ຂ້ອຍບໍ່ສາມາດດາວໂຫຼດວິດີໂອໄດ້

ໝາຍເຫດ: ຖ້າທ່ານບໍ່ມີ YouTube Premium ຫຼື ຖ້າບໍ່ມີບໍລິການການດາວໂຫຼດໃຫ້ທ່ານ, ປຸ່ມດາວໂຫຼດຈະບໍ່ສາມາດໃຊ້ໄດ້ ແລະ ເປັນສີເທົາຈາງລົງໃນວິດີໂອທີ່ສ້າງມາສຳລັບເດັກ. ຖ້າການເປັນສະມາຊິກ YouTube Premium ຂອງທ່ານສິ້ນສຸດລົງ, ທ່ານຈະບໍ່ມີສິດເຂົ້າເຖິງວິດີໂອທີ່ດາວໂຫຼດແລ້ວຂອງທ່ານອີກຕໍ່ໄປ.

ກວດສອບວ່າທ່ານໄດ້ເຂົ້າສູ່ລະບົບ YouTube Premium ແລ້ວ

ຈົ່ງກວດສອບໃຫ້ແນ່ໃຈວ່າທ່ານໄດ້ເຂົ້າສູ່ລະບົບບັນຊີ Google ທີ່ເຊື່ອມໂຍງກັບການເປັນສະມາຊິກ YouTube Premium ຂອງທ່ານແລ້ວ:

• ໃຫ້ລອງອອກຈາກລະບົບ ແລະ ເຂົ້າສູ່ລະບົບຄືນໃໝ່ຫາບັນຊີທີ່ເຊື່ອມໂຍງກັບ YouTube Premium.
• ໃຫ້ກວດສອບວ່າທ່ານເຫັນໂລໂກ້ YouTube Premium (ແທນໂລໂກ້ YouTube). ໃນແອັບ YouTube ສຳລັບມືຖື ຫຼື ຢູ່ຄອມພິວເຕີຂອງທ່ານ, ທ່ານຄວນຈະເຫັນໂລໂກ້ YouTube Premium ຢູ່ມຸມຊ້າຍເທິງຂອງແອັບ ຫຼື ໂປຣແກຣມທ່ອງເວັບຂອງທ່ານ.

ກຳລັງໃຊ້ YouTube ຢູ່ສະມາດທີວີບໍ?

• ກວດສອບໃຫ້ແນ່ໃຈວ່າທ່ານໄດ້ເຂົ້າສູ່ລະບົບໃນ TV ຂອງທ່ານຫາບັນຊີທີ່ເຊື່ອມໂຍງກັບການເປັນສະມາຊິກ YouTube Premium ຂອງທ່ານ.
• ຖ້າທ່ານກຳລັງສົ່ງສັນຍານຫາ TV, ຈົ່ງກວດສອບໃຫ້ແນ່ໃຈວ່າທ່ານໄດ້ເຂົ້າສູ່ລະບົບຢູ່ທັງໃນ TV ແລະ ຄອມພິວເຕີ ຫຼື ອຸປະກອນທີ່ກຳລັງໃຊ້ຢູ່. 
• ຖ້າທ່ານກຳລັງໃຊ້ Google Home, ຈົ່ງກວດສອບໃຫ້ແນ່ໃຈວ່າທ່ານໄດ້ເຂົ້າສູ່ລະບົບບັນຊີທີ່ຖືກຕ້ອງໃນແອັບ Google Home ແລ້ວ.

ກວດສອບວ່າການເປັນສະມາຊິກຂອງທ່ານຍັງບໍ່ໝົດອາຍຸ

ກວດສອບໃຫ້ໝັ້ນໃຈວ່າການເປັນສະມາຊິກ YouTube Premium ຂອງທ່ານຍັງບໍ່ໝົດອາຍຸ.

ໃນແອັບ YouTube, ໃຫ້ແຕະຮູບໂປຣໄຟລ໌ຂອງທ່ານ ການຕັ້ງຄ່າ ການຊື້ ແລະ ການເປັນສະມາຊິກ.

• ຫາກທ່ານສູນເສຍສິດເຂົ້າເຖິງ YouTube Premium ເມື່ອບໍ່ດົນມານີ້ ແລະ ສະໝັກໃຊ້ຄືນໃໝ່ແລ້ວ, ລະບົບຈະໃຊ້ເວລາສອງສາມຊົ່ວໂມງເພື່ອໃຫ້ວິດີໂອທີ່ບັນທຶກໄວ້ກັບມາສະແດງອີກຄັ້ງເມື່ອທ່ານສະໝັກໃຊ້ຄືນໃໝ່.
• ຫາກທ່ານຕ້ອງການເບິ່ງວິດີໂອທັນທີ, ໃຫ້ແຕະ ເມນູ  ແລ້ວເລືອກ ລອງດາວໂຫຼດຄືນໃໝ່.
• ຫາກການເປັນສະມາຊິກ YouTube Premium ຂອງທ່ານສິ້ນສຸດລົງ, ທ່ານຈະບໍ່ມີສິດເຂົ້າເຖິງວິດີໂອທີ່ດາວໂຫຼດໄວ້ຂອງທ່ານອີກຕໍ່ໄປ. ເພື່ອຂໍສິດເຂົ້າເຖິງການດາວໂຫຼດຂອງທ່ານຄືນໃໝ່, ກະລຸນາ ລົງທະບຽນການເປັນສະມາຊິກ Premium.

ກວດສອບວ່າ YouTube Premium ມີໃຫ້ບໍລິການໃນສະຖານທີ່ຂອງທ່ານ

ສິດທິປະໂຫຍດ YouTube Premium ໃຊ້ໄດ້ໃນປະເທດ/ພາກພື້ນບ່ອນທີ່ ມີ YouTube Premium ໃຫ້ເທົ່ານັ້ນ. ຈົ່ງກວດສອບວ່າທ່ານຢູ່ໃນສະຖານທີ່ບ່ອນທີ່ມີ YouTube Premium ໃຫ້ໃຊ້.

ຈົ່ງກວດສອບການຕັ້ງຄ່າດາວໂຫຼດຂອງທ່ານ

ຖ້າທ່ານກຳລັງພະຍາຍາມດາວໂຫຼດໃນຂະນະທີ່ໃຊ້ອິນເຕີເນັດມືຖື ແລະ ທ່ານບໍ່ສາມາດເຮັດໄດ້, ຈົ່ງກວດເບິ່ງການຕັ້ງຄ່າການດາວໂຫຼດຂອງທ່ານ ໃນແອັບເພື່ອໃຫ້ແນ່ໃຈວ່າການດາວໂຫຼດບໍ່ຖືກຈຳກັດໄວ້ສະເພາະ wifi ເທົ່ານັ້ນ.

ຈົ່ງກວດເບິ່ງເວີຊັນແອັບ YouTube ຂອງທ່ານ

ກະລຸນາກວດສອບໃຫ້ແນ່ໃຈວ່າທ່ານກຳລັງໃຊ້ແອັບ YouTube ເວີຊັນຫຼ້າສຸດ. ກະລຸນາເຂົ້າໄປທີ່ App Store ໃນອຸປະກອນຂອງທ່ານ ແລະ ກວດເບິ່ງວ່າທ່ານມີແອັບ YouTube ລໍຖ້າອັບເດດໃດໜຶ່ງຫຼືບໍ່.

ຖ້າທ່ານມີໂທລະສັບໃໝ່ ຫຼື ທ່ານຫາກໍ່ໄດ້ກູ້ຄືນໂທລະສັບຂອງທ່ານ. ມັນອາດຈະຮວມມີແອັບ YouTube ເວີຊັນເກົ່າ (ເຊັ່ນ ເວີຊັນຕ່ຳກວ່າ 12.0 ຖືວ່າຫຼ້າສະໄໝ).

ຂັ້ນຕອນການແກ້ໄຂບັນຫາເພີ່ມເຕີມທີ່ຕ້ອງລອງ

ກວດສອບຄວາມແຮງການເຊື່ອມຕໍ່ອິນເຕີເນັດຂອງທ່ານ

ການດາວໂຫຼດວິດີໂອຕ້ອງການການເຊື່ອມຕໍ່ອິນເຕີເນັດທີ່ແຮງ. ຈົ່ງເບິ່ງໃຫ້ແນ່ໃຈວ່າອຸປະກອນຂອງທ່ານໄດ້ເຊື່ອມຕໍ່ກັບເຄືອຂ່າຍ Wi-Fi 3mbps ຫຼື ໄວກວ່າ ຫຼື ເຄືອຂ່າຍມືຖືທີ່ມີແພັກເກດອິນເຕີເນັດທີ່ຮອງຮັບຄວາມໄວ 3G, 4G ຫຼື LTE. ຫາກທ່ານບໍ່ແນ່ໃຈວ່າຄວາມໄວອິນເຕີເນັດປັດຈຸບັນຂອງທ່ານແມ່ນເທົ່າໃດ, ທ່ານສາມາດ ທົດສອບຄວາມໄວຂອງທ່ານ ທາງອອນລາຍໄດ້.

ກວດສອບຈຳນວນອຸປະກອນທີ່ທ່ານໄດ້ດາວໂຫຼດໃສ່

ທ່ານໄດ້ດາວໂຫຼດວິດີໂອໃນອຸປະກອນຫຼາຍເຄື່ອງບໍ? ມີຂີດຈຳກັດຈຳນວນອຸປະກອນທີ່ທ່ານສາມາດດາວໂຫຼດວິດີໂອໃສ່. ເມື່ອທ່ານຮອດຂີດຈຳກັດນັ້ນ, ທ່ານຈະໄດ້ຮັບຂໍ້ຄວາມສະແດງຂໍ້ຜິດພາດທີ່ເວົ້າວ່າ "ບໍ່ສາມາດບັນທຶກວິດີໂອນີ້ໃນແບບອອບລາຍໄດ້." ທ່ານຍັງຄົງສາມາດດາວໂຫຼດວິດີໂອໃນອຸປະກອນທີ່ທ່ານໄດ້ໃຊ້ແລ້ວ. ສຶກສາເພີ່ມເຕີມກ່ຽວກັບ ຂີດຈຳກັດອຸປະກອນຢູ່ YouTube Premium.

ຈົ່ງກວດເບິ່ງການຕັ້ງຄ່າອິນເຕີເນັດມືຖືໃນໂທລະສັບຂອງທ່ານ

ຈົ່ງກວດເບິ່ງການຕັ້ງຄ່າໃນອຸປະກອນມືຖືຂອງທ່ານເພື່ອຮັບປະກັນວ່າທ່ານໄດ້ເປີດການນຳໃຊ້ຂໍ້ມູນພື້ນຫຼັງສຳລັບ YouTube.

ຕິດຕໍ່ທີມງານຊ່ວຍເຫຼືອ ແລະ ສົ່ງຄຳຕິຊົມກ່ຽວກັບຜະລິດຕະພັນ

ຖ້າທ່ານຍັງພົບບັນຫາ, ໃຫ້ຕິດຕໍ່ສູນຊ່ວຍເຫຼືອ. ເມື່ອຕິດຕໍ່ສູນຊ່ວຍເຫຼືອ, ໃຫ້ກ່າວເຖິງສິ່ງຕໍ່ໄປນີ້:

• ທ່ານເຫັນຂໍ້ຄວາມສະແດງຂໍ້ຜິດພາດບໍ?
• ມັນສະແດງຢູ່ບ່ອນໃດ ແລະ ຂໍ້ຄວາມດັ່ງກ່າວແມ່ນຫຍັງແທ້? ໃຫ້ຮວມມີຮູບໜ້າຈໍ, ຖ້າເປັນໄປໄດ້.

ກະລຸນາສົ່ງຄຳຕິຊົມຜະລິດຕະພັນຫາ YouTube:

• ນອກຈາກນີ້ ທ່ານຍັງສາມາດສົ່ງຄໍາຕິຊົມກ່ຽວກັບບັນຫາຂອງທ່ານ. ທ່ານຈະບໍ່ໄດ້ຮັບການຕອບກັບ, ແຕ່ຄຳຕິຊົມຂອງທ່ານຈະຖືກສົ່ງໃຫ້ກັບ YouTube.
• ເພື່ອສົ່ງຄຳຕິຊົມຂອງຜະລິດຕະພັນ, ກະລຸນາເລືອກຮູບໂປຣໄຟລ໌ຂອງທ່ານ ຄຳຕິຊົມ  ໃນ YouTube.
• ຈົ່ງກວດສອບໃຫ້ແນ່ໃຈວ່າໄດ້ໝາຍກ່ອງໝາຍ "ບັນທຶກລະບົບ" ເພື່ອຊ່ວຍໃຫ້ພວກເຮົາເຂົ້າໃຈບັນຫາຂອງທ່ານໄດ້ດີຂຶ້ນ.

 

_{ກະລຸນາກັບໄປທີ່ ການແກ້ໄຂບັນຫາສິດທິປະໂຫຍດຂອງສະມາຊິກ YouTube Premium.}