Lokaðu á vídeó á ákveðnum landsvæðum

Þessir eiginleikar eru einungis tiltækir þeim samstarfsaðilum sem nota efnisstjórnun YouTube Studio. Hafðu samband við samstarfsráðgjafa þinn hjá YouTube til að fá aðgang.

Stundum gætirðu þurft að loka á vídeóin þín þannig að ekki sé hægt að skoða þau á ákveðnum landsvæðum. Þú gætir, til dæmis, átt rétt á vídeói á sumum landsvæðum og þurft að koma í veg fyrir að áhorfendur utan þeirra landsvæða geti skoðað vídeóið.

Í öðrum tilfellum gætirðu þurft að loka á að hægt sé að horfa á vídeóið þitt á landsvæðum þar sem þú átt rétt á vídeóinu. Það að loka á vídeóáhorf á ákveðnum landsvæðum er stundum kallað „landfræðileg mörk“.

Landsvæði þar sem þú ert með eignarhald

Ef þú átt rétt á vídeói einungis á ákveðnum landsvæðum gætirðu viljað koma í veg fyrir að áhorfendur á þeim landsvæðum horfi á vídeóið.

Til að loka á landsvæðum þar sem þú ert með eignarhald þarftu að setja upp upphleðslureglur. Sjáðu hvernig þú setur upp upphleðslureglur.

Upphleðslureglur gera þér kleift að búa til tilkall vegna efnis frá samstarfsaðilum sem lætur YouTube vita að það eigi að loka á vídeóin þín á þeim landsvæðum sem eignarhald þitt nær til. Þú getur notað fyrirframskilgreindu reglurnar til að loka á um heim allan eða þú getur búið til reglur sem tilgreinir hvar þú vilt að lokað sé á vídeóið.

Landsvæði sem eignarhald þitt nær ekki til

Ef þú átt einungis rétt á vídeói á ákveðnum landsvæðum gætirðu þurft að koma í veg fyrir að áhorfendur utan þeirra landsvæða geti skoðað vídeóið.

Til að loka á vídeó á landsvæðum sem eignarhald þitt nær ekki til þarftu að nota eiginleikann „Loka utan eignarhalds“. Eiginleikinn gerir þér kleift að nota lokunarreglur á öllum landsvæðum utan eignarhalds þíns vegna þess að ekki er hægt að nota upphleðslureglur á þeim landsvæðum.

Ekki loka á vídeó utan eignarhalds þíns ef aðrir samstarfsaðilar eiga rétt á vídeóinu á öðrum landsvæðum. Ef þú gerir það verður lokað á vídeóið á landsvæðum annarra samstarfsaðila. Nánar um hvernig þú stjórnar eignarhaldi á eign.

Lokaðu á stakt vídeó

1. Skráðu þig inn í Efnisstjórnun Studio.
2. Í vinstri valmyndinni skaltu velja Vídeó .
3. Smelltu á vídeóið sem þú vilt loka á.
4. Veldu flipann Réttindastjórnun.
5. Undir hlutanum Eignarhald skaltu smella á Ákveðin landsvæði.
6. Veldu kost:
   • Eiga á völdum landsvæðum: Ef þú átt rétt á vídeóinu á nokkrum landsvæðum skaltu velja þennan kost. Í textareitnum skaltu síðan slá inn landsvæðin þar sem þú átt rétt á vídeóinu. Notaðu kommu („,“) til að aðskilja hverja færslu.
   • Eiga alls staðar nema á völdum landsvæðum: Ef þú átt rétt á vídeóinu á mörgum landsvæðum skaltu velja þennan kost. Í textareitnum skaltu síðan slá inn landsvæðin þar sem þú átt ekki rétt á vídeóinu. Notaðu kommu („,“) til að aðskilja hverja færslu.
7. Smelltu á gátreitinn við hliðina á Loka á vídeó utan landsvæða sem eignarhald þitt nær til.
8. Smelltu á VISTA.

Ef þú þarft að afturkalla lokanir sem þú settir á ákveðin landsvæði utan eignarhalds þíns skaltu hafa samband við þjónustuteymi okkar til að fá aðstoð.