Hoekom sien ek advertensies op YouTube-video's?
Jy kan verskillende soorte advertensies op YouTube sien. Die advertensies wat jy sien, kan onder meer gegrond wees op die inhoud van die video wat jy kyk. Ander faktore wat bepaal watter advertensies jy sien, sluit in:
- Inligting in jou Google-rekening, soos jou ouderdomsgroep en geslag
- Ander aktiwiteit op Google-dienste, soos Google Advertensies
- Soorte webwerwe wat jy besoek en mobiele-appaktiwiteit op jou toestel
- Webwerwe en apps wat jy besoek het wat behoort aan besighede wat op Google adverteer
- Inligting wat ons van vennote af oor jou ontvang
Ons streef daarna om jou advertensie-ervaring te verbeter deur beleide te implementeer wat advertensies meer relevant maak. As jy advertensies sien wat jy dink onvanpas is, kan jy terugvoer indien om ons te laat weet.
Hoe kan ek die advertensies beheer wat ek op video's sien?
Jy kan die advertensies wat jy op YouTube sien in jou Advertensie-instellings beheer. Neem kennis dat jy ook jou YouTube-kykgeskiedenis kan bekyk, uitvee of onderbreek.
Hoe kan ek my advertensie-ervaring verbeter?
Terwyl jy video's kyk, sal jy dalk gevra word om advertensies met ’n opduim of ’n afduim te gradeer. Ons probeer om vir jou advertensies te wys waarin jy belangstel volgens jou terugvoer.
Hoe kan ek ’n advertensie aangee?
As jy ’n advertensie sien wat onvanpas is of selfs Google se advertensiebeleide oortree, kan jy dit aangee.
Gee die advertensie só aan: Kies Inligting 
Advertensies kan net op YouTube op mobiele toestelle en op ’n rekenaar aangegee word.
YouTube Premium
YouTube Premium is ’n betaalde lidmaatskap wat in sekere lande/streke beskikbaar is en wat vir jou ’n verhoogde video- en musiekervaring in YouTube, YouTube Music en YouTube Kids gee.
Met YouTube Premium kan jy miljoene video’s sonder advertensies kyk. Hierdie advertensies sluit dié in wat op die kykbladsy en in die Kortvideo's-stroom verskyn. Jy sal dalk steeds handelsmerke of promosies sien wat by inhoud ingebed is wanneer sulke boodskappe deur die skepper bygevoeg is. Jy kan ook skakels in en om inhoud sien wat deur die skepper bygevoeg is. Hierdie skakels kan vir hul webwerf, handelsware, geleentheidkaartjies of ander verwante bestemmings wees wat hulle bemark. Advertensievrye video's word gesteun op alle toestelle en platforms waar jy kan aanmeld met jou YouTube-rekening.
Kom meer te wete oor die voordele van ’n YouTube Premium-lidmaatskap.