- Jou vordering tot jou volgende betaling
- Jou betalinggeskiedenis vir die afgelope 12 maande, onder meer die datum, bedrag wat betaal is, en ’n betalinguiteensetting
Die AdSense-betalingsiklus is maandeliks. Jou geskatte verdienste loop deur die maand op, en dan word jou verdienste aan die begin van die volgende maand gefinaliseer en by jou saldo op jou Betalings-bladsy geplaas. Indien jou saldo die betalingdrempel oorskry en jy het geen betaling-terughoudings nie, sal daar tussen die 21ste en 26ste van die maand ’n betaling aan jou uitgereik word. Let daarop dat die presiese tyd waarop jy jou betaling sal ontvang, sal afhang van jou tydsone, of die 21ste op ’n naweek of vakansiedag is en jou gekose betaalmetode.
Monitor die vordering van jou betalings
Jou Betalings-bladsy word opgedateer om die vordering van jou betalings aan te dui. Jy sal opmerk dat lynitems deur die maand bygevoeg en opgedateer word namate jou verdienste gefinaliseer en dan vir betaling uitgereik word. Jy kan moontlik ook ander lynitems vir verskeie betalings en krediete sien. Klik op jou betaalmetode hier onder om jou gepasmaakte betalingskedule te sien.
Elektroniese fondsoorplasing (EFT)- 3de: Jou geskatte verdienste vir die vorige maand word gefinaliseer en op jou Betalings-bladsy geplaas. Op jou Betalings-bladsy sal jy opmerk dat ’n lynitem met jou verdienstetotaal by die vorige maand se transaksies gevoeg is.
Jou Betalings-bladsy sal ook enige aftrekkings wys wat aan aanpassings of fooie verwant is. Let daarop dat jy nie na lynitems van aftrekkings vir ongeldige aktiwiteite wat gedurende die finaliseringproses geneem is, kan kyk nie. Kry meer inligting oor aftrekkings vir ongeldige aktiwiteit.
- 20ste: Veranderings aan betaalinligting (insluitend die verwydering van betaling-terughouding) moet voor of op die 20ste voltooi word. Veranderings wat ná die 20ste van enige maand aangebring word, sal nie tot die volgende maand se betalingsiklus in werking tree nie.
Jou totale saldo op die 20ste moet die betalingdrempel bereik. As jou saldo nie die betalingdrempel bereik nie of as jy ’n betaling-terughouding het, sal jy nie daardie maand betaal word nie, en jou saldo sal oorrol na die volgende maand.
- 21ste-26ste: Tussen die 21ste en die 26ste van die maand verskyn daar ’n “Betaling hangende”-lynitem op die Betalings-bladsy, wat aandui dat die verdienste verwerk en aan jou bankinstelling uitgereik word.
Jy sal jou betaling binne sewe dae nadat dit uitgereik is, ontvang. Indien jy dit nie teen die einde van die maand ontvang het nie, kan jy dit met jou bankinstelling opvolg.
Let wel: Indien die 21ste op ’n naweek of vakansiedag val, kan betalings op die eerste werksdag ná die 21ste van daardie maand uitgereik word.
Tjekbetalings vir jou vorige maand se verdienste word tussen die 21ste en die 26ste van die maand uitgereik en kan tot vier weke neem om by jou betalingadres te arriveer.
- 3de: Vorige maand se geskatte verdienste word gefinaliseer en op jou Betalings-bladsy geplaas.
- 20ste: Veranderings aan betaalinligting (insluitend die verwydering van betaling-terughouding) moet voor of op die 20ste voltooi word. Veranderings wat ná die 20ste van enige maand aangebring word, sal nie tot die volgende maand se betalingsiklus in werking tree nie. Jou totale saldo op die 20ste moet ook die betalingdrempel bereik. As jou saldo nie die betalingdrempel bereik nie of as jy ’n betaling-terughouding het, sal jy nie daardie maand betaal word nie, en jou saldo sal oorrol na die volgende maand.
- 21ste-26ste: Tjek word vir kwalifiserende rekeninge gepos. ’n “Betaling hangende”-lynitem verskyn op jou Betalings-bladsy.
Laat twee tot vier weke toe vir jou tjek om in die pos te arriveer. Aankomstye kan verskil afhangende van die posdiens in jou area.
Western Union Quick Cash-betalings word tussen die 21ste en die 26ste van die maand gestuur en sal een werksdag nadat dit uitgereik is, beskikbaar wees om van enige Western Union-tak in jou land afgehaal te word.
- 3de: Vorige maand se geskatte verdienste word gefinaliseer en op jou Betalings-bladsy geplaas.
- 20ste: Veranderings aan betaalinligting (insluitend die verwydering van betaling-terughouding) moet voor of op die 20ste voltooi word. Veranderings wat ná die 20ste van enige maand aangebring word, sal nie tot die volgende maand se betalingsiklus in werking tree nie. Jou totale saldo op die 20ste moet ook die betalingdrempel bereik. As jou saldo nie die betalingdrempel bereik nie of as jy ’n betaling-terughouding het, sal jy nie daardie maand betaal word nie, en jou saldo sal oorrol na die volgende maand.
- 21ste-26ste: Betaling na Western Union gestuur. ’n “Betaling hangende”-lynitem verskyn op jou Betalings-bladsy.
Jy moet jou betaling binne 60 dae nadat dit uitgereik is, afhaal, andersins sal die bedrag teruggestuur en na jou AdSense-rekening teruggekrediteer word.
- 3de: Vorige maand se geskatte verdienste word gefinaliseer en op jou Betalings-bladsy geplaas.
- 20ste: Veranderings aan betaalinligting (insluitend die verwydering van betaling-terughouding) moet voor of op die 20ste voltooi word. Veranderings wat ná die 20ste van enige maand aangebring word, sal nie tot die volgende maand se betalingsiklus in werking tree nie. Jou totale saldo op die 20ste moet ook die betalingdrempel bereik. As jou saldo nie die betalingdrempel bereik nie of as jy ’n betaling-terughouding het, sal jy nie daardie maand betaal word nie, en jou saldo sal oorrol na die volgende maand.
- 21ste-26ste: Bankoorplasing geïnisieer. ’n “Betaling hangende”-lynitem verskyn op jou Betalings-bladsy.
Laat tot 15 werksdae toe vir die oordrag om deur te gaan. Die tydsduur vir jou bankoorplasing om in jou bankrekening te reflekteer kan verskil afhangende van jou bankinstelling.
Let wel: Indien die 21ste op ’n naweek of vakansiedag val, kan betalings op die eerste werksdag ná die 21ste van daardie maand uitgereik word.
Daarbenewens, indien ’n uitgewer agterstallig is met enige betaling aan Google met betrekking tot die Google Advertensies-program, hou ons die reg voor om betaling te weerhou tot alle uitstaande betalings gemaak is. Vir ’n volledige beskrywing van betaalvoorwaardes kan jy na AdSense se Bepalings en voorwaardes verwys.