Gumamit ng awtomatikong pag-caption

Magandang paraan ang mga caption para ma-access ng mga manonood ang content. Puwedeng gumamit ang YouTube ng teknolohiya ng pagkilala sa speech para awtomatikong gumawa ng mga caption para sa iyong mga video.

Tandaan: Ang mga awtomatikong caption na ito ay binubuo ng mga machine learning algorithm, kaya posibleng mag-iba-iba ang kalidad ng mga caption. Hinihikayat namin ang mga creator na magdagdag muna ng mga propesyonal na caption. Patuloy na pinapahusay ng YouTube ang teknolohiya nito ng pagkilala sa speech. Gayunpaman, puwedeng magkamali sa mga awtomatikong caption ng binibigkas na content dahil sa mga maling pagbigkas, accent, dayalekto, o ingay sa background. Dapat mong suriin palagi ang mga awtomatikong caption at i-edit ang anumang bahaging hindi na-transcribe nang maayos.

Mga awtomatikong caption sa mga long-form video at Shorts

Available ang mga awtomatikong caption sa Arabic, Dutch, English, French, German, Hebrew, Hindi, Indonesian, Italian, Japanese, Korean, Portuguese, Russian, Spanish, Turkish, Ukrainian, at Vietnamese. Kung maraming audio track ng wika sa isang video, lalabas ang mga awtomatikong caption sa default na wika.

Hinihikayat namin ang mga creator na magdagdag muna ng mga propesyonal na caption. Kung available ang mga awtomatikong caption, awtomatikong mapa-publish ang mga ito sa video. Posibleng hindi pa handa ang mga awtomatikong caption sa oras na mag-upload ka ng video. Nakadepende ang tagal ng pagproseso sa pagiging kumplikado ng audio ng video.

Patuloy na pinapahusay ng YouTube ang teknolohiya nito ng pagkilala sa speech. Pero puwedeng magkamali sa mga awtomatikong caption ng binibigkas na content dahil sa mga maling pagbigkas, accent, dayalekto, o ingay sa background. Palaging suriin ang mga awtomatikong caption at i-edit ang anumang bahaging hindi na-transcribe nang maayos.

Ganito mo masusuri at mababago, kung kinakailangan, ang mga awtomatikong caption:

1. Mag-sign in sa YouTube Studio.
2. Mula sa kaliwang menu, piliin ang Mga Subtitle.
3. I-click ang video na gusto mong lagyan ng mga caption o subtitle.
4. Sa ilalim ng “Mga Subtitle”, i-click ang Higit pa  sa tabi ng mga subtitle na gusto mong i-edit.
5. Suriin ang mga awtomatikong caption at i-edit o alisin ang anumang bahaging hindi na-transcribe nang maayos.

Mag-troubleshoot ng mga isyu sa mga awtomatikong caption

Kung hindi bumubuo ng mga awtomatikong caption ang iyong video, puwedeng dahil ito sa isa o higit pa sa mga sumusunod na dahilan:

• Hindi pa available ang mga caption dahil sa pagpoproseso ng kumplikadong audio sa video.
• Hindi sinusuportahan ng mga awtomatikong caption ang wika sa video.
• Masyadong mahaba ang video.
• Hindi maganda ang kalidad ng tunog ng video o hindi nakikilala ng YouTube ang pananalita.
• May matagal na katahimikan sa simula ng video.
• Marami ang nagsasalita kung saan nagsasapawan ang mga sinasabi nila o maraming wika ang ginagamit nang sabay-sabay.

Mga awtomatikong caption sa mga live-stream na video

Tandaan: Sa English lang available ang mga awtomatikong caption para sa mga live stream. Mao-on lang ang mga awtomatikong caption para sa mga indibidwal na live stream, hindi sa buong channel.

Kasalukuyang inilulunsad ang mga awtomatikong caption para sa mga live stream sa mga English na channel. Nagsi-stream ang mga channel na ito sa "normal na latency," at hindi available ang mga propesyonal na caption sa mga ito. Hinihikayat namin ang mga creator na gumamit muna ng mga propesyonal na caption. Alamin ang tungkol sa mga kinakailangan sa instant caption.

Kapag tapos na ang live stream, hindi mananatili sa video ang mga live na awtomatikong caption. May mga mabubuong bagong awtomatikong caption batay sa proseso ng VOD, at posibleng maiba ang mga ito sa mga caption na lumabas sa live stream.

Mag-set up ng mga live na awtomatikong caption

Narito kung paano mo mao-on ang mga live na awtomatikong caption (English lang):

1. Pumunta sa YouTube.
2. Mula sa kanang bahagi sa itaas, i-click ang Gumawa   Mag-live.
3. Piliin ang Mag-stream  mula sa kaliwang menu.
4. Mula sa mga setting ng stream, i-on ang Mga closed caption.
5. Piliin ang “Mga awtomatikong caption” bilang source ng mga caption.
6. Piliin ang wika ng iyong video (English lang).

Mag-troubleshoot ng mga live na awtomatikong caption

Kung walang lumalabas na mga awtomatikong caption sa live stream, posibleng dahil ito sa isa o higit pa sa mga sumusunod na dahilan:

• Hindi pa nao-on ang feature para sa channel, dahil unti-unti kaming naglulunsad sa mga channel na may mahigit 1,000 subscriber.
• Nagsi-stream ang channel sa napakababa o mababang latency (gaya ng mobile live stream). Available lang ang mga live na awtomatikong caption para sa streaming sa normal na latency.
• Hindi sinusuportahan ng mga awtomatikong caption ang wika sa video.
• Hindi maganda ang kalidad ng tunog ng video o hindi nakikilala ng YouTube ang pananalita.
• Marami ang nagsasalita kung saan nagsasapawan ang mga sinasabi nila o maraming wika ang ginagamit nang sabay-sabay.

Tandaan: Para pigilan ang paglabas ng mga awtomatikong caption sa iyong mga live stream, makipag-ugnayan sa Creator Support Team.

Mga advanced na setting ng awtomatikong pag-caption

Mga posibleng hindi naaangkop na salita sa mga awtomatikong caption

Papalitan ng setting na “Huwag ipakita ang mga posibleng hindi naaangkop na salita” sa YouTube Studio ang mga posibleng hindi naaangkop na salita gamit ang pambukas na bracket, dalawang underscore, at pansarang bracket “[ __ ]” bilang default sa mga awtomatikong caption. Hindi makakaapekto ang setting na ito sa anumang audio track o mga caption na manual na na-edit. Nilalayon nitong makatulong na pigilang lumabas nang hindi sinasadya ang mga posibleng hindi naaangkop na salita sa mga awtomatikong caption. Hindi rin ito nakakaapekto sa status ng pag-monetize ng iyong video.

Nalalapat ang awtomatikong pag-caption sa mga na-upload na video at live stream.

Hinihikayat pa rin namin ang mga creator na suriin ang lahat ng kanilang awtomatikong binuong caption habang patuloy naming pinapahusay ang aming software sa pagkilala sa speech at binabawasan ang mga error sa awtomatikong pag-caption.

Narito kung paano mo mao-off ang setting na “Huwag ipakita ang mga potensyal na hindi naaangkop na salita,” kung kinakailangan:

1. Mag-sign in sa YouTube Studio.
2. Sa kaliwang menu, piliin ang Mga Setting .
3. Piliin ang Channel  Mga advanced na setting.
4. Sa ilalim ng "Mga awtomatikong binuong caption," i-deselect ang Huwag ipakita ang mga potensyal na hindi naaangkop na salita.

Tandaan: Available ang setting na ito para sa mga awtomatikong caption at mga subtitle na awtomatikong isinalin.