Kubadilisha lugha ya video uliyopakia

Haiwezekani kubadilisha lugha ya video ambayo hukuipakia. Pata maelezo kuhusu jinsi ya kuangalia manukuu yanayopatikana unapotazama video kwa lugha tofauti.

Mipangilio ya lugha ya video ni kipengele kinachotumiwa kusaidia YouTube na wachangiaji kuelewa lugha ya asili ya video yako. Kipengele hiki husaidia unapoweka manukuu kwenye video za YouTube. Pia kinatumiwa kuwasaidia watazamaji kupata video kwa lugha zao.

Kubadilisha lugha ya video

Unaweza kubadilisha lugha ya video uliyopakia ikiwa haijawekwa sahihi.

1. Ingia katika akaunti ya Studio ya YouTube.
2. Kwenye menyu ya kushoto, chagua Maudhui.
3. Bofya kijipicha cha video.
4. Hakikisha kwamba lugha unayolenga imeorodheshwa kwenye kichupo cha Manukuu. Bofya WEKA LUGHA ili uweke lugha husika ya “Manukuu” na “Jina na maelezo”.
5. Nenda kwenye kichupo cha Maelezo.
6. Katika sehemu ya chini ya ukurasa, bofya ONYESHA ZAIDI.
7. Chagua “Lugha ya video” na “Lugha ya jina na maelezo” unayolenga kwenye sehemu ya Lugha na uthibitishaji wa manukuu kisha Hifadhi.

Kumbuka: Ukibadilisha mipangilio ya lugha ya asili ya video, manukuu ya baadaye yatakayotafsiriwa yatatumia lugha mpya kama lugha chanzo ya tafsiri. Manukuu yako ya rasimu na yaliyochapishwa hayataathiriwa.