ການຫຼິ້ນພາບພື້ນຫຼັງນຳໃຊ້ບໍ່ໄດ້

ການຫຼິ້ນພາບພື້ນຫຼັງນຳໃຊ້ໃນແອັບໂທລະສັບ YouTube ເທົ່ານັ້ນ ແລະ ຕ້ອງເປັນ ສະມາຊິກ YouTube Premium. ວິດີໂອບາງຢ່າງບໍ່ສາມາດຫຼິ້ນໃນພື້ນຫຼັງ ຫຼື ດາວໂຫຼດອອບລາຍໄດ້, ເຖິງແມ່ນວ່າທ່ານຈະເປັນສະມາຊິກຊ່ອງກໍຕາມ. ກະລຸນາກວດສອບຂັ້ນຕອນລຸ່ມນີ້ສຳລັບຄວາມຊ່ວຍເຫຼືອໃນການແກ້ໄຂບັນຫາຂອງທ່ານ.

ຂັ້ນຕອນການແກ້ໄຂບັນຫາທົ່ວໄປ

 ຣີສະຕາດແອັບ YouTube ຫຼື ປິດເປີດອຸປະກອນຂອງທ່ານຄືນໃໝ່

ຖ້າແອັບ YouTube ຫຼື ອຸປະກອນມືຖືຂອງທ່ານໄດ້ ນຳໃຊ້ເປັນຊ່ວງໄລຍະໜຶ່ງ, ອາດຈະບໍ່ມີຊັບພະຍາກອນພຽງພໍສຳລັບການຫຼິ້ນໃນພື້ນຫຼັງເພື່ອໃຫ້ເຮັດວຽກໄດ້ຢ່າງລ່ຽນໄຫຼ. ກະລຸນາລອງປິດແອັບ YouTube ຫຼື ປິດເປີດໂທລະສັບຂອງທ່ານຄືນໃໝ່.

ກວດສອບເບິ່ງວ່າ ການເປັນສະມາຊິກຂອງທ່ານຍັງບໍ່ໝົດອາຍຸ

ກະລຸນາກວດສອບໃຫ້ແນ່ໃຈວ່າການເປັນສະມາຊິກ YouTube Premium ຂອງທ່ານຍັງບໍ່ໝົດອາຍຸ. ຢູ່ໃນແອັບ YouTube, ໃຫ້ແຕະຮູບໂປຣໄຟລ໌ຂອງທ່ານ  ການເປັນສະມາຊິກແບບຈ່າຍເງິນ ເລື່ອນລົງໄປຫາ Manage (ຈັດການ).

ຖ້າທ່ານບໍ່ສາມາດເຂົ້າ YouTube Premium ໄດ້ໃນວ່າງບໍ່ດົນມານີ້ ແລະ ໄດ້ສະໝັກສະມາຊິກຄືນໃໝ່, ໃຫ້ຈື່ໄວ້ວ່າມັນຈະໃຊ້ເວລາສອງສາມຊົ່ວໂມງເພື່ອໃຫ້ວິດີໂອທີ່ບັນທຶກໄວ້ສາມາດກັບມາເບິ່ງໄດ້ອີກຄັ້ງເມື່ອທ່ານສະໝັກໃຊ້ຄືນໃໝ່. ຖ້າທ່ານຕ້ອງການທີ່ຈະເບິ່ງວິດີໂອດຽວນີ້, ໃຫ້ແຕະ More (ເພີ່ມເຕີມ) ແລະ ເລືອກ Retry (ລອງດາວໂຫລດອີກຄັ້ງ).

ກະລຸນາລອງເຂົ້າສູ່ລະບົບ YouTube Premium ອີກຄັ້ງ

ກວດສອບວ່າທ່ານໄດ້ເຂົ້າສູ່ລະບົບບັນຊີທີ່ກ່ຽວຂ້ອງກັບການເປັນສະມາຊິກ YouTube Premium ຂອງທ່ານ.

• ລອງອອກຈາກລະບົບ ແລະ ກັບຄືນເຂົ້າສູ່ລະບົບບັນຊີທີ່ເຊື່ອມໂຍງກັບ YouTube Premium.
• ກະລຸນາກວດເບິ່ງວ່າທ່ານເຫັນໂລໂກ້ YouTube Premium (ແທນໂລໂກ້ YouTube) ໃນ YouTube.

ກວດສອບວ່າ YouTube Premium ມີໃຫ້ບໍລິການໃນສະຖານທີ່ຂອງທ່ານ

ສິດທິປະໂຫຍດຂອງ YouTube Premium ໃຊ້ໄດ້ໃນປະເທດທີ່ມີ YouTube Premium ເທົ່ານັ້ນ. ກະລຸນາກວດເບິ່ງວ່າທ່ານຢູ່ໃນສະຖານທີ່ ທີ່ YouTube Premium ໄດ້ເປີດຕົວ.

ກະລຸນາກວດການຕັ້ງຄ່າການຫຼິ້ນເປັນພາບພື້ນຫຼັງ

ກະລຸນາກວດ ການຕັ້ງຄ່າການຫຼິ້ນພາບພື້ນຫຼັງ ໃນແອັບ YouTube ເພື່ອຮັບປະກັນວ່າທ່ານບໍ່ໄດ້ປິດນຳໃຊ້ການຕັ້ງຄ່າ.

ອັບເດດແອັບ YouTube ຂອງທ່ານ

ກະລຸນາກວດສອບໃຫ້ແນ່ໃຈວ່າທ່ານກຳລັງໃຊ້ແອັບ YouTube ເວີຊັນຫຼ້າສຸດ. ກະລຸນາເຂົ້າໄປທີ່ App Store ໃນອຸປະກອນຂອງທ່ານ ແລະ ກວດເບິ່ງວ່າທ່ານມີແອັບ YouTube ລໍຖ້າອັບເດດໃດໜຶ່ງຫຼືບໍ່.

ຖ້າທ່ານມີໂທລະສັບໃໝ່ ຫຼື ທ່ານຫາກໍ່ໄດ້ກູ້ຄືນໂທລະສັບຂອງທ່ານ. ມັນອາດຈະຮວມມີແອັບ YouTube ເວີຊັນເກົ່າ (ເຊັ່ນ ເວີຊັນຕ່ຳກວ່າ 12.0 ຖືວ່າຫຼ້າສະໄໝ).

ກະລຸນາກວດເບິ່ງການຕັ້ງຄ່າຂໍ້ມູນມືຖືໃນໂທລະສັບຂອງທ່ານ

ກະລຸນາກວດເບິ່ງການຕັ້ງຄ່າໃນອຸປະກອນມືຖືຂອງທ່ານເພື່ອກວດສອບວ່າທ່ານໄດ້ເປີດໃຊ້ຂໍ້ມູນພື້ນຫຼັງສໍາລັບ YouTube.

ຂັ້ນຕອນເພີ່ມເຕີມເພື່ອທົດລອງ

ກະລຸນາກວດສອບວ່າບໍ່ມີແອັບອື່ນທີ່ກຳລັງຫຼິ້ນສຽງຢູ່

ກະລຸນາກວດເບິ່ງແອັບອື່ນໆທີ່ທ່ານເປີດຢູ່ເພື່ອຮັບປະກັນວ່າບໍ່ມີອັນໃດທີ່ກຳລັງຫຼິ້ນສຽງຢູ່. ການຫຼິ້ນພາບພື້ນຫຼັງຈະນຳໃຊ້ບໍ່ໄດ້ ໃນຂະນະທີ່ແອັບອື່ນໆກຳລັງຫຼິ້ນສຽງຢູ່.

ກະລຸນາກວດສອບຄວາມແຮງການເຊື່ອມຕໍ່ອິນເຕີເນັດຂອງທ່ານ

ການດາວໂຫຼດວິດີໂອຕ້ອງມີການເຊື່ອມຕໍ່ອິນເຕີເນັດທີ່ແຮງ. ກະລຸນາກວດສອບວ່າອຸປະກອນຂອງທ່ານໄດ້ຖືກເຊື່ອມຕໍ່ກັບເຄືອຂ່າຍ 3Mbps ຫຼື Wi-Fi ທີ່ໄວກວ່າ ຫຼື ເຄືອຂ່າຍມືຖືທີ່ມີແພັກເກດອິນເຕີເນັດທີ່ຮອງຮັບຄວາມໄວ 3G, 4G ຫຼື LTE. ຖ້າທ່ານບໍ່ແນ່ໃຈວ່າຄວາມໄວອິນເຕີເນັດປັດຈຸບັນຂອງທ່ານແມ່ນເທົ່າໃດ, ທ່ານສາມາດ ທົດສອບຄວາມໄວຂອງທ່ານທາງອອນລາຍໄດ້.

ກະລຸນາກວດເບິ່ງການຕັ້ງຄ່າການແຈ້ງເຕືອນໃນໂທລະສັບຂອງທ່ານ

ກະລຸນາກວດເບິ່ງວ່າທ່ານບໍ່ໄດ້ບລັອກການແຈ້ງເຕືອນຂອງແອັບ YouTube ທຸກອັນ. ທ່ານສາມາດຢືນຢັນໂຕນີ້ຢູ່ໃນການຕັ້ງຄ່າອຸປະກອນຂອງທ່ານ. ຖ້າທ່ານໄດ້ບລັອກການແຈ້ງເຕືອນ, ແອັບ YouTube ອາດຈະບໍ່ສາມາດນຳໃຊ້ໄດ້ຢ່າງຄ່ອງແຄ້ວ ແລະ/ຫຼື ເຂົ້າເຖິງອິນເຕີເນັດໃນພາບພື້ນຫຼັງໄດ້.

ຖ້າສິ່ງນີ້ເກີດຂຶ້ນ, ທ່ານຈະຕ້ອງເປີດໃຊ້ການແຈ້ງເຕືອນ YouTube ຄືນໃໝ່ໃນລະດັບ OS ແລະ ຖ້າທ່ານຍັງບໍ່ຕ້ອງການທີ່ຈະຮັບການແຈ້ງເຕືອນ, ທ່ານສາມາດປິດພວກມັນໄດ້ຈາກການຕັ້ງຄ່າແອັບ YouTube.

ກະລຸນາຕິດຕໍ່ຝ່າຍຊ່ວຍເຫຼືອ ແລະ ສົ່ງຄໍາຕິຊົມຕໍ່ຜະລິດຕະພັນ

ຖ້າທ່ານຍັງພົບບັນຫາຢູ່, ກະລຸນາຕິດຕໍ່ຝ່າຍຊ່ວຍເຫຼືອ. ຕອນທີ່ຕິດຕໍ່ກັບຝ່າຍຊ່ວຍເຫຼືອ, ກະລຸນາກ່າວເຖິງສິ່ງຕໍ່ໄປນີ້:

• ກະລຸນາລະບຸວ່າສຽງໄດ້ຢຸດຕອນທີ່ທ່ານອອກຈາກແອັບ ຫຼືວ່າມັນຫຼິ້ນໄປຊ່ວງໜຶ່ງແຕ່ຫຼັງຈາກນັ້ນຢຸດໂດຍບໍ່ຄາດຄິດ.
• ກະລຸນາລະບຸຂໍ້ຄວາມສະແດງຂໍ້ຜິດພາດທີ່ທ່ານເຫັນໃນເວລາທີ່ທ່ານກັບຄືນໄປຫາແອັບ.
• ກະລຸນາສົ່ງຄຳຕິຊົມໃນແອັບ.

ກະລຸນາສົ່ງຄຳຕິຊົມຜະລິດຕະພັນໄປຫາ YouTube:

• ນອກນັ້ນທ່ານຍັງສາມາດສົ່ງຄໍາຕິຊົມຂອງຜະລິດຕະພັນໄດ້. ທ່ານຈະບໍ່ໄດ້ຮັບການຕອບກັບ, ແຕ່ຄຳຕິຊົມຂອງທ່ານຈະຖືກສົ່ງໃຫ້ກັບທີມກວດສອບຜະລິດຕະພັນຂອງ YouTube.
• ເພື່ອເຮັດໂຕນີ້, ກະລຸນາເລືອກຮູບໂປຣໄຟລ໌ຂອງທ່ານ  ຄຳຕິຊົມ .
• ກະລຸນາກວດສອບວ່າໄດ້ໝາຍໃສ່ກ່ອງສໍາລັບ "ບັນທຶກລະບົບ" ແລ້ວ. ການດຳເນີນການນີ້ຈະຊ່ວຍໃຫ້ພວກເຮົາເຂົ້າໃຈບັນຫາຂອງທ່ານໄດ້ດີຂຶ້ນ. 

 

_{ກະລຸນາກັບໄປທີ່ ການແກ້ໄຂບັນຫາສິດທິປະໂຫຍດສະມາຊິກ YouTube Premium.}