ເມື່ອທ່ານ ເປີດການສ້າງລາຍໄດ້ສຳລັບຊ່ອງຂອງທ່ານ, ທ່ານສາມາດເລືອກແບ່ງປັນລາຍໄດ້ຈາກໂຄສະນາທີ່ສະແດງຢູ່ໜ້າເບິ່ງ ຫຼື ໃນຟີດ Shorts ໄດ້. ໂຄສະນາທີ່ສະແດງຜ່ານ ການປະມູນໂຄສະນາ, ຜູ້ຈັດການໂຄສະນາ Google ແລະ ແຫຼ່ງຂາຍເຄື່ອງຢູ່ YouTube. ເມື່ອທ່ານເປີດການສ້າງລາຍໄດ້ແລ້ວ, ລະບົບອາດໃຊ້ເວລາໄລຍະໜຶ່ງຈົນກວ່າໂຄສະນາຈະປາກົດ.
ໂຄສະນາຢູ່ວິດີໂອຂອງທ່ານຈະຖືກເລືອກແບບອັດຕະໂນມັດອີງຕາມເນື້ອຫາເຊັ່ນ: ເມຕາເດຕາວິດີໂອຂອງທ່ານ ແລະ ເນື້ອຫານັ້ນເປັນມິດຕໍ່ຜູ້ລົງໂຄສະນາ ຫຼືບໍ່.
ພວກເຮົາຈະຕິດຕາມ ແລະ ອັບເດດລະບົບຂອງພວກເຮົາຢ່າງເປັນປະຈຳເພື່ອຈັດສົ່ງໂຄສະນາທີ່ກ່ຽວຂ້ອງທີ່ສຸດໄປຫາວິດີໂອຂອງທ່ານ. ແນວໃດກໍຕາມ, ພວກເຮົາບໍ່ໄດ້ຄວບຄຸມໂຄສະນາທຸກອັນທີ່ສະແດງໃຫ້ເຫັນໃນວິດີໂອຂອງທ່ານດ້ວຍຕົນເອງ, ດັ່ງນັ້ນພວກເຮົາຈຶ່ງບໍ່ສາມາດຮັບປະກັນວ່າພວກເຮົາຈະສະແດງໂຄສະນາສະເພາະໃນວິດີໂອຂອງທ່ານໄດ້ຫຼືບໍ່.
ໂຄສະນາຈະບໍ່ສະແດງໃຫ້ເຫັນຢູ່ໃນວິດີໂອທີ່ສ້າງລາຍໄດ້ສະເໝີໄປ. ອາດຈະບໍ່ມີໂຄສະນາໃນເວລາເບິ່ງສະເໝີໄປ. ຫາກທ່ານຄິດວ່າມີບັນຫາເກີດຂຶ້ນກັບໂຄສະນາ, ກະລຸນາສຶກສາວ່າ ເປັນຫຍັງໂຄສະນາຈຶ່ງອາດບໍ່ສະແດງຢູ່ວິດີໂອຂອງທ່ານ.
ໂຄສະນາການຂາຍໂດຍຮຸ້ນສ່ວນແມ່ນຫຍັງ?
ນັບແຕ່ປີ 2010, YouTube ໄດ້ອະນຸຍາດໃຫ້ຮຸ້ນສ່ວນຈໍານວນໜຶ່ງຂາຍໂຄສະນາສຳລັບເນື້ອຫາທີ່ເຂົາເຈົ້າລົງຢູ່ YouTube. ໂຄສະນາເຫຼົ່ານີ້ເອີ້ນວ່າ "ໂຄສະນາການຂາຍໂດຍຮຸ້ນສ່ວນ". ເພື່ອໃຫ້ມີຄວາມເໝາະສົມກັບຮຸ້ນສ່ວນການຂາຍໂຄສະນາ, ອົງກອນຕ່າງໆຕ້ອງກະຈາຍເນື້ອຫາທີ່ເຂົ້າເຖິງແພລດຟອມທີ່ຕ່າງກັນ ແລະ ມີພື້ນຖານໂຄງຮ່າງຂອງບໍລິສັດ (ຮວມເຖິງກຳລັງການຂາຍ) ເພື່ອຂາຍໂຄສະນາຜ່ານວິດີໂອຂອງເຂົາເຈົ້າ.
ສໍາລັບໂຄສະນາການຂາຍໂດຍຮຸ້ນສ່ວນ, ຮຸ້ນສ່ວນຈະເຮັດວຽກໂດຍກົງກັບຜູ້ລົງໂຄສະນາເພື່ອບໍລິການໂຄສະນາໃນເນື້ອຫາທີ່ເຂົາເຈົ້າເປັນເຈົ້າຂອງ. ຜູ້ລົງໂຄສະນາຊື້ໂຄສະນາຈາກຮຸ້ນສ່ວນເຫຼົ່ານີ້ເພື່ອໃຫ້ວິດີໂອສະແດງເນື້ອຫາສະເພາະ. ນີ້ໝາຍຄວາມວ່າໂຄສະນາການຂາຍໂດຍຮຸ້ນສ່ວນອາດຈະສະແດງຜົນເຖິງແມ່ນວ່າຢູ່ໃນວິດີໂອທີ່ YouTube ພິຈາລະນາວ່າ "ບໍ່ເໝາະກັບຜູ້ລົງໂຄສະນາສ່ວນໃຫຍ່" ກໍຕາມ. ຮຸ້ນສ່ວນເຫຼົ່ານີ້ຈະຮັບຜິດຊອບຢ່າງເຕັມສ່ວນຕໍ່ການປ່ຽນລົງໂຄສະນາໂດຍການເຮັດວຽກໂດຍກົງກັບຜູ້ລົງໂຄສະນາ. ເຂົາເຈົ້າຮັບພາລະຄວາມສ່ຽງທັງໝົດຂອງການລົງໂຄສະນາໃນເນື້ອຫາທີ່ຜູ້ລົງໂຄສະນາອາດຈະບໍ່ຄິດວ່າເໝາະສົມກັບຍີ່ຫໍ້.
ຮຸ້ນສ່ວນບໍ່ສາມາດຂາຍໂຄສະນາຜ່ານເນື້ອຫາທີ່ກ່ຽວຂ້ອງກັບເຫດການຮ້າຍແຮງໄດ້.