Авторлық құқық туралы шағым дегеніміз не?

Авторлық құқық шағымы не авторлық құқықты бұзған контентті жою туралы сұрауды, не Content ID шағымын білдіреді. Олар – YouTube-те авторлық құқық меншігін растаудың 2 түрлі жолы.

Авторлық құқықты бұзған контентті жою туралы сұраулар мен Content ID шағымдарының айырмашылығы қандай?

Авторлық құқық иесі өзінің авторлық құқықпен қорғалған контентінің YouTube-те рұқсатсыз жарияланғанын анықтаса, авторлық құқықты бұзған контентті жою туралы сұрау жібере алады. Бұл "бейнені жою туралы сұрау" немесе жай ғана "жою" деп те аталады. Авторлық құқықты бұзу күдігі болғандықтан, бұл YouTube-тен контентті жою туралы заңды сұрау болып табылады. Толық ақпарат төменде берілген.

Кейбір авторлық құқық иелері Content ID құралын пайдаланады. Бұл құрал YouTube-те авторлық құқықпен қорғалған контенттің бар-жоғын автоматты түрде тексереді. Content ID сәйкестікті тапқан кезде, сәйкес келетін контент бойынша Content ID шағымы беріледі. Сәйкес келетін контентке қолданылатын шара авторлық құқық иесінің Content ID параметрлеріне байланысты. Ол туралы толық ақпарат төменде берілген.

Бұл бейнеде авторлық құқықты бұзған контентті жою туралы сұраулар мен Content ID шағымдарының айырмашылығы толық түсіндірілген.

Авторлық құқықты өшіру және Content ID — YouTube-тегі авторлық құқық

Авторлық құқықты бұзған контентті жою туралы сұраулар

Авторлық құқық туралы заң YouTube сияқты сайттардан авторлық құқықты бұзған контентті жою туралы сұрауларды өңдеуді талап етеді. Жою туралы сұраулар жарамды болуы үшін, барлық заң талаптарына сай болуы керек.

Авторлық құқықты бұзған контентті жою туралы сұрау үшін контентім жойылған кезде, не болады?

Авторлық құқықты бұзған контентті жою туралы сұрау үшін контентіңіз жойылған кезде, арнаңызға авторлық құқықтың бұзылғаны туралы ескерту беріледі.

Авторлық құқықтың бұзылғаны туралы ескертуді шешу туралы қосымша ақпарат алыңыз. Осы опциялардың кез келгені авторлық құқықтың бұзылғаны туралы ескертуді арнаңыздан өшіреді.

Content ID шағымдары

Авторлық құқықты бұзған контентті жою туралы сұраулар заңмен белгіленген, ал Content ID жүйесі — YouTube-тің жасаған құралы. ​​Content ID сәйкестікті анықтаған кезде, сәйкес келетін контент бойынша Content ID шағымын береді.

Контентім бойынша Content ID шағымы түссе, не болады?

Авторлық құқық иесінің Content ID параметрлеріне байланысты Content ID шағымдарының мүмкіндіктері:

• контентті блоктау;
• контентте жарнамалар беріп, арасында табысты жүктеп салушымен бөлісу арқылы оны монетизациялау;
• контентті көру санының көрсеткішін бақылау.

Осы әрекеттің кез келгені георгафиялық орналасуға байланысты болуы мүмкін. Мысалы, бейне бір елде/аймақта монетизациялануы мүмкін, ал басқа елде/аймақта блокталуы немесе бақылануы мүмкін.

Контент бақыланған не монетизацияланған кезде, оның ашық Content ID шағымымен бірге YouTube-те көрсетіле беретінін есте сақтаңыз. Әдетте авторлық құқық иелері бейнелерді блоктауды емес, бақылауды не монетизациялауды таңдайды.

Content ID шағымына жауап беру туралы қосымша ақпарат алыңыз.