Kutumia manukuu ya kiotomatiki

Manukuu ni njia bora ya kufanya maudhui yafikiwe na watazamaji. YouTube inaweza kutumia teknolojia ya utambuzi wa matamshi kuweka manukuu kiotomatiki kwenye video zako.

Kumbuka: Manukuu haya ya kiotomatiki hutayarishwa na algoriti za mashine kujifunza, kwa hivyo ubora wa manukuu unaweza kutofautiana. Tunawahimiza watayarishi waweke manukuu ya kitaalamu kwanza. YouTube inaendelea kuboresha teknolojia yake ya utambuzi wa matamshi. Hata hivyo, huenda manukuu ya kiotomatiki yakawakilisha visivyo maudhui yaliyozungumzwa kutokana na matamshi yasiyofaa, lafudhi, lahaja au kelele za mazingira. Unapaswa kukagua manukuu ya kiotomatiki kila wakati na kuhariri sehemu zozote ambazo hazijanukuliwa vizuri.

Manukuu ya kiotomatiki kwenye video ndefu na Video Fupi

Manukuu ya kiotomatiki yanapatikana katika Kiafrikana, Kialbania, Kiamhariki, Kiarabu, Kiarmenia, Kiazabaijani, Beski, Kibelarusi, Kibengali, Kibulgaria, Kibama, Kikantoni au Kichina ya Hong Kong, Kikhema cha Kati, Kichina, Kicheki, Kidenmaki, Kiholanzi, Kiingereza, Kiestonia, Kifarsi, Kifilipino, Kifini, Kifaransa, Kigalisia, Kijojia, Kijerumani, Kigiriki, Kigujarati, Kiyahudi, Kihindi, Kihangaria, Kisilandi, Kiindonesia, Kiitaliano, Kijapani, Kijavanisi, Kikanada, Kikorea, Kilao, Kilativia, Kilithuania, Kimasedonia, Kimalei, Kimalayalamu, Kimarathi, Kimongolia, Kinepali, Kinorwe, Kipolandi, Kireno, Kipunjabi, Kiromania, Kirusi, Kisinhalisi, Kislovakia, Kihispania, Kisundanisi, Kiswahili, Kiswidi, Kitamili, Kitelugu, Kitai, Kituruki, Kiukreni, Kiuzbeki, Kivietnam, Kizulu. Ikiwa kuna sauti katika lugha nyingi kwenye video, manukuu ya kiotomatiki yatakuwa katika lugha chaguomsingi.

Tunawahimiza watayarishi waweke manukuu ya kitaalamu kwanza. Ikiwa manukuu ya kiotomatiki yanapatikana, yatachapishwa kwenye video kiotomatiki. Huenda manukuu ya kiotomatiki yasiwe tayari wakati unapakia video. Muda wa uchakataji unategemea kiwango cha uchangamano wa sauti ya video.

YouTube inaendelea kuboresha teknolojia yake ya utambuzi wa matamshi. Lakini, huenda manukuu ya kiotomatiki yakawakilisha kwa njia ya uongo maudhui yaliyozungumzwa kutokana na matamshi yasiyo sahihi, lafudhi, lahaja au kelele za mazingira. Kagua manukuu ya kiotomatiki kila wakati na ubadilishe sehemu zozote ambazo hazijanukuliwa vizuri.

Hivi ndivyo unavyoweza kukagua manukuu ya kiotomatiki na kufanya mabadiliko, panapohitajika:

1. Ingia katika akaunti kwenye Studio ya YouTube.
2. Kwenye menyu ya kushoto, chagua Manukuu.
3. Bofya video unayotaka kuwekea manukuu.
4. Chini ya “Manukuu”, bofya Zaidi karibu na manukuu unayotaka kubadilisha.
5. Kagua manukuu ya kiotomatiki kisha ubadilishe au uondoe sehemu zozote ambazo hazijanukuliwa vizuri.

Kutatua matatizo ya manukuu ya kiotomatiki

Ikiwa video yako haina manukuu ya kiotomatiki, huenda ikawa kutokana na sababu moja au zaidi kati ya zifuatazo:

• Manukuu bado hayapatikani kwa sababu ya uchakataji wa sauti changamano kwenye video.
• Manukuu ya kiotomatiki hayapatikani katika lugha iliyo kwenye video.
• Video ni ndefu mno.
• Video ina sauti yenye ubora wa chini au YouTube haitambui matamshi husika.
• Kuna kipindi kirefu cha kimya mwanzoni mwa video.
• Kuna wazungumzaji wengi ambao matamshi yao yanafanyika kwa wakati mmoja au lugha nyingi kwa wakati mmoja.

Manukuu ya kiotomatiki kwenye video zinazotiririshwa mubashara

Kumbuka: Manukuu ya kiotomatiki ya mitiririko mubashara yanapatikana katika Kiingereza pekee. Unaweza tu kuwasha manukuu ya kiotomatiki kwenye mitiririko mubashara mahususi, wala si katika chaneli nzima.

Kwa sasa manukuu ya kiotomatiki ya mitiririko mubashara yanasambazwa kwenye vituo vya Kiingereza. Vituo hivi vinatiririsha katika "muda wa kawaida wa kusubiri" na manukuu ya kitaalamu hayapatikani. Tunawahimiza watayarishi watumie manukuu ya kitaalamu kwanza. Pata maelezo kuhusu masharti ya manukuu papo hapo.

Mtiririko mubashara ukiisha, manukuu ya kiotomatiki ya papo hapo hayatasalia kwenye video. Manukuu mapya ya kiotomatiki yatazalishwa kulingana na mchakato wa Mfumo wa Kufikia Video Unapohitaji (VOD) na huenda yakawa tofauti na yale yaliyoonekana wakati wa mtiririko mubashara.

Kuweka manukuu ya kiotomatiki ya papo hapo

Hivi ndivyo unavyoweza kuwasha kipengele cha manukuu ya kiotomatiki (Kiingereza peke):

1. Nenda kwenye YouTube.
2. Katika sehemu ya juu kulia, bofya Buni Tiririsha mubashara.
3. Chagua Tiririsha kwenye menyu ya kushoto.
4. Kwenye mipangilio ya mtiririko, washa Manukuu yenye maelezo.
5. Chagua “Manukuu ya kiotomatiki” kama chanzo cha manukuu.
6. Chagua lugha ya video yako (Kiingera pekee)

Kutatua matatizo ya manukuu ya kiotomatiki ya papo hapo

Ikiwa manukuu ya kiotomatiki hayako kwenye mtiririko mubashara, huenda ikawa ni kutokana na sababu moja au zaidi kati ya zifuatazo:

• Kipengele hakijawashwa kwenye chaneli kwa sababu tunakisambaza kwa utaratibu kwenye chaneli zinazofuatiliwa na zaidi ya watu 1,000.
• Chaneli inatiririsha katika muda mfupi au muda mfupi zaidi wa kusubiri (kama vile mtiririko mubashara kwenye simu). Manukuu ya kiotomatiki ya papo hapo yanapatikana tu kwenye utiririshaji wa muda wa kawaida wa kusubiri.
• Manukuu ya kiotomatiki hayapatikani katika lugha iliyo kwenye video.
• Video ina sauti yenye ubora wa chini au YouTube haitambui matamshi husika.
• Kuna wazungumzaji wengi ambao matamshi yao yanafanyika kwa wakati mmoja au lugha nyingi kwa wakati mmoja.

Kumbuka: Ili uzuie manukuu ya kiotomatiki yasionyeshwe kwenye mitiririko yako mubashara, wasiliana na Timu ya Usaidizi kwa Watayarishi.

Mipangilio ya kina ya manukuu ya kiotomatiki

Maneno ambayo huenda hayafai kwenye manukuu ya kiotomatiki

Kwa chaguomsingi, mipangilio ya “Usionyeshe maneno ambayo huenda hayafai” kwenye Studio ya YouTube huondoa maneno ambayo huenda hayafai na kuweka bano la kufungua, mistari chini miwili na bano la kufunga “[ __ ]” kwenye manukuu ya kiotomatiki. Mipangilio hii haiathiri sauti wala manukuu yoyote uliyobadilisha mwenyewe. Inakusudiwa kusaidia kuzuia maneno ambayo huenda hayafai yasionekane kimakosa kwenye manukuu ya kiotomatiki. Pia haiathiri hali ya uchumaji wa mapato ya video yako.

Manukuu ya kiotomatiki hutumika kwenye video zilizopakiwa na mitiririko mubashara.

Bado tunahimiza watayarishi wakague manukuu yao yote yaliyozalishwa kiotomatiki huku tukiendelea kuboresha programu yetu ya utambuzi wa matamshi na kupunguza makosa kwenye manukuu ya kiotomatiki.

Hivi ndivyo unavyoweza kuzima mipangilio ya “Usionyeshe maneno ambayo huenda hayafai”, panapohitajika:

1. Ingia katika akaunti kwenye Studio ya YouTube.
2. Kwenye menyu ya kushoto, chagua Mipangilio .
3. Chagua Chaneli Mipangilio ya kina.
4. Chini ya sehemu ya "Manukuu yaliyotayarishwa kiotomatiki," acha kuchagua Usionyeshe maneno ambayo huenda hayafai.

Kumbuka: Mipangilio hii inapatikana kwenye manukuu ya kiotomatiki na manukuu yanayotafsiriwa kiotomatiki.