Nakakakita ako ng mga ad sa mga video sa YouTube

Makakapanood ang mga miyembro ng YouTube Premium at YouTube Music Premium ng content na musika at video nang walang ad kapag naka-sign in sa kanilang binabayarang account. Basahin ang mga hakbang sa pag-troubleshoot sa ibaba kung makakakita ka ng mga ad sa mga video sa YouTube.

Puwede pa ring makakita ang mga miyembro ng YouTube Music Premium at YouTube Premium ng pag-brand o mga promosyong naka-embed sa mga podcast ng creator. Kung idinagdag o in-on ng creator, puwede ka ring makakita ng mga pampromosyong link, shelf, at iba pang feature sa content at sa paligid nito.

Mga karaniwang hakbang sa pag-troubleshoot

Tingnan kung gumagamit ka ng incognito window

Kung gumagamit ka ng incognito na browser o nanonood ka ng video sa labas ng YouTube app, posibleng hindi ka naka-sign in sa YouTube. Kung hindi ka naka-sign in, puwede kang makakita ng mga ad sa mga video sa YouTube.

Alamin ang availability ng YouTube Premium sa iyong lokasyon

Gumagana lang ang mga benepisyo ng YouTube Premium sa mga bansa/rehiyon kung saan available ang YouTube Premium. Tiyaking ikaw ay nasa isang lokasyong available ang YouTube Premium.

Tiyaking hindi pa nag-expire ang iyong membership

Tiyaking hindi pa nag-expire ang iyong membership sa YouTube Premium. Puwede mo itong i-double check sa youtube.com/paid_memberships.

Kung matatapos ang iyong membership sa YouTube Premium, mawawalan ka na ng access sa mga na-download mong video. Para magkaroon ulit ng access sa iyong mga download, mag-sign up para sa membership sa Premium.

Subukang mag-sign in ulit sa YouTube Premium

Tiyaking naka-log in ka sa account na nauugnay sa iyong membership sa YouTube Premium.

• Subukang mag-sign out at mag-sign in ulit sa account na nauugnay sa YouTube Premium.
• Tiyaking ang logo ng YouTube Premium ang nakikita mo sa YouTube (sa halip na ang logo ng YouTube).
• Kung nanonood ka ng video sa YouTube sa ibang app, puwede kang makakita ng mga ad. Nagpapakita ang ilang app ng mga video sa YouTube sa lightweight na browser sa halip na sa YouTube app. Para maiwasang makakita ng mga ad, mag-log in sa account na nauugnay sa iyong membership sa YouTube Premium sa lightweight na browser.

Gumagamit ng YouTube sa smart TV?

• Tiyaking naka-sign in ka sa iyong TV sa account na nauugnay sa membership mo sa YouTube Premium.
• Kung nagka-cast ka sa TV, tiyaking naka-sign in ka sa TV at sa computer o sa ginagamit mong device. 
• Kung gumagamit ka ng Google Home, tiyaking naka-sign in ka sa tamang account sa Google Home app.

Tingnan kung na-block mo ang cookies ng YouTube

Kung nanonood ka ng video sa YouTube na naka-embed sa isang website, tiyaking hindi mo bina-block ang cookies ng YouTube.

Para magawa ito:

1. Sa isang computer, buksan ang Google Chrome.
2. Sa kanang bahagi sa itaas, piliin ang Menu > Mga Setting.
3. Sa ibaba, piliin ang Ipakita ang mga advanced na setting.
4. Sa seksyong "Privacy," piliin ang Mga setting ng content.
5. Piliin ang Pamahalaan ang mga pagbubukod.
6. Gumawa ng pagbubukod para sa "[*.]youtube.com."
7. Sa kanan, piliin ang Isara.

​Matuto pa tungkol sa pamamahala ng cookies sa Chrome o sa iba pang browser, gaya ng Safari, Firefox, at Opera.

Subukan ang iba pang hakbang sa pag-troubleshoot

Tiyaking nakikita mo ang mga card ng impormasyon

Minsan, posibleng makakita ka ng card ng impormasyon o anotasyon sa isang video, na posibleng magmukhang ad. Puwedeng isama ng mga creator sa YouTube ang mga card na ito sa kanilang mga video, pero hindi mga ad ang mga ito—matuto pa tungkol sa mga card at mga anotasyon sa YouTube.

Kung mayroon kang membership sa YouTube Premium, makikita mo pa rin ang mga card at anotasyon. Para i-off ang mga card, sundin ang mga hakbang sa ibaba.

I-off ang mga card mula sa isang computer,

1. Mag-click sa iyong larawan sa profile sa kanang sulok sa itaas.
2. Piliin ang Mga Setting > Pag-playback at performance.
3. I-uncheck ang box sa tabi ng Mga card ng impormasyon para i-disable ang mga in-video na card ng impormasyon.

Makipag-ugnayan sa suporta at magsumite ng feedback sa produkto

Kung nagkakaproblema ka pa rin, makipag-ugnayan sa suporta. Sa pakikipag-ugnayan sa suporta, pakibanggit ang sumusunod:

• Ang uri ng ad na nakita mo (video ad bago magsimula ang iyong video, banner/text ad sa ibaba ng video, video ad sa gitna ng video, ad sa homepage o page ng browser).
• Kung saan mo nakita ang ad (youtube.com, YouTube mobile app, o sa isang TV o game console).
• Magsama ng link na dumidirekta sa video.
• Ipaalam sa amin, sa iyong pagtataya, kung kailan mo nakita ang ad.

Magpadala sa YouTube ng feedback sa produkto:

• Puwede ka ring magsumite ng feedback tungkol sa iyong isyu. Hindi ka makakatanggap ng tugon, ngunit ibabahagi ang iyong feedback sa YouTube.
• Para magawa ito, piliin ang iyong larawan sa profile > Feedback  sa YouTube.
• Tiyaking lagyan ng check ang kahon para sa "Mga log ng system." Makakatulong ito sa aming mas maunawaan ang iyong isyu. 

_{Bumalik sa I-troubleshoot ang mga benepisyo ng miyembro ng YouTube Premium}