Þegar þú kveikir á tekjuöflun fyrir rásina þína geturðu valið að deila tekjum fyrir auglýsingar sem birtast á áhorfssíðunni eða í Shorts-straumnum. Auglýsingar birtast gegnum auglýsingauppboð, Google Ad Manager og aðrar veitur á vegum YouTube. Þegar þú kveikir á tekjuöflun gæti tekið smá tíma fyrir auglýsingar að birtast.
Auglýsingarnar í vídeóunum þínum eru valdar sjálfvirkt eftir samhengi eins og lýsigögnum vídeósins og því hvort efnið er auglýsingavænt.
Við vöktum og uppfærum kerfin okkar reglulega til að sýna auglýsingar sem henta best í vídeóin þín. En við stjórnum ekki handvirkt hverri auglýsingu sem birtist í vídeóunum þínum og við getum ekki tryggt að við munum spila ákveðnar auglýsingar.
Auglýsingar munu ekki alltaf birtast í vídeóum með tekjuöflun. Ekki er alltaf víst að auglýsing sé tiltæk þegar horft er á vídeóið. Ef þér finnst vera vandamál í sambandi við auglýsingar skaltu lesa um hvers vegna verið gæti að auglýsingar birtist ekki í vídeóunum þínum.
Hvað eru auglýsingar sem seldar eru af samstarfsaðila?
Síðan 2010 hefur YouTube leyft nokkrum samstarfsaðilum að selja auglýsingar vegna efnis sem þeir setja á YouTube. Þær auglýsingar eru kallaðar „auglýsingar seldar af samstarfsaðila“. Til að vera gjaldgeng í auglýsingar seldar af samstarfsaðilum þurfa fyrirtæki að dreifa efni á ýmsum verkvöngum og hafa fyrirtækjainnviði (þar á meðal sölufólk) til að selja auglýsingar í vídeóin.
Fyrir auglýsingar seldar af samstarfsaðilum vinna samstarfsaðilarnir beint með auglýsendum sem birta auglýsingar í efni sem þeir eiga. Auglýsendur kaupa auglýsingar frá þessum samstarfsaðilum til að auglýsingarnar birtist í ákveðnu efni. Það þýðir að auglýsingar seldar af samstarfsaðila gætu jafnvel birst í vídeóum sem YouTube telur „ekki henta flestum auglýsendum“. Samstarfsaðilarnir taka fulla ábyrgð á birtingu auglýsinganna með því að vinna beint með auglýsendunum. Þeir taka á sig áhættu tengda því að setja auglýsingar í efni sem auglýsendum gæti ekki þótt henta vörumerkinu.
Samstarfsaðilar geta ekki selt auglýsingar í efni sem er tengt harmleikjum.