Kutumia manukuu ya kiotomatiki

Manukuu ni njia bora ya kufanya maudhui yafikiwe na watazamaji. YouTube inaweza kutumia teknolojia ya utambuzi wa matamshi kuweka manukuu kiotomatiki kwenye video zako.

Kumbuka: Manukuu haya ya kiotomatiki huzalishwa na algoriti za mashine kujifunza, kwa hivyo ubora wa manukuu unaweza kutofautiana. Tunawahimiza watayarishi waweke manukuu ya kitaalamu kwanza. YouTube inaboresha teknolojia yake ya utambuzi wa matamshi mara kwa mara. Hata hivyo, huenda manukuu ya kiotomatiki yakawakilisha visivyo maudhui yaliyozungumzwa kutokana na matamshi yasiyofaa, lafudhi, lahaja au kelele za mazingira. Unapaswa kukagua manukuu ya kiotomatiki kila wakati na kuhariri sehemu zozote ambazo hazijanukuliwa vizuri.

Manukuu ya kiotomatiki kwenye video za maudhui marefu na Video Fupi

Manukuu ya kiotomatiki yanapatikana kwa lugha ya Kiarabu, Kiholanzi, Kiingereza, Kifaransa, Kijerumani, Kiyahudi, Kihindi, Kiindonesia, Kiitaliano, Kijapani, Kikorea, Kireno, Kirusi, Kihispania, kituruki, Kiukraini na Kivietinamu. Ikiwa kuna nyimbo za sauti zinazotumia lugha nyingi kwenye video, manukuu ya kiotomatiki yatakuwa katika lugha chaguomsingi.

Tunawahimiza watayarishi waweke manukuu ya kitaalamu kwanza. Ikiwa manukuu ya kiotomatiki yanapatikana, yatachapishwa kwenye video kiotomatiki. Huenda manukuu ya kiotomatiki yasiwe tayari wakati unapakia video. Muda wa uchakataji unategemea kiwango cha uchangamano wa sauti ya video.

YouTube inaboresha teknolojia yake ya utambuzi wa matamshi mara kwa mara. Lakini, huenda manukuu ya kiotomatiki yakawakilisha visivyo maudhui yaliyozungumzwa kutokana na matamshi yasiyofaa, lafudhi, lahaja au kelele za mazingira. Kagua manukuu ya kiotomatiki kila wakati na uhariri sehemu zozote ambazo hazijanukuliwa vizuri.

Hivi ndivyo unavyoweza kukagua manukuu ya kiotomatiki na kufanya mabadiliko, panapohitajika:

1. Ingia katika akaunti kwenye Studio ya YouTube.
2. Kwenye menyu ya kushoto, chagua Manukuu.
3. Bofya video unayotaka kuweka manukuu.
4. Kwenye sehemu ya “Manukuu”, bofya Zaidi  karibu na manukuu unayotaka kuhariri.
5. Kagua manukuu ya kiotomatiki na uhariri au uondoe sehemu zozote ambazo hazijanukuliwa vizuri.

Kutatua matatizo ya manukuu ya kiotomatiki

Ikiwa video yako haizalishi manukuu ya kiotomatiki, huenda ikawa kutokana na sababu moja au zaidi kati ya zifuatazo:

• Manukuu bado hayapatikani kwa sababu ya uchakataji wa sauti changamano kwenye video.
• Manukuu ya kiotomatiki hayapatikani kwa lugha iliyo kwenye video.
• Video ni ndefu mno.
• Video ina ubora wa chini wa sauti au YouTube haitambui matamshi husika.
• Kuna kipindi kirefu cha kimya mwanzoni mwa video.
• Kuna wazungumzaji wengi ambao matamshi yao yanafanyika kwa wakati mmoja au lugha nyingi kwa wakati mmoja.

Manukuu ya kiotomatiki kwenye video zinazotiririshwa moja kwa moja

Kumbuka: Manukuu ya kiotomatiki ya mitiririko mubashara yanapatikana kwa lugha ya Kiingereza pekee. Manukuu ya kiotomatiki yanaweza tu kuwashwa kwenye mitiririko mubashara mahususi, wala si kituo chote.

Kwa sasa manukuu ya kiotomatiki ya mitiririko mubashara yanasambazwa kwenye vituo vya Kiingereza. Vituo hivi vinatiririsha katika "muda wa kawaida wa kusubiri" na manukuu ya kitaalamu hayapatikani. Tunawahimiza watayarishi watumie manukuu ya kitaalamu kwanza. Pata maelezo kuhusu masharti ya manukuu papo hapo.

Mtiririko mubashara ukiisha, manukuu ya kiotomatiki ya papo hapo hayatasalia kwenye video. Manukuu mapya ya kiotomatiki yatazalishwa kulingana na mchakato wa Mfumo wa Kufikia Video Unapohitaji (VOD) na huenda yakawa tofauti na yale yaliyoonekana wakati wa mtiririko mubashara.

Kuweka manukuu ya kiotomatiki ya papo hapo

Hivi ndivyo unavyoweza kuwasha kipengele cha manukuu ya kiotomatiki (Kiingereza peke):

1. Nenda kwenye YouTube.
2. Upande wa juu kulia, bofya Anzisha   Tiririsha mubashara.
3. Chagua Tiririsha  kwenye menyu ya kushoto.
4. Kwenye mipangilio ya mtiririko, washa Manukuu.
5. Chagua “Manukuu ya kiotomatiki” kama chanzo cha manukuu.
6. Chagua lugha ya video yako (Kiingera pekee)

Kutatua matatizo ya manukuu ya kiotomatiki ya papo hapo

Ikiwa mtiririko mubashara hauzalishi manukuu ya kiotomatiki, huenda ikawa ni kutokana na sababu moja au zaidi kati ya zifuatazo:

• Kipengele hicho hakijawashwa kwenye kituo kwa vile kunasambazwa polepole kwenye vituo vinavyofuatiliwa na zaidi ya watu 1,000.
• Kituo kinatiririsha katika muda mfupi au muda mfupi zaidi wa kusubiri (kama vile mtiririko mubashara kwenye kifaa cha mkononi). Manukuu ya kiotomatiki ya papo hapo yanapatikana tu kwenye utiririshaji wa muda wa kawaida wa kusubiri.
• Manukuu ya kiotomatiki hayapatikani kwa lugha iliyo kwenye video.
• Video ina ubora wa chini wa sauti au YouTube haitambui matamshi husika.
• Kuna wazungumzaji wengi ambao matamshi yao yanafanyika kwa wakati mmoja au lugha nyingi kwa wakati mmoja.

Kumbuka: Ili uzuie manukuu ya kiotomatiki yasionyeshwe kwenye mitiririko yako mubashara, wasiliana na Timu ya Usaidizi kwa Watayarishi.

Mipangilio ya kina ya manukuu ya kiotomatiki

Maneno ambayo huenda hayafai kwenye manukuu ya kiotomatiki

Kwa chaguomsingi, mipangilio ya “Usionyeshe maneno ambayo huenda hayafai” kwenye Studio ya YouTube huondoa maneno ambayo huenda hayafai na kuweka bano la kufungua, mistari chini miwili na bano la kufunga “[ __ ]” kwenye manukuu ya kiotomatiki. Mipangilio hiyo haiathiri nyimbo zozote za sauti au manukuu uliyohariri mwenyewe. Inakusudiwa kusaidia kuzuia maneno ambayo huenda hayafai yasionekane kimakosa kwenye manukuu ya kiotomatiki. Pia haiathiri hali ya uchumaji wa mapato ya video yako.

Manukuu ya kiotomatiki hutumika kwenye video zilizopakiwa na mitiririko mubashara.

Bado tunahimiza watayarishi wakague manukuu yao yote yaliyozalishwa kiotomatiki huku tukiendelea kuboresha programu yetu ya utambuzi wa matamshi na kupunguza makosa kwenye manukuu ya kiotomatiki.

Hivi ndivyo unavyoweza kuzima mipangilio ya “Usionyeshe maneno ambayo huenda hayafai”, panapohitajika:

1. Ingia katika akaunti kwenye Studio ya YouTube.
2. Kwenye menyu ya kushoto, chagua Mipangilio .
3. Chagua Kituo  Mipangilio ya kina.
4. Kwenye sehemu ya "Manukuu yanayozalishwa kiotomatiki," acha kuchagua Usionyeshe maneno ambayo huenda hayafai.

Kumbuka: Mipangilio hii inapatikana kwenye manukuu ya kiotomatiki na manukuu yanayotafsiriwa kiotomatiki.