கேள்விகள்
“இசை" பிரிவில் ஏன் சில தகவல்கள் இல்லை?
“இசை” பிரிவில் தகவல்கள் இல்லை என்றாலோ அதிலுள்ள தகவல்களில் பிழை இருந்தாலோ உங்கள் லேபிளையோ விநியோகஸ்தரையோ தொடர்புகொள்ளுங்கள். சரியான தகவல்கள் கொண்ட தரவுத்தகவல் புதுப்பிப்பை அவர்கள் அனுப்பலாம்.
எங்களிடம் உள்ள தகவல்களின் தரம் மற்றும் துல்லியத்தன்மையை மேம்படுத்தவும் கூடுதல் தகவல்களைச் சேர்க்கவும் இசைத் துறைக் கூட்டாளர்களுடன் தொடர்ந்து நாங்கள் பணியாற்றி வருகிறோம்.
பல பாடல்களைக் கொண்ட வீடியோக்களில் முதல் பத்து பாடல்கள் பற்றிய தகவல்கள் “இசை” பிரிவின் கீழ் தோன்றும்.
வீடியோவில் எனது பாடல் இடம்பெற்று, அதுகுறித்த தகவல்கள் “இசை” பிரிவில் இல்லையெனில் என்ன செய்வது?
பின்வருபவை உட்பட பல்வேறு காரணங்களுக்காக “இசை” பிரிவு காட்டப்படாது:
- பதிப்புரிமையாளரிடமிருந்து YouTubeக்குப் போதுமான தகவல்கள் கிடைக்காமல் இருந்தால்.
- இதுவரை உங்கள் இசை அடையாளம் காணப்படாமல் இருந்தால்.
- சமீபத்தில் அந்த வீடியோ உரிமைகோரப்பட்டு அதுகுறித்த தகவல்கள் இன்னும் நிரப்பப்படாமல் இருந்தால்.
- வீடியோ “சிறுவர்களுக்காக உருவாக்கப்பட்டது” எனக் குறிப்பிட்டிருந்தால்.
எனது பாடல் இடம்பெற்று, அதில் பங்களித்தவர்களின் பெயர்கள் அல்லது ஆல்பம் ஆர்ட் தவறாக இருந்தால் என்ன செய்வது?
நீங்கள் இசையமைப்பாளராகவோ பாடலாசிரியராகவோ இருந்து உங்கள் பாடல் தவறான அல்லது முழுமையடையாத தகவல்களுடன் அடையாளம் காணப்பட்டால், நீங்களும் உங்கள் பாடல்களும் ISNI அங்கீகாரத்துடன் பதிவுசெய்துள்ளதை உறுதிப்படுத்திக்கொள்ளவும். உங்களையும் உங்கள் இசையையும் குறிப்பிட எங்களிடம் சிறந்த தகவல்கள் உள்ளனவா என்பதை உறுதிசெய்வதற்கு இதுபோன்ற பதிவுசெய்தல் உதவலாம்.