Panimula sa Mga Opisyal na Channel ng Artist

Kung isa kang artist sa YouTube, pinagsasama-sama ng iyong Opisyal na Channel ng Artist (Official Artist Channel o “OAC”) sa iisang lugar ang lahat ng subscriber at content mo mula sa iyong iba't ibang channel sa YouTube. Magkakaroon ka rin ng access sa isang hanay ng mga tool na binuo para sa mga artist, kabilang ang Analytics para sa Mga Artist.

Ipinapakilala ang Mga Opisyal na Channel ng Artist

Mga Feature ng Opisyal na Channel ng Artist

Nagsasama-sama ang lahat ng fan mo sa iyong Opisyal na Channel ng Artist

Kapag nakakuha ka ng Opisyal na Channel ng Artist, ime-merge namin sa bago mong channel ang mga subscriber mula sa iyong topic channel, channel sa Vevo (kung available), at kasalukuyan mong channel. Hindi na ipapakita sa iyong kasalukuyang channel o topic channel ang button na mag-subscribe at bilang ng subscriber.

Posibleng makakita ka ng pagtaas sa iyong bilang ng subscriber sa Opisyal na Channel ng Artist habang pinagsasama-sama namin ang audience mo.

Makikita ng iyong mga subscriber ang mga bago mong music video naka-subscribe man sila sa iyong Opisyal na Channel ng Artist o sa iba mo pang channel. Makakatulong sa iyo ang pag-merge na ito para mas epektibo kang makapag-promote at makapagpamahagi ng bagong musika.

Kabilang sa iba pang feature na available sa iyong OAC ang Pagbebenta ng Ticket, Merch, at Analytics para sa Mga Artist.

Tip: Sa pamamagitan ng pinagsamang audience, gamitin ang pagkakataong kumonekta sa iyong mga fan gamit ang Mga post sa komunidad, Mga comment heart, at Mga live stream.

Mga pamantayan at pagiging kwalipikado sa programa

Para maging kwalipikado para sa isang OAC, dapat mong matugunan ang mga sumusunod na requirement:

• Magmay-ari at mamahala ng channel sa YouTube ng isang artist o banda na nakatuon sa musika ng artist o banda
• Magkaroon ng kahit 1 lang na opisyal na release ng musika sa YouTube na inihatid at ipinamahagi ng isang Distributor o Label ng Musika
• Sumusunod ang iyong channel sa lahat ng patakaran ng YouTube kabilang ang Mga Alituntunin ng Komunidad, Mga Tuntunin ng Serbisyo, at mga patakaran sa Copyright ng YouTube

At kahit isa lang sa mga sumusunod:

• Makipagtulungan sa isang Partner Manager ng YouTube
• Maging bahagi ng Partner Program ng YouTube (YouTube Partner Program o “YPP”)
• Maging bahagi ng isang network ng label na nakikipagtulungan sa isang Partner Manager sa YouTube
• Ipinapamahagi ang iyong musika ng partner sa musika na nakalista sa Directory ng Mga Serbisyo ng YouTube para sa Mga Partner sa Musika.

Paano Mag-apply para sa Opisyal na Channel ng Artist

Makipag-ugnayan sa iyong label o distributor para mag-request ng Opisyal na Channel ng Artist. Kung wala kang label o distributor, makipag-ugnayan sa isang Partner sa Serbisyo ng Musika na puwedeng mag-request ng Opisyal na Channel ng Artist para sa iyo. Makakakita ka ng listahan ng aming mga Partner sa Serbisyo ng Musika sa Directory ng Mga Serbisyo ng YouTube. Puwedeng mag-request ang Mga Partner sa Serbisyo ng Musika ng Opisyal na Channel ng Artist sa ngalan mo bilang bahagi ng paghahatid ng iyong content na musika sa YouTube.

Mga Patakaran at Programa sa Mga Opisyal na Channel ng Artist

Mga Patakaran at Programa sa Mga Opisyal na Channel ng Artist

Kung mayroon kang Opisyal na Channel ng Artist sa YouTube, mahalagang sundin mo ang Mga Alituntunin ng Komunidad ng YouTube.

Sususpindihin ang iyong Opisyal na Channel ng Artist at magiging karaniwang channel ito kung makakatanggap ito ng strike sa Mga Alituntunin ng Komunidad o may content itong may mga limitadong feature. Awtomatikong ire-restore ang iyong channel sa isang Opisyal na Channel ng Artist kung at kapag wala nang aktibong strike sa Mga Alituntunin ng Komunidad ang channel mo o wala na itong content na may mga limitadong feature, at natutugunan nito ang lahat ng iba pang pamantayan ng programa na nakalista sa itaas.

Sumisikat na Artist

Ang YouTube ay isang lugar kung saan nahihikayat ang indibidwalismo, lumalago ang diversity, at puwedeng matuklasan ang mga bagong genre / format ng content.

Hina-highlight namin ang mga creator at artist na “Sumisikat” sa bagong seksyon ng aming Tab na Trending. 

Matuto pa sa aming Help Center ng Sumisikat na Artist.