ບລັອກວິດີໂອໃນເຂດແດນສະເພາະ

ຄຸນສົມບັດເຫຼົ່ານີ້ມີໃຫ້ບໍລິການແກ່ຮຸ້ນສ່ວນທີ່ໃຊ້ຕົວຈັດການເນື້ອຫາ YouTube Studio ເທົ່ານັ້ນ. ກະລຸນາຕິດຕໍ່ ຜູ້ຈັດການຮຸ້ນສ່ວນ YouTube ຂອງທ່ານເພື່ອຂໍຮັບສິດເຂົ້າເຖິງ.

ບາງຄັ້ງທ່ານຈໍາເປັນຕ້ອງບລັອກວິດີໂອຂອງທ່ານຈາກການສາມາດເບິ່ງໃນເຂດແດນສະເພາະ. ຕົວຢ່າງ: ທ່ານອາດຈະເປັນເຈົ້າຂອງສິດໃນວິດີໂອໃນບາງເຂດແດນ ແລະ ຕ້ອງການປ້ອງກັນບໍ່ໃຫ້ຜູ້ຊົມພາຍນອກເຂດແດນເຫຼົ່ານັ້ນເບິ່ງວິດີໂອຂອງທ່ານ.

ໃນກໍລະນີອື່ນໆ, ທ່ານອາດຈະຈໍາເປັນຕ້ອງໄດ້ບລັອກວິດີໂອຂອງທ່ານຈາກການເບິ່ງຢູ່ໃນເຂດແດນທີ່ທ່ານເປັນເຈົ້າຂອງສິດໃນວິດີໂອໄດ້. ໃນບາງເທື່ອການບລັອກການເບິ່ງວິດີໂອໃນເຂດແດນສະເພາະຈະເອີ້ນວ່າ "ການກຳນົດຂອບເຂດສະເໝືອນ".

ເຂດແດນບ່ອນທີ່ທ່ານເປັນເຈົ້າຂອງ

ຖ້າທ່ານເປັນເຈົ້າຂອງສິດໃນວິດີໂອໃນເຂດແດນສະເພາະ, ທ່ານອາດຈະຕ້ອງການປ້ອງກັນບໍ່ໃຫ້ຜູ້ຊົມໃນເຂດແດນເຫຼົ່ານັ້ນເບິ່ງວິດີໂອຂອງທ່ານ.

ເພື່ອບລັອກວິດີໂອໃນເຂດແດນທີ່ທ່ານເປັນເຈົ້າຂອງ, ທ່ານຕ້ອງຕັ້ງຄ່າ ນະໂຍບາຍການອັບໂຫຼດ. ສຶກສາວິທີການ ຕັ້ງຄ່ານະໂຍບາຍການອັບໂຫຼດ.

ນະໂຍບາຍການອັບໂຫຼດອະນຸຍາດໃຫ້ທ່ານສ້າງການອ້າງສິດຂອງຮຸ້ນສ່ວນທີ່ໄດ້ອັບໂຫຼດ ທີ່ບອກໃຫ້ YouTube ບລັອກວິດີໂອຂອງທ່ານໃນເຂດແດນທີ່ທ່ານເປັນເຈົ້າຂອງ. ທ່ານສາມາດໃຊ້ນະໂຍບາຍທີ່ກໍານົດໄວ້ລ່ວງໜ້າເພື່ອບລັອກທົ່ວໂລກ ຫຼື ທ່ານສາມາດສ້າງນະໂຍບາຍເພື່ອລະບຸບ່ອນທີ່ທ່ານຕ້ອງການໃຫ້ວິດີໂອຂອງທ່ານຖືກບລັອກ.

ເຂດແດນທີ່ທ່ານບໍ່ໄດ້ເປັນເຈົ້າຂອງ

ຖ້າທ່ານເປັນເຈົ້າຂອງສິດໃນວິດີໂອໃນເຂດແດນສະເພາະເທົ່ານັ້ນ, ທ່ານອາດຈໍາເປັນຕ້ອງໄດ້ປ້ອງກັນບໍ່ໃຫ້ຜູ້ຊົມນອກເຂດແດນເຫຼົ່ານັ້ນເບິ່ງວິດີໂອຂອງທ່ານ.

ເພື່ອບລັອກວິດີໂອໃນເຂດທີ່ທ່ານບໍ່ໄດ້ເປັນເຈົ້າຂອງ, ທ່ານຈໍາເປັນຕ້ອງໃຊ້ຄຸນສົມບັດ "ບລັອກຄວາມເປັນເຈົ້າຂອງ ຈາກພາຍນອກ". ຄຸນສົມບັດນີ້ຊ່ວຍໃຫ້ທ່ານນໍາໃຊ້ນະໂຍບບາຍບລັອກໃນທຸກເຂດແດນທີ່ຢູ່ນອກຄວາມເປັນເຈົ້າຂອງຂອງທ່ານ, ເນື່ອງຈາກຈະໂຍບາຍການອັບໂຫຼດບໍ່ສາມາດນໍາໃຊ້ໄດ້ໃນເຂດແດນເຫຼົ່ານີ້.

ຢ່າບລັອກວິດີໂອທີ່ຢູ່ນອກເຂດຄວາມເປັນເຈົ້າຂອງຂອງທ່ານຖ້າວ່າມີຮຸ້ນສ່ວນອື່ນເປັນເຈົ້າຂອງສິດວິດີໂອໃນເຂດແດນອື່ນ. ຖ້າທ່ານເຮັດແນວນັ້ນ, ວິດີໂອຈະຖືກບລັອກຢູ່ໃນເຂດແດນຂອງຮຸ້ນສ່ວນອື່ນໆ. ສຶກສາເພີ່ມເຕີມກ່ຽວກັບ ຈັດການຄວາມເປັນເຈົ້າຂອງເນື້ອຫາ.

ບລັອກວິດີໂອດຽວ

1. ເຂົ້າສູ່ລະບົບ ຕົວຈັດການເນື້ອຫາ Studio.
2. ຈາກເມນູຊ້າຍ, ເລືອກ ວິດີໂອ .
3. ຄລິກວິດີໂອທີ່ທ່ານຕ້ອງການຈະບລັອກ.
4. ເລືຶອກແຖບ ການຈັດການສິດທິ .
5. ພາຍໃຕ້ພາກສ່ວນ ຄວາມເປັນເຈົ້າຂອງ , ໃຫ້ຄລິກ ເຂດແດນສະເພາະ.
6. ເລືອກຕົວເລືອກ:
   • ເປັນເຈົ້າຂອງໃນເຂດແດນທີ່ເລືອກ: ຖ້າທ່ານເປັນເຈົ້າຂອງສິດວິດີໂອຂອງທ່ານໃນສອງສາມເຂດແດນ, ໃຫ້ເລືອກຕົວເລືອກນີ້. ຈາກນັ້ນ, ໃນກ່ອງຂໍ້ຄວາມ, ກະລຸນາໃສ່ເຂດແດນທີ່ທ່ານເປັນເຈົ້າຂອງສິດໃນວິດີໂອຂອງທ່ານ. ໃຊ້ເຄື່ອງໝາຍຈຸດ (",") ເພື່ອແຍກການໃສ່ເຂົ້າແຕ່ລະອັນ.
   • ເປັນເຈົ້າຂອງໃນທຸກບ່ອນຍົກເວັ້ນເຂດແດນທີ່ເລືອກ: ຖ້າທ່ານເປັນເຈົ້າຂອງສິດໃນວິດີໂອຂອງທ່ານໃນຫຼາຍເຂດແດນ, ເລືອກຕົວເລືອກນີ້. ຈາກນັ້ນ, ໃນກ່ອງຂໍ້ຄວາມ, ໃຫ້ໃສ່ເຂດແດນທີ່ທ່ານບໍ່ເປັນເຈົ້າຂອງສິດໃນວິດີໂອຂອງທ່ານ. ໃຊ້ເຄື່ອງໝາຍຈຸດ (",") ເພື່ອແຍກການໃສ່ເຂົ້າແຕ່ລະອັນ.
7. ໃຫ້ຄລິກໃສ່ກ່ອງໝາຍທີ່ຢູ່ຖັດຈາກ ບລັອກວິດີໂອທີ່ຢູ່ນອກເຂດແດນຄວາມເປັນເຈົ້າຂອງຂອງທ່ານ.
8. ຄລິກ ບັນທຶກ.

ຖ້າທ່ານຕ້ອງການຍົກເລີກການບລັອກທີ່ທ່ານວາງໄວ້ໃນເຂດແດນສະເພາະທີ່ຢູ່ນອກຄວາມເປັນເຈົ້າຂອງຂອງທ່ານ, ຕິດຕໍ່ກັບທີມງານຊ່ວຍເຫຼືອຂອງພວກເຮົາ ເພື່ອຂໍຄວາມຊ່ວຍເຫຼືອ.