உலகளாவிய தன்னார்வலர்கள் சமூகத்தை அங்கீகரிக்கவும் ஆதரிக்கவும் YouTube ஒரு திட்டத்தை வடிவமைத்துள்ளது.
இவற்றைச் செய்வதன் மூலம் அனைவருக்கும் சிறந்த YouTube அனுபவத்தை வழங்க இந்தத் தன்னார்வலர்கள் உதவுகிறார்கள்:
- எங்கள் உதவி மன்றத்தில் ஆயிரக்கணக்கான கேள்விகளுக்குப் பதிலளித்தல் (ஆங்கிலம், ஃபிரெஞ்சு, ஜெர்மன், ஜாப்பனீஸ், போர்ச்சுகீஸ், ரஷ்யன் மற்றும் ஸ்பானிஷ் மொழிகளில் கிடைக்கிறது).
- பிற YouTube Music உறுப்பினர்களுடன் உரையாடுதல் மற்றும் எங்கள் YouTube Music உதவி மன்றத்தில் (ஆங்கிலத்தில் கிடைக்கிறது) கேள்விகளுக்குப் பதிலளிக்க உதவுதல்.
- உறுப்பினர்களும் கிரியேட்டர்களும் எப்படி YouTubeஐச் சிறந்த முறையில் பயன்படுத்துவது என்பதைப் புரிந்துகொள்ள உதவும் வகையில் வீடியோக்களைத் தயாரித்தல் (ஃபிரெஞ்சு, ஜெர்மன், ஜாப்பனீஸ், போர்ச்சுகீஸ், ரஷ்யன் மற்றும் ஸ்பானிஷ் மொழிகளில் கிடைக்கிறது).
YouTube தன்னார்வலர் சமூகத்தில் சேர்தல்
YouTube தன்னார்வலர் சமூகத்தில் சேர்வதன் மூலம், தினம்தோறும் வீடியோக்களைப் பகிர்வதற்கும் பார்ப்பதற்கும் அணுகுவதற்கும் ஏற்ற ஒரு இடமாக YouTubeஐ உருவாக்க எங்களுக்கு உதவலாம். பிரத்தியேகப் பயிற்சிகள், YouTube குழுவுடன் உரையாடுதல், புதிய தயாரிப்புகளுக்கும் அம்சங்களுக்குமான முன்னோட்ட மாதிரிக்காட்சிகள் ஆகியவற்றுக்கான அணுகலையும் பெறலாம். YouTube தன்னார்வலர்கள் Google தயாரிப்பு நிபுணர்களுக்கான திட்டத்தின் பங்கேற்பாளர் ஆவர்.
YouTube தன்னார்வலராக இந்தத் திட்டத்தில் பங்கேற்க YouTube தன்னார்வலர் சமூக விதிகளை ஏற்றுக்கொண்டு அவற்றுக்கு இணங்க வேண்டும். இந்தத் திட்டம் பரிசோதனை நிலையில் இருப்பதையும் மாற்றத்திற்கு உட்பட்டது என்பதையும் கவனத்தில் கொள்ளுங்கள். காலத்திற்கேற்ப திட்டத்தை இன்னும் சிறந்ததாக்க விரும்புகிறோம். சேர விரும்புகிறீர்களா? இங்கே பதிவுசெய்யுங்கள்.