Kapag nanonood ka ng video na naglalaman ng musika, posibleng may seksyon sa paglalarawan ng video na tinatawag na “Musika.” Nagpapakita ang seksyong ito ng impormasyon tungkol sa musikang naririnig sa video, tulad ng mga pamagat ng kanta at pangalan ng artist.
Awtomatikong idinaragdag ng YouTube ang impormasyong ito sa ilang video kapag:
- Na-claim ang mga video ng isa sa mga tool sa pag-manage ng copyright ng YouTube, tulad ng Content ID.
- Naglalaman ang mga video ng musika mula sa Audio Library ng YouTube.
Mga FAQ
Bakit may ilang impormasyong wala sa seksyong “Musika"?
Kung wala o may error ang impormasyon sa seksyong “Musika,” makipag-ugnayan sa iyong label o distributor. Puwede silang magpadala sa amin ng update sa metadata na naglalaman ng tamang impormasyon.
Patuloy kaming nakikipagtulungan sa aming mga partner sa industriya ng musika para makapagdagdag ng higit pang data at mapahusay ang kalidad at katumpakan ng impormasyong mayroon kami.
Para sa mga video na naglalaman ng maraming kanta, lalabas ang impormasyon tungkol sa unang sampung kanta sa ilalim ng seksyong “Musika.”
Paano kung marinig ko ang aking kanta sa isang video, pero hindi ko makita ang impormasyon ng “Musika”?
Puwedeng hindi lumabas ang seksyong “Musika" dahil sa iba't ibang dahilan, kabilang ang mga sumusunod:
- Hindi sapat ang data na mayroon ang YouTube mula sa may-ari ng copyright.
- Hindi pa natutukoy ang musika mo.
- Kamakailan lang na-claim ang video at hindi pa na-populate ang impormasyon nito.
- Minarkahan ang video bilang “para sa bata.”
Paano kung nakalista ang aking kanta, pero mali ang mga credit ng kanta o album art?
Kung isa kang recording artist o songwriter at tinukoy ang iyong kanta sa pamamagitan ng mali o hindi kumpletong impormasyon, pakitiyak na nakarehistro ka at ang kanta mo sa ISNI Authority. Makakatulong sa amin ang pagpaparehistro na kumpirmahing hawak namin ang data na may pinakamataas na kalidad para kumatawan sa iyo at sa musika mo.