ສະມາຊິກ YouTube Premium ແລະ YouTube Music Premium ສາມາດເບິ່ງເນື້ອຫາເພງ ແລະ ວິດີໂອແບບບໍ່ມີໂຄສະນາໄດ້ເມື່ອເຂົ້າສູ່ລະບົບບັນຊີແບບເສຍເງິນຂອງເຂົາເຈົ້າ. ກວດເບິ່ງຂັ້ນຕອນການແກ້ບັນຫາໄດ້ຂ້າງລຸ່ມຫາກທ່ານເຫັນໂຄສະນາໃນວິດີໂອ YouTube.
ສະມາຊິກ YouTube Music Premium ແລະ YouTube Premium ອາດຍັງເຫັນການສ້າງແບຣນ ຫຼື ການສົ່ງເສີມທີ່ຜູ້ສ້າງຝັງໄວ້ໃນພອດແຄສ. ຫາກຜູ້ສ້າງເພີ່ມເຂົ້າ ຫຼື ເປີດໃຊ້, ທ່ານອາດຍັງພົບລິ້ງ, ຖ້ານ ແລະ ຄຸນສົມບັດໂປຣໂມຊັນອື່ນໆພາຍໃນ ແລະ ອ້ອມໆເນື້ອຫານຳ.
ຂັ້ນຕອນການແກ້ໄຂບັນຫາທົ່ວໄປ
ກວດສອບວ່າທ່ານກຳລັງໃຊ້ໜ້າຈໍທີ່ບໍ່ເປີດເຜີຍຕົວຕົນຢູ່ຫຼືບໍ່
ກວດສອບວ່າ YouTube Premium ມີໃຫ້ບໍລິການໃນສະຖານທີ່ຂອງທ່ານ
ກວດສອບວ່າທ່ານມີ YouTube Premium ຫຼືບໍ່
ການເປັນສະມາຊິກ YouTube Premium ຂອງທ່ານຈະຕ້ອງເປີດການນຳໃຊ້ຢູ່. ທ່ານສາມາດ ຢັ້ງຢືນການເປັນສະມາຊິກນີ້ ໃນບັນຊີຂອງທ່ານໄດ້.
ຫາກທ່ານບໍ່ພົບ YouTube Premium ໃຫ້ປະຕິບັດດັ່ງນີ້:
- ກວດສອບໃຫ້ໝັ້ນໃຈວ່າທ່ານເຂົ້າສູ່ລະບົບບັນຊີທີ່ຖືກຕ້ອງ.
- ກວດສອບໃຫ້ໝັ້ນໃຈວ່າທ່ານມີ YouTube Premium, ບໍ່ແມ່ນ YouTube Music Premium.
ກວດສອບວ່າການເປັນສະມາຊິກຂອງທ່ານຍັງບໍ່ໝົດອາຍຸ
ກວດສອບໃຫ້ແນ່ໃຈວ່າການເປັນສະມາຊິກ YouTube Premium ຂອງທ່ານຍັງບໍ່ໝົດອາຍຸ. ທ່ານສາມາດກວດສອບຄືນໃໝ່ໄດ້ຢູ່ youtube.com/paid_memberships.
ຫາກການເປັນສະມາຊິກ YouTube Premium ຂອງທ່ານສິ້ນສຸດລົງ, ທ່ານຈະບໍ່ມີສິດເຂົ້າເຖິງວິດີໂອທີ່ດາວໂຫຼດໄວ້ຂອງທ່ານອີກຕໍ່ໄປ. ເພື່ອຂໍສິດເຂົ້າເຖິງການດາວໂຫຼດຂອງທ່ານຄືນໃໝ່, ກະລຸນາ ລົງທະບຽນການເປັນສະມາຊິກ Premium.
ລອງເຂົ້າສູ່ລະບົບ YouTube Premium ຄືນໃໝ່
ກວດສອບໃຫ້ແນ່ໃຈວ່າທ່ານເຂົ້າສູ່ລະບົບບັນຊີທີ່ເຊື່ອມໂຍງກັບການເປັນສະມາຊິກ YouTube Premium ຂອງທ່ານ.
- ລອງອອກຈາກລະບົບ ແລະ ກັບຄືນເຂົ້າສູ່ລະບົບບັນຊີທີ່ເຊື່ອມໂຍງກັບ YouTube Premium.
- ກວດສອບວ່າທ່ານເຫັນໂລໂກ້ YouTube Premium (ແທນໂລໂກ້ YouTube) ໃນ YouTube.
- ຫາກທ່ານກຳລັງເບິ່ງວິດີໂອ YouTube ໃນແອັບອື່ນ, ທ່ານອາດເຫັນໂຄສະນາ. ບາງແອັບສະແດງວິດີໂອ YouTube ໃນໂປຣແກຣມທ່ອງເວັບນ້ຳໜັກເບົາແທນທີ່ຈະສະແດງໃນແອັບ YouTube. ເພື່ອຫຼີກເວັ້ນການເຫັນໂຄສະນາ, ກະລຸນາເຂົ້າສູ່ລະບົບບັນຊີທີ່ເຊື່ອມໂຍງກັບການເປັນສະມາຊິກ YouTube Premium ຂອງທ່ານໃນໂປຣແກຣມທ່ອງເວັບນ້ຳໜັກເບົາ.
- ກວດສອບໃຫ້ແນ່ໃຈວ່າທ່ານໄດ້ເຂົ້າສູ່ລະບົບໃນ TV ຂອງທ່ານຫາບັນຊີທີ່ເຊື່ອມໂຍງກັບການເປັນສະມາຊິກ YouTube Premium ຂອງທ່ານ.
- ຖ້າທ່ານກຳລັງສົ່ງສັນຍານຫາ TV, ຈົ່ງກວດສອບໃຫ້ແນ່ໃຈວ່າທ່ານໄດ້ເຂົ້າສູ່ລະບົບຢູ່ທັງໃນ TV ແລະ ຄອມພິວເຕີ ຫຼື ອຸປະກອນທີ່ກຳລັງໃຊ້ຢູ່.
- ຖ້າທ່ານກຳລັງໃຊ້ Google Home, ຈົ່ງກວດສອບໃຫ້ແນ່ໃຈວ່າທ່ານໄດ້ເຂົ້າສູ່ລະບົບບັນຊີທີ່ຖືກຕ້ອງໃນແອັບ Google Home ແລ້ວ.
ກວດສອບວ່າທ່ານໄດ້ບລັອກຄຸກກີ້ YouTube ຫຼືບໍ່
ຖ້າທ່ານກຳລັງເບິ່ງວິດີໂອ YouTube ທີ່ຝັງໄວ້ໃນເວັບໄຊ, ເບິ່ງໃຫ້ແນ່ໃຈວ່າທ່ານບໍ່ໄດ້ບລັອກຄຸກກີ້ YouTube.
ເພື່ອຍົກເລີກການບລັອກຄຸກກີ້ YouTube:
- ໃນຄອມພິວເຕີ, ເປີດ Google Chrome.
- ຢູ່ເບື້ອງຂວາເທິງສຸດ, ເລືອກ ເມນູ > ການຕັ້ງຄ່າ.
- ພາຍໃຕ້ຂໍ້ "ຄວາມເປັນສ່ວນຕົວ ແລະ ຄວາມປອດໄພ", ເລືອກ ການຕັ້ງຄ່າເວັບໄຊ.
- ພາຍໃຕ້ "ການອະນຸຍາດ", ເລືອກ ຄຸກກີ້ ແລະ ຂໍ້ມູນເວັບໄຊ.
- ພາຍໃຕ້ "ເວັບໄຊທີ່ສາມາດໃຊ້ຄຸກກີ້ໄດ້ຕະຫຼອດ", ຄລິກ ເພີ່ມ.
- ສ້າງຂໍ້ຍົກເວັ້ນສຳລັບ "[*.]youtube.com."
- ຢູ່ທາງດບື້ອງຂວາ, ເລືອກ ປິດ.
ສຶກສາເພີ່ມເຕີມກ່ຽວກັບ ການຈັດການຄຸກກີ້ໃນ Chrome ຫຼື ໃນໂປຣແກຣມທ່ອງເວັບອື່ນໆ, ເຊັ່ນ Safari, Firefox ແລະ Opera.
ລອງເຮັດຕາມຂັ້ນຕອນອື່ນໆໃນການແກ້ບັນຫາ
ກວດສອບວ່າທ່ານເຫັນບັດຂໍ້ມູນຫຼືບໍ່
ບາງຄັ້ງທ່ານອາດຈະເຫັນບັດຂໍ້ມູນ ຫຼື ການອະທິບາຍຄວາມເຫັນໃນວິດີໂອ, ເຊິ່ງອາດຈະເບິ່ງຄືກັນກັບໂຄສະນາ. ຜູ້ສ້າງ YouTube ສາມາດຮວມບັດເຫຼົ່ານີ້ເຂົ້າໃນວິດີໂອຂອງເຂົາເຈົ້າ, ແຕ່ບັດດັ່ງກ່າວບໍ່ແມ່ນໂຄສະນາ ກະລຸນາສຶກສາເພີ່ມເຕີມກ່ຽວກັບ ບັດ ແລະ ການອະທິບາຍຄວາມເຫັນ ຢູ່ YouTube.
ຫາກທ່ານເປັນສະມາຊິກ YouTube Premium, ທ່ານອາດຍັງເຫັນບັດ ແລະ ການອະທິບາຍຄວາມເຫັນຢູ່. ເພື່ອປິດບັດ, ໃຫ້ປະຕິບັດຕາມຂັ້ນຕອນລຸ່ມນີ້.
ວິທີປິດບັດຈາກຄອມພິວເຕີ,
- ຄລິກໃສ່ຮູບໂປຣໄຟລ໌ຂອງທ່ານ ໃນມຸມຂວາເທິງ.
- ເລືອກ ການຕັ້ງຄ່າ > ການຫຼິ້ນ ແລະ ປະສິດທິພາບ.
- ຍົກເລີກການເລືອກຊ່ອງຢູ່ຂ້າງ ບັດຂໍ້ມູນ ເພື່ອປິດການນຳໃຊ້ບັດຂໍ້ມູນໃນວິດີໂອ.
ຕິດຕໍ່ກັບຝ່າຍຊ່ວຍເຫຼືອ ແລະ ສົ່ງຄຳຕິຊົມກ່ຽວກັບຜະລິດຕະພັນ
- ປະເພດຂອງໂຄສະນາທີ່ທ່ານເຫັນ (ວິດີໂອໂຄສະນາກ່ອນວິດີໂອເລີ່ມຕົ້ນ, ໂຄສະນາກ່ຽວກັບແບນເນີ/ຂໍ້ຄວາມຢູ່ລຸ່ມສຸດຂອງວິດີໂອ, ວິດີໂອໂຄສະນາໃນເຄິ່ງກາງຂອງວິດີໂອ, ໂຄສະນາໃນໜ້າຫຼັກ ຫຼື ໜ້າໂປຣແກຣມທ່ອງເວັບ).
- ບ່ອນທີ່ທ່ານເຫັນ ໂຄ ສະນາ (youtube.com, ແອັບ YouTube ສຳລັບມືຖື ຫຼື TV ຫຼື ເຄື່ອງຫຼິ້ນເກມ).
- ລວມທັງ ລິ້ງໄປຍັງວິດີໂອ.
- ຊ່ວຍບອກໃຫ້ພວກເຮົາຮູ້ເວລາໂດຍປະມານທີ່ທ່ານເຫັນໂຄສະນາ.
- ນອກຈາກນີ້ ທ່ານຍັງສາມາດສົ່ງຄໍາຕິຊົມກ່ຽວກັບບັນຫາຂອງທ່ານ. ທ່ານຈະບໍ່ໄດ້ຮັບການຕອບກັບ, ແຕ່ຄຳຕິຊົມຂອງທ່ານຈະຖືກສົ່ງໃຫ້ກັບ YouTube.
- ເພື່ອສົ່ງຄຳຕິຊົມ, ເລືອກຮູບໂປຣໄຟລ໌ຂອງທ່ານ > ຄຳຕິຊົມ ໃນ YouTube.
- ກວດສອບໃຫ້ແນ່ໃຈວ່າໄດ້ໝາຍໃສ່ກ່ອງສໍາລັບ "ບັນທຶກລະບົບ" ແລ້ວ. ສິ່ງນີ້ຈະຊ່ວຍໃຫ້ພວກເຮົາເຂົ້າໃຈບັນຫາຂອງທ່ານໄດ້ດີຂຶ້ນ.
ກະລຸນາກັບໄປທີ່ ການແກ້ໄຂບັນຫາສິດທິປະໂຫຍດສະມາຊິກ YouTube Premium