Blokkeer video’s in spesifieke gebiede

Hierdie kenmerke is slegs beskikbaar vir vennote wat YouTube Studio Inhoudbestuurder gebruik. Kontak jou YouTube Vennootbestuurder om toegang te kry.

Jy sal soms video’s in spesifike gebiede moet blokkeer, sodat hulle nie gekyk kan word nie. Jy besit dalk byvoorbeeld die regte op ’n video in sommige gebiede en moet kykers van buite daardie gebiede keer om jou video te kyk.

In ander gevalle moet jy dalk jou video blokkeer, sodat dit nie in gebiede gekyk kan word waar jy nie die regte op die video het nie. Blokkering van videokyke in spesifieke gebiede word soms “geo-afkamping” genoem.

Gebiede waar jy eienaarskap het

As jy die regte op ’n video slegs in spesifieke gebiede besit, sal jy dalk kykers in daardie gebiede wil keer om jou video te kyk.

Om ’n video in gebiede te blokkeer waar jy eienaarskap het, moet jy ’n oplaaibeleid opstel. Kom meer te wete oor die opstelling van ’n oplaaibeleid.

Oplaaibeleide laat jou toe om ’n vennootopgelaaide eis te skep wat vir YouTube sê om jou video in gebiede van jou eienaarskap te blokkeer. Jy kan die voorafgedefinieerde beleid gebruik om wêreldwyd te blokkeer of jy kan ’n beleid skep om te spesifiseer waar jy die video geblokkeer wil hê.

Gebiede waar jy nie eienaarskap het nie

As jy die regte op ’n video slegs in spesifieke gebiede besit, sal jy dalk kykers buite daardie gebiede wil keer om jou video te kyk.

Om ’n video te blokkeer in gebiede waar jy nie eienaarskap het nie, moet jy die “Blokkeer buite-eienaarskap”-kenmerk gebruik. Hierdie kenmerk laat jou toe om ’n blokkeringbeleid in alle gebiede buite jou eienaarskap toe te pas, aangesien ’n oplaaibeleid nie in hierdie gebiede toegepas kan word nie.

Moenie ’n video buite jou eienaarskap blokkeer as ander vennote regte besit op die video in ander gebiede nie. As jy dit doen, sal die video in die ander vennote se gebiede geblokkeer word. Kom meer te wete oor die bestuur van eienaarskap van ’n bate.

Blokkeer ’n enkele video

1. Meld aan by Studio Inhoudbestuurder.
2. Kies Video’s op die linkerkieslys.
3. Klik die video wat jy wil blokkeer.
4. Kies die Regtebestuur-oortjie.
5. Klik Spesifieke gebiede in die Eienaarskap-afdeling.
6. Kies ’n opsie:
   • Besit in sekere gebiede: As jy die regte op jou video in ’n paar gebiede besit, moet jy hierdie opsie kies. Voer dan in die tekskassie die gebide in waar jy regte op jou video besit. Gebruik ’n komma (“,”) om elke inskrywing te skei.
   • Besit oral, behalwe in sekere gebiede: As jy die regte op jou video in baie gebiede besit, moet jy hierdie opsie kies. Voer dan in die tekskassie die gebiede in waar jy nie regte op jou video besit nie. Gebruik ’n komma (“,”) om elke inskrywing te skei.
7. Klik die merkblokkie langs Blokkeer video buite jou gebiede van eienaarskap.
8. Klik STOOR.

As jy blokkerings moet ontdoen wat jy in sekere gebiede buite jou eienaarskap geplaas het, moet jy met ons steundienste in aanraking kom vir hulp.