ພວກເຮົາໄດ້ປັບປຸງການເລືອກຮູບແບບໂຄສະນາທີ່ສະແດງກ່ອນ ຫຼື ຫຼັງວິດີໂອຂອງທ່ານເພື່ອປັບປຸງລາຍໄດ້ຂອງຜູ້ສ້າງ. ພວກເຮົາໄດ້ລຶບຕົວເລືອກໂຄສະນາແຕ່ລະອັນສຳລັບໂຄສະນາກ່ອນ, ຫຼັງ, ສາມາດຂ້າມໄດ້ ແລະ ບໍ່ສາມາດຂ້າມໄດ້ອອກ. ຕອນນີ້, ເມື່ອທ່ານເປີດໂຄສະນາສຳລັບວິດີໂອຮູບແບບຍາວໃໝ່, ພວກເຮົາຈະສະແດງໂຄສະນາກ່ອນວິດີໂອ, ໂຄສະນາຫຼັງວິດີໂອ, ໂຄສະນາທີ່ສາມາດຂ້າມໄດ້ ແລະ ໂຄສະນາທີ່ຂ້າມບໍ່ໄດ້ໃຫ້ຜູ້ຊົມຂອງທ່ານເຫັນຕາມຄວາມເໝາະສົມ. ການປ່ຽນແປງນີ້ຈະເຮັດໃຫ້ເກີດແນວທາງປະຕິບັດທີ່ດີທີ່ສຸດທີ່ແນະນຳໃນການເປີດໃຊ້ຮູບແບບໂຄສະນາທັງໝົດ, ເຊິ່ງເປັນມາດຕະຖານສຳລັບທຸກຄົນ. ຕົວເລືອກໂຄສະນາຂັ້ນກາງຂອງທ່ານຈະບໍ່ຖືກປ່ຽນແປງ. ນອກຈາກນີ້, ພວກເຮົາຈະບໍ່ປ່ຽນຕົວເລືອກໂຄສະນາຂອງທ່ານສຳລັບວິດີໂອຮູບແບບຍາວທີ່ມີຢູ່, ເວັ້ນແຕ່ວ່າທ່ານຈະປ່ຽນການຕັ້ງຄ່າການສ້າງລາຍໄດ້.
ຫາກທ່ານຢູ່ໃນໂຄງການຮຸ້ນສ່ວນ YouTube, ທ່ານສາມາດແບ່ງປັນລາຍໄດ້ຈາກໂຄສະນາໄດ້. ບົດຄວາມນີ້ມີຈຸດປະສົງເພື່ອຊ່ວຍໃຫ້ທ່ານເຂົ້າໃຈວ່າວິດີໂອ ຫຼື Shorts ອັນໃດທີ່ຢູ່ໃນຊ່ອງຂອງທ່ານແມ່ນເໝາະສົມກັບຜູ້ລົງໂຄສະນາ. ຜູ້ສ້າງສາມາດນຳໃຊ້ບົດຄວາມນີ້ເພື່ອສ້າງຄວາມເຂົ້າໃຈກ່ຽວກັບແບບສອບຖາມການຮັບຮອງດ້ວຍຕົນເອງຂອງແພລດຟອມ ແລະ ກົດລະບຽບສະເພາະກ່ຽວກັບເນື້ອຫາທີ່ສາມາດດຳເນີນການໂຄສະນາໄດ້, ເນື້ອຫາທີ່ສາມາດດຳເນີນການໂຄສະນາແບບຈຳກັດ ແລະ ເນື້ອຫາທີ່ບໍ່ສາມາດດຳເນີນການໂຄສະນາໄດ້ ພ້ອມທັງເນື້ອຫາທີ່ຄວນມີການປິດການສ້າງລາຍໄດ້. ນະໂຍບາຍຂອງພວກເຮົາແມ່ນນຳໃຊ້ກັບທຸກໆສ່ວນໃນເນື້ອຫາຂອງທ່ານ (ວິດີໂອ, Short ຫຼື ການຖ່າຍທອດສົດ, ຮູບຕົວຢ່າງ, ຊື່, ຄຳອະທິບາຍ ແລະ ແທັກ).
ສຶກສາເພີ່ມເຕີມກ່ຽວກັບແນວທາງປະຕິບັດທີ່ດີທີ່ສຸດຂອງພວກເຮົາ.
ລະບົບຂອງພວກເຮົາອາດເຮັດວຽກໄດ້ບໍ່ຖືກຕ້ອງສະເໝີໄປ, ແຕ່ທ່ານສາມາດ ຮ້ອງຂໍໃຫ້ທີມງານກວດສອບ ການຕັດສິນໃຈຂອງລະບົບອັດຕະໂນມັດຂອງພວກເຮົາໄດ້.
23 ເມສາ 2024: ພວກເຮົາໄດ້ອັບເດດຕົວຢ່າງຂອງຖ້ອຍຄຳຫຍາບຄາຍທີ່ສຸດ ຫຼື ຄຳສໍ້ສຽດ ເຊິ່ງອາດສົ່ງຜົນໃຫ້ມີການຈັດປະເພດເປັນ “ບໍ່ມີລາຍໄດ້ໂຄສະນາ” ໃນຂໍ້ແນະນຳດ້ານພາສາທີ່ບໍ່ເໝາະສົມຂອງພວກເຮົາ. ການປັບປຸງການໃຊ້ພາສານີ້ ບໍ່ແມ່ນ ການປ່ຽນແປງນະໂຍບາຍ ແລະ ມີຈຸດປະສົງເພື່ອເຮັດໃຫ້ນະໂຍບາຍທີ່ມີຢູ່ຂອງພວກເຮົາຊັດເຈນຂຶ້ນ ແລະ ບໍ່ໄດ້ປ່ຽນແປງວິທີການກວດສອບວິດີໂອຂອງທ່ານ.
23 ມີນາ 2022: ເນື່ອງຈາກສົງຄາມຢູ່ໃນຢູເຄຣນ, ເນື້ອຫາທີ່ລ່ວງລະເມີດ, ປົກປິດ ຫຼື ບໍ່ເອົາໂທດສົງຄາມແມ່ນບໍ່ມີສິດໃນການສ້າງລາຍໄດ້ຈົນກວ່າຈະມີແຈ້ງການຕໍ່ໄປ. ການປັບປຸງຂໍ້ມູນເທື່ອນີ້ມີຈຸດປະສົງເພື່ອຊີ້ແຈງ ແລະ ໃນບາງກໍລະນີກໍຂະຫຍາຍຄວາມໝາຍຂໍ້ແນະນຳຂອງພວກເຮົາເນື່ອງຈາກມັນມີຄວາມກ່ຽວຂ້ອງກັບສົງຄາມນີ້.
ສິ່ງທີ່ທ່ານຈະພົບໃນບົດຄວາມນີ້
ທ່ານຈະພົບເຫັນຕົວຢ່າງຂອງເນື້ອຫາທີ່ບໍ່ເໝາະສົມສຳລັບໂຄສະນາ ແລະ ຈະສົ່ງຜົນໃຫ້ສະຖານະການສ້າງລາຍໄດ້ທີ່ "ຈຳກັດ ຫຼື ບໍ່ມີໂຄສະນາ".
ນີ້ແມ່ນຫົວຂໍ້ຫຼັກທັງໝົດທີ່ບໍ່ເປັນມິດກັບຜູ້ລົງໂຄສະນາ:
ເພື່ອສຶກສາເພີ່ມເຕີມກ່ຽວກັບຄຳສັບສຳຄັນທີ່ໃຊ້ໃນຂໍ້ແນະນຳເຫຼົ່ານີ້, ກະລຸນາເຂົ້າເບິ່ງ ຕາຕະລາງຄຳນິຍາມ ຂອງພວກເຮົາ.
ກະລຸນາຮັບຊາບວ່າບໍລິບົດແມ່ນມີຄວາມສຳຄັນຫຼາຍ. ເນື້ອຫາດ້ານສິນລະປະ ເຊັ່ນ: ວິດີໂອເພງອາດມີອົງປະກອບຕ່າງໆ ເຊັ່ນ: ພາສາບໍ່ເໝາະສົມ, ການອ້າງອີງເຖິງການໃຊ້ຢາເສບຕິດແບບບໍ່ຈະແຈ້ງ ຫຼື ປະເດັນທາງເພດທີ່ບໍ່ຈະແຈ້ງ ແລະ ຍັງເໝາະສົມສຳລັບການໂຄສະນາ.
ການເປີດເບິ່ງລາຍລະອຽດທັງໝົດຂອງນະໂຍບາຍພ້ອມກັນສາມາດຊ່ວຍໄດ້ຫາກທ່ານຕ້ອງການຊອກຫາຄຳສະເພາະໃນໜ້ານີ້.
ຄລິກບ່ອນນີ້ ເພື່ອເປີດເບິ່ງຄຳແນະນຳທັງໝົດ.
ພາສາທີ່ບໍ່ເໝາະສົມ
ເນື້ອຫາທີ່ມີຄຳຫຍາບຄາຍ ຫຼື ການໃຊ້ຄຳຫຍາບຄາຍໃນຕອນຕົ້ນ ຫຼື ຕະຫຼອດໄລຍະສ່ວນໃຫຍ່ຂອງວິດີໂອແມ່ນອາດບໍ່ເໝາະສົມສຳລັບການໂຄສະນາ. ການໃຊ້ຖ້ອຍຄຳຫຍາບຄາຍເປັນບາງເທື່ອ (ເຊັ່ນ: ໃນວິດີໂອເພງ, ແບັກກິງແທຣັກ, ດົນຕີເປີດຕົວ/ປິດຕົວ ຫຼື ດົນຕີທີ່ຫຼິ້ນໃນພື້ນຫຼັງ) ບໍ່ໄດ້ໝາຍຄວາມວ່າຈະເຮັດໃຫ້ວິດີໂອຂອງທ່ານບໍ່ເໝາະສົມສຳລັບການໂຄສະນາ.
ລາຍລະອຽດຂອງນະໂຍບາຍ
ຄຳແນະນຳໂຄສະນາ |
ຕົວເລືອກແບບສອບຖາມ ແລະ ລາຍລະອຽດ |
ເນື້ອຫານີ້ສາມາດສ້າງລາຍໄດ້ໂຄສະນາໄດ້
|
ມີຄຳຫຍາບຄາຍທີ່ເປັນຕົວຫຍໍ້ ຫຼື ຖືກເຊັນເຊີໄວ້ ຫຼື ຄຳຕ່າງໆ ເຊັ່ນ: “ນະຮົກ” ຫຼື “ເວນ” ໃນຊື່, ຮູບຕົວຢ່າງ ຫຼື ວິດີໂອ. ມີຄຳຫຍາບຄາຍປານກາງທີ່ໃຊ້ເລື້ອຍໆໃນວິດີໂອ ເຊັ່ນ: “ອີ່ຫ່າ”, “ບັກຈ້າ”, "ຮູຂີ້" ແລະ “ຂີ້”. ຄຳຫຍາບຄາຍສ່ວນໃຫຍ່ທີ່ໃຊ້ໃນເນື້ອຫາວິດີໂອເພງ ຫຼື ດ່ຽວໄມໂຄຣໂຟນ.
ຄຳນິຍາມ:
- “ຄຳຫຍາບທີ່ມີການເຊັນເຊີ” ໝາຍເຖິງການດຳເນີນການຕ່າງໆ ເຊັ່ນ: ການເຮັດສຽງບີບ ຫຼື ການປິດສຽງຄຳດັ່ງກ່າວ ຮວມທັງການປິດຄຳທີ່ຂຽນດ້ວຍແຖບສີດຳ, ສັນຍາລັກ ຫຼື ຂໍ້ຄວາມທີ່ເພີ່ມໃສ່ໃນຂັ້ນຕອນການຕັດຕໍ່.
- “ຖ້ອຍຄໍາຫຍາບຄາຍແບບຫຍໍ້” ໝາຍເຖິງຕົວຫຍໍ້ ເຊັ່ນ: WTF (“ຫ່າມັນນິ”) ເຊິ່ງຄໍາສັບເດີມໄດ້ຖືກຫຍໍ້ເຂົ້າດ້ວຍການໃຊ້ຕົວຫຍໍ້ຂອງມັນ.
|
ເນື້ອຫານີ້ອາດບໍ່ສ້າງລາຍໄດ້ໂຄສະນາ ຫຼື ອາດສ້າງແບບຈຳກັດ |
ໃຊ້ຖ້ອຍຄຳຫຍາບຄາຍທີ່ຮຸນແຮງກວ່າ (ເຊັ່ນ: ຫ່າ) ໃນ 7 ວິນາທີທຳອິດ ຫຼື ໃຊ້ຄຳຫຍາບຄາຍປານກາງ (ເຊັ່ນ: “ເຫ້ຍ”) ໃນຊື່ ຫຼື ຮູບຕົວຢ່າງ.
ຕົວຢ່າງບາງສ່ວນຂອງເນື້ອຫາທີ່ຕົກຢູ່ໃນໝວດໝູ່ນີ້ຄືກັນ:
- ການເນັ້ນໃຊ້ຄຳຫຍາບຄາຍຕະຫຼອດທັງວິດີໂອ (ເຊັ່ນ: ໃຊ້ຄຳຫຍາບຄາຍໃນເກືອບທຸກປະໂຫຍກ).
- ມີການໃຊ້ຄຳຫຍາບຄາຍໃນຊື່ ຫຼື ຮູບຕົວຢ່າງຂອງເພງ ຫຼື ເນື້ອຫາຂອງການສະແດງດ່ຽວໄມໂຄຣໂຟນ.
|
ເນື້ອຫານີ້ຈະບໍ່ສາມາດສ້າງລາຍໄດ້ໂຄສະນາ |
ໃຊ້ຖ້ອຍຄຳຫຍາບຄາຍແບບຮຸນແຮງ (ເຊັ່ນ: ຫ່າ) ໃນຮູບຕົວຢ່າງ ຫຼື ຊື່. ການໃຊ້ຖ້ອຍຄຳຫຍາບຄາຍທີ່ສຸດໃດກໍຕາມ, ເຊິ່ງຮວມເຖິງພາສາທີ່ສະແດງຄວາມກຽດຊັງ ຫຼື ຄຳສໍ້ສຽດໃນວິດີໂອ, ຮູບຕົວຢ່າງ ຫຼື ຊື່ ເຊັ່ນ: "ບັກດຳ" ຫຼື "ບັກເກ".
ສຳລັບຂໍ້ມູນເພີ່ມເຕີມກ່ຽວກັບພາສາທີ່ສະແດງຄວາມກຽດຊັງ ຫຼື ຄຳສໍ້ສຽດ, ທ່ານອາດອ່ານ ຂໍ້ແນະນຳກ່ຽວກັບເນື້ອຫາທີ່ສະແດງຄວາມກຽດຊັງ ແລະ ວິຈານໄປໃນທາງເສື່ອມເສຍ ຂອງພວກເຮົາພາຍໃນສູນຊ່ວຍເຫຼືອຂອງພວກເຮົາໄດ້.
ຕົວຢ່າງບາງສ່ວນຂອງເນື້ອຫາທີ່ຕົກຢູ່ໃນໝວດໝູ່ນີ້ຄືກັນ:
|
ເພື່ອສຶກສາເພີ່ມເຕີມກ່ຽວກັບຄຳສັບສຳຄັນທີ່ໃຊ້ໃນຂໍ້ແນະນຳເຫຼົ່ານີ້, ກະລຸນາເຂົ້າເບິ່ງ ຕາຕະລາງຄຳນິຍາມ ຂອງພວກເຮົາ.
ຄວາມຮຸນແຮງ
ເນື້ອຫາທີ່ຈຸດໂຟກັສແມ່ນເລືອດ, ຄວາມຮຸນແຮງ ຫຼື ການບາດເຈັບ, ເມື່ອນຳສະເໜີໂດຍບໍ່ມີບໍລິບົດອື່ນ ແມ່ນບໍ່ເໝາະສົມສຳລັບການໂຄສະນາ. ຖ້າທ່ານກຳລັງສະແດງເນື້ອຫາທີ່ຮຸນແຮງໃນບໍລິບົດຂ່າວ, ການສຶກສາ, ສິນລະປະ ຫຼື ສາລະຄະດີ ເຊິ່ງບໍລິບົດເພີ່ມເຕີມນັ້ນແມ່ນສຳຄັນ. ຕົວຢ່າງ: ຖ້າວິດີໂອສະເໜີການລາຍງານຂ່າວທີ່ໃຊ້ສິດອຳນາດໃນກິດຈະກຳຕໍ່ກັບຄວາມຮຸນແຮງໃນບໍລິບົດຂອງນັກຂ່າວ, ມັນອາດຈະມີສິດໄດ້ຮັບການສ້າງລາຍໄດ້. ຄວາມຮຸນແຮງໃນວິດີໂອການຫຼິ້ນເກມແບບບໍ່ມີການດັດແປງໂດຍທົ່ວໄປແມ່ນສາມາດຍອມຮັບໄດ້ສຳລັບການໂຄສະນາ, ແຕ່ວ່າພວກເຮົາຈະບໍ່ຍອມຮັບການຕັດຕໍ່ທີ່ຈຸດໂຟກັສເນັ້ນຄວາມຮຸນແຮງໂດຍບໍ່ຈຳເປັນ. ເກມທັງໝົດ (ບໍ່ວ່າຈະເປັນຈິງ ຫຼື ບໍ່ເປັນຈິງ) ແມ່ນຢູ່ໃນຂອບເຂດຂອງນະໂຍບາຍນີ້.
ລາຍລະອຽດຂອງນະໂຍບາຍ
ຄຳແນະນຳໂຄສະນາ |
ຕົວເລືອກແບບສອບຖາມ ແລະ ລາຍລະອຽດ |
ເນື້ອຫານີ້ສາມາດສ້າງລາຍໄດ້ໂຄສະນາໄດ້ |
ການບັງຄັບໃຊ້ກົດໝາຍ ຮວມເຖິງການປະຕິບັດໜ້າທີ່ຕາມປົກກະຕິ (ເຊັ່ນ: ການໃຊ້ກຳລັງເຂົ້າຈັບກຸມ, ການຄວບຄຸມກຸ່ມຄົນ, ການໂຕ້ແຍ່ງກັບເຈົ້າໜ້າທີ່, ການບຸກເຂົ້າພື້ນທີ່); ຄວາມຮຸນແຮງໃນການຫຼິ້ນເກມທີ່ບໍ່ມີການຕັດຕໍ່ເຊິ່ງເກີດຂຶ້ນຫຼັງຈາກ 15 ວິນາທີທຳອິດ; ຄວາມຮຸນແຮງເລັກນ້ອຍທີ່ມີເລືອດໜ້ອຍດຽວ; ພາບສົບທີ່ມີການເຊັນເຊີທັງໝົດ, ທີ່ມີການມົວໄວ້, ທີ່ກຽມໄວ້ສຳລັບເຮັດພິທີ ຫຼື ທີ່ສະແດງໃນເຫດການທາງປະຫວັດສາດ ເຊັ່ນ: ສົງຄາມ, ເຊິ່ງເປັນສ່ວນໜຶ່ງຂອງວິດີໂອເພື່ອການສຶກສາ.
ບາງຕົວຢ່າງຂອງເນື້ອຫາທີ່ຕົກຢູ່ໃນໝວດນີ້ຄືກັນ:
ຄວາມຮຸນແຮງທົ່ວໄປ
- ເນື້ອຫາສ້າງຂຶ້ນທີ່ສະແດງເຖິງຄວາມຮຸນແຮງທີ່ບໍ່ເຫັນພາບຈະແຈ້ງ ຫຼື ພາບຄວາມຮຸນແຮງທີ່ປາກົດໃຫ້ເຫັນຊັດເຈນ.
- ການສະແດງສາກທີ່ກ່ຽວຂ້ອງກັບການທຳຮ້າຍຮ່າງກາຍໃນເວລາສັ້ນໆ (ເຊັ່ນ: ບາດແຜຈາກລູກປືນ) ເຊິ່ງເປັນສ່ວນໜຶ່ງຂອງສາກແອັກຊັນທີ່ຮຸນແຮງ.
- ສາກຄວາມຮຸນແຮງທີ່ເປັນການຕໍ່ສູ້ທີ່ຕັດອອກມາຈາກໜັງແອັກຊັນ (ເຊັ່ນ: ເນື້ອຫາທີ່ຫຼິ້ນຕາມບົດ) ເຊິ່ງການບາດເຈັບສ່ວນໃຫຍ່ແມ່ນເບິ່ງບໍ່ເຫັນ.
- ຄົນໂສກເສົ້າຍ້ອນການຕາຍໃນເນື້ອຫາທີ່ຫຼິ້ນຕາມບົດ.
- ການອະທິບາຍຂອງການບາດເຈັບທີ່ບໍ່ເປັນພາບຈະແຈ້ງ.
- ຕົວລະຄອນທີ່ກຳລັງນັ່ງຄຸກເຂົ່າລົງໂດຍສະແດງບ່ອນທີ່ບໍ່ເຫັນເລືອດ ຫຼື ເຫັນເລືອດໃນຈຳນວນຈຳກັດ.
- ການກິ້ງລົງພູ ຫຼື ແລ່ນຕຳກຳແພງແບບບໍ່ຕັ້ງໃຈ ຫຼື ໂດຍເຈດຕະນາ ເຊິ່ງເປັນສ່ວນໜຶ່ງຂອງສະຄຣິບ ຫຼື ການຫຼິ້ນກິລາ.
ການຫຼິ້ນເກມ
- ຄວາມຮຸນແຮງຂອງການຫຼິ້ນເກມຮວມເຖິງ:
- ສາກທີ່ຮຸນແຮງຢ່າງຊັດເຈນ (ເຊັ່ນ: ສາກການໂຈມຕີເລືອດສາດໃສ່ຕົວລະຄອນ) ທີ່ບໍ່ໄດ້ຢູ່ໃນໄລຍະ 15 ວິນາທີທຳອິດຂອງວິດີໂອ.
- ຄວາມຮຸນແຮງທີ່ບໍ່ສົມຈິງ, ແບບຫຼິ້ນໆ ແລະ ໂດຍທົ່ວໄປແລ້ວເໝາະສຳລັບຄົນທຸກໄວ (ເຊັ່ນ: ວິດີໂອເກມທີ່ເປັນມິດກັບຄອບຄົວ ເຊິ່ງສະແດງພາບການແລ່ນໜີຈາກສັດປະຫຼາດ).
- ຄວາມຮຸນແຮງທີ່ຖືກເຊັນເຊີ, ມົວໄວ້ ຫຼື ບໍ່ດັ່ງນັ້ນກໍຖືກປິດບັງໄວ້ (ເຊັ່ນ: ສາກການຕັດຫົວທີ່ມີການມົວພາບໄວ້).
ການເສຍຊີວິດ ແລະ ເຫດການເສົ້າສະຫຼົດ
- ເນື້ອຫາການສຶກສາ ຫຼື ປະຫວັດສາດໂດຍ:
- ການສະແດງພາບສົບຄົນຕາຍແບບບໍ່ຈະແຈ້ງ.
- ການໄວ້ອາໄລຜູ້ເສຍຊີວິດຕໍ່ສາທາລະນະທີ່ບໍ່ມີການສະແດງພາບສົບຢ່າງຈະແຈ້ງ.
- ພາບສົບຄົນຕາຍແບບທີ່ເຊັນເຊີໄວ້ທັງໝົດ (ເຊັ່ນ: ການມົວໄວ້).
- ລາຍງານເຫດການເສົ້າສະຫຼົດທີ່ກ່ຽວຂ້ອງກັບຜູ້ເສຍຊີວິດຢ່າງໜ້ອຍໜຶ່ງຄົນ (ບໍ່ຮວມເຫດການທີ່ລະອຽດອ່ອນ ເຊັ່ນ: ການຍິງກັນເປັນຈຳນວນຫຼາຍ ຫຼື ການໂຈມຕີຂອງຜູ້ກໍ່ການຮ້າຍ) ໂດຍສະແດງພາບການກະທຳທີ່ຮຸນແຮງແບບຈຳກັດ ຫຼື ບໍ່ຈຳກັດ ຫຼື ຜົນຂອງເຫດການດັ່ງກ່າວ.
- ລາຍງານເຫດການຄາດຕະກຳບໍລິເວນເຂດໃກ້ຄຽງທີ່ບໍ່ມີລາຍລະອຽດພາບທີ່ຈະແຈ້ງຂອງຜູ້ເສຍຊີວິດ.
- ການລາຍງານດ້ານການສຶກສາ, ເນື້ອຫາທີ່ແຕ່ງຂຶ້ນ, ການລາຍງານຂ່າວ ຫຼື ວິດີໂອເພງທີ່ມີ:
- ການບອກທາງອ້ອມເຖິງຊ່ວງເວລາການເສຍຊີວິດ ຫຼື ການທຳຮ້າຍຮ່າງການຢ່າງຮຸນແຮງ
- ຄວາມເສຍຫາຍຮ້າຍແຮງຕໍ່ຊັບສິນ ເຊິ່ງມີຄວາມເປັນໄປໄດ້ວ່າຈະມີຜູ້ເສຍຊີວິດ ຫຼື ບາດເຈັບສາຫັດທາງຮ່າງກາຍ (ເຊັ່ນ: ການລະເມີດ, ໄຟໄໝ້, ອາຄານຖະຫຼົ່ມ ແລະ ອື່ນໆ).
- ການສະແດງສົບຄົນຕາຍໃນສະພາບຕົວຈິງໃນງານສົບສາທາລະນະໂດຍມີໂລງສົບເປີດປະໄວ້.
ການລ່າສັດ
- ເນື້ອຫາການລ່າສັດທີ່ບໍ່ມີການພັນລະນາພາບການບາດເຈັບຂອງສັດ ຫຼື ການທໍລະມານເປັນເວລາດົນ.
- ວິດີໂອການລ່າສັດທີ່ເບິ່ງບໍ່ເຫັນຕອນຂ້າ ຫຼື ບາດເຈັບ ແລະ ບໍ່ມີວິດີໂອເນັ້ນໃສ່ວິທີການຄົວສັດທີ່ຕາຍແລ້ວນີ້ເພື່ອນໍາມາເປັນຮາງວັນ ຫຼື ອາຫານ.
ຄວາມຮຸນແຮງຂອງສັດ
- ເນື້ອຫາທີ່ສະແດງພາບຄວາມຮຸນແຮງຂອງສັດຕາມທຳມະຊາດແບບບໍ່ຈະແຈ້ງ.
- ພາບສັດນັກລ່າແລ່ນໄລ່ເຫຍື່ອເຊິ່ງບໍ່ໄດ້ສະແດງລາຍລະອຽດຢ່າງຈະແຈ້ງ (ເຊັ່ນ: ພາບທີ່ເນັ້ນອະໄວຍະວະທີ່ເຕັມໄປດ້ວຍເລືອດຂອງເຫຍື່ອ ຫຼື ຈັງຫວະທີ່ສະແດງໃຫ້ເຫັນຕອນຈັບເຫຍື່ອຢ່າງຈະແຈ້ງ); ອາດເຫັນເລືອດໃນໄລຍະສັ້ນໆ ແຕ່ບໍ່ແມ່ນປະເດັນຫຼັກຂອງເນື້ອຫາ.
ການທາລຸນສັດ
- ສັດກຳລັງຢູ່ໃນຄວາມທຸກລະຫວ່າງການເຝິກສັດຕາມຄວາມເໝາະສົມຂອງສາຍພັນ, ການແຊກແຊງດ້ານການແພດ ຫຼື ການຍົກຍ້າຍ.
- ລາຍງານ ຫຼື ການສົນທະນາກ່ຽວກັບການທາລຸນສັດໂດຍບໍ່ມີວິດີໂອທີ່ແທ້ຈິງຂອງການທາລຸນດັ່ງກ່າວ.
ຄວາມຮຸນແຮງໃນການຫຼິ້ນກິລາ
- ຄວາມຮຸນແຮງໃນກິລາຕໍ່ສູ້ທີ່ມີການໃຊ້ອາວຸດ (ເຊັ່ນ: ກິລາຟັນດາບ) ບໍ່ວ່າຈະມີການສວມໃສ່ເສື້ອເກາະປ້ອງກັນ ຫຼື ຮັບປະກັນວ່າມີການປ້ອງກັນອັນຕະລາຍຫຼືບໍ່ກໍຕາມ.
- ພາບການບາດເຈັບທີ່ບໍ່ເຫັນຈະແຈ້ງຈາກການຫຼິ້ນກິລາ ຫຼື ການບາດເຈັບທີ່ເຫັນຈະແຈ້ງເຊິ່ງເປັນສ່ວນໜຶ່ງຂອງການແຂ່ງຂັນກິລາໂດຍສະແດງໃຫ້ເຫັນເລືອດ.
- ກິລາຕໍ່ສູ້ ເຊັ່ນ: ການຕີມວຍທີ່ດຳເນີນໃນສະຖານທີ່ໃຫ້ບໍລິການທາງວິຊາຊີບ (ເຊັ່ນ: ສູນອອກກຳລັງກາຍ ຫຼື ສະໜາມກິລາ).
- ພາບການບາດເຈັບທີ່ບໍ່ເຫັນຈະແຈ້ງ (ເຊັ່ນ: ຂໍ້ຕີນພິກ) ໃນການຫຼິ້ນກິລາ.
ການຕໍ່ສູ້ (ບໍ່ຮວມກິລາຕໍ່ສູ້)
- ການສະແດງພາບການຕໍ່ສູ້ໃນບໍລິບົດການສຶກສາໂດຍເບິ່ງບໍ່ເຫັນການບາດເຈັບ ຫຼື ການທຸບຕີ.
- ທ່າປ້ອງກັນຕົວທີ່ຖືກແບ່ງປັນເປັນການສອນການນຳໃຊ້.
- ການສະແດງພາບຂອງຄົນທີ່ກຳລັງຕໍ່ສູ້ກັນໃນໄລຍະສັ້ນໆໂດຍເບິ່ງບໍ່ເຫັນການບາດເຈັບ.
ການບັງຄັບໃຊ້ກົດໝາຍ ແລະ ການຜິດຖຽງກັນທາງຮ່າງກາຍ
- ການຕອບໂຕ້ທີ່ບໍ່ໄດ້ເປັນການຕໍ່ສູ້ ຫຼື ບໍ່ຂັດກັບການບັງຄັບໃຊ້ກົດໝາຍ.
- ການຕອບໂຕ້ກັບຕຳຫຼວດຕາມປົກກະຕິ (ເຊັ່ນ: ການຖາມເສັ້ນທາງ, ການຮັບໃບສັ່ງເມື່ອຈອດລົດໃນບ່ອນຫ້າມຈອດ ແລະ ອື່ນໆ).
- ການຕໍ່ສູ້ຜິດຖຽງກັນໂດຍບໍ່ໃຊ້ກຳລັງກັບເຈົ້າໜ້າທີ່ຕຳຫຼວດ, ການຍຶດຊັບ ຫຼື ການບຸກຄົ້ນສະຖານທີ່ ແລະ ການຕິດຕາມຈັບກຸມໂດຍຕຳຫຼວດ.
- ການຕອບໂຕ້ຢ່າງຮຸນແຮງ, ການຕໍ່ສູ້ ຫຼື ຂັດແຍ່ງກັບການບັງຄັບໃຊ້ກົດໝາຍໃນບໍລິບົດຂອງການສຶກສາ ຫຼື ການລາຍງານຂ່າວ.
- ການສະແດງຄວາມຄິດເຫັນໂດຍໃຊ້ຄລິບຈາກການລາຍງານຂ່າວກ່ຽວກັບການປະທ້ວງຫຼ້າສຸດທີ່ຮຸນແຮງຂອງປະຊາຊົນ (ເຊັ່ນ: ການທຸບຕີ ຫຼື ການຍູ້ປະຊາຊົນໃຫ້ລົ້ມລົງໃສ່ພື້ນ).
- ການລາຍງານຂ່າວຕຳຫຼວດສີດນ້ຳໃສ່ປະຊາຊົນເພື່ອສະຫຼາຍການຊຸມນຸມ.
ສົງຄາມ ແລະ ຄວາມຂັດແຍ່ງ
- ລາຍງານການສຶກສາທີ່ບໍ່ມີພາບ ຫຼື ການສົນທະນາກ່ຽວກັບສົງຄາມ ແລະ/ຫຼື ຄວາມຂັດແຍ່ງແບບຈະແຈ້ງ.
- ການຍິງໄປທີ່ເປົ້າທີ່ເບິ່ງບໍ່ເຫັນໂດຍບໍ່ສະແດງ ຫຼື ຮູບພາບສະແດງເຖິງຄວາມທຸກທໍລະມານ ຫຼື ຄວາມເຈັບປວດ.
ຄວາມຮຸນແຮງກ່ຽວກັບເດັກນ້ອຍ
- ຄຸນສົມບັດວິດີໂອທີ່ຫຼິ້ນການຕໍ່ສູ້ ຫຼື ການຫຼິ້ນແຮງລະຫວ່າງເດັກນ້ອຍທີ່ບໍ່ມີການບາດເຈັບ ຫຼື ກັງວົນໃຈ.
- ເນື້ອຫາເພງກ່ຽວກັບຄວາມຮຸນແຮງລະຫວ່າງເດັກນ້ອຍທີ່ບໍ່ມີ ຫຼື ມີພຽງແຕ່ວິດີໂອທີ່ສະແດງການໂຕ້ຖຽງດັ່ງກ່າວໄລຍະສັ້ນໆ.
ຄຳນິຍາມ:
- “ຄວາມຮຸນແຮງເລັກນ້ອຍ” ໝາຍເຖິງເນື້ອຫາທີ່ມີການຕໍ່ສູ້ເຊິ່ງເກີດຂຶ້ນຈິງ ຫຼື ມີຄວາມຮຸນແຮງປາກົດຢູ່ໃນໄລຍະສັ້ນໆ ເຊັ່ນ: ການຊັດກຳປັ້ນ.
- "ພາບຄວາມຮຸນແຮງທີ່ບໍ່ເຫັນຊັດເຈນ" ໝາຍເຖິງການສະແດງພຶດຕິກຳຄວາມໂມໂຫຮ້າຍແບບໃຊ້ກຳລັງຕໍ່ບຸກຄົນອື່ນ ເຊັ່ນ: ການຊີ້ນິ້ວໃນຂະນະທີ່ຮ້ອງໃສ່ ຫຼື ການໃຊ້ຄວາມຮຸນແຮງທີ່ບໍ່ໄດ້ມຸ່ງເປົ້າໄປຫາບຸກຄົນອື່ນ (ເຊັ່ນ: ການໂຍນຂວດໃສ່ກຳແພງ).
|
ເນື້ອຫານີ້ອາດບໍ່ສ້າງລາຍໄດ້ໂຄສະນາ ຫຼື ອາດສ້າງແບບຈຳກັດ |
ພາບການບັງຄັບໃຊ້ກົດໝາຍ ເຊັ່ນ: ການບາດເຈັບທີ່ເບິ່ງເຫັນໄດ້; ພາບສົບທີ່ສະແດງໃຫ້ເຫັນບາດແຜ ຫຼື ການບາດເຈັບຢ່າງຊັດເຈນໃນບໍລິບົດຂອງການສຶກສາ ຫຼື ສາລະຄະດີ (ເຊັ່ນ: ຊ່ອງກ່ຽວກັບການຮຽນປະຫວັດສາດ); ພາບຄວາມຮຸນແຮງຂອງເກມໃນຮູບຕົວຢ່າງ ຫຼື ໃນຕອນຕົ້ນຂອງເນື້ອຫາ; ວິດີໂອໄຟລ໌ດິບທີ່ສະແດງຄວາມຂັດແຍ່ງໂດຍໃຊ້ອາວຸດແຕ່ບໍ່ມີພາບການບາດເຈັບ; ການອະທິບາຍພາບລາຍລະອຽດຂອງເຫດການເສົ້າສະຫຼົດ; ເນື້ອຫາທີ່ແຕ່ງຂຶ້ນເຊິ່ງສະແດງການບາດເຈັບຮ້າຍແຮງ ແລະ ໜ້າຕື່ນຕົກໃຈ.
ບາງຕົວຢ່າງຂອງເນື້ອຫາທີ່ຕົກຢູ່ໃນໝວດນີ້ຄືກັນ:
ຄວາມຮຸນແຮງທົ່ວໄປ
- ເນື້ອຫາແຕ່ງຂຶ້ນທີ່ມີຄວາມຮຸນແຮງເຊິ່ງພາໃຫ້ເກີດການບາດເຈັບສາຫັດ ເຊິ່ງຜົນທີ່ຕາມມາ ຫຼື ຜົນກະທົບ ສາມາດເບິ່ງເຫັນໄດ້ ແລະ ມີຢູ່ໃນປັດຈຸບັນ.
- ສາກເລືອດໄຫຼ ຫຼື ຄວາມຮຸນແຮງທີ່ເຫັນກະດູກຫັກຢ່າງຊັດເຈນ.
- ເນື້ອຫາໃນວິດີໂອຍາວທີ່ສ້າງຂຶ້ນໂດຍມີການສະແດງສາກຄວາມຮຸນແຮງຈະແຈ້ງຢ່າງທີ່ສຸດໃນເວລາສັ້ນໆ (ເຊັ່ນ: ການສັງຫານໝູ່) ຫຼື ການຮວມວິດີໂອທີ່ມີສາກດັ່ງກ່າວຈະແຈ້ງ.
- ຄຳອະທິບາຍເຫດເສົ້າສະຫຼົດທີ່ເຫັນພາບຊັດເຈນຫຼາຍ (ໃນຮູບແບບສຽງ ຫຼື ວິດີໂອ).
- ຄົນທຸກທໍລະມານກັບການຫາຍໃຈບໍ່ອອກ ຫຼື ປະສົບກັບອາການຄວາມທໍລະມານ ຫຼື ການເຈັບປວດຢ່າງຮຸນແຮງເຊັ່ນ: ຈາກການໄອແບບບໍ່ຢຸດ.
- ວິດີໂອຂອງໄພພິບັດທີ່ກ່ຽວຂ້ອງກັບໄພອັນຕະລາຍທີ່ເບິ່ງເຫັນໄດ້ຕໍ່ຜູ້ຄົນ ຫຼື ຄວາມທຸກທໍລະມານທີ່ເກີດຈາກພວກມັນ ເຊັ່ນ: ຄວາມທຸກທາງອາລົມຢ່າງຮຸນແຮງ.
- ວິດີໂອແບບບໍ່ໄດ້ຕັດຕໍ່ທີ່ສະແດງພາບຊາກຫັກພັງຂອງຕຶກອາຄານທີ່ເກີດຈາກເຫດການຮຸນແຮງ (ເຊັ່ນ: ຊາກຫັກພັງຂອງໂຮງຮຽນຫຼັງຈາກພະຍຸໄຕ້ຝຸ່ນ) ຫຼື ຜູ້ທີ່ໄດ້ຮັບບາດເຈັບເລັກນ້ອຍ (ເຊັ່ນ: ຂໍ້ຕີນພິກ ຫຼື ການໃສ່ຜ້າຕິດບາດຢູ່ນິ້ວມື).
ການຫຼິ້ນເກມ
- ພາບຄວາມຮຸນແຮງຂອງເກມໃນຮູບຕົວຢ່າງ ຫຼື ໃນໄລຍະ 8 ຫາ 15 ວິນາທີທຳອິດຂອງວິດີໂອ.
- “ພາບຄວາມຮຸນແຮງຂອງເກມ” ຮວມເຖິງ ການສັງຫານທີ່ໂຫດຮ້າຍ ຫຼື ການບາດເຈັບທີ່ຮ້າຍແຮງເຊິ່ງເນັ້ນໃຫ້ເຫັນທາດແຫຼວ ແລະ ຊິ້ນສ່ວນຂອງຮ່າງກາຍ ເຊັ່ນ: ການຕັດຫົວ ແລະ ການແຍກຊິ້ນສ່ວນອະໄວຍະວະ.
ການເສຍຊີວິດ ແລະ ເຫດການເສົ້າສະຫຼົດ
- ການລາຍງານເຫດການເສົ້າສະຫຼົດທີ່ມີຜູ້ເສຍຊີວິດຫຼາຍຄົນໂດຍມີລາຍລະອຽດແບບເຫັນພາບ ຫຼື ລາຍລະອຽດທີ່ໂຫດຮ້າຍ.
- ສາລະຄະດີກ່ຽວກັບການຄາດຕະກຳທີ່ເກີດຂຶ້ນເມື່ອບໍ່ດົນມານີ້ເຊິ່ງມີການອະທິບາຍລາຍລະອຽດກ່ຽວກັບສະຖານະການຂອງເສຍຊີວິດ.
ການຕໍ່ສູ້ (ບໍ່ຮວມກິລາຕໍ່ສູ້)
- ການຕໍ່ສູ້ຕາມຖະໜົນທີ່ສະແດງອາການບາດເຈັບ ຫຼື ການລົ້ມລົງແບບເຫັນພາບໃນບໍລິບົດຂອງການສຶກສາ.
- ການຕໍ່ສູ້ຕາມຖະໜົນແບບເຫັນພາບຢ່າງຈະແຈ້ງ ຮວມທັງສາກທີ່ມີການບາດເຈັບ ແລະ ຄວາມກັງວົນໃຈທາງອາລົມ (ເຊັ່ນ: ການຮ້ອງໃສ່).
ການບັງຄັບໃຊ້ກົດໝາຍ ແລະ ການຜິດຖຽງກັນໂດຍໃຊ້ກຳລັງ
- ການຜິດຖຽງກັນທີ່ຮຸນແຮງກ່ຽວກັບການບັງຄັບໃຊ້ກົດໝາຍ, ໂດຍປົກກະຕິຮວມເຖິງການກະທຳທີ່ໂຫດຮ້າຍເຊິ່ງເປັນການບັງຄັບໃຊ້ກົດໝາຍ ຫຼື ຕໍ່ຕ້ານການບັງຄັບໃຊ້ກົດໝາຍ.
- ການທຸບຕີປະຊາຊົນດ້ວຍກະບອງຢ່າງຮຸນແຮງຈົນເກີດການບາດເຈັບ
- ການຖົ່ມນ້ຳລາຍໃສ່ຕຳຫຼວດ
ຄວາມຮຸນແຮງໃນການຫຼິ້ນກິລາ
- ພາບການບາດເຈັບຈາກກິລາທີ່ເປັນສ່ວນໜຶ່ງຂອງວິດີໂອຂະໜາດໃຫຍ່ທີ່ມີບໍລິບົດ.
- ການຮວບຮວມ ຫຼື ໄຮໄລ້ທີ່ກ່ຽວຂ້ອງກັບພາບການບາດເຈັບ ແຕ່ບໍ່ໄດ້ເນັ້ນໃສ່ສະເພາະພວກມັນຢ່າງດຽວ.
ຄວາມຮຸນແຮງຂອງສັດ
- ຄວາມຮຸນແຮງຂອງສັດຕາມທຳມະຊາດທີ່ບໍ່ໄດ້ເກີດຈາກມະນຸດ ຫຼື ສັດທີ່ໄດ້ຮັບການຝຶກໂດຍມະນຸດ (ເຊັ່ນ: ສິງປ່າທີ່ລ່າກວາງ, ແຕ່ບໍ່ແມ່ນໝາທີ່ຖືກຝຶກໃຫ້ຈັບກະຕ່າຍ).
- ເນື້ອຫາທີ່ເນັ້ນໃສ່ພາບການບາດເຈັບຂອງສັດເປັນເວລາດົນ (ເຊັ່ນ: ເລືອດ ຫຼື ກະດູກ) ເປັນຫົວຂໍ້ຫຼັກຂອງວິດີໂອ.
ການລ່າສັດ
- ເນື້ອຫາການລ່າສັດທີ່ສະແດງໃຫ້ເຫັນພາບໃນເວລາສັ້ນໆ ເຊັ່ນ: ສັດທີ່ບາດເຈັບ ຫຼື ສັດທີ່ກຳລັງທໍລະມານ (ເຊັ່ນ: ສ່ວນຕ່າງໆຂອງຕົນຕົວທີ່ມີເລືອດ).
ສົງຄາມ ແລະ ຄວາມຂັດແຍ່ງ
- ວິດີໂອແບບບໍ່ໄດ້ຕັດຕໍ່ທີ່ສະແດງຄວາມຂັດແຍ່ງຂອງການໃຊ້ອາວຸດທີ່ເກີດຂຶ້ນແທ້, ແຕ່ບໍ່ເຫັນພາບຊັດເຈນ (ເຊັ່ນ: ສົງຄາມ) ເຊິ່ງບໍ່ມີສາກທີ່ໂຫດຮ້າຍ ຫຼື ການບາດເຈັບທີ່ຈະແຈ້ງ, ໂດຍບໍ່ມີບໍລິບົດຂອງການສຶກສາ.
|
ເນື້ອຫານີ້ຈະບໍ່ສາມາດສ້າງລາຍໄດ້ໂຄສະນາ |
ຮູບພາບສົບຄົນຕາຍໃນວິດີໂອທີ່ບໍ່ແມ່ນເພື່ອການສຶກສາ; ວິດີໂອການຫຼິ້ນເກມທີ່ມີປະເດັນທີ່ຖືກຫ້າມ (ເຊັ່ນ: ການລ່ວງລະເມີດທາງເພດ). ພາບການກະທຳ ແລະ ການບາດເຈັບທີ່ຮຸນແຮງຫຼາຍ (ຮວມທັງພາບທີ່ກ່ຽວຂ້ອງກັບການບັງຄັບໃຊ້ກົດໝາຍ). ການຍຸຍົງ ຫຼື ການຍ້ອງຍໍໃຫ້ໃຊ້ຄວາມຮຸນແຮງ.
ບາງຕົວຢ່າງຂອງເນື້ອຫາທີ່ຕົກຢູ່ໃນໝວດນີ້ຄືກັນ:
ຄວາມຮຸນແຮງທົ່ວໄປ
- ເນັ້ນໃສ່ພາບເລືອດ, ເຄື່ອງໃນ, ເຕັມໄປດ້ວຍເລືອດ, ຂອງແຫຼວໃນຮ່າງກາຍ (ຄົນ ຫຼື ສັດ) ສາກອາດຊະຍາກຳ ຫຼື ພາບອຸປະຕິເຫດໂດຍມີບໍລິບົດໃຫ້ພຽງໜ້ອຍດຽວ ຫຼື ບໍ່ມີໃຫ້ເລີຍ.
- ການສະແດງພາບຜົນທີ່ຕາມມາຂອງເຫດການຄວາມຮຸນແຮງທີ່ມີພາບເຊິ່ງສ້າງຄວາມຕື່ນຕົກໃຈຢ່າງຮຸນແຮງ, ເຊິ່ງຮວມທັງ:
- ການສະແດງເລືອດ ຫຼື ການນອງເລືອດຢ່າງຫຼວງຫຼາຍ (ເຊັ່ນ: ບາດແຜເປີດ ເຊັ່ນ: ຂາຂາດ ຫຼື ແຜເຜົາໄໝ້ຮຸນແຮງ)
- ຄວາມເຈັບປວດຢ່າງຮຸນແຮງ (ເຊັ່ນ: ຄົນຮ້ອງໄຫ້ ຫຼື ເປັນລົມເນື່ອງຈາກອາການເຈັບປວດຮຸນແຮງຈາກບາດແຜເປີດ)
- ເນື້ອຫາທີ່ສະແດງພາບເຊິ່ງສ້າງຄວາມຕື່ນຕົກໃຈ, ຊັດເຈນ ແລະ/ຫຼື ມີຄວາມຮຸນແຮງ ຫຼື ສາກທີ່ຍຸຍົງ ຫຼື ຍ້ອງຍໍໃຫ້ເກີດຄວາມຮຸນແຮງ.
ການຫຼິ້ນເກມ
- ເນື້ອຫາທີ່ເນັ້ນການຫຼິ້ນເກມທີ່ສ້າງປະສົບການອັນໜ້າຕື່ນຕົກໃຈ. ຕົວຢ່າງຮວມມີ:
- ການຮວມຕົວລະຄອນທີ່ຜູ້ຫຼິ້ນບໍ່ໄດ້ຄວບຄຸມເພື່ອສ້າງສາກການສັງຫານໝູ່.
- ພາບຄວາມຮຸນແຮງຂອງເກມໃນຮູບຕົວຢ່າງ ຫຼື ໃນໄລຍະ 7 ວິນາທີທຳອິດຂອງວິດີໂອ.
- “ພາບຄວາມຮຸນແຮງຂອງເກມ” ຮວມເຖິງການບາດເຈັບທີ່ຮຸນແຮງ (ເຊັ່ນ: ການຕັດຫົວ, ການແຍກຊິ້ນສ່ວນອະໄວຍະວະ) ເຊິ່ງເນັ້ນໃຫ້ເຫັນທາດແຫຼວ ແລະ/ຫຼື ຊິ້ນສ່ວນຂອງຮ່າງກາຍໂດຍສະແດງໃຫ້ເຫັນຄວາມເຈັບປວດເປັນເວລາດົນ ຫຼື ຮຸນແຮງ.
- ວິດີໂອການຫຼິ້ນເກມທີ່ສະແດງຄວາມຮຸນແຮງທາງເພດ.
- ວິດີໂອການຫຼິ້ນເກມທີ່ສະແດງຄວາມຮຸນແຮງເຊິ່ງເກີດຈາກຄວາມກຽດຊັງ ຫຼື ຄວາມຮຸນແຮງທີ່ມີເປົ້າໝາຍເປັນກຸ່ມທີ່ໄດ້ຮັບການຄຸ້ມຄອງ.
- ວິດີໂອການຫຼິ້ນເກມທີ່ສະແດງພາບການທໍລະມານ.
- ວິດີໂອການຫຼິ້ນເກມທີ່ສະແດງພາບຄວາມຮຸນແຮງທີ່ມຸ່ງເນັ້ນໄປຫາເດັກນ້ອຍ.
- ວິດີໂອການຫຼິ້ນເກມທີ່ສະແດງພາບຄວາມຮຸນແຮງທີ່ມຸ່ງເນັ້ນໄປຫາບຸກຄົນທີ່ມີຕົວຕົນແທ້.
ການເສຍຊີວິດ ແລະ ເຫດການເສົ້າສະຫຼົດ
- ການສະແດງພາບສົບຄົນຕາຍໃນສະພາບຕົວຈິງ ຫຼື ພາບຜູ້ທີ່ບາດເຈັບຢ່າງເຫັນໄດ້ຈະແຈ້ງ.
- ການສະແດງສົບຄົນຕາຍໃນສະພາບຕົວຈິງໂດຍບໍ່ກ່ຽວຂ້ອງກັບບໍລິບົດທາງການສຶກສາ.
- ການສະແດງຊ່ວງເວລາຂອງການຕາຍທີ່ເຫັນໄດ້ຈະແຈ້ງຂອງບຸກຄົນໜຶ່ງ ຫຼື ຫຼາຍຄົນໃນບໍລິບົດໃດໜຶ່ງ.
- ການຕາຍຍ້ອນຂາດອາກາດຫາຍໃຈ.
- ການສະແດງພາບລົດທີ່ມີຜູ້ໂດຍສານຕົກຈາກຂົວ.
- ການບອກທາງອ້ອມເຖິງຊ່ວງເວລາການເສຍຊີວິດ ຫຼື ການທຳຮ້າຍຮ່າງການຢ່າງຮຸນແຮງ.
- ຄວາມເສຍຫາຍຮ້າຍແຮງຕໍ່ຊັບສິນ ເຊິ່ງມີຄວາມເປັນໄປໄດ້ວ່າຈະມີຜູ້ເສຍຊີວິດ ຫຼື ບາດເຈັບສາຫັດທາງຮ່າງກາຍ (ເຊັ່ນ: ການລະເມີດ, ໄຟໄໝ້, ອາຄານຖະຫຼົ່ມ ແລະ ອື່ນໆ).
- ພາບສົບຄົນຕາຍທີ່ຖືກເຊັນເຊີ (ເຊັ່ນ: ການມົວໄວ້) ທີ່ບໍ່ແມ່ນເນື້ອຫາເພື່ອການສຶກສາ.
ການຕໍ່ສູ້ (ບໍ່ຮວມກິລາຕໍ່ສູ້)
- ການເນັ້ນ ຫຼື ການສະແດງການຕໍ່ສູ້ຕາມຖະໜົນເປັນເວລາດົນ, ເຖິງແມ່ນວ່າຈະບໍ່ມີການບາດເຈັບ, ໃນບໍລິບົດທີ່ບໍ່ແມ່ນການສຶກສາກໍຕາມ.
ການລ່າສັດ
- ເນື້ອຫາກ່ຽວກັບການລ່າສັດທີ່ເນັ້ນໃຫ້ເຫັນພາບສັດທີ່ບາດເຈັບ ຫຼື ສັດທີ່ກຳລັງທໍລະມານ (ເຊັ່ນ: ສ່ວນຕ່າງໆຂອງຕົນຕົວທີ່ມີເລືອດ).
ການທາລຸນສັດ
- ການສະແດງ ຫຼື ການພັນລະນາພາບການທາລຸນສັດ (ທັງທາງດ້ານຮ່າງກາຍ ແລະ ທາງດ້ານອາລົມ) ຫຼື ການທໍລະມານສັດ ເຊັ່ນ: ການເຕະສັດ.
- ການສົ່ງເສີມ ຫຼື ການຍ້ອງຍໍຄວາມຮຸນແຮງຂອງສັດທີ່ຄວບຄຸມໂດຍມະນຸດ (ເຊັ່ນ: ການບັງຄັບໃຫ້ໄກ່ຕີກັນ ຫຼື ການບັງຄັບໃຫ້ໝາກັດກັນ) ເຊິ່ງອາດສະແດງພາບທີ່ຈະແຈ້ງ ຫຼື ບໍ່ຈະແຈ້ງກໍໄດ້.
- ວິດີໂອສັດທີ່ກຳລັງທຸກທໍລະມານເຊິ່ງເກີດຈາກການແຊກແຊງຂອງມະນຸດ ເຊັ່ນ: ການຕັ້ງໃຈເອົາສັດໄປວາງໄວ້ຢູ່ໃນບ່ອນອັນຕະລາຍ, ຝືນທຳມະຊາດ ຫຼື ເຫດການອັນຕະລາຍອື່ນໆທີ່ຕຶງຄຽດ ຫຼື ບໍ່ເປັນທຳມະຊາດ.
ການບັງຄັບໃຊ້ກົດໝາຍ ແລະ ການຜິດຖຽງກັນໂດຍໃຊ້ກຳລັງ
- ການສະແດງພາບທີ່ເນັ້ນໃຫ້ເຫັນຄວາມໂຫດຮ້າຍຂອງຕຳຫຼວດໃນບໍລິບົດທີ່ບໍ່ແມ່ນການສຶກສາ.
ຄວາມຮຸນແຮງໃນການຫຼິ້ນກິລາ
- ວິດີໂອການຫຼິ້ນກິລາທີ່ເນັ້ນໃຫ້ເຫັນພາບການບາດເຈັບຢ່າງຊັດເຈນເປັນຫົວຂໍ້ຫຼັກໃນວິດີໂອ.
ສົງຄາມ ແລະ ຄວາມຂັດແຍ່ງ
- ຮູບພາບທີ່ຈະແຈ້ງ ຫຼື ເຫດການຍິງ, ການລະເບີດ, ການປະຫານຊີວິດ ຫຼື ການວາງລະເບີດ.
- ວິດີໂອຂອງສົງຄາມທີ່ມີຮູບພາບສະແດງກ່ຽວກັບການບາດເຈັບແບບຈະແຈ້ງ, ຄວາມຕາຍ ຫຼື ຄວາມທຸກທໍລະມານໃນບໍລິບົດໃດໜຶ່ງ.
ຄວາມຮຸນແຮງກ່ຽວກັບເດັກນ້ອຍ
- ເນື້ອຫາທີ່ສຸມໃສ່ການສະແດງເຖິງຄວາມຮຸນແຮງລະຫວ່າງເດັກນ້ອຍໃນບໍລິບົດໃດໜຶ່ງ ຫຼື ສະແດງໃຫ້ເຫັນເຖິງການບາດເຈັບ ຫຼື ຄວາມກັງວົນໃຈຕໍ່ຜູ້ເຂົ້າຮ່ວມ.
|
ເພື່ອສຶກສາເພີ່ມເຕີມກ່ຽວກັບຄຳສັບສຳຄັນທີ່ໃຊ້ໃນຂໍ້ແນະນຳເຫຼົ່ານີ້, ກະລຸນາເຂົ້າເບິ່ງ ຕາຕະລາງຄຳນິຍາມ ຂອງພວກເຮົາ.
ເນື້ອຫາສຳລັບຜູ້ໃຫຍ່
ເນື້ອຫາທີ່ມີເນື້ອໃນສື່ເຖິງເລື່ອງເພດຢ່າງຊັດເຈນໃນຊື່ ຫຼື ຮູບຕົວຢ່າງ ຫຼື ປະເດັນທີ່ສື່ເຖິງເລື່ອງເພດຢ່າງຊັດເຈນແມ່ນບໍ່ເໝາະສົມສຳລັບການໂຄສະນາ. ໂດຍມີຂໍ້ຍົກເວັ້ນທີ່ຈຳກັດສຳລັບຮູບພາບວິດີໂອການສຶກສາທາງເພດ ແລະ ວິດີໂອເພງທີ່ບໍ່ຈະແຈ້ງ. ນະໂຍບາຍນີ້ຮວມທັງພາບຈິງ ແລະ ພາບທີ່ສ້າງຂຶ້ນໂດຍຄອມພິວເຕີ. ການສະແດງເຈດຕະນາວ່າເປັນເລື່ອງຕະຫຼົກແມ່ນບໍ່ໄດ້ເຮັດໃຫ້ເນື້ອຫາທີ່ສື່ເຖິງເລື່ອງເພດຢ່າງຊັດເຈນນັ້ນເໝາະສົມສຳລັບການໂຄສະນາ.
ລາຍລະອຽດຂອງນະໂຍບາຍ
ຄຳແນະນຳໂຄສະນາ |
ຕົວເລືອກແບບສອບຖາມ ແລະ ລາຍລະອຽດ |
ເນື້ອຫານີ້ສາມາດສ້າງລາຍໄດ້ໂຄສະນາໄດ້ |
ມີສາກໂຣແມນຕິກ ຫຼື ສາກຈູບ; ການສົນທະນາທົ່ວໄປກ່ຽວກັບຄວາມສຳພັນ ຫຼື ເລື່ອງເພດໂດຍບໍ່ໄດ້ກ່າວເຖິງການມີເພດສຳພັນ; ການໂປ້ເປືອຍທີ່ຖືກເຊັນເຊີໄວ້ແບບເຕັມ ເຊິ່ງເບິ່ງບໍ່ເຫັນ ແລະ ບໍ່ມີເຈດຕະນາກະຕຸ້ນຜູ້ຊົມ; ພາບໂປ້ເປືອຍຈາກການໃຫ້ນົມລູກທີ່ມີເດັກນ້ອຍຢູ່ນຳ; ການສອນເພດສຶກສາໂດຍບໍ່ສະແດງຮູບຈະແຈ້ງ; ການເຕັ້ນທີ່ມີການເຄື່ອນໄຫວຮ່າງກາຍເປັນຈັງຫວະ ເຊິ່ງສ່ວນໃຫຍ່ຈະແມ່ນອະໄວຍະວະທາງເພດໂດຍພະຍາຍາມເຮັດໃຫ້ເກີດຄວາມຕ້ອງການ ຫຼື ດຶງດູດໃຈ, ແຕ່ບໍ່ໄດ້ສະແດງຮູບທາງເພດຢ່າງຈະແຈ້ງ; ການເຕັ້ນທີ່ສະແດງຮູບທາງເພດຢ່າງຈະແຈ້ງໃນສະຖານທີ່ໃຫ້ບໍລິການທາງວິຊາຊີບ ເຊັ່ນ: ໃນທ່າເຕັ້ນ ຫຼື ໃນວິດີໂອເພງ.
ບາງຕົວຢ່າງຂອງເນື້ອຫາທີ່ຕົກຢູ່ໃນໝວດນີ້ຄືກັນ:
ເນື້ອຫາທີ່ສ້າງຄວາມເພີງພໍໃຈທາງເພດ
- ສາກໂຣແມນຕິກທີ່ບໍ່ສ້າງຄວາມເພີງພໍໃຈທາງເພດ ເຊັ່ນ: ສາກຈູບ ຫຼື ກອດໃນອະນິເມຊັນ, ຊີວິດຈິງ ຫຼື ໃນສະຖານະການທີ່ຈັດສາກຂຶ້ນ.
- ສາກທີ່ກ່ຽວຂ້ອງກັບຄວາມເຄັ່ງຕຶງທາງເພດລະຫວ່າງຕົວລະຄອນໂດຍບໍ່ມີການພັນລະນາກິດຈະກໍາທາງເພດຢ່າງຈະແຈ້ງ.
- ສາກຈູບທີ່ເປັນພຽງພາກສ່ວນໃນການເລົ່າເລື່ອງໂດຍຮວມເຊິ່ງເນັ້ນໃສ່ຄວາມໂຣແມນຕິກສະເພາະ ແລະ ບໍ່ມີຈຸດປະສົງໃນການສ້າງຄວາມເພີງພໍໃຈທາງເພດ.
- ການສື່ເຖິງກິດຈະກຳທາງເພດທາງອ້ອມເປັນເວລາສັ້ນໆໂດຍບໍ່ມີການເຜີຍໃຫ້ເຫັນອະໄວຍະວະເພດ ເຊັ່ນ: ການສະແດງຕຽງນອນທີ່ສັ່ນ, ການຮ້ອງຄາງ ຫຼື ການຮ່ວມເພດແບບບໍ່ສອດໃສ່.
- ການສົນທະນາເລື່ອງເພດໃນບໍລິບົດທີ່ບໍ່ສ້າງຄວາມເພີງພໍໃຈທາງເພດ/ຕະຫຼົກ:
- ເນື້ອເພງ ຫຼື ການສົນທະນາທີ່ອ້າງອີງເຖິງກິເລດຕັນຫາ, ຄວາມຢາກ ຫຼື ຄວາມຕ້ອງການທາງເພດ.
- ເພດສຶກສາ.
- ພະຍາດຕິດຕໍ່ທາງເພດສຳພັນ (STD) ແລະ ວິທີການຕິດຕໍ່.
- ປະສົບການທາງເພດ (ເຊັ່ນ: ການຮັບມືກັບອາການເຈັບພາຍຫຼັງມີເພດສຳພັນ) ເຊິ່ງເນັ້ນໃສ່ສະເພາະຂະບວນການມີເພດສຳພັນ ແຕ່ບໍ່ໄດ້ເວົ້າເຖິງວິທີພັດທະນາລີລາ.
- ການບໍລິຈາກອະສຸຈິ.
- ການນໍາສະເໜີທາງວິທະຍາສາດກ່ຽວກັບກາຍວິພາກສາດຈະເລີນພັນທີ່ໃຊ້ແຜນວາດ ຫຼື ຫຸ່ນ.
- ລົດສະນິຍົມທາງເພດ ແລະ/ຫຼື ການພັດທະນາອັດຕະລັກທາງເພດໃນລະຫວ່າງການມີຄວາມສຳພັນ.
- ການຫຼິ້ນມຸກຕະຫຼົກ ແລະ ການເວົ້າທາງອ້ອມເຖິງເລື່ອງທາງເພດ (ເຊັ່ນ: ການຮຽນແບບການກະທຳທາງເພດໃນລັກສະນະທີ່ຕະຫຼົກ) ໂດຍບໍ່ມີຄຳຫຍາບຄາຍ ຫຼື ລາມົກ (ເຊັ່ນ: ເນື້ອເພງທີ່ເວົ້າເຖິງອາລົມທາງເພດ).
- ເນື້ອຫາທີ່ກ່າວເຖິງຄວາມຫຼົງໄຫຼໃນລັກສະນະທີ່ບໍ່ກ່ຽວກັບເລື່ອງເພດ (ເຊັ່ນ: “ອາຫານທີ່ທ່ານມັກ ຫຼື ອາຫານທີ່ທ່ານຫຼົງໄຫຼແມ່ນຫຍັງ?”).
ການເຕັ້ນ
- ທ່າເຕັ້ນທີ່ເຊັກຊີ້ ເຊັ່ນ: ການໝຸນສະໂພກ ຫຼື ແອວຂອງນັກເຕັ້ນ.
- ການເຕັ້ນແບບຮ່ອນກົ້ນ ຫຼື ການຖູໄຖ.
- ການສະແດງເຄື່ອງນຸ່ງໜ້ອຍຜືນໃນຕອນເຕັ້ນເປັນເວລາສັ້ນໆ.
- ການລູບພາກສ່ວນຕ່າງໆຂອງຮ່າງກາຍເປັນເວລາສັ້ນໆ.
- ນັກເຕັ້ນເປັນຄູ່ທີ່ມີການສຳຜັດກັນຢ່າງໃກ້ຊິດ. ຕົວຢ່າງ: ບໍລິເວນກະດູກກະໂພກຂອງເຂົາເຈົ້າທີ່ສຳຜັດກັນຢ່າງໃກ້ຊິດ.
- ທ່ານເຕັ້ນທີ່ຮຽນແບບ ຫຼື ຈຳລອງກິດຈະກຳທາງເພດ ເຊັ່ນ: ການເຕັ້ນແບບດັນກະດູກກະໂພກ ຫຼື ການເຕັ້ນເທິງຕັກແບບອະນາຈານ, ເຊິ່ງນຳສະເໜີໃນສະຖານທີ່ໃຫ້ບໍລິການທາງວິຊາຊີບ (ເຊັ່ນ: ສະຕູດິໂອສອນເຕັ້ນ).
- ວິດີໂອເພງທີ່ສະແດງພາບອະໄວຍະວະທາງເພດຊ້ຳໆ.
ໂປ້ເປືອຍ
- ເນື້ອຫາທີ່ມີການເຊັນເຊີຮູບໂປ້ເປືອຍໄວ້ ແລະ ບໍ່ໄດ້ເນັ້ນໄປທີ່ຮູບໂປ້ເປືອຍນັ້ນ ເຊັ່ນ: ສາກທີ່ຕົວລະຄອນອາດຈະເປືອຍກາຍ ແຕ່ບໍ່ໄດ້ເປີດເຜີຍໃຫ້ເຫັນຫົວນົມ, ກົ້ນ ຫຼື ອະໄວຍະວະເພດ (ຕົວຢ່າງ: ການມົວພາບ/ເຮັດພາບເປັນແບບພິກເຊວທັງໝົດ).
- ມີການມົວພາບເປືອຍກາຍຂອງບຸກຄົນສຳຄັນທາງປະຫວັດສາດທີ່ສວມໃສ່ເຄື່ອງນຸ່ງໜ້ອຍດຽວໃນບໍລິບົດທາງການສຶກສາ.
- ມີການເຊັນເຊີພາບອະໄວຍະວະເພດໄວ້ທັງໝົດ ເຊິ່ງບໍ່ສະແດງໃຫ້ເຫັນຊັດເຈນ ແລະ ສະແດງເພື່ອຈຸດປະສົງທີ່ບໍ່ກ່ຽວຂ້ອງກັບເລື່ອງທາງເພດ ເຊັ່ນ: ຂັ້ນຕອນທາງການແພດ.
- ເນື້ອຫາທີ່ສະແດງຮູບບຸກຄົນທີ່ໃສ່ເຄື່ອງນຸ່ງໜ້ອຍຜືນ ໂດຍບໍ່ມີຈຸດປະສົງເພື່ອສ້າງຄວາມເພີງພໍໃຈທາງເພດ ເຊັ່ນ: ການໃສ່ຊຸດບິກິນີຢູ່ສະລອຍນໍ້າ.
- ການຣີວິວເຄື່ອງນຸ່ງທີ່ເນັ້ນໃສ່ຮູບຊົງ ແລະ ປະໂຫຍດໃຊ້ສອຍຂອງເຄື່ອງນຸ່ງ ບໍ່ແມ່ນການເນັ້ນໃສ່ພາກສ່ວນຕ່າງໆຂອງຮ່າງກາຍໃຕ້ເສື້ອຜ້າ ເຊັ່ນ: ໜ້າເອິກ.
- ການສະແດງອອກທາງສິນລະປະເຊັ່ນ: ຮູບປັ້ນ, ພາບສະເກັດ ຫຼື ຮູບກຣາບຟິກທີ່ສ້າງຂຶ້ນດ້ວຍຄອມພິວເຕີ ເຊິ່ງກ່ຽວຂ້ອງກັບການສະແດງພາບໂປ້ເປືອຍ ເຊັ່ນ: ຕົວລະຄອນໃນຜົນງານສິນລະປະຍຸກຄລາສສິກ ຫຼື ການຖ່າຍຮູບຂອງຄົນພື້ນເມືອງທີ່ໃສ່ຜ້າກະຕ່ຽວ.
- ການໃຊ້ຜ້າໂປ່ງໃສ ຫຼື ຜ້າບາງໆປົກໜ້າເອິກ/ຮ່ອງໜ້າເອິກ, ສະໂພກຂອງຜູ້ຍິງ ຫຼື ລຳຕົວຂອງຜູ້ຊາຍທີ່ປາກົດໃນສະຖານທີ່ທີ່ເໝາະສົມ ເຊັ່ນ: ການເດີນແບບໃນງານແຟຊັນໂຊ, ການກວດຮ່າງກາຍທາງການແພດ ຫຼື ຊາຍຫາດສຳລັບທ່ອງທ່ຽວພັກຜ່ອນ.
- ພາບໂປ້ເປືອຍທີ່ປາກົດໃຫ້ເຫັນບາງສ່ວນເຊິ່ງເປັນສ່ວນໜຶ່ງໃນການແຂ່ງຂັນກິລາ ເຊັ່ນ: ການຕີມວຍທີ່ຈຳເປັນຕ້ອງແຕ່ງກາຍໃນລັກສະນະດັ່ງກ່າວ.
- ພາບໜ້າເອິກ ຫຼື ກົ້ນທີ່ມີການປົກຫຸ້ມພຽງໜ້ອຍດຽວ ຫຼື ດ້ວຍຜ້າບາງໆ (ເຊັ່ນ: ເວລາໃສ່ຊຸດລອຍນ້ຳ) ທີ່ບໍ່ໄດ້ສ້າງຄວາມເພີງພໍໃຈທາງເພດ ແລະ ບໍ່ແມ່ນຈຸດຫຼັກຂອງວິດີໂອ.
- ວັດຖຸທີ່ໃຊ້ເພື່ອຈຳລອງນ້ຳໜັກ ຫຼື ລັກສະນະຂອງອະໄວຍະວະເພດເທິງຮ່າງກາຍ, ຍົກເວັ້ນວັດຖຸທີ່ໃຊ້ເພື່ອຄວາມເພີງພໍໃຈທາງເພດ.
- ໜ້າເອິກທຽມທີ່ໃຊ້ໂດຍຜູ້ທີ່ເຄີຍຜ່າຕັດເຕົ້ານົມ ຫຼື ໂດຍສະມາຊິກຂອງຊຸມຊົນຄົນຂ້າມເພດ ແລະ/ຫຼື ຊຸມຊົນທີ່ບໍ່ແມ່ນທັງຍິງ ແລະ ຊາຍ.
- ອຸປະກອນທີ່ໃຊ້ໂດຍຊຸມຊົນຄົນຂ້າມເພດ ແລະ/ຫຼື ຊຸມຊົນທີ່ບໍ່ແມ່ນທັງຍິງ ແລະ ຊາຍ ເຊັ່ນ: ອຸປະກອນສຳລັບຖ່າຍເບົາເວລາຢືນ ຫຼື ອະໄວຍະວະເພດຊາຍຈຳລອງແບບອ່ອນສຳລັບສວມໃສ່.
ພາບໂປ້ເປືອຍຈາກການໃຫ້ນົມລູກ
- ຜູ້ຍິງທີ່ກຳລັງໃຫ້ນົມລູກໂດຍບໍ່ເປີດເຜີຍ ຫຼື ເບິ່ງເຫັນຫົວນົມຂອງລາວໄດ້.
- ການສະແດງທ່າທາງຂອງມື ຫຼື ການໃຊ້ເຄື່ອງປ້ຳນົມໂດຍເຫັນຫົວນົມ ແລະ ມີເດັກນ້ອຍຢູ່ໃນສາກ.
ຄຳນິຍາມ:
- “ການສ້າງຄວາມເພີງພໍໃຈທາງເພດ” ໝາຍເຖິງເຈດຕະນາໃນການກະຕຸ້ນອາລົມທາງເພດຂອງຜູ້ຊົມ.
- “ການສຽດສີທາງເພດ”: ໝາຍເຖິງການໃຊ້ວະລີເພື່ອແນະນຳ ຫຼື ເວົ້າຕະຫຼົກກ່ຽວກັບເລື່ອງທາງເພດ.
- “ການແນະນຳທາງເພດ” ໝາຍເຖິງພາບທີ່ເບິ່ງເຫັນ, ສຽງທີ່ໄດ້ຍິນ ຫຼື ສຽງເບົາໆທີ່ຂຽນອອກມາ ເພື່ອບົ່ງບອກເຖິງເຈດຕະນາໃນການກະຕຸ້ນອາລົມທາງເພດຂອງຜູ້ຊົມ.
- “ການສະແດງພາບກຣາບຟິກ” ໝາຍເຖິງວິທີການສະແດງກິດຈະກໍາທາງເພດ ຫຼື ການໂປ້ເປືອຍຢ່າງຈະແຈ້ງ ເພື່ອສ້າງຄວາມຕື່ນເຕັ້ນໃຫ້ຜູ້ຊົມ.
- “ພາບໂປ້ເປືອຍຈາກການໃຫ້ນົມລູກ” ໝາຍເຖິງການເບິ່ງເຫັນໜ້າເອິກ ແລະ/ຫຼື ຫົວນົມໃນບໍລິບົດຂອງການໃຫ້ນົມລູກ. ຕ້ອງມີການອ້າງອີງຕາມບໍລິບົດກ່ຽວກັບການໃຫ້ນົມລູກ ເຊັ່ນ: ເດັກນ້ອຍທີ່ກຳລັງຈະຖືກປ້ອນນົມຈາກເຕົ້າ ຫຼື ເດັກນ້ອຍກຳລັງດູດນົມ.
|
ເນື້ອຫານີ້ອາດບໍ່ສ້າງລາຍໄດ້ໂຄສະນາ ຫຼື ອາດສ້າງແບບຈຳກັດ |
ຜົນງານສິນລະປະຍຸກຄລາສສິກທີ່ສະແດງເຖິງການມີເພດສຳພັນ (ເຊັ່ນ: ພາບກິດຈະກຳທາງເພດ) ຫຼື ເນັ້ນໃຫ້ເຫັນອະໄວຍະວະເພດໃນຮູບຕົວຢ່າງ; ເພດສຶກສາທີ່ບໍ່ໄດ້ກະຕຸ້ນອາລົມທາງເພດເຊິ່ງມີພາບກິດຈະກຳທາງເພດແບບເຄື່ອນໄຫວ; ການຢອກກັນທີ່ກ່ຽວຂ້ອງກັບປະເດັນທາງເພດ; ການເຕັ້ນໂດຍເນັ້ນໃສ່ການສວມໃສ່ເຄື່ອງນຸ່ງໜ້ອຍຜືນ, ການເຈດຕະນາສຳຜັດ ຫຼື ມຸ່ງເນັ້ນຄວາມສົນໃຈໄປໃສ່ອະໄວຍະວະເພດໃນການເຕັ້ນ.
ບາງຕົວຢ່າງຂອງເນື້ອຫາທີ່ຕົກຢູ່ໃນໝວດນີ້ຄືກັນ:
ເນື້ອຫາທີ່ສ້າງຄວາມເພີງພໍໃຈທາງເພດ
- ຊື່ ຫຼື ຮູບຕົວຢ່າງທີ່ມີລັກສະນະທາງເພດ (ຮວມເຖິງສັນຍານທີ່ເຮັດໃຫ້ເຂົ້າໃຈຜິດ).
- ວິດີໂອເພງທີ່ມີຮູບຕົວຢ່າງ ຫຼື ຊື່ທີ່ມີປະເດັນກ່ຽວກັບເລື່ອງເພດ (ຮວມທັງສັນຍານທີ່ເຮັດໃຫ້ເຂົ້າໃຈຜິດ).
- ຄຳອະທິບາຍ ຫຼື ການອ້າງອີງເຖິງການກະທຳທາງເພດໂດຍທາງອ້ອມ (ເຊັ່ນ: ການອ້າງອີງເຖິງອະໄວຍະວະທາງເພດໂດຍໃຊ້ອີໂມຈິ ຫຼື ພາບບອກທາງອ້ອມ).
- ການໝາຍວົງມົນເພື່ອເນັ້ນ ຫຼື ຮຽກຮ້ອງໃຫ້ສົນໃຈສິ່ງໃດໜຶ່ງໃນຮູບຕົວຢ່າງທີ່ສື່ເຖິງກິດຈະກຳທາງເພດໂດຍທາງອ້ອມ.
- ຜູ້ໃຫ້ບໍລິການທາງເພດທີ່ປາກົດໃນຖານະບຸກຄົນໆໜຶ່ງ.
- ກິດຈະກຳທາງເພດ (ຮວມທັງການກະທຳທາງເພດໂດຍທາງອ້ອມ).
- ການສຽດສີທາງເພດ ເຊັ່ນ: ສຽງຄາງ ຫຼື ການດູດໃບຫູ.
- ເຊັກທອຍ ຫຼື ອຸປະກອນທີ່ສະແດງໃນເນື້ອຫາ ເຖິງແມ່ນວ່າຈະບໍ່ໄດ້ນຳໃຊ້ກໍຕາມ.
- ການສະແດງພາບກິດຈະກຳທາງເພດທີ່ບໍ່ກະຕຸ້ນອາລົມທາງເພດໃນເນື້ອຫາເພື່ອການສຶກສາ, ສາລະຄະດີ ຫຼື ເນື້ອຫາທີ່ສ້າງຂຶ້ນ.
- ກິດຈະກຳທາງເພດ ແລະ ປະຫວັດຄວາມເປັນມາຂອງກິດຈະກຳເຫຼົ່ານັ້ນທີ່ອະທິບາຍໄວ້ເພື່ອຈຸດປະສົງທາງການສຶກສາ ເຊັ່ນ: ໃນຫົວຂໍ້ທາງການແພດ.
- ເນື້ອຫາກ່ຽວກັບເພດ ເຊັ່ນ: ສາລະຄະດີຕ່າງໆກ່ຽວກັບອຸດສາຫະກຳທາງເພດ.
- ເນື້ອຫາເພື່ອການສຶກສາ ແລະ ສາລະຄະດີທີ່ມີ:
- ການສົນທະນາກ່ຽວກັບປະສົບການທາງເພດທີ່ເລິກເຊິ່ງ ເຊັ່ນ: ເຄັດລັບສ່ວນຕົວທີ່ໄດ້ຮຽນຮູ້ໃນຖານະຜູ້ໃຫ້ບໍລິການທາງເພດ ຫຼື ພາສາລາມົກທີ່ໃຊ້ເປັນສ່ວນໜຶ່ງຂອງການສົນທະນາທາງເພດແບບເລິກເຊິ່ງ.
- ຊື່ ຫຼື ຮູບຕົວຢ່າງທີ່ມີເນື້ອຫາສຳລັບຜູ້ໃຫຍ່ໃນຜົນງານສິນລະປະຍຸກຄລາສສິກ.
ການເຕັ້ນ
- ການເຕັ້ນແບບຮ່ອນກົ້ນ ຫຼື ການຖູໄຖໂດຍເນັ້ນໃສ່ການສວມໃສ່ເຄື່ອງນຸ່ງໜ້ອຍຜືນຂອງນັກເຕັ້ນ.
- ການເຕັ້ນທີ່ຄູ່ເຕັ້ນຈັບໜ້າເອິກ ຫຼື ກົ້ນຂອງຄູ່ເຕັ້ນຂອງຕົນ ຫຼື ເວລາທີ່ນັກເຕັ້ນຜູ້ໜຶ່ງເອົາມືສອດເຂົ້າໄປໃນເສື້ອຜ້າຂອງຄູ່ເຕັ້ນຂອງຕົນ.
- ການຕັ້ງໃຈຊູມໃສ່ອະໄວຍະວະທາງເພດໃນຕອນເຕັ້ນ.
ໂປ້ເປືອຍ
- ເນື້ອຫາການສຶກສາ ຫຼື ສາລະຄະດີທີ່ມີພາບໂປ້ເປືອຍເຕັມຮູບແບບ.
- ພາບຮວມຂອງປະຫວັດສາດ ຫຼື ອຸດສາຫະກຳທີ່ກ່ຽວຂ້ອງກັບເພດ ຫຼື ພາບໂປ້ເປືອຍ ເຊັ່ນ: ການສະແດງຮູບແຕ້ມໝົດທັງຕົນຕົວ.
- ຜົນງານສິນລະປະຍຸກຄລາສສິກທີ່ສະແດງພາບອະໄວຍະວະເພດຢ່າງຊັດເຈນ.
ຄຳນິຍາມ:
-
- “ພາບໂປ້ເປືອຍທີ່ຖືກເຊັນເຊີໄວ້” ໝາຍເຖິງສິ່ງຕ່າງໆ ເຊັ່ນ: ການເຮັດໃຫ້ມົວ, ການປົກປິດຄວາມໂປ້ດ້ວຍແຖບສີດໍາ ຫຼື ເຮັດພາບເປັນແບບພິກເຊວ.
- ການກະທໍາທີ່ສື່ໄປໃນທາງເພດແມ່ນພຶດຕິກໍາທີ່ຮຽນແບບການມີເພດສໍາພັນ ເຊັ່ນ: ການຮ່ວມເພດແບບບໍ່ສອດໃສ່.
|
ເນື້ອຫານີ້ຈະບໍ່ສາມາດສ້າງລາຍໄດ້ໂຄສະນາ |
ອະໄວຍະວະທາງເພດທີ່ບໍ່ມີການປົກປິດ ຫຼື ປົກປິດພຽງໜ້ອຍດຽວ ຫຼື ພາບເປືອຍແບບເຕັມໂຕ; ພາບໂປ້ເປືອຍຈາກການໃຫ້ນົມລູກທີ່ບໍ່ມີເດັກນ້ອຍຢູ່ນຳໃນສາກ; ກິດຈະກຳທາງເພດ (ເຖິງແມ່ນວ່າຈະຖືກມົວໄວ້ ຫຼື ສື່ເຖິງທາງອ້ອມ), ການສົນທະນາກ່ຽວກັບຫົວຂໍ້ທາງເພດ ເຊັ່ນ: ວັດຖຸທີ່ເຮັດໃຫ້ເກີດອາລົມທາງເພດ, ເຄັດລັບ, ປະສົບການ; ຮູບຕົວຢ່າງວິດີໂອທີ່ມີເນື້ອຫາທາງເພດ (ຮວມທັງຂໍ້ຄວາມ ຫຼື ລິ້ງ); ສາກ ແລະ ທ່າທາງທີ່ກະຕຸ້ນອາລົມທາງເພດ; ພາບເຊັກທອຍ ຫຼື ອຸປະກອນທາງເພດ; ເນື້ອຫາທີ່ກ່ຽວຂ້ອງກັບອຸດສາຫະກຳ ແລະ ຜູ້ໃຫ້ບໍລິການທາງເພດ; ການປະສົມພັນຂອງສັດທີ່ມີພາບອະໄວຍະວະເພດ ຫຼື ສາກການປະສົມພັນ; ການຮຽນແບບ ຫຼື ການຈຳລອງການເຄື່ອນໄຫວທາງເພດ ຫຼື ການສະແດງກິດຈະກຳທາງເພດໃນການເຕັ້ນ; ການເຕັ້ນອະນາຈານທີ່ເຈດຕະນາກະຕຸ້ນອາລົມຂອງຜູ້ຊົມຢ່າງຈະແຈ້ງ.
ບາງຕົວຢ່າງຂອງເນື້ອຫາທີ່ຕົກຢູ່ໃນໝວດນີ້ຄືກັນ:
ເນື້ອຫາທີ່ສ້າງຄວາມເພີງພໍໃຈທາງເພດ
- ຊື່ ຫຼື ຮູບຕົວຢ່າງທີ່ມີລັກສະນະທາງເພດ (ຮວມເຖິງສັນຍານທີ່ເຮັດໃຫ້ເຂົ້າໃຈຜິດ).
- ຄຳອະທິບາຍ ຫຼື ການອ້າງອີງເຖິງກິດຈະກຳທາງເພດໂດຍທາງອ້ອມ (ເຊັ່ນ: ການອ້າງອີງເຖິງອະໄວຍະວະທາງເພດໂດຍທາງອ້ອມດ້ວຍການໃຊ້ອີໂມຈິ ຫຼື ພາບ).
- ການໝາຍວົງມົນເພື່ອເນັ້ນ ຫຼື ຮຽກຮ້ອງໃຫ້ສົນໃຈສິ່ງໃດໜຶ່ງໃນຮູບຕົວຢ່າງທີ່ສື່ເຖິງກິດຈະກຳທາງເພດໂດຍທາງອ້ອມ.
- ຊື່ທີ່ເຮັດໃຫ້ເຂົ້າໃຈຜິດວ່າວິດີໂອມີເນື້ອຫາທາງເພດ, ແຕ່ຕົວຈິງແລ້ວແມ່ນບໍ່ມີ (ເຊັ່ນ: ວິດີໂອເຮັດອາຫານທີ່ມີຊື່ວ່າ “ເບິ່ງໜັງໂປ້”).
- ພາບໂປ້ເປືອຍທີ່ສ້າງຂຶ້ນຈາກຄອມພິວເຕີໃນບໍລິບົດທາງການແພດ.
- ການເນັ້ນການກະທຳ ຫຼື ພຶດຕິກຳການສະແດງອອກທາງເພດໂດຍທາງອ້ອມ.
- ຫົວຂໍ້ຫຼັກຂອງວິດີໂອທີ່ມີການແນະນຳວ່າກຳລັງມີກິດຈະກຳທາງເພດ ເຊັ່ນ: ການສັ່ນວັດຖຸ, ສຽງຄາງ ແລະ ອື່ນໆ.
- ການສະແດງຮູບເຊັກທອຍ, ອຸປະກອນທີ່ໃຊ້ໃນການມີເພດສຳພັນ ຫຼື ຜະລິດຕະພັນອື່ນໆທີ່ມີເຈດຕະນາສົ່ງເສີມກິດຈະກຳທາງເພດ ເຖິງວ່າຈະບໍ່ມີການນຳໃຊ້ມັນແທ້ກໍຕາມ.
- ການສະແດງອຸປະກອນທີ່ໃຊ້ສຳລັບການມີເພດສຳພັນໂດຍບໍ່ໄດ້ຕັ້ງໃຈໃນວິດີໂອທີ່ບໍ່ກ່ຽວຂ້ອງກັບຫົວຂໍ້ທາງເພດ (ຕົວຢ່າງ: ປາກົດໃຫ້ເຫັນຢູ່ໃນພາບພື້ນຫຼັງ).
- ອຸປະກອນທາງການແພດທີ່ຄ້າຍຄືກັບອະໄວຍະວະເພດທີ່ນຳໃຊ້ໃນລະຫວ່າງການສົນທະນາ.
- ສາກທີ່ມີການເຕັ້ນຍົວະເພື່ອສ້າງຄວາມເພີງພໍໃຈທາງເພດ, ການລູບຄໍາ ຫຼື ການສະແດງຄວາມຮັກເພື່ອກະຕຸ້ນອາລົມທາງເພດຂອງຜູ້ຊົມ.
- ສາກສັ້ນໆກ່ຽວກັບກິດຈະກໍາທາງເພດ (ຮວມເຖິງການກະທໍາທາງເພດໂດຍທາງອ້ອມ) ເຊິ່ງເປັນພຽງພາກສ່ວນຂອງການເລົ່າເລື່ອງໂດຍຮວມ.
- ສາກທີ່ມີຈຸດເນັ້ນໜັກຕົ້ນຕໍແມ່ນເພື່ອສະແດງການປົດປ່ອຍອາລົມທາງເພດ.
- ການສຽດສີທາງເພດທີ່ໃຊ້ວັດຖຸທີ່ບໍ່ສ້າງຄວາມເພີງພໍໃຈທາງເພດ:
- ວັດຖຸທີ່ຄ້າຍຄືກັບອະໄວຍະວະເພດ ເຊັ່ນ: ຮູບແກະສະຫຼັກຄົນທີ່ມີອະໄວຍະວະເພດທີ່ຄ້າຍຄືຂອງແທ້.
- ການໃຊ້ວັດຖຸທີ່ພົບເຫັນໄດ້ທົ່ວໄປ (ເຊັ່ນ: ໝາກເຂືອຍາວ) ຫຼື ອີໂມຈິທີ່ມີເຈດຕະນາເຮັດໃຫ້ຄຳນຶງເຖິງອະໄວຍະວະເພດ ແລະ ກະຕຸ້ນອາລົມທາງເພດຂອງຜູ້ຊົມ.
- ສຽງ, ຂໍ້ຄວາມ ຫຼື ບົດສົນທະນາທີ່ກ່ຽວຂ້ອງກັບເລື່ອງເພດຢ່າງຈະແຈ້ງ:
- ເນື້ອຫາກ່ຽວກັບຄວາມບັນເທີງທາງເພດ ເຊັ່ນ: ພາບລາມົກອະນາຈານ ຫຼື ບໍລິການທາງເພດອື່ນໆ (ຮວມທັງລິ້ງໄປຫາແພລດຟອມເນື້ອຫາສຳລັບຜູ້ໃຫຍ່ທີ່ຕ້ອງຕິດຕາມແບບເສຍເງິນ).
- ພາບການຈຳລອງສະຖານະການ ຫຼື ການກະທຳທາງເພດທີ່ມີເຈດຕະນາເພື່ອກະຕຸ້ນໃຫ້ເກີດຄວາມເພີງພໍໃຈທາງເພດ.
- ການສົນທະນາກ່ຽວກັບວັດຖຸທີ່ເຮັດໃຫ້ເກີດອາລົມທາງເພດ (ເຊັ່ນ: ຂໍ້ແນະນຳ ຫຼື ຄຳແນະນໍາແບບເປັນຂັ້ນຕອນ).
- ເນັ້ນໃສ່ເລື່ອງເສຍຫາຍທາງເພດ ຫຼື ການປ່ອຍຂ່າວກ່ຽວກັບຄວາມສຳພັນແບບເລິກເຊິ່ງສ່ວນຕົວ.
- ການເຄື່ອນໄຫວທາງເພດທີ່ເປັນການຮຽນແບບ ຫຼື ເຮັດໃສ່ (ເຊັ່ນ: ສື່ລາມົກອະນາຈານ).
- ການສົ່ງເສີມການກະທໍາທາງເພດເພື່ອແລກກັບຄ່າຕອບແທນ.
- ການໃຊ້ເຊັກທອຍ (ຫຼື ຜະລິດຕະພັນອື່ນໆທີ່ເຈດຕະນາສົ່ງເສີມກິດຈະກຳທາງເພດ) ໃນຕົວຈິງ.
- ການປະພຶດທາງເພດທີ່ເຮັດໃຫ້ເຂົ້າໃຈຜິດ ຫຼື ເນື້ອຫາທີ່ກ່ຽວຂ້ອງກັບການໂປ້ເປືອຍ.
- ຮູບຕົວຢ່າງທີ່ມີຄວາມຕັ້ງໃຈທີ່ຈະເຮັດໃຫ້ຜູ້ຊົມເຂົ້າໃຈຜິດກັບການສະແດງພາບທາງເພດຂອງວັດຖຸທຳມະດາ ຫຼື ສາກ, ໂດຍຫຼາຍໆຄັ້ງແມ່ນບໍ່ໄດ້ກ່ຽວຂ້ອງກັບຫົວຂໍ້ວິດີໂອຕົວຈິງ.
- ສາກທີ່ຖືກຕັດຕໍ່ໂດຍມີເຈດຕະນາກະຕຸ້ນໃຫ້ເກີດອາລົມທາງເພດ.
- ການຮວບຮວມການກະທຳທີ່ເພີງພໍໃຈທາງເພດ ເຊັ່ນ: ສາກການອອກແຮງ ຫຼື ການຖູໄຖກັນ.
- ຊື່ທີ່ສ້າງຄວາມເພີງພໍໃຈທາງເພດ (ເຊັ່ນ: “ເຊດຊັນການພອດຮັກສຸດຮ້ອນແຮງ”).
- ການມີເພດສຳພັນຂອງສັດເມື່ອ:
- ວິດີໂອການປະສົມພັນໂດຍເນັ້ນທີ່ອະໄວຍະວະເພດ.
- ການສະແດງອະໄວຍະວະເພດ ຫຼື ການປະສົມພັນຂອງສັດເພື່ອສ້າງຄວາມເພີງພໍໃຈທາງເພດ.
- ການສົນທະນາກ່ຽວກັບປະສົບການທາງເພດແບບເລິກເຊິ່ງ ເຊັ່ນ: ການຊ່ວຍຕົນເອງ, ການໄປເຖິງຈຸດສຸດຍອດ, ການຮ່ວມເພດສຳພັນ, ເຄັດລັບ ຫຼື ການກະທຳທາງເພດແບບອື່ນໆ. ນອກຈາກນັ້ນ, ຍັງອາດຮວມເຖິງການສຽດສີທາງເພດ ຫຼື ຂໍ້ຄວາມ ຫຼື ສຽງທີ່ສະແດງທາງເພດຢ່າງຈະແຈ້ງ ຫຼື ລາມົກອະນາຈານ ເຊັ່ນ: ບົດສົນທະນາກ່ຽວກັບເລື່ອງເພດໂດຍລະອຽດ.
- ການສົນທະນາຢ່າງຈະແຈ້ງກ່ຽວກັບເຄັດລັບເລື່ອງເພດ ຫຼື ວິທີການມີເພດສຳພັນ.
- ສຽງ ຫຼື ການຮວບຮວມສຽງຂອງການກະທຳທາງເພດໂດຍບໍ່ມີຮູບ ຫຼື ສາກທີ່ເຫັນພາບການກະທຳດັ່ງກ່າວ (ເຊັ່ນ: ສຽງການເລຍ ແລະ ສຽງດູດ).
- ຄຳອະທິບາຍກ່ຽວກັບກິດຈະກຳທາງເພດທີ່ເຈດຕະນາກະຕຸ້ນອາລົມທາງເພດຂອງຜູ້ຊົມ.
- ການກ່າວເຖິງຄວາມຫຼົງໄຫຼທາງເພດເຖິງແມ່ນວ່າຈະບໍ່ໄດ້ອະທິບາຍລາຍລະອຽດກໍຕາມ.
- ຊື່ ຫຼື ການອ້າງອີງຮູບຕົວຢ່າງເນື້ອຫາສຳລັບຜູ້ໃຫຍ່ ເຊັ່ນ: 18+, 21+, ‘ຜູ້ໃຫຍ່ເທົ່ານັ້ນ’, ‘ໜັງໂປ້’ ແລະ ອື່ນໆ, ເວັ້ນເສຍແຕ່ວ່າຈະແມ່ນບໍລິບົດທາງການສຶກສາ ຫຼື ສາລະຄະດີ.
- ການໃຊ້ອີໂມຕິຄອນ ຫຼື ອີໂມຈິໃນຂໍ້ຄວາມທີ່ສະແດງເຖິງອະໄວຍະວະທາງເພດ ຫຼື ການກະທຳທາງເພດເພື່ອໃຫ້ຜູ້ຊົມເກີດຄວາມເພີງພໍໃຈທາງເພດ.
- ວິດີໂອເກມທີ່ມີເນື້ອຫາກ່ຽວກັບເລື່ອງເພດເຊິ່ງກຳນົດເປົ້າໝາຍໃສ່ຜູ້ໃຫຍ່ ຫຼື ເຮັດໃຫ້ຕົວລະຄອນໃນວິດີໂອເກມກາຍເປັນວັດຖຸທາງເພດໂດຍເຈດຕະນາເພື່ອໃຫ້ຜູ້ຊົມເກີດຄວາມເພີງພໍໃຈທາງເພດ.
ການເຕັ້ນ
- ການເຮັດທ່າມີເພດສຳພັນໂດຍທີ່ຝ່າຍໜຶ່ງດັນອະໄວຍະວະເພດຂອງຕົນເຂົ້າໄປໃນບໍລິເວນອະໄວຍະວະເພດຂອງອີກຝ່າຍຢ່າງຮຸນແຮງ.
- ການນັ່ງຄ່ອມ ຫຼື ການແຫກຂາເຂົ້າຫາຄູ່ເຕັ້ນຄືກັບວ່າກຳລັງເຮັດກິດຈະກຳທາງເພດຢູ່.
- ການເຕັ້ນເທິງຕັກ ຫຼື ການທຳທ່າຖອດເສື້ອຜ້າອອກ, ເວັ້ນແຕ່ວ່າຈະສະແດງເປັນທ່າເຕັ້ນ ຫຼື ໃນສະຖານທີ່ໃຫ້ບໍລິການທາງວິຊາຊີບ.
ໂປ້ເປືອຍ
- ການເຊັນເຊີພາບໂປ້ເປືອຍ ຫຼື ເຮັດໃຫ້ເປັນພາບແບບພິກເຊວເຊິ່ງຍັງສາມາດເບິ່ງອອກໄດ້ວ່າເປັນອະໄວຍະວະທາງເພດ.
- ສາກທີ່ມີຮ່າງກາຍໂປ້ເປືອຍທີ່ຕິດດາວ ຫຼື ຖືກມົວ, ແຕ່ຍັງສາມາດລະບຸຕົວຕົນໄດ້ຈາກເງົາຂອງເຂົາເຈົ້າ.
- ການສະແດງພາບໂປ້ເປືອຍເປັນເວລາດົນ (ກາຕູນ, ຊີວິດຈິງ ຫຼື ຖືກສ້າງຂຶ້ນ).
- ເນື້ອຫາທີ່ສະແດງ (ທັງມີການເນັ້ນ ຫຼື ສະແດງພາບຊ້ຳ) ໜ້າເອິກ ຫຼື ອະໄວຍະວະເພດ (ເຊັ່ນ: ເນື້ອຫາທີ່ສະແດງໃຫ້ເຫັນອະໄວຍະວະເພດຂອງບຸກຄົນໃດໜຶ່ງທີ່ເປັນ "ຮອຍນູນ" ຈາກຊຸດຊັ້ນໃນ ຫຼື ຊຸດລອຍນ້ຳ).
- ການສະແດງພາບອະໄວຍະວະທາງເພດ ເຊັ່ນ: ການເນັ້ນ ຫຼື ສະແດງພາບຮ່ອງເອິກ ຫຼື ເປົ້າຜູ້ຊາຍຊ້ຳໆໂດຍເຈດຕະນາກະຕຸ້ນໃຫ້ຜູ້ຊົມເກີດອາລົມທາງເພດ.
- ການຮວບຮວມພາບທີ່ເຫັນຮູບຮ່າງອະໄວຍະວະເພດຢ່າງຊັດເຈນ.
- ອະໄວຍະວະທາງເພດ (ເຊັ່ນ: ໜ້າເອິກ, ຮ່ອງໜ້າເອິກ, ສະໂພກ ແລະ ອື່ນໆ) ທີ່ມີການປົກປິດພຽງເລັກນ້ອຍ (ເຊັ່ນ: ສະຫຼິບທີ່ເປັນສາຍ).
- ພາບໂປ້ເປືອຍເປັນກາຕູນ ຫຼື ເປັນພາບແທ້ ເຊັ່ນ: ການເປີດເຜີຍໃຫ້ເຫັນອະໄວຍະວະທາງເພດ ຫຼື ການກະທຳທາງເພດ.
- ການໂປ້ເປືອຍຂອງເດັກນ້ອຍ
- ເນື້ອຫາທີ່ສະແດງໃຫ້ເຫັນອະໄວຍະວະເພດ ເຊັ່ນ: ເມື່ອປ່ຽນຜ້າອ້ອມ ຫຼື ແອນ້ອຍທີ່ລອຍນໍ້າແບບເປືອຍໝົດຕົວ.
ພາບໂປ້ເປືອຍຈາກການໃຫ້ນົມລູກ
- ເນື້ອຫາທາງການສຶກສາກ່ຽວກັບວິທີໃຊ້ເຄື່ອງປ້ຳນົມໂດຍເຫັນຫົວນົມແຕ່ບໍ່ມີເດັກນ້ອຍຢູ່ນຳ.
- ວິທີສອນການໃຊ້ມືໂດຍເຫັນຫົວນົມແຕ່ບໍ່ມີເດັກນ້ອຍຢູ່ໃນສາກ.
- ພາບທີ່ສະແດງໃຫ້ເຫັນຜູ້ຍິງກຳລັງບີບນົມລົງໃສ່ຈອກແຕ່ບໍ່ມີເດັກນ້ອຍຢູ່ໃນສາກ.
|
ເພື່ອສຶກສາເພີ່ມເຕີມກ່ຽວກັບຄຳສັບສຳຄັນທີ່ໃຊ້ໃນຂໍ້ແນະນຳເຫຼົ່ານີ້, ກະລຸນາເຂົ້າເບິ່ງ ຕາຕະລາງຄຳນິຍາມ ຂອງພວກເຮົາ.
ເນື້ອຫາທີ່ເຮັດໃຫ້ຕື່ນຕົກໃຈ
ເນື້ອຫາທີ່ອາດເຮັດໃຫ້ຜູ້ຊົມຮູ້ສຶກບໍ່ສະບາຍໃຈ, ລັງກຽດ ຫຼື ຕົກໃຈອາດຈະບໍ່ເໝາະສົມສຳລັບການໂຄສະນາ. ອົງປະກອບທີ່ເຮັດໃຫ້ຕື່ນຕົກໃຈໂດຍບໍ່ໄດ້ເຊັນເຊີບໍ່ໄດ້ໝາຍຄວາມວ່າຈະເປັນຜົນໃຫ້ວິດີໂອຂອງທ່ານບໍ່ເໝາະສົມສຳລັບການໂຄສະນາ, ແຕ່ວ່າເປັນເລື່ອງຂອງບໍລິບົດ.
ລາຍລະອຽດຂອງນະໂຍບາຍ
ຄຳແນະນຳໂຄສະນາ |
ຕົວເລືອກແບບສອບຖາມ ແລະ ລາຍລະອຽດ |
ເນື້ອຫານີ້ສາມາດສ້າງລາຍໄດ້ໂຄສະນາໄດ້ |
ເນື້ອຫາທີ່ເຮັດໃຫ້ແຕກຕື່ນເລັກນ້ອຍ ຫຼື ປານກາງທີ່ຖືກເຊັນເຊີໄວ້ ຫຼື ສະແດງໃນບໍລິບົດເພື່ອການສຶກສາ, ສາລະຄະດີ ຫຼື ຈຸດປະສົງອື່ນໆ.
ຕົວຢ່າງບາງສ່ວນຂອງເນື້ອຫາທີ່ຍັງຈັດຢູ່ໃນໝວດໝູ່ນີ້ນຳແມ່ນໄດ້ແກ່:
ສ່ວນຕ່າງໆຂອງຮ່າງກາຍ, ຂອງແຫຼວ, ສິ່ງເສດເຫຼືອໃນຮ່າງກາຍ
- ສ່ວນຕ່າງໆຂອງຮ່າງກາຍ, ຂອງແຫຼວ, ສິ່ງເສດເຫຼືອໃນຮ່າງກາຍທີ່ສ້າງຂຶ້ນສໍາລັບເດັກນ້ອຍ ຫຼື ນໍາສະເໜີໃນບໍລິບົດການສຶກສາ, ວິທະຍາສາດ, ສາລະຄະດີ ຫຼື ສິນລະປະ ທີ່ເຈດຕະນາບໍ່ເຮັດໃຫ້ຕົກໃຈ.
- ສ່ວນຕ່າງໆຂອງຮ່າງກາຍ, ຂອງແຫຼວ ຫຼື ສິ່ງເສດເຫຼືອທີ່ມີລັກສະນະເກີນຄວາມເປັນຈິງໂດຍມີເຈດຕະນາເຮັດໃຫ້ຕົກໃຈ, ເຊິ່ງສ່ວນໃຫຍ່ແມ່ນເພື່ອຄວາມບັນເທີງ (ເຊັ່ນ: ມາຍາກົນ) ແຕ່ຕ້ອງມີບໍລິບົດທີ່ຖືກຕ້ອງຕາມກົດໝາຍ.
ຂັ້ນຕອນທາງການແພດ ແລະ ສັນຍະກຳ
- ຂັ້ນຕອນທາງການແພດ ຫຼື ສັນຍະກໍາທີ່ໃຫ້ຄວາມຮູ້, ໂດຍເນັ້ນໃສ່ສະເພາະຂັ້ນຕອນດັ່ງກ່າວຫຼາຍກວ່າສ່ວນຕ່າງໆຂອງຮ່າງກາຍ, ຂອງແຫຼວ ຫຼື ສິ່ງເສດເຫຼືອ.
- ຂັ້ນຕອນການສັກລາຍ, ການເຈາະ ຫຼື ການສີດໂບທັອກທີ່ມີເລືອດອອກໜ້ອຍ.
- ເຊັນເຊີ ຫຼື ການສະແດງສ່ວນຕ່າງໆຂອງຮ່າງກາຍ, ຂອງແຫຼວ ຫຼື ສິ່ງເສດເຫຼືອໃນລະຫວ່າງຂັ້ນຕອນການແພດ ຫຼື ສັນຍະກຳ.
- ວິດີໂອການເກີດລູກຂອງຄົນ ແລະ ສັດທີ່ເປັນການໃຫ້ຄວາມຮູ້ຜູ້ເບິ່ງ ໂດຍບໍ່ໄດ້ເນັ້ນໃສ່ສ່ວນຕ່າງໆຂອງຮ່າງກາຍ, ຂອງແຫຼວ ຫຼື ສິ່ງເສດເຫຼືອເປັນພິເສດ.
ອຸປະຕິເຫດ ແລະ ການບາດເຈັບ
- ອຸປະຕິເຫດທີ່ເບິ່ງບໍ່ເຫັນການບາດເຈັບ (ເຊັ່ນ: ບາດແຜເນື້ອເຍື່ອ ແລະ ເລືອດອອກພາຍໃນ).
- ອຸປະຕິເຫດທີ່ບໍ່ເຮັດໃຫ້ໃຈຮ້າຍຫຼາຍເນື່ອງຈາກເບິ່ງເຫັນຜົນກະທົບພຽງປານກາງເທົ່ານັ້ນ (ເຊັ່ນ: ການຕົກຈາກລົດຈັກ).
- ອຸປະຕິເຫດທີ່ຜູ້ປະສົບເຄາະຮ້າຍບໍ່ແມ່ນປະເດັນທີ່ເຮັດໃຫ້ເປັນທຸກ ຫຼື ທຸກທໍລະມານຍ້ອນຜົນຂອງອຸປະຕິເຫດ (ສະແດງອອກໂດຍບໍ່ມີສຽງຮ້ອງໄຫ້ ຫຼື ສຽງແຂກຮ້ອງ).
- ອຸປະຕິເຫດທີ່ບໍ່ຢູ່ໃນການດູແລທາງການແພດໃນໄລຍະຍາວກາຍເປັນສິ່ງທີ່ຈຳເປັນ.
- ອຸປະຕິເຫດ ຫຼື ການບາດເຈັບທີ່ນໍາສະເໜີໃນຂ່າວ, ສາລະຄະດີ ຫຼື ບໍລິບົດສິນລະປະ (ເຊັ່ນ: ໜັງ ຫຼື ວິດີໂອເພງ).
ການກະກຽມ ແລະ ການກິນສັດ
- ການຈັດການກັບຊິ້ນສ່ວນຂອງສັດແບບບໍ່ມີຄວາມຮູ້ສຶກ.
- ການສະແດງຮູບພາບຂອງຊີ້ນ, ໃນສະພາບປາດິບ ຫຼື ກຽມໄວ້ເພື່ອກິນເຊັ່ນ: ໃນເວລາສະແດງເທັກນິກການປຸງແຕ່ງອາຫານ ຫຼື ການກະກຽມ.
- ການກິນອາຫານແບບຮູ້ສຶກແຊບຊ້ອຍ ຫຼື ການກະກຽມຜະລິດຕະພັນອາຫານທີ່ເຮັດຈາກສັດທີ່ບໍ່ຄ້າຍຄືກັບພາກສ່ວນຂອງສັດ.
- ການກິນຫອຍທີ່ຍັງເປັນໆ ຫຼື ດີ້ນໃຫ້ເຫັນຢູ່ຮ້ານອາຫານ.
- ການກິນອາຫານທີ່ກະກຽມແລ້ວ (ເຊັ່ນ: ກຸ້ງ) ເຊິ່ງແມ່ນສ່ວນໜຶ່ງຂອງການສະແດງ “ກິນຂະໜາດຍັກ” ຫຼື ASMR.
- ການວາງສະແດງຂອງຊິ້ນສ່ວນສັດທີ່ມີລັກສະນະເຫັນໃບໜ້າທີ່ຈະແຈ້ງເປັນເວລາສັ້ນໆ (ບໍ່ຮວມປາ, ຫອຍທາກ ຫຼື ປະເພດສັດນໍ້າທີ່ມີງ່າມ, ເຊິ່ງອະນຸຍາດໃຫ້ເປັນຈຸດສຳຄັນໃນການນຳສະເໜີໄດ້).
ຄຳນິຍາມ
- "ມີເຈດຕະນາເຮັດໃຫ້ຕົກໃຈ" ໝາຍເຖິງຈຸດປະສົງຂອງວິດີໂອເພື່ອໃຫ້ເກີດການຕົກໃຈ, ເຊິ່ງມີກຳນົດບໍລິບົດເຊັ່ນດຽວກັບຈຸດສຳຄັນຂອງມັນ.
- "ອຸປະຕິເຫດ" ໝາຍເຖິງເຫດການທີ່ບໍ່ຄາດຄິດ ເຊິ່ງໂດຍທົ່ວໄປແລ້ວເຮັດໃຫ້ເກີດຄວາມເສຍຫາຍ ຫຼື ການບາດເຈັບ ຮວມທັງການບາດເຈັບທີ່ອາດຈະບໍ່ເຫັນແຈ້ງ (ເຊັ່ນ: ອຸປະຕິເຫດຈາກພາຫະນະ).
- "ເປີດເຜີຍ" ໝາຍເຖິງສ່ວນຕ່າງໆ, ຂອງແຫຼວ ຫຼື ສິ່ງເສດເຫຼືອໃນຮ່າງກາຍທີ່ເບິ່ງເຫັນໄດ້ (ເຊັ່ນ: ເນື້ອເຍື່ອ ຫຼື ເລືອດ).
- "ໃຈຮ້າຍ" ໝາຍເຖິງຄວາມຮູ້ສຶກທີ່ບໍ່ສະຫງົບ ຫຼື ແປກໃຈທີ່ເກີດຂຶ້ນຈາກຜົນກະທົບທີ່ເປັນອັນຕະລາຍ ຫຼື ການບາດເຈັບທີ່ເບິ່ງເຫັນໄດ້ ຫຼື ການສັນນິຖານທີ່ສົມເຫດສົມຜົນ.
- "ຄວາມທຸກ" ໝາຍເຖິງການນໍາສະເໜີຄວາມທໍລະມານຂອງຄົນທີ່ເປັນຜົນມາຈາກຄວາມເຈັບປວດທີ່ເບິ່ງເຫັນໄດ້, ໄດ້ຍິນ ຫຼື ຮັບຮູ້ໄດ້ ຫຼື ບໍ່ມີສະຕິ. ໃນກໍລະນີນີ້ກ່ຽວຂ້ອງກັບບຸກຄົນທີ່ປະສົບອຸບັດເຫດ ແລະ ບຸກຄົນທີ່ດຳເນີນການ ຫຼື ເຂົ້າສູ່ຂະບວນການທາງການແພດ ຫຼື ສັນຍະກຳ (ຮວມທັງການເກີດລູກ).
- “ບໍ່ເຮັດໃຫ້ຕື່ນຕົກໃຈ” (ໃຊ້ໃນບໍລິບົດທີ່ກ່ຽວຂ້ອງກັບກໍລະນີການກິນສັດ/ແມງໄມ້ ຫຼື ຊິ້ນສ່ວນຂອງສັດຢ່າງຊັດເຈນ) ໝາຍເຖິງລັກສະນະທີ່ເນັ້ນໃສ່ການໃຊ້ຜະລິດຕະພັນອາຫານໂດຍບໍ່ມີເຈດຕະນາກະຕຸ້ນຄວາມຢາກຮູ້ຢາກເຫັນກ່ຽວກັບສັດ. ສັດ ຫຼື ການບໍລິໂພກຂອງມັນແມ່ນບໍ່ໄດ້ມີເຈດຕະນາທີ່ຈະເຮັດໃຫ້ຕົກໃຈ ຫຼື ບໍ່ມີລາຍລະອຽດທີ່ເປັນພາບຈະແຈ້ງ ແລະ ເກີນຈິງ.
- "ການຈັດການແບບຜິດວິທີ" ໝາຍເຖິງວິທີການກະກຽມ ຫຼື ກິນສັດໃນລັກສະນະທີ່ໂຫດຮ້າຍ ຫຼື ປ່າເຖື່ອນ. ຕົວຢ່າງ: ການຖືກໂຍນຖິ້ມ, ເຮັດຕົກ, ຫຼິ້ນດ້ວຍຄວາມບັນເທີງ, ເອົາໄມ້ແຍ່ ຫຼື ຕັດຫົວ. ສັດບໍ່ຈຳເປັນຕ້ອງມີຊີວິດເພື່ອທີ່ຈະຖືກຈັດການແບບຜິດວິທີ ແລະ ການຈັດການແບບຜິດວິທີສາມາດເຮັດໄດ້ດ້ວຍເຄື່ອງມື, ເຄື່ອງໃຊ້ ຫຼື ມືເປົ່າ.
- "ບໍລິບົດມືອາຊີບ" ໝາຍເຖິງການເຮັດອາຊີບຄົນຂ້າສັດ ຫຼື ຄົນຫາປາ ແລະ ບໍລິບົດທີ່ພວກເຂົາຕັດ ແລະ ຈັດການກັບສັດທີ່ຕາຍແລ້ວ.
- “ລັກສະນະຂອງໃບໜ້າທີ່ຈະແຈ້ງ” ໝາຍເຖິງລັກສະນະຂອງໃບໜ້າທີ່ຢັ້ງຢືນຕໍ່ຜູ້ຊົມວ່າແມ່ນສັດ ຫຼື ສັດທີ່ຍັງມີຊີວິດຢູ່. ຄຸນສົມບັດປະກອບມີດັງ, ຫູ, ປາກ, ຕາ ແລະ ອື່ນໆ.
|
ເນື້ອຫານີ້ອາດບໍ່ສ້າງລາຍໄດ້ໂຄສະນາ ຫຼື ອາດສ້າງແບບຈຳກັດ |
ເນື້ອຫາທີ່ເຮັດໃຫ້ຕື່ນຕົກໃຈ ເຊັ່ນ: ພາບຊິ້ນສ່ວນຕ່າງໆຂອງມະນຸດ ຫຼື ສັດທີ່ຈະແຈ້ງ, ເຊິ່ງບໍ່ມີການເຊັນເຊີ ຫຼື ເຈດຕະນາເພື່ອເຮັດໃຫ້ຕື່ນຕົກໃຈແຕ່ຍັງຄົງສະໜອງບໍລິບົດທົ່ວໄປ.
ຕົວຢ່າງບາງສ່ວນຂອງເນື້ອຫາທີ່ຍັງຈັດຢູ່ໃນໝວດໝູ່ນີ້ນຳແມ່ນໄດ້ແກ່:
ສ່ວນຕ່າງໆຂອງຮ່າງກາຍ, ຂອງແຫຼວ, ສິ່ງເສດເຫຼືອໃນຮ່າງກາຍ
- ເນັ້ນໃສ່ສ່ວນຕ່າງໆຂອງຮ່າງກາຍ, ຂອງແຫຼວ ຫຼື ສິ່ງເສດເຫຼືອໃນຮ່າງກາຍຕົວຈິງທີ່ມີເຈດຕະນາເຮັດໃຫ້ຕົກໃຈ.
- ການນໍາສະເໜີສ່ວນຕ່າງໆຂອງຮ່າງກາຍ, ຂອງແຫຼວ ແລະ ສິ່ງເສດເຫຼືອໃນຮ່າງກາຍທີ່ມີລັກສະນະເກີນຈິງ ໂດຍເນັ້ນໃສ່ລາຍລະອຽດທີ່ໂຫດຮ້າຍ ແລະ ເປັນຕາຢ້ານ.
- ສາກການຜ່າຕັດໃນເນື້ອຫາສະຄຣິບທີ່ມີເລືອດຫຼາຍເກີນໄປ.
ຂັ້ນຕອນທາງການແພດ ແລະ ສັນຍະກຳ
- ການສຶກສາ ຫຼື ເນື້ອຫາສິນລະປິນໂດຍຂັ້ນຕອນທາງການແພດ ຫຼື ສັນຍະກຳ ແມ່ນເນັ້ນໃສ່ການສະແດງລາຍລະອຽດສ່ວນຕ່າງໆຂອງຮ່າງກາຍ, ຂອງແຫຼວ ຫຼື ສິ່ງເສດເຫຼືອໃນຮ່າງກາຍທີ່ບໍ່ໄດ້ເຊັນເຊີໄວ້, ແຕ່ບ່ອນທີ່ອົງປະກອບທີ່ບໍ່ໄດ້ເຊັນເຊີເຫຼົ່ານີ້ບໍ່ແມ່ນຈຸດສຳຄັນຂອງເນື້ອຫາ.
- ຈຸດສຸມຂອງການຜ່າຕັດແບບບໍ່ໄດ້ເຊັນເຊີບ່ອນທີ່ອະໄວຍະວະຕ່າງໆສາມາດເບິ່ງເຫັນໄດ້ ແຕ່ກໍບໍ່ຈຳເປັນຕ້ອງມີສະເພາະແຕ່ຫົວຂໍ້ດຽວຂອງວິດີໂອ.
- ຜູ້ຊ່ຽວຊານດ້ານການແພດສະແດງວິທີການເອົາຂີ້ຫູອອກ ຫຼື ການບີບສິວທີ່ມີຄຳອະທິບາຍກ່ຽວກັບສະພາບດັ່ງກ່າວ.
ອຸປະຕິເຫດ ແລະ ການບາດເຈັບ
- ອຸປະຕິເຫດທີ່ມີຜົນກະທົບທີ່ຮຸນແຮງຈົນມີແນວໂນ້ມທີ່ຈະເຮັດໃຫ້ໃຈຮ້າຍ.
- ອຸປະຕິເຫດທີ່ເບິ່ງເຫັນໄດ້ຈາກການບາດເຈັບທີ່ບໍ່ໄດ້ເປີດເຜີຍ (ເຊັ່ນ: ການເຫັນເລືອດໄຫຼອອກຕາມເຄື່ອງນຸ່ງ ຫຼື ໄຫຼອອກຈາກລົດ), ແຕ່ວ່າມັນເປັນສິ່ງບໍ່ສາມາດຮັບຮູ້ເຖິງຄວາມທຸກຂອງຜູ້ເຄາະຮ້າຍ.
- ຜົນກະທົບທີ່ເກີດຈາກອຸປະຕິເຫດລົດໃຫຍ່ຕຳກັນແຮງ ເຊິ່ງບໍ່ມີຜູ້ເຄາະຮ້າຍໃດທີ່ສະແດງເຖິງຄວາມທຸກທໍລະມານ.
ການກະກຽມ ແລະ ການກິນສັດ
- ການບໍລິໂພກຊີ້ນສັດແບບ “ມັອກບັງ” ຫຼື ASMR ທີ່ເຮັດໃຫ້ເກີດຄວາມຕື່ນຕົກໃຈ ເຊິ່ງສະແດງຊິ້ນສ່ວນຕ່າງໆຂອງສັດທີ່ຍັງບໍ່ໄດ້ກະກຽມ ຫຼື ການກິນອາຫານເຫຼົ່ານັ້ນແບບປ່າເຖື່ອນ ຫຼື ເກີນຈິງ.
- ການນໍາສະເໜີລັກສະນະຂອງສິ່ງມີຊີວິດທີ່ເບິ່ງເຫັນໄດ້ຢ່າງຈະແຈ້ງ (ເຊັ່ນ: ໂຟກັສໃສ່ຕາຂອງສັດຂະນະທີ່ກຳລັງແຕ່ງອາຫານ).
- ຊິ້ນສ່ວນຕ່າງໆຂອງສັດທີ່ຖືກລອກໜັງແລ້ວທີ່ມີອົງປະກອບທີ່ໂຫດຮ້າຍ ແລະ ເປັນຕາຢ້ານ, ແຕ່ບໍ່ມີການຈັດການແບບຜິດວິທີທີ່ເຫັນໄດ້ຊັດເຈນ (ຕົວຢ່າງ: ໂຟກັສໃສ່ຊີ້ນທີ່ມີເລືອດອອກ ແລະ ເອັນໃນຊິ້ນສ່ວນຕ່າງໆຂອງສັດທີ່ຖືກກະກຽມ).
|
ເນື້ອຫານີ້ຈະບໍ່ສາມາດສ້າງລາຍໄດ້ໂຄສະນາ |
ເນື້ອຫາທີ່ເຮັດໃຫ້ຕື່ນຕົກໃຈຮຸນແຮງເຊິ່ງຈຸດປະສົງທັງໝົດຂອງວິດີໂອແມ່ນເພື່ອເຮັດໃຫ້ຜູ້ຊົມຕື່ນຕົກໃຈ. ໂດຍທົ່ວໄປແລ້ວ, ບໍ່ມີບໍລິບົດທີ່ແທ້ຈິງ, ແຕ່ມີອົງປະກອບທີ່ໂຫດຮ້າຍ ແລະ ເປັນຕາຢ້ານ, ຄວາມທຸກ ຫຼື ການຈັດການແບບຜິດວິທີທີ່ຈະແຈ້ງ ແລະ ຊັດເຈນ.
ຕົວຢ່າງບາງສ່ວນຂອງເນື້ອຫາທີ່ຍັງຈັດຢູ່ໃນໝວດໝູ່ນີ້ນຳແມ່ນໄດ້ແກ່:
ສ່ວນຕ່າງໆຂອງຮ່າງກາຍ, ຂອງແຫຼວ, ສິ່ງເສດເຫຼືອໃນຮ່າງກາຍ
- ການນໍາສະເໜີສ່ວນຕ່າງໆຂອງຮ່າງກາຍ, ຂອງແຫຼວ ຫຼື ສິ່ງເສດເຫຼືອໃນຮ່າງກາຍທີ່ໜ້າລັງກຽດ, ໂຫດຮ້າຍ ຫຼື ໜ້າຢ້ານກົວໂດຍມີບໍລິບົດພຽງເລັກນ້ອຍ ຫຼື ບໍ່ມີເລີຍ.
- ຂີ້ຫູ ຫຼື ສິວຂຶ້ນໂດຍບໍ່ມີການອະທິບາຍຢ່າງຊັດເຈນຂອງຂັ້ນຕອນ, ເຊິ່ງວິດີໂອສ່ວນຫຼາຍແມ່ນສຸມໃສ່ພາກສ່ວນຂອງຮ່າງກາຍ, ຂອງແຫຼວ ຫຼື ສິ່ງເສດເຫຼືອໃນຮ່າງກາຍ, ເຖິງແມ່ນວ່າຈະຢູ່ໃນບໍລິບົດການສຶກສາກໍ່ຕາມ.
- ອົງປະກອບທີ່ໜ້າຕົກໃຈເກີນຈິງທີ່ນໍາສະເໜີໂດຍມີບໍລິບົດເລັກນ້ອຍ ເຊິ່ງມີເຈດຕະນາເຮັດໃຫ້ຕົກໃຈຢ່າງດຽວເທົ່ານັ້ນ.
ຂັ້ນຕອນທາງການແພດ ແລະ ສັນຍະກຳ
- ຊິ້ນສ່ວນຕ່າງໆຂອງຮ່າງກາຍ, ຂອງແຫຼວ ຫຼື ສິ່ງເສດເຫຼືອທີ່ບໍ່ໄດ້ເຊັນເຊີແມ່ນໃຊ້ພື້ນທີ່ສັດສ່ວນຂອງວິດີໂອຫຼາຍທີ່ເຮັດໃຫ້ມີຄວາມໂຫດຮ້າຍ ແລະ ເປັນຕາຢ້ານ ເຖິງແມ່ນວ່າມັນຈະຢູ່ໃນຂະນະທີ່ຈັດຫາບໍລິບົດກໍຕາມ.
- ຜູ້ຊ່ຽວຊານດ້ານການແພດອະທິບາຍວິທີສະແດງໃນການປະຕິບັດງານສະເພາະ.
- ຂັ້ນຕອນທີ່ນຳສະເໜີ ໂດຍບໍ່ມີ ຫຼື ມີບໍລິບົດທີ່ເຮັດໃຫ້ເຂົ້າໃຈຜິດ, ເຊິ່ງວິດີໂອສ່ວນໃຫຍ່ຈະສະແດງພາກສ່ວນຕ່າງໆຂອງຮ່າງກາຍ, ຂອງແຫຼວ ຫຼື ສິ່ງເສດເຫຼືອທີ່ໂຫດຮ້າຍ ແລະ ເປັນຕາຢ້ານ.
ອຸປະຕິເຫດ ແລະ ການບາດເຈັບ
- ການນໍາສະເໜີຄວາມບໍ່ພໍໃຈກ່ຽວກັບອຸປະຕິເຫດ ແລະ ການບາດເຈັບທີ່ຮຸນແຮງທີ່ເບິ່ງເຫັນສ່ວນຕ່າງໆຂອງຮ່າງກາຍ ຫຼື ບ່ອນທີ່ອາດເກີດມີການບາດເຈັບສາຫັດ.
- ການສະແດງເລືອດອອກ ແລະ ເນື້ອເຍື່ອທີ່ເບິ່ງເຫັນໄດ້ຊັດເຈນ.
- ຜົນກະທົບຈາກອຸປະຕິເຫດທີ່ຮ້າຍແຮງໂດຍບໍ່ມີບໍລິບົດ.
ການກະກຽມ ແລະ ການກິນສັດ
- ການວາງສະແດງ, ການກະກຽມ, ຫຼື ການກິນສັດໂຕເປັນໆ ທີ່ມີເຈດຕະນາພຽງຢ່າງດຽວຄືເຮັດໃຫ້ຜູ້ເບິ່ງຕົກໃຈ, ເຊິ່ງເກີດຂຶ້ນເລື້ອຍໆໃນລັກສະນະທີ່ໂຫດຮ້າຍ ແລະ ເປັນຕາຢ້ານ.
- ສຸມໃສ່ລັກສະນະຂອງໃບໜ້າທີ່ຈະແຈ້ງຫຼາຍ ຫຼື ການຈັດການສັດແບບຜິດວິທີຢ່າງຊັດເຈນໂດຍບໍ່ມີບໍລິບົດ.
- ລັກສະນະທີ່ໂຫດຮ້າຍ ຫຼື ການສະແດງພາບໃນການກະກຽມ (ການລອກໜັງ) ຫຼື ການຂ້າສັດທີ່ໜ້າເສົ້າໃຈຢ່າງຊັດເຈນ.
- ການພັນລະນາທີ່ບໍ່ແມ່ນການສຶກສາກ່ຽວກັບການກະກຽມສັດທີ່ຍັງມີຊີວິດຢູ່ສຳລັບການກິນນັ້ນແມ່ນເຫັນໄດ້ເຖິງຄວາມທຸກທໍລະມານຂອງສັດໄດ້ຢ່າງຊັດເຈນ.
- ການພັນລະນາທີ່ບໍ່ແມ່ນການສຶກສາຂອງການກິນສັດໂດຍການສຸມໃສ່ລັກສະນະຂອງໃບໜ້າທີ່ຈະແຈ້ງ.
|
ເພື່ອສຶກສາເພີ່ມເຕີມກ່ຽວກັບຄຳສັບສຳຄັນທີ່ໃຊ້ໃນຂໍ້ແນະນຳເຫຼົ່ານີ້, ກະລຸນາເຂົ້າເບິ່ງ ຕາຕະລາງຄຳນິຍາມ ຂອງພວກເຮົາ.
ການກະທຳທີ່ເປັນໄພ ແລະ ເນື້ອຫາທີ່ບໍ່ໜ້າເຊື່ອຖື
ເນື້ອຫາທີ່ສົ່ງເສີມການກະທຳທີ່ເປັນໄພ ຫຼື ອັນຕະລາຍທີ່ສົ່ງຜົນໃຫ້ເກີດການບາດເຈັບທາງຮ່າງກາຍ, ທາງດ້ານອາລົມ ຫຼື ທາງດ້ານຈິດໃຈທີ່ຮຸນແຮງແມ່ນບໍ່ເໝາະສົມສຳລັບການໂຄສະນາ.
ລາຍລະອຽດຂອງນະໂຍບາຍ
ຄຳແນະນຳໂຄສະນາ |
ຕົວເລືອກແບບສອບຖາມ ແລະ ລາຍລະອຽດ |
ເນື້ອຫານີ້ສາມາດສ້າງລາຍໄດ້ໂຄສະນາໄດ້ |
ມີການສະແດງຜາດໂຜນ ຫຼື ການກະທຳທີ່ເປັນອັນຕະລາຍເລັກນ້ອຍ, ແຕ່ຢູ່ໃນສະພາບແວດລ້ອມທີ່ມີການຄວບຄຸມ ແລະ ເປັນມືອາຊີບເຊິ່ງບໍ່ມີໃຜໄດ້ຮັບບາດເຈັບສາຫັດ. ການໃຫ້ຂໍ້ມູນອ້າງອີງໂດຍຫຍໍ້ກ່ຽວກັບອົງກອນທີ່ເປັນອັນຕະລາຍໃນເນື້ອຫາທາງການສຶກສາ ຫຼື ສະຄຣິບ.
ບາງຕົວຢ່າງຂອງເນື້ອຫາທີ່ຕົກຢູ່ໃນໝວດນີ້ຄືກັນ:
ການກະທໍາທີ່ເປັນໄພທົ່ວໄປ ຫຼື ເປັນອັນຕະລາຍ
- ການເຄື່ອນໄຫວທີ່ມີຄວາມສ່ຽງເຊິ່ງກ່ຽວຂ້ອງກັບການບາດເຈັບທີ່ເບິ່ງບໍ່ເຫັນເຊັ່ນ:
- ການສະແດງຜາດໂຜນແບບມືອາຊີບ ຫຼື ກິລາທີ່ຜາດໂຜນເຊັ່ນ: ກິລາໂດດຈ້ອງ.
- ວິດີໂອຂອງບຸກຄົນກໍາລັງຍົກລໍ້ລົດ ຫຼື ປີ້ນລັງກາໃນລະດັບພື້ນດິນ.
- ຍານພາຫະນະທີ່ເລັ່ງ ຫຼື ກຳລັງດຣິບໂດຍບໍ່ໄດ້ໃຊ້ທຣິກທີ່ເປັນອັນຕະລາຍ (ເຊັ່ນ: ຢືນຍົກລໍ້ ຫຼື ປ່ອຍມື) ຫຼື ເຮັດໃຫ້ເກີດການລົບກວນຜູ້ອື່ນເລື້ອຍໆ (ເຊັ່ນ: ຂັບລົດຢູ່ໃນລະຫວ່າງເລນ).
ການຮວບຮວມສະຖານະການຕອນຜິດພາດ
- ວິດີໂອຮວບຮວມສະຖານະການຕອນຜິດພາດທີ່ບໍ່ໄດ້ເນັ້ນໃສ່ພາບການບາດເຈັບ (ເຊັ່ນ: ການຍ່າງຕຳປະຕູແກ້ວ).
ການຢອກກັນ ແລະ ການທ້າທາຍ
- ການຢອກກັນ ຫຼື ການທ້າທາຍທີ່ມີຄວາມມຶນງົງ, ສັບສົນ ຫຼື ອຶດອັດ ແຕ່ບໍ່ມີຄວາມສ່ຽງ ຫຼື ເປັນໄພໄລຍະຍາວເຊັ່ນ: ການທ້າທາຍຖອກຄຸນໍ້າກ້ອນໃສ່ຫົວ.
- ການສົນທະນາ ຫຼື ລາຍງານກ່ຽວກັບການຢອກກັນ ຫຼື ການທ້າທາຍທີ່ເປັນອັນຕະລາຍ ໂດຍບໍ່ມີວິດີໂອ ຫຼື ສຽງໃນຊ່ວງເວລາບາດເຈັບ (ເຊັ່ນ: ລາຍງານກ່ຽວກັບການທ້າໃຫ້ຫຼິ້ນກັບໄຟໂດຍບໍ່ມີລາຍລະອຽດຂອງເຫດການ).
- ເນື້ອຫາເພື່ອການສຶກສາ, ສາລະຄະດີ ຫຼື ລາຍງານຂ່າວທີ່ສະແດງເຖິງການຢອກກັນ ຫຼື ການທ້າທາຍທີ່ພາໃຫ້ເກີດມີຄວາມທຸກທາງອາລົມຢ່າງຮຸນແຮງ (ເຊັ່ນ: ການຕໍ່ສູ້ໂດຍໃຊ້ກຳລັງ, ການໃຊ້ພາສາທີ່ບໍ່ເໝາະສົມ ແລະ ການດູຖູກ ເຊັ່ນ: ການເວົ້າຢອກວ່າ “ເຈົ້າຖືກໄລ່ອອກ!”).
ການໃຫ້ຂໍ້ມູນດ້ານການແພດ ແລະ ວິທະຍາສາດທີ່ບໍ່ຖືກຕ້ອງ
- ເນື້ອຫາທີ່ເປັນກາງກ່ຽວກັບໄວຣັສຕ່າງໆ, ພະຍາດຕິດແປດ ແລະ COVID-19 ໂດຍບໍ່ມີເຈດຕະນາກະຕຸ້ນໃຫ້ເກີດຄວາມຢ້ານ (ເຊັ່ນ: ວິດີໂອສຳລັບເດັກນ້ອຍກ່ຽວກັບຄວາມແຕກຕ່າງລະຫວ່າງໄວຣັສຕ່າງໆກັບແບັກທີເຣຍ).
ຂໍ້ມູນບໍ່ຖືກຕ້ອງທີ່ເປັນອັນຕະລາຍ
- ເນື້ອຫາເພື່ອການສຶກສາ ຫຼື ສາລະຄະດີທີ່ຕ້ອງການອະທິບາຍວິທີທີ່ກຸ່ມຄົນທີ່ສົ່ງເສີມຂໍ້ມູນບໍ່ຖືກຕ້ອງທີ່ເປັນອັນຕະລາຍດຶງດູດຄວາມສົນໃຈ, ສ້າງຊື່ສຽງ ແລະ/ຫຼື ກະຈາຍຂໍ້ມູນບໍ່ຖືກຕ້ອງ.
- ເນື້ອຫາການສຶກສາ ຫຼື ສາລະຄະດີທີ່ເນັ້ນໃສ່ການຫັກລ້າງຂໍ້ມູນບໍ່ຖືກຕ້ອງທີ່ເປັນອັນຕະລາຍ ເຊັ່ນ: Pizzagate, QAnon, StopTheSteal ແລະ ອື່ນໆ
- ເນື້ອຫາເພື່ອການສຶກສາ ຫຼື ສາລະຄະດີທີ່ກຳລັງຊອກຫາການຫັກລ້າງຂໍ້ມູນທີ່ບໍ່ຖືກຕ້ອງກ່ຽວກັບການປ່ຽນແປງສະພາບດິນຟ້າອາກາດ.
ຢາສູບໄຟຟ້າ ແລະ ຢາສູບ
- ການປະກາດບໍລິການສາທາລະນະສໍາລັບການດໍາເນີນການປ້ອງກັນ.
- ເນື້ອຫາທີ່ສ້າງຂຶ້ນທີ່ມີການສະແດງການນຳໃຊ້ເປັນຫຼັກ.
- ເນື້ອຫາທາງການສຶກສາ ຫຼື ສາລະຄະດີ ເຊິ່ງສະແດງອຸດສາຫະກໍາທີ່ກ່ຽວຂ້ອງກັບການໃຊ້ຢາສູບໄຟຟ້າ/ຢາສູບ.
ເຫຼົ້າ
- ການນຳສະເໜີເຫຼົ້າ ຫຼື ຜູ້ໃຫຍ່ດື່ມເຫຼົ້າໃນເນື້ອຫາທີ່ບໍ່ໄດ້ເປັນການສົ່ງເສີມ ຫຼື ຍ້ອງຍໍການດື່ມແບບຂາດຄວາມຮັບຜິດຊອບ.
ອົງກອນກໍ່ການຮ້າຍຕ່າງປະເທດ (FTO)
- ລາຍງານດ້ານການສຶກສາ, ລາຍງານຂ່າວ ຫຼື ວິດີໂອເພງທີ່ມີຫົວຂໍ້ຫຼັກກ່ຽວກັບການໂຈມຕີຂອງຜູ້ກໍ່ການຮ້າຍ.
- ເນື້ອຫາການສຶກສາ ຫຼື ເນື້ອຫາທີ່ອ້າງອີງຈາກເລື່ອງແທ້ກ່ຽວກັບກຸ່ມຄົນເຫຼົ່ານີ້ທີ່ເປັນຫົວຂໍ້ທົ່ວໄປ ໂດຍບໍ່ມີວິດີໂອການກໍ່ການຮ້າຍ.
- ການລາຍງານຂ່າວທີ່ມີອົງກອນ FTO ຫຼື ຜູ້ກໍ່ການຮ້າຍໂດຍມີເຈດຕະນາເພື່ອສ້າງສຽງຫົວ.
- ລາຍງານດ້ານການສຶກສາ, ເນື້ອຫາທີ່ແຕ່ງຂຶ້ນ, ລາຍງານຂ່າວ ຫຼື ວິດີໂອເພງທີ່ມີພາບຂອງອົງກອນ FTO ແຕ່ບໍ່ໄດ້ກ່າວເຖິງໃນຖານະຫົວຂໍ້ຫຼັກຂອງເນື້ອຫາ.
ອົງກອນຄ້າຢາເສບຕິດ (DTO)
- ລາຍງານດ້ານການສຶກສາ, ເນື້ອຫາທີ່ແຕ່ງຂຶ້ນ, ລາຍງານຂ່າວ ຫຼື ວິດີໂອເພງທີ່ເນັ້ນການຄ້າຢາເສບຕິດຂ້າມຊາດໂດຍຮວມ.
- ລາຍງານດ້ານການສຶກສາ, ເນື້ອຫາທີ່ແຕ່ງຂຶ້ນ, ລາຍງານຂ່າວ ຫຼື ມິວສິກວິດີໂອທີ່ສະແດງພາບອົງກອນ DTO ແລະ ຮູບພາບທີ່ກ່ຽວຂ້ອງ ເຊັ່ນ: ຄຳຂວັນ.
- ວິດີໂອໃດໆທີ່ມີເນື້ອຫາຕະຫຼົກທີ່ເວົ້າເຖິງອົງກອນ DTO ຫຼື ການຄ້າຢາເສບຕິດຂ້າມຊາດເປັນຫົວຂໍ້ຫຼັກ.
- ການປະກາດບໍລິການສາທາລະນະກ່ຽວກັບກຸ່ມຄົນທີ່ກ່ຽວຂ້ອງເຊິ່ງຢູ່ໃນລາຍງານຂ່າວ.
- ລາຍງານຂ່າວທີ່ມີສາກຂອງສະຖານະການ ແລະ ການກະທຳທີ່ຮຸນແຮງ ເຊັ່ນ: ຕົວປະກັນ ຫຼື ການສອບສວນທີ່ດຳເນີນການໂດຍອົງກອນ DTO.
ຄຳນິຍາມ:
- “ບາດເຈັບສາຫັດ” ໝາຍເຖິງການບາດເຈັບທີ່ບໍ່ສາມາດປິ່ນປົວໄດ້ໂດຍບໍ່ໄດ້ຮັບການເບິ່ງແຍງທາງການແພດຢ່າງເໝາະສົມ ຫຼື ບໍ່ສາມາດປິ່ນປົວຢູ່ເຮືອນໄດ້ ເຊັ່ນ: ກະດູກຫັກ, ກະດູກເຄື່ອນທີ່ເບິ່ງເຫັນໄດ້ ຫຼື ມີເລືອດອອກເປັນຈໍານວນຫຼາຍ.
- ການປ່ຽນແປງທາງຮ່າງກາຍທີ່ອາດຮວມມີສິ່ງຕ່າງໆ ເຊັ່ນ: ການສັກລາຍ, ການບ່ອງຫູ ຫຼື ການຜ່າຕັດ.
- “ລັກສະນະເກີນຄວາມເປັນຈິງ” ໝາຍເຖິງເນື້ອຫາທີ່ມີສະຄຣິບເຊັ່ນ: ໜັງ ຫຼື ສະຖານທີ່ທີ່ບໍ່ມີໃນຕົວຈິງ.
|
ເນື້ອຫານີ້ອາດບໍ່ສ້າງລາຍໄດ້ໂຄສະນາ ຫຼື ອາດສ້າງແບບຈຳກັດ |
ມີເນື້ອຫາທີ່ສະແດງເຖິງການທຳຮ້າຍຮ່າງກາຍ ຫຼື ຈິດໃຈແຕ່ບໍ່ໄດ້ເປັນຈຸດສົນໃຈໃນວິດີໂອ, ເຊິ່ງຮວມເຖິງການສະແດງທີ່ດຳເນີນການໃນສະພາບແວດລ້ອມທີ່ບໍ່ເປັນມືອາຊີບ ແລະ ບໍ່ມີການຄວບຄຸມ. ຫົວຂໍ້ກ່ຽວກັບຜູ້ນຳຂອງອົງກອນທີ່ເປັນອັນຕະລາຍ ຫຼື ປະກາດກ່ຽວກັບບໍລິການສາທາລະນະທີ່ກ່ຽວຂ້ອງ.
ບາງຕົວຢ່າງຂອງເນື້ອຫາທີ່ຕົກຢູ່ໃນໝວດນີ້ຄືກັນ:
ການກະທໍາທີ່ເປັນໄພທົ່ວໄປ ຫຼື ເປັນອັນຕະລາຍ
ການຮວບຮວມສະຖານະການຕອນຜິດພາດ
- ການເນັ້ນສະແດງພາບເຫດການທີ່ມີການບາດເຈັບຢ່າງຈະແຈ້ງເຊິ່ງບໍ່ໄດ້ນຳໄປສູ່ການເສຍຊີວິດ ຫຼື ສະພາວະໃກ້ເສຍຊີວິດ (ເຊັ່ນ: ການຮວມວິດີໂອລົດຈັກລົ້ມ).
ການຢອກກັນ ແລະ ການທ້າທາຍ
- ລາຍງານການສຶກສາ, ສາລະຄະດີ ຫຼື ຂ່າວກ່ຽວກັບເນື້ອຫາທີ່ເປັນການຢອກກັນ ຫຼື ການທ້າທາຍທີ່ມີ:
- ການຂົ່ມຂູ່ ຫຼື ການໂຄສະນາຊວນເຊື່ອໃຫ້ທໍາຮ້າຍຮ່າງກາຍຕົນເອງ ຫຼື ຜູ້ອື່ນ ເຊັ່ນ: ການນອນຮາບຢູ່ລາງລົດໄຟ.
- ການກະທໍາທີ່ບໍ່ຄວນຮຽນແບບເຊັ່ນ: ການທ້າໃຫ້ດື່ມສານຟອກຂາວ ແລະ ອາດພາໃຫ້ເກີດອັນຕະລາຍຕໍ່ສຸຂະພາບຂອງຜູ້ທີ່ດື່ມທັນທີ ແລະ ຮ້າຍແຮງ.
- ການຢອກກັນ ຫຼື ການທ້າທາຍທີ່ສ້າງຄວາມທຸກທາງອາລົມຢ່າງຮຸນແຮງເຊັ່ນ: ການຖົກຖຽງອາລະວາດທາງຮ່າງກາຍ, ພາສາທີ່ບໍ່ເໝາະສົມ ແລະ ການດູຖູກ. ນອກນັ້ນ, ສິ່ງເຫຼົ່ານີ້ຍັງອາດຮວມມີການຂົ່ມຂູ່ສະຖານະຊີວິດຂອງບຸກຄົນໃດໜຶ່ງເຊັ່ນ: ການຢອກວ່າຈະເຊົາຈ້າງ ຫຼື ດ້ວຍການກະຕຸ້ນຄວາມຮູ້ສຶກ ຫຼື ຂົ່ມຂູ່ບຸກຄົນໃດໜຶ່ງໃນບໍລິບົດທາງຄວາມສໍາພັນ (ຕົວຢ່າງ: ການຢອກບອກເລີກ ເຊິ່ງຝ່າຍໜຶ່ງມີອາລົມແປປວນ ຫຼື ການຢອກພີ່ນ້ອງກ່ຽວກັບການຖືກຈັບ ແລະ ອື່ນໆ).
- ການຢອກກັນກ່ຽວກັບຂອງແຫຼວໃນຮ່າງກາຍທີ່ມີຈຳນວນຫຼາຍ ຫຼື ມີພາບຄວາມຮຸນແຮງຢ່າງຈະແຈ້ງ.
- ການທ້າທາຍທີ່ຮວມມີ ການກິນສານທີ່ບໍ່ເປັນພິດ, ແຕ່ບໍ່ສາມາດກິນໄດ້ເຊັ່ນ: ການກືນຫຼອດກາວ ຫຼື ອາຫານໝາ. ການກິນສານທີ່ສາມາດກິນໄດ້ ເຊິ່ງເປັນອັນຕະລາຍເມື່ອກິນໃນຈໍານວນຫຼາຍເຊັ່ນ: ໝາກເຜັດ Carolina Reaper ຫຼື ສານທີ່ສະແດງເຖິງປະຕິກິລິຍາທາງຮ່າງກາຍທີ່ບໍ່ຮຸນແຮງ.
ຢາສູບໄຟຟ້າ ແລະ ຢາສູບ
- ຄຳຕິຊົມຜະລິດຕະພັນ ຫຼື ປຽບທຽບລະຫວ່າງຜະລິດຕະພັນຢາສູບຕ່າງໆ (ຕົວຢ່າງ: ການສົມທຽບນ້ຳຢາຢາສູບໄຟຟ້າ).
- ການກ່າວເຖິງການສຶກສາ ຫຼື ສາລະຄະດີການບໍລິການເສບຕິດ.
ເຫຼົ້າ
- ເນື້ອຫາການສຶກສາ, ສາລະຄະດີ ຫຼື ອ້າງອີງຈາກເລື່ອງແທ້ທີ່ມີເດັກນ້ອຍບໍລິໂພກເຫຼົ້າ ຫຼື ຜະລິດຕະພັນທີ່ເນັ້ນໃສ່ເຫຼົ້າ.
ອົງກອນກໍ່ການຮ້າຍຕ່າງປະເທດ (FTO)
- ວິດີໂອຕະຫຼົກທີ່ມີການອ້າງອີງເຖິງອົງກອນ FTO ຫຼື ການກໍ່ການຮ້າຍ.
- ເນື້ອຫາເພື່ອການສຶກສາ, ສາລະຄະດີ ຫຼື ວິດີໂອເພງທີ່ມີມຸກຕະຫຼົກອ້າງອີງເຖິງອົງກອນ FTO.
- ພາບທີ່ແບ່ງປັນເຊິ່ງກ່ຽວຂ້ອງກັບອົງກອນ FTO ແຕ່ບໍ່ແມ່ນຫົວຂໍ້ ຫຼື ປະເດັນຫຼັກຂອງເນື້ອຫາ.
ອົງກອນຄ້າຢາເສບຕິດ (DTO)
- ການປະກາດບໍລິການສາທາລະນະກ່ຽວກັບກຸ່ມຄົນທີ່ກ່ຽວຂ້ອງເຊິ່ງແບ່ງປັນໂດຍບໍ່ມີບໍລິບົດ.
- ເນື້ອຫາທາງການສຶກສາ ຫຼື ສາລະຄະດີ ຫຼື ການປະກາດບໍລິການສາທາລະນະກ່ຽວກັບອົງກອນ DTO.
- ເນື້ອຫາເພື່ອການສຶກສາທີ່ເນັ້ນໃສ່ອົງກອນ DTO ສະເພາະ ຫຼື ຜູ້ນຳອົງກອນ DTO ຜູ້ໃດຜູ້ໜຶ່ງເປັນຫຼັກ.
- ອາດຮວມເຖິງສະຖານະການການໂຈມຕີທີ່ບໍ່ສະແດງຮູບ ຫຼື/ແລະ ຜົນທີ່ຕາມມາຂອງພວກມັນ, ສະຖານະການຕົວປະກັນ ແລະ ອື່ນໆ.
- ການປະກາດບໍລິການສາທາລະນະກ່ຽວກັບກຸ່ມຄົນທີ່ກ່ຽວຂ້ອງ.
- ສະຖານະການ ແລະ ການກະທຳທີ່ຮຸນແຮງ ເຊັ່ນ: ຕົວປະກັນ ຫຼື ການສອບສວນທີ່ດຳເນີນການໂດຍອົງກອນ DTO.
ຄຳນິຍາມ:
- “ປະຕິກິລິຍາທາງຮ່າງກາຍທີ່ບໍ່ຮຸນແຮງ” ໝາຍເຖິງສິ່ງຕ່າງໆ ເຊັ່ນ: ຮາກລົມ, ການໄອທີ່ພາໃຫ້ຮາກ.
|
ເນື້ອຫານີ້ຈະບໍ່ສາມາດສ້າງລາຍໄດ້ໂຄສະນາ |
ເນື້ອຫາທີ່ສະແດງອຸປະຕິເຫດ, ການລົງໂທດຕັດສິນໂດຍພະລະການ, ການຢອກກັນ ຫຼື ການກະທຳທີ່ອັນຕະລາຍ, ເຊັ່ນ: ການທົດລອງ ຫຼື ການສະແດງຜາດໂຜນທີ່ມີຄວາມສ່ຽງຕໍ່ສຸຂະພາບ (ເຊັ່ນ: ການດື່ມ ຫຼື ການກິນສິ່ງທີ່ກິນບໍ່ໄດ້); ການສົນທະນາກ່ຽວກັບວິດີໂອມາແຮງທີ່ສະແດງເນື້ອຫາປະເພດດັ່ງກ່າວ. ການຍ້ອງຍໍ, ການຫາສະມາຊິກເຂົ້າອົງກອນ ຫຼື ການສະແດງພາບອົງກອນທີ່ເປັນອັນຕະລາຍ.
ບາງຕົວຢ່າງຂອງເນື້ອຫາທີ່ຕົກຢູ່ໃນໝວດນີ້ຄືກັນ:
ການກະທໍາທີ່ເປັນໄພທົ່ວໄປ ຫຼື ເປັນອັນຕະລາຍ
ການຮວບຮວມສະຖານະການຕອນຜິດພາດ
- ການຮວບຮວມຄວາມລົ້ມເຫຼວທີ່ຮວມມີ ການເຄື່ອນໄຫວທີ່ເຮັດໃຫ້ເສຍຊີວິດ ຫຼື ສ້າງຄວາມເສຍຫາຍຮ້າຍແຮງ (ປ່ຽນແປງຫຍັງບໍ່ໄດ້ ຫຼື ເຮັດໃຫ້ບຸກຄົນນັ້ນເຂົ້າສູ່ອາການໂຄມາ, ຊັກ, ເປັນອໍາມະພາດ ແລະ ອື່ນໆ).
ການຢອກກັນ ແລະ ການທ້າທາຍ
- ການຢອກກັນ ຫຼື ການທ້າທາຍທີ່ບໍ່ຄວນຮຽນແບບ ເຊັ່ນ: ການທ້າໃຫ້ດື່ມຄໍຣີນ ແລະ ອາດພາໃຫ້ເກີດອັນຕະລາຍຕໍ່ສຸຂະພາບຂອງຜູ້ທີ່ດື່ມທັນທີ ແລະ ຮ້າຍແຮງ.
- ການຢອກກັນ ແລະ ການທ້າທາຍທີ່ກ່ຽວຂ້ອງກັບ:
- ການຂ້າຕົວຕາຍ, ການຕາຍ, ການກໍ່ການຮ້າຍເຊັ່ນ: ການຢອກທີ່ໃຊ້ລະເບີດປອມເພື່ອເຮັດໃຫ້ຢ້ານ ຫຼື ການຂົ່ມຂູ່ດ້ວຍອາວຸດຮ້າຍແຮງ.
- ການກະທໍາທີ່ບໍ່ແມ່ນຄວາມຕ້ອງການທາງເພດເຊັ່ນ: ການຈູບທີ່ຖືກບັງຄັບ, ການລູບຄໍາ, ການລ່ວງລະເມີດທາງເພດ, ການຕິດກ້ອງສອດແນມໃນຫ້ອງແຕ່ງຕົວ.
- ການທໍາຮ້າຍຮ່າງກາຍ ຫຼື ຈິດໃຈ ແຕ່ການທໍາຮ້າຍທາງຈິດໃຈດັ່ງກ່າວບໍ່ແມ່ນຈຸດໂຟກັສຂອງວິດີໂອ.
- ຄວາມທຸກທາງອາລົມຂອງເດັກນ້ອຍເປັນເວລາດົນ ເຊັ່ນ: ການຢອກກັນທີ່ກິນເວລາດົນເຮັດໃຫ້ເດັກນ້ອຍຢ້ານ ຫຼື ບໍ່ພໍໃຈ. ນີ້ອາດຮວມມີ ການຢອກເດັກນ້ອຍໃຫ້ເຊື່ອວ່າພໍ່ແມ່ເຂົາເຈົ້າຕາຍແລ້ວ.
- ການຂົ່ມຂູ່ ຫຼື ການໂຄສະນາຊວນເຊື່ອໃຫ້ທໍາຮ້າຍຮ່າງກາຍຕົນເອງ ຫຼື ຜູ້ອື່ນເຊັ່ນ: ການນອນຮາບຢູ່ລາງລົດໄຟ.
- COVID-19 ທີ່ສົ່ງເສີມການເຄື່ອນໄຫວທີ່ເປັນອັນຕະລາຍເຊັ່ນ: ການສໍາຜັດເຊື້ອໄວຣັດໂດຍເຈດຕະນາ ຫຼື ກະຕຸ້ນໃຫ້ເກີດການຕື່ນຕົກໃຈ (ຕົວຢ່າງ: ການເຄື່ອນໄຫວທີ່ຕໍ່ຕ້ານການກັກຕົວ ຫຼື ເຮັດທໍາທ່າວ່າຜົນກວດເປັນບວກໃນຂະນະທີ່ຢູ່ໃນພື້ນທີ່ສາທາລະນະ).
- ການສົ່ງເສີມການນໍາໃຊ້ອາວຸດເພື່ອທໍາຮ້າຍຜູ້ອື່ນ.
- ເນື້ອຫາທີ່ສະແດງການບໍລິໂພກສານໃນປະລິມານທີ່ສົ່ງຜົນໃຫ້ຮ່າງກາຍເກີດອາການຊັອກຢ່າງຈະແຈ້ງ ເຊັ່ນ: ການຮາກຫຼັງຈາກກິນໝາກເຜັດປີສາດ (Ghost Pepper).
- ການທ້າທາຍທີ່ຫາກເຮັດຊໍ້າອາດຈະກໍ່ໃຫ້ເກີດອັນຕະລາຍທີ່ຮ້າຍແຮງໄດ້ເຊັ່ນ: ການທ້າໃຫ້ຫຼິ້ນກັບໄຟ ຫຼື ການທ້າໃຫ້ເອົາຜ້າປິດຕາໃຊ້ຊີວິດ.
- ການສະໜັບສະໜຸນການເຄື່ອນໄຫວທີ່ເປັນການສໍ້ໂກງ ຫຼື ຜິດກົດໝາຍ (ຕົວຢ່າງ: ການງັດແງະເພື່ອລັກເຂົ້າ).
ການໃຫ້ຂໍ້ມູນດ້ານການແພດ ແລະ ວິທະຍາສາດທີ່ບໍ່ຖືກຕ້ອງ
- ການສົ່ງເສີມການອ້າງສິດ ຫຼື ການປະຕິບັດທາງການແພດ ຫຼື ສຸຂະພາບທີ່ເປັນອັນຕະລາຍ:
- ປະຕິເສດວ່າມີເງື່ອນໄຂສຸຂະພາບທີ່ກຳນົດ, ຕົວຢ່າງ: HIV.
- ວິດີໂອທີ່ສົ່ງເສີມ ຫຼື ໃຫ້ຄໍາແນະນໍາສຳລັບວິທີແກ້ໄຂທີ່ບໍ່ໄດ້ພິສູດທາງວິທະຍາສາດສໍາລັບເງື່ອນໄຂທາງການແພດ (ເຊັ່ນ: ການຮັກສາມະເຮັງຜ່ານການເລືອກກິນອາຫານ).
- ການເຜີຍແຜ່ຂໍ້ມູນບໍ່ຖືກຕ້ອງທີ່ປະຕິເສດຂໍ້ເທັດຈິງທາງການແພດ ແລະ ວິທະຍາສາດທີ່ໄດ້ຮັບການພິສູດແລ້ວ ເຊັ່ນ: ການສົ່ງເສີມໃຫ້ຕໍ່ຕ້ານການຮັບວັກຊີນ.
- ເນື້ອຫາທີ່ສົ່ງເສີມ ຫຼື ບໍ່ເອົາໂທດໂຄງການ ຫຼື ການບໍລິການບຳບັດການປ່ຽນເພດເປັນເກ.
- ການສົ່ງເສີມ ຫຼື ໂຄສະນາຊວນເຊື່ອສຳລັບຂໍ້ມູນບໍ່ຖືກຕ້ອງທີ່ເປັນອັນຕະລາຍຂອງ COVID-19:
- ເນື້ອຫາທີ່ບໍ່ສະໜັບສະໜຸນໃຫ້ສັກວັກຊີນ COVID-19.
- ການກ່າວອ້າງທີ່ບໍ່ຖືກຕ້ອງ ຫຼື ເຮັດໃຫ້ເຂົ້າໃຈຜິດກ່ຽວກັບປະສິດທິພາບ ຫຼື ການແຈກຢາຍວັກຊີນ. ສິ່ງນີ້ອາດຮວມມີ:
- ການອ້າງວ່າວັກຊີນຈະເຮັດໃຫ້ມີລູກຍາກ.
- ການອ້າງວ່າວັກຊີນມີໄມໂຄຣຊິບ.
- ການອ້າງວ່າວັກຊີນອາດຈະຖືກໃຊ້ເພື່ອກໍາຈັດປະຊາກອນບາງສ່ວນອອກໄປ.
- ການອ້າງວ່າໜ້າກາກອະນາໄມ ຫຼື ການເວັ້ນໄລຍະຫ່າງທາງສັງຄົມບໍ່ສາມາດຫຼຸດການຮັບເຊື້ອ ຫຼື ການແຜ່ລະບາດຂອງ COVID-19 ລົງໄດ້.
- ການອ້າງກ່ຽວກັບການແຜ່ລະບາດຂອງ COVID-19 ທີ່ບໍ່ໄດ້ອີງໃສ່ຂໍ້ເທັດຈິງທາງການແພດ ແລະ ວິທະຍາສາດເຊິ່ງເປັນທີ່ຍອມຮັບ (ເຊັ່ນ: ມັນສົ່ງຜ່ານສັນຍານໄຮ້ສາຍ 5G).
- ວິດີໂອທີ່ສົ່ງເສີມ ຫຼື ໃຫ້ຄໍາແນະນໍາສໍາລັບການປິ່ນປົວທີ່ບໍ່ໄດ້ພິສູດທາງວິທະຍາສາດສໍາລັບ COVID-19 (ເຊັ່ນ: ການສີດ Hydroxychloroquine).
ຂໍ້ມູນບໍ່ຖືກຕ້ອງທີ່ເປັນອັນຕະລາຍ
- ການກ່າວອ້າງທີ່ພິສູດໄດ້ວ່າເປັນເທັດ ແລະ ອາດທຳລາຍການມີສ່ວນຮ່ວມ ຫຼື ຄວາມເຊື່ອໝັ້ນໃນຂະບວນການເລືອກຕັ້ງ ຫຼື ປະຊາທິປະໄຕ.
- ຂໍ້ມູນທີ່ພິສູດໄດ້ວ່າເປັນເທັດກ່ຽວກັບຂັ້ນຕອນການລົງຄະແນນສຽງສາທາລະນະ, ສິດຂອງຜູ້ສະໝັກທາງການເມືອງໂດຍອີງຕາມອາຍຸ ຫຼື ສະຖານທີ່ເກີດ, ຜົນການເລືອກຕັ້ງ ຫຼື ການມີສ່ວນຮ່ວມຂອງສຳມະໂນປະຊາກອນທີ່ຂັດກັບບັນທຶກທາງການຂອງລັດຖະບານ.
- ການສົ່ງເສີມຂໍ້ມູນບໍ່ຖືກຕ້ອງທີ່ເປັນອັນຕະລາຍ (ເຊັ່ນ: Pizzagate, QAnon, StopTheSteal).
- ການໂຄສະນາຊວນເຊື່ອສໍາລັບກຸ່ມຄົນທີ່ສົ່ງເສີມຂໍ້ມູນບໍ່ຖືກຕ້ອງທີ່ເປັນອັນຕະລາຍ.
- ການຂັດແຍ້ງກັບແນວທາງວິທະຍາສາດທີ່ມີຢູ່ຊັດເຈນທີ່ກ່ຽວຂ້ອງກັບການມີຢູ່ ແລະ ສາເຫດທີ່ຢູ່ເບື້ອງຫຼັງຂອງການປ່ຽນແປງສະພາບອາກາດ.
ຢາສູບໄຟຟ້າ ແລະ ຢາສູບ
- ການສົ່ງເສີມຢາສູບ ແລະ ຜະລິດຕະພັນທີ່ກ່ຽວຂ້ອງກັບຢາສູບ ແລະ ການບໍລິໂພກສິ່ງເຫຼົ່ານີ້.
- ວິດີໂອເດັກນ້ອຍກໍາລັງໃຊ້ຜະລິດຕະພັນຢາສູບໄຟຟ້າ/ຢາສູບ.
- ການອໍານວຍຄວາມສະດວກໃນການຂາຍຜະລິດຕະພັນຢາສູບໄຟຟ້າ/ຢາສູບ.
- ການໃຊ້ຜະລິດຕະພັນຢາສູບໄຟຟ້າ/ຢາສູບໃນລັກສະນະທີ່ບໍ່ເປັນໄປຕາມຈຸດປະສົງຂອງຜູ້ຜະລິດ (ຕົວຢ່າງ: ການດື່ມນໍ້າຢາສູບໄຟຟ້າ).
ເຫຼົ້າ
- ພາບເດັກນ້ອຍດື່ມເຫຼົ້າ, ເຖິງວ່າມັນຈະບໍ່ແມ່ນເນື້ອຫາຫຼັກຂອງວິດີໂອກໍຕາມ.
- ການສົ່ງເສີມໃຫ້ເດັກນ້ອຍດື່ມເຫຼົ້າ.
ອົງກອນກໍ່ການຮ້າຍຕ່າງປະເທດ (FTO)
- ວິດີໂອທີ່ບໍ່ໄດ້ມີວັດຖຸປະສົງເພື່ອການສຶກສາເຊິ່ງເນັ້ນໃສ່ອົງກອນ FTO ຫຼື ຫົວຂໍ້ການກໍ່ການຮ້າຍ, ເຊັ່ນ:
- ການສົນທະນາທີ່ມີປະເດັນຫຼັກກ່ຽວກັບການໂຈມຕີຂອງຜູ້ກໍ່ການຮ້າຍ.
- ພາບ ຫຼື ຊື່ທີ່ກ່ຽວຂ້ອງຂອງກຸ່ມ/ຜູ້ນຳໃນສ່ວນໃດກໍຕາມຂອງເນື້ອຫາ (ເຊັ່ນ: ໃນຮູບຕົວຢ່າງ).
- ເນື້ອຫາທີ່ສະແດງພາບເຊິ່ງສ້າງຄວາມຕື່ນຕົກໃຈ, ຊັດເຈນ ແລະ/ຫຼື ມີຄວາມຮຸນແຮງ ຫຼື ສາກທີ່ຍຸຍົງ ຫຼື ຍ້ອງຍໍໃຫ້ເກີດຄວາມຮຸນແຮງ.
- ເນື້ອຫາທີ່ສ້າງ ຫຼື ໄດ້ຮັບການສະໜັບສະໜຸນຈາກກຸ່ມຜູ້ກໍ່ການຮ້າຍ.
- ເນື້ອຫາທີ່ເປັນການສະເຫຼີມສະຫຼອງ ຫຼື ປະຕິເສດການກໍ່ການຮ້າຍ.
ອົງກອນຄ້າຢາເສບຕິດ (DTO)
- ວິດີໂອທີ່ບໍ່ກ່ຽວກັນການສຶກສາໄດ້ເນັ້ນໃສ່ອົງກອນ DTO ສະເພາະ, ຜູ້ນຳອົງກອນ DTO ຫຼື ການຄ້າຂາຍຢາເສບຕິດຂ້າມຊາດ.
- ການສົນທະນາແບບສຸ່ມ, ເກີດຂຶ້ນໂດຍບໍ່ຕັ້ງໃຈກ່ຽວກັບຫົວຂໍ້ນີ້ໃນວິດີໂອໝາຍຄວາມວ່າມັນ "ບໍ່ກ່ຽວກັບການສຶກສາ", ເພາະວ່າບໍ່ມີການປະກາດຢ່າງຈະແຈ້ງວ່າເຈດຕະນາຂອງວິດີໂອແມ່ນເພື່ອອະທິບາຍຫົວຂໍ້.
- ການສະແດງຮູບກ່ຽວກັບອົງກອນ DTO ທີ່ບໍ່ກ່ຽວກັບການສຶກສາເຊັ່ນ: ທຸງ, ຄໍາຂວັນ, ແບນເນີ ແລະ ອື່ນໆ.
- ການຮັບສະໝັກສະມາຊິກກຸ່ມ.
- ເພງທີ່ກ່ຽວຂ້ອງກັບ “ນາໂຄໂຄຣິໂດ” ຫຼື ຍ້ອງຍໍ ຫຼື ສົ່ງເສີມອົງກອນ DTO.
- ສະຖານະການ ແລະ ການກະທຳທີ່ຮຸນແຮງ ເຊັ່ນ: ຕົວປະກັນ ຫຼື ການສອບສວນທີ່ດຳເນີນການໂດຍອົງກອນ DTO.
|
ເພື່ອສຶກສາເພີ່ມເຕີມກ່ຽວກັບຄຳສັບສຳຄັນທີ່ໃຊ້ໃນຂໍ້ແນະນຳເຫຼົ່ານີ້, ກະລຸນາເຂົ້າເບິ່ງ ຕາຕະລາງຄຳນິຍາມ ຂອງພວກເຮົາ.
ເນື້ອຫາທີ່ສະແດງເຖິງຄວາມກຽດຊັງ ແລະ ສ້າງຄວາມເສື່ອມເສຍ
ເນື້ອຫາທີ່ປຸກລະດົມກໍ່ໃຫ້ເກີດຄວາມກຽດຊັງກັນ, ສົ່ງເສີມການເລືອກປະຕິບັດ, ການດູຖູກ, ຫຼື ການສ້າງຄວາມອັບອາຍໃຫ້ບຸກຄົນ ຫຼື ກຸ່ມຄົນແມ່ນບໍ່ເໝາະສົມກັບການໂຄສະນາ. ເນື້ອຫາທີ່ເວົ້າສຽດສີ ຫຼື ຕະຫລົກອາດຈະຖືກຍົກເວັ້ນ. ການລະບຸເຈດຕະນາຕະຫຼົກຂອງທ່ານນັ້ນບໍ່ພຽງພໍ ແລະ ເນື້ອຫານັ້ນອາດຍັງຄົງບໍ່ເໝາະສົມສຳລັບການໂຄສະນາຢູ່.
ລາຍລະອຽດຂອງນະໂຍບາຍ
ຄຳແນະນຳໂຄສະນາ |
ຕົວເລືອກແບບສອບຖາມ ແລະ ລາຍລະອຽດ |
ເນື້ອຫານີ້ສາມາດສ້າງລາຍໄດ້ໂຄສະນາໄດ້ |
ເນື້ອຫາທີ່ອ້າງອີງເຖິງກຸ່ມທີ່ໄດ້ຮັບການຄຸ້ມຄອງ ຫຼື ການວິພາກວິຈານຄວາມຄິດເຫັນຂອງ ຫຼື ການກະທຳຂອງບຸກຄົນໃນລັກສະນະທີ່ບໍ່ທຳຮ້າຍຄວາມຮູ້ສຶກ.
ບາງຕົວຢ່າງຂອງເນື້ອຫາທີ່ຕົກຢູ່ໃນໝວດນີ້ຄືກັນ:
- ເນື້ອຫາຂ່າວທີ່ອະທິບາຍເຖິງກຸ່ມຄົນທີ່ໄດ້ຮັບການຄຸ້ມຄອງ ຫຼື ລາຍງານໃນລັກສະນະທີ່ບໍ່ສະແດງຄວາມກຽດຊັງກ່ຽວກັບການເລືອກປະຕິບັດທີ່ກຸ່ມຄົນດັ່ງກ່າວອາດຈະພົບ ເຊັ່ນ: ການລາຍງານຂ່າວກ່ຽວກັບກຸ່ມຮັກຮ່ວມເພດ.
- ເນື້ອຫາຕະຫຼົກທີ່ປະນາມ ຫຼື ອ້າງເຖິງການເຍາະເຍີ້ຍ, ຄວາມອັບອາຍ ຫຼື ຄໍາເຫັນໃສ່ຮ້າຍອື່ນໆຕໍ່ກຸ່ມທີ່ໄດ້ຮັບການຄຸ້ມຄອງ.
- ການໂຕ້ວາທີສາທາລະນາກ່ຽວກັບກຸ່ມທີ່ໄດ້ຮັບການຄຸ້ມຄອງທີ່ບໍ່ກະຕຸ້ນໃຫ້ມີຄວາມກຽດຊັງ ແລະ ການປະທະກັນຢ່າງຮຸນແຮງກັບພວກເຂົາ.
- ເນື້ອຫາສິນລະປະທີ່ໃຊ້ຄໍາສັບລະອຽດອ່ອນ ຫຼື ສັນຍາລັກໃນທາງທີ່ບໍ່ສະແດງຄວາມກຽດຊັງ ເຊັ່ນ: ວິດີໂອເພງຍອດນິຍົມ.
- ເນື້ອຫາການສຶກສາ ຫຼື ສາລະຄະດີ:
- ຄໍາເວົ້າທີ່ເຮັດໃຫ້ເສື່ອມເສຍ ຫຼື ການເວົ້າບໍ່ດີກ່ຽວກັບຊາດພັນທີ່ຖືກເຊັນເຊີໄວ້ໂດຍທີ່ເຈດຕະນາໃຫ້ຄວາມຮູ້ແກ່ຜູ້ຊົມ (ຕົວຢ່າງ: ຄົນ*ໍາ).
- ມີຮູບທີ່ເນັ້ນໃສ່ຄວາມກຽດຊັງ.
- ມີການວິພາກວິຈານຄວາມຄິດເຫັນ, ມຸມມອງ ຫຼື ການກະທຳຂອງບຸກຄົນ ຫຼື ກຸ່ມຄົນໂດຍບໍ່ມີເຈດຕະນາກໍ່ຄວາມບໍ່ສະຫງົບ ຫຼື ການເຮັດໃຫ້ບຸກຄົນອື່ນເສື່ອມເສຍ.
ຄຳນິຍາມ:
“ກຸ່ມທີ່ໄດ້ຮັບການປົກປ້ອງ” ໝາຍເຖິງກຸ່ມທີ່ມີລັກສະນະດັ່ງລຸ່ມນີ້. ການປຸກລະດົມສ້າງຄວາມກຽດຊັງກັນ, ການເລືອກປະຕິບັດ, ການດູຖູກ ຫຼື ການສ້າງຄວາມອັບອາຍບຸກຄົນ ຫຼື ກຸ່ມຄົນໂດຍອີງໃສ່ຄຸນລັກສະນະລຸ່ມນີ້ແມ່ນບໍ່ໄດ້ຖືວ່າເປັນມິດກັບຜູ້ໂຄສະນາ.
- ເຊື້ອຊາດ
- ຕົ້ນກໍາເນີດດ້ານເຊື້ອຊາດ ຫຼື ຊົນເຜົ່າ
- ສັນຊາດ
- ສາດສະໜາ
- ຄວາມພິການ
- ອາຍຸ
- ສະຖານະທະຫານຜ່ານເສິກ
- ລົດນິຍົມທາງເພດ
- ລັກສະນະທາງເພດ
- ລັກສະນະອື່ນໆທີ່ກ່ຽວຂ້ອງກັບການເລືອກປະຕິບັດ ຫຼື ການກີດກັນຢ່າງເປັນລະບົບ.
|
ເນື້ອຫານີ້ອາດບໍ່ສ້າງລາຍໄດ້ໂຄສະນາ ຫຼື ອາດສ້າງແບບຈຳກັດ |
ເນື້ອຫາທີ່ອາດສ້າງຄວາມບໍ່ພໍໃຈໃຫ້ກັບບຸກຄົນ ຫຼື ກຸ່ມຄົນ, ແຕ່ນຳໃຊ້ເພື່ອຈຸດປະສົງທາງການສຶກສາ, ຂ່າວ ຫຼື ໃນສາລະຄະດີ.
ບາງຕົວຢ່າງຂອງເນື້ອຫາທີ່ຕົກຢູ່ໃນໝວດນີ້ຄືກັນ:
- ການອະພິປາຍ ຫຼື ການໂຕ້ວາທີທາງການເມືອງເຊິ່ງອາດມີພາສາທີ່ບໍ່ເໝາະສົມ ແຕ່ມີເຈດຕະນາເພື່ອໃຫ້ຄວາມຮູ້ ເຊັ່ນ: ການໂຕ້ວາທີທາງການເມືອງກ່ຽວກັບສິດທິຂອງກຸ່ມຄົນຂ້າມເພດ.
- ເນື້ອຫາການສຶກສາ:
- ຄໍາເວົ້າທີ່ເຮັດໃຫ້ເສື່ອມເສຍ ຫຼື ການເວົ້າບໍ່ດີກ່ຽວກັບຊາດພັນທີ່ບໍ່ໄດ້ເຊັນເຊີໄວ້ໂດຍມີເຈດຕະນາໃຫ້ຄວາມຮູ້ແກ່ຜູ້ຊົມ (ຕົວຢ່າງ: ການສະກົດຄໍາວ່າ "ຄົນດໍາ" ເຕັມຕົວ ຫຼື ບໍ່ໄດ້ເຊັນເຊີໄວ້).
- ມີວິດີໂອທີ່ບໍ່ໄດ້ຕັດຕໍ່ຂອງບຸກຄົນທີ່ກະທຳສິ່ງຕໍ່ໄປນີ້ໂດຍບໍ່ໄດ້ສົ່ງເສີມ ຫຼື ຍ້ອງຍໍການກະທຳດັ່ງກ່າວຢ່າງຈະແຈ້ງ:
- ເນັ້ນໃສ່ການເຮັດໃຫ້ອັບອາຍ ຫຼື ດູຖູກບຸກຄົນ ຫຼື ກຸ່ມຄົນໃດໜຶ່ງ.
- ແຍກບຸກຄົນໃດໜຶ່ງອອກມາສະເພາະເພື່ອລ່ວງລະເມີດ ຫຼື ຂົ່ມຂູ່.
- ປະຕິເສດເຫດການທີ່ໂສກເສົ້າທີ່ເກີດຂຶ້ນ ແລະ ຖືກປົກປິດໄວ້.
- ການໂຈມຕີສ່ວນບຸກຄົນທີ່ເປັນອັນຕະລາຍ ແລະ ການທຳລາຍຊື່ສຽງ.
|
ເນື້ອຫານີ້ຈະບໍ່ສາມາດສ້າງລາຍໄດ້ໂຄສະນາ |
ຄວາມກຽດຊັງ ຫຼື ການຂົ່ມຂູ່ຕໍ່ກັບບຸກຄົນ ຫຼື ກຸ່ມຄົນ.
ບາງຕົວຢ່າງຂອງເນື້ອຫາທີ່ຕົກຢູ່ໃນໝວດນີ້ຄືກັນ:
- ຂໍ້ຄວາມທີ່ມີເຈດຕະນາດູຖູກກຸ່ມຄົນທີ່ໄດ້ຮັບການຄຸ້ມຄອງ ຫຼື ສະແດງໃຫ້ເຫັນເຖິງ/ລະບຸຄວາມດ້ອຍກວ່າ ເຊັ່ນ: “ຄົນທີ່ມາຈາກປະເທດນີ້ແມ່ນໜ້າລັງກຽດ”.
- ເນື້ອໃນທີ່ບໍ່ແມ່ນການສຶກສາທີ່ມີລັກສະນະຢຽດເຊື້ອຊາດ ຫຼື ໃນທາງເສື່ອມເສຍ.
- ສົ່ງເສີມ, ຍ້ອງຍໍ ຫຼື ບໍ່ເອົາໂທດຕໍ່ຄວາມຮຸນແຮງທີ່ມີຕໍ່ຜູ້ອື່ນ.
- ການປຸກລະດົມເລືອກປະຕິບັດຕໍ່ກຸ່ມທີ່ຖືກປົກປ້ອງ, ເຊັ່ນ: ການລະບຸວ່າ "ທ່ານຄວນກຽດຊັງຄົນພິການທັງໝົດໃນປະເທດນີ້".
- ການສົ່ງເສີມກຸ່ມຄົນທີ່ສະໜັບສະໜຸນຄວາມກຽດຊັງ, ສັນຍະລັກສະແດງຄວາມກຽດຊັງ ຫຼື ເປັນເຄື່ອງມືຂອງກຸ່ມຄົນດັ່ງກ່າວ.
- ຄວາມບໍ່ດີໃນການປະສົງຮ້າຍ ຫຼື ການດູຖູກຕໍ່ບຸກຄົນ ຫຼື ກຸ່ມຄົນ.
- ການຈຳແນກບຸກຄົນ ຫຼື ກຸ່ມຄົນໃດໜຶ່ງເພື່ອລ່ວງລະເມີດ ຫຼື ຂົ່ມຂູ່.
- ການປະຕິເສດ ຫຼື ຍ້ອງຍໍເຫດການໂສກເສົ້າທີ່ເກີດຂຶ້ນ, ເຮັດໃຫ້ຜູ້ເຄາະຮ້າຍ ຫຼື ຜູ້ລອດຊີວິດໃນນາມນັກສະແດງທີ່ຢູ່ໃນພາວະວິກິດ.
- ການໂຈມຕີສ່ວນບຸກຄົນທີ່ເປັນອັນຕະລາຍ, ໃສ່ຮ້າຍປ້າຍສີ ແລະ ການທໍາລາຍຊື່ສຽງ.
- ການສະແດງດ້ວຍອຸດົມການ ຫຼື ຄວາມເຊື່ອໃນທາງທີ່ບໍ່ປະສົງຮ້າຍໂດຍເວົ້າໃນລັກສະນະທົ່ວໆໄປ ຫຼື ເວົ້າໃສ່ຮ້າຍ.
- ລັກສະນະມຸມມອງໃນແງ່ລົບຂອງບຸກຄົນ, ກຸ່ມ, ອຸດົມການ ຫຼື ຄວາມເຊື່ອຖື ເຊັ່ນ: ການລະບຸວ່າ “ສະຕີນິຍົມທັງໝົດແມ່ນບ້າ”.
|
ເພື່ອສຶກສາເພີ່ມເຕີມກ່ຽວກັບຄຳສັບສຳຄັນທີ່ໃຊ້ໃນຂໍ້ແນະນຳເຫຼົ່ານີ້, ກະລຸນາເຂົ້າເບິ່ງ ຕາຕະລາງຄຳນິຍາມ ຂອງພວກເຮົາ.
ເນື້ອຫາທີ່ກ່ຽວຂ້ອງກັບຢາ ແລະ ຢາເສບຕິດກະຕຸ້ນປະສາດ
ເນື້ອຫາທີ່ສົ່ງເສີມ ຫຼື ສະແດງການຂາຍ, ການນຳໃຊ້ ຫຼື ການລະເມີດການນຳໃຊ້ຢາຜິດກົດໝາຍ, ຢາ ຫຼື ສານທີ່ຖືກກົດໝາຍຄວບຄຸມ ຫຼື ຜະລິດຕະພັນອື່ນທີ່ເປັນອັນຕະລາຍ ແມ່ນບໍ່ເໝາະສົມສຳລັບການໂຄສະນາ.
ລາຍລະອຽດຂອງນະໂຍບາຍ
ຄຳແນະນຳໂຄສະນາ |
ຕົວເລືອກແບບສອບຖາມ ແລະ ລາຍລະອຽດ |
ເນື້ອຫານີ້ສາມາດສ້າງລາຍໄດ້ໂຄສະນາໄດ້ |
ການອ້າງອີງທາງການສຶກສາ, ທີ່ຕະຫຼົກ ຫຼື ທີ່ກ່ຽວຂ້ອງກັບເພງກ່ຽວກັບຢາເສບຕິດກະຕຸ້ນປະສາດ ຫຼື ອຸປະກອນໃນການເສບຢາ ເຊິ່ງບໍ່ມີເຈດຕະນາສົ່ງເສີມ ຫຼື ຍ້ອງຍໍການໃຊ້ຢາຢ່າງຜິດກົດໝາຍ. ຂໍ້ສະເໜີກ່ຽວກັບຢາທີ່ສະແດງໃນເນື້ອຫາການຫຼິ້ນເກມ. ສາລະຄະດີ ຫຼື ລາຍງານຂ່າວທີ່ສະແດງເນື້ອຫາທີ່ແຕ່ງຂຶ້ນໂດຍມີການໃຊ້ຢາເສບຕິດ.
ບາງຕົວຢ່າງຂອງເນື້ອຫາທີ່ຕົກຢູ່ໃນໝວດນີ້ຄືກັນ:
- ເນື້ອຫາການສຶກສາກ່ຽວກັບຢາເສບຕິດ ຫຼື ອຸປະກອນເສບຢາ ເຊັ່ນ: ຜົນກະທົບທາງວິທະຍາສາດຂອງການນຳໃຊ້ຢາເສບຕິດ ຫຼື ປະຫວັດຂອງການຄ້າຢາເສບຕິດ.
- ບັນຊີສ່ວນຕົວຂອງການເຊົາຕິດຢາ.
- ວິດີໂອເພງທີ່ມີການສະແດງຮູບຢາເສບຕິດໃນເວລາສັ້ນໆ.
- ເນື້ອຫາການຫຼິ້ນເກມທີ່ສະແດງການຂາຍຢາເສບຕິດ.
- ສາລະຄະດີ ຫຼື ລາຍງານຂ່າວກ່ຽວກັບການຊື້, ການຜະລິດ, ການໃຊ້ ຫຼື ການຈຳໜ່າຍຢາເສບຕິດ, ເຊັ່ນ: ເລື່ອງການຈັບກຸມກ່ຽວກັບຢາເສບຕິດ.
- ເລື່ອງທີ່ແຕ່ງຂຶ້ນ, ສາລະຄະດີ ຫຼື ລາຍງານຂ່າວ ຮວມທັງສາກການຫຼິ້ນເກມທີ່ມີການເສບ ຫຼື ການໃຊ້ຢາເສບຕິດ (ເຊັ່ນ: ການໃຊ້ເຂັມສັກຢາ).
|
ເນື້ອຫານີ້ອາດບໍ່ສ້າງລາຍໄດ້ໂຄສະນາ ຫຼື ອາດສ້າງແບບຈຳກັດ |
ເນື້ອຫາທີ່ບໍ່ກ່ຽວກັບການສຶກສາ ແລະ ທີ່ບໍ່ກ່ຽວກັບຂໍ້ມູນທີ່ເນັ້ນໃສ່ການບໍລິໂພກ (ຮວມທັງການໃຊ້ເຂັມສັກຢາ) ຫຼື ການສ້າງຢາທີ່ຜິດກົດໝາຍ, ເຊິ່ງບໍ່ມີເຈດຕະນາສົ່ງເສີມ ຫຼື ຍ້ອງຍໍການໃຊ້ຢາຢ່າງຜິດກົດໝາຍ.
ຕົວຢ່າງບາງສ່ວນຂອງເນື້ອຫາທີ່ຕົກຢູ່ໃນໝວດໝູ່ນີ້:
- ເນື້ອຫາທີ່ແຕ່ງຂຶ້ນ, ຮວມທັງເພງ ແລະ ວິດີໂອເກມ, ທີ່ສະແດງພາບການໃຊ້ຢາເສບຕິດກະຕຸ້ນປະສາດ.
- ສາກຂອງການສີດຢາເສບຕິດເພື່ອໃຫ້ໄດ້ຮັບເນື້ອຫາຂອງສະຄຣິບ.
|
ເນື້ອຫານີ້ຈະບໍ່ສາມາດສ້າງລາຍໄດ້ໂຄສະນາ |
ເນື້ອຫາທີ່ສົ່ງເສີມ ຫຼື ຍ້ອງຍໍການໃຊ້ຢາ, ເຊັ່ນ: ການໃຫ້ຄຳແນະນຳກ່ຽວກັບການຊື້, ການຜະລິດ, ການຂາຍ ຫຼື ການຊອກຫາຢາທີ່ຜິດກົດໝາຍ ຫຼື ອຸປະກອນໃນການເສບຢາເພື່ອສົ່ງເສີມການນຳໃຊ້ເພື່ອຄວາມເພີດເພີນ.
ຕົວຢ່າງບາງສ່ວນຂອງເນື້ອຫາທີ່ຕົກຢູ່ໃນໝວດໝູ່ນີ້:
- ການແບ່ງປັນຄຳຕິຊົມຢາເສບຕິດ ແລະ ຂໍ້ມູນເຈາະເລິກກ່ຽວກັບຢາເສບຕິດ.
- ເຄັດລັບ ຫຼື ການແນະນຳກ່ຽວກັບການນຳໃຊ້ຢາ ຫຼື ສ້າງຢາເສບຕິດກະຕຸ້ນປະສາດ ເຊັ່ນ: ການປູກັນຊາ.
- ຄຳຕິຊົມຂອງຮ້ານກາເຟກັນຊາ, ຮ້ານຄ້າໃຫຍ່, ຕົວແທນຈຳໜ່າຍ, ທົວຮ້ານຂາຍຢາ ແລະ ອື່ນໆ.
- ການຊື້ ຫຼື ການຂາຍຢາເສບຕິດທັງອອນລາຍ ຫຼື ອອບລາຍ.
- ການແບ່ງປັນລິ້ງໃຫ້ກັບເວັບໄຊຊື້ຢາເສບຕິດ ຫຼື ທີ່ຢູ່ຈິງຂອງສະຖານທີ່ໃນການຈັດຊື້ຢາ.
|
ເພື່ອສຶກສາເພີ່ມເຕີມກ່ຽວກັບຄຳສັບສຳຄັນທີ່ໃຊ້ໃນຂໍ້ແນະນຳເຫຼົ່ານີ້, ກະລຸນາເຂົ້າເບິ່ງ ຕາຕະລາງຄຳນິຍາມ ຂອງພວກເຮົາ.
ເນື້ອຫາທີ່ກ່ຽວກັບອາວຸດປືນ
ເນື້ອຫາສຸມໃສ່ການຂາຍ, ການຊຸມນຸມ, ການລະເມີດ ຫຼື ການນຳໃຊ້ອາວຸດປືນທີ່ແທ້ຈິງ ຫຼື ປອມແມ່ນບໍ່ເໝາະສົມສຳລັບການໂຄສະນາ.
ລາຍລະອຽດຂອງນະໂຍບາຍ
ຄຳແນະນຳໂຄສະນາ |
ຕົວເລືອກແບບສອບຖາມ ແລະ ລາຍລະອຽດ |
ເນື້ອຫານີ້ສາມາດສ້າງລາຍໄດ້ໂຄສະນາໄດ້ |
ປືນທີ່ບໍ່ແມ່ນອັດຕະໂນມັດ ຫຼື ເຄິ່ງອັດຕະໂນມັດ ແລະ ຍັງບໍ່ໄດ້ດັດແປງທີ່ສະແດງຢູ່ໃນສະພາບແວດລ້ອມທີ່ປອດໄພ ເຊັ່ນ: ສະໜາມຍິງປືນ ຫຼື ພື້ນທີ່ເປີດໂລ່ງເພື່ອບໍ່ໃຫ້ເກີດອັນຕະລາຍຕໍ່ຜູ້ທີ່ຢືນເບິ່ງ ຫຼື ຊັບສິນຂອງຜູ້ອື່ນ. ການປະກອບ ແລະ ຖອດຊິ້ນສ່ວນເພື່ອຈຸດປະສົງການສ້ອມແປງ ຫຼື ການບຳລຸງຮັກສາອາວຸດປືນ ແລະ ປືນເພນບອລ. ການໃຊ້ປືນອັດລົມ ຫຼື ປືນ BB ຢ່າງມີຄວາມຮັບຜິດຊອບ.
ບາງຕົວຢ່າງຂອງເນື້ອຫາທີ່ຕົກຢູ່ໃນໝວດນີ້ຄືກັນ:
- ການສົນທະນາກ່ຽວກັບກົດໝາຍການຄຸ້ມຄອງປືນ ຫຼື ບັນຫາການຄວບຄຸມປືນ.
- ການຣີວິວ ແລະ ສາທິດການໃຊ້ປືນ.
- ເນື້ອຫາທີ່ມີກ້ອງເລັງເປົ້າ ແລະ ຕົວເກັບສຽງ.
- ປືນພຣັອບໃນເວລາທີ່ບໍ່ໄດ້ໃຊ້ທໍາລາຍຄົນ ຫຼື ຊັບສິນ.
ຄຳນິຍາມ:
- “ສະພາບແວດລ້ອມທີ່ປອດໄພ” ໝາຍເຖິງສະຖານທີ່ຕ່າງໆ ເຊັ່ນ: ສະໜາມຍິງປືນ ຫຼື ພື້ນທີ່ປິດລ້ອມທີ່ສ້າງຂຶ້ນເພື່ອຝຶກຊ້ອມ.
- “ການດັດແປງ” ໝາຍເຖິງທຸກສິ່ງທີ່ຂັດຂວາງ, ປັບປຸງໃຫ້ດີຂຶ້ນ ຫຼື ປ່ຽນແປງການເຮັດວຽກຂອງຜະລິດຕະພັນ, ຮວມທັງໄກປືນເບົາ, ດ້າມຈັບປືນ ແລະ ວັດຖຸລະເບີດ/ລູກປືນເຊື້ອໄຟ ຫຼື ເຄື່ອງປະກອບອື່ນໆ ເຊັ່ນ: ກ້ອງຈັບຄວາມຮ້ອນ/ແສງອິນຟຣາເຣດ ຫຼື ແມັກລູກປືນທີ່ມີຄວາມສາມາດບັນຈຸຂະໜາດໃຫຍ່.
- “ປືນພຣັອບ” ແມ່ນອາວຸດປືນທີ່ບໍ່ເຮັດວຽກໂດຍການອອກແບບ. ການນິຍາມນີ້ຮວມທັງປືນທີ່ອອກແບບເພື່ອຍິງກະສຸນປອມເທົ່ານັ້ນ (ປືນຍິງກະສຸນປອມ).
|
ເນື້ອຫານີ້ອາດບໍ່ສ້າງລາຍໄດ້ໂຄສະນາ ຫຼື ອາດສ້າງແບບຈຳກັດ |
ການໃຊ້ປືນນອກສະພາບແວດລ້ອມທີ່ມີການຄວບຄຸມ; ການໃຊ້ປືນອັດລົມ ຫຼື ປືນ BB ຍິງໃສ່ຄົນອື່ນໂດຍບໍ່ມີອຸປະກອນປ້ອງກັນ.
ບາງຕົວຢ່າງຂອງເນື້ອຫາທີ່ຕົກຢູ່ໃນໝວດນີ້ຄືກັນ:
- ການສະແດງພາບການໃຊ້ປືນໃນສະພາບແວດລ້ອມທີ່ບໍ່ໄດ້ມີການກະກຽມ ຫຼື ຄວບຄຸມ (ເຊັ່ນ: ຢູ່ຖະໜົນສາທາລະນະນອກເຮືອນ ຫຼື ບ່ອນໃດກໍຕາມທີ່ເຮັດໃຫ້ຜູ້ຢືນເບິ່ງ ຫຼື ຊັບສິນຂອງຄົນອື່ນຕົກຢູ່ໃນຄວາມສ່ຽງ).
|
ເນື້ອຫານີ້ຈະບໍ່ສາມາດສ້າງລາຍໄດ້ໂຄສະນາ |
ເນື້ອຫາທີ່ສະແດງການຜະລິດ ຫຼື ດັດແປງປືນ (ຮວມທັງການປະກອບ ຫຼື ການຖອດຊິ້ນສ່ວນ), ສົ່ງເສີມຜູ້ຜະລິດ ຫຼື ຮ້ານຂາຍປືນ ຫຼື ສະໜັບສະໜຸນການຂາຍປືນ, ເດັກນ້ອຍໃຊ້ປືນໂດຍບໍ່ມີຜູ້ໃຫຍ່ເບິ່ງແຍງກວດກາ. ເນື້ອຫາທີ່ສະແດງໃຫ້ເຫັນປືນທີ່ມີການດັດແປງດ້ວຍດ້າມຈັບປືນ ຫຼື ໄກປືນເບົາ, ກ້ອງຈັບຄວາມຮ້ອນໃນກາງຄືນ ຫຼື ແສງອິນຟຣາເຣດ ຫຼື ການໃຊ້ລູກປືນຄວາມຮ້ອນ, ວັດຖຸລະເບີດ ຫຼື ລູກປືນເຊື້ອໄຟ. ເນື້ອຫາທີ່ສະແດງແມັກລູກປືນທີ່ມີຄວາມສາມາດບັນຈຸຂະໜາດໃຫຍ່ (30 ລູກຂຶ້ນໄປ) ໄດ້ແນບຕິດກັບ ຫຼື ແຍກອອກຈາກປືນ. ເນື້ອຫາທີ່ສະແດງປືນອັດຕະໂນມັດເຕັມຮູບແບບ ຫຼື ປືນທີ່ດັດແປງໃຫ້ຍິງໄດ້ຫຼາຍກວ່າໜຶ່ງລູກດ້ວຍການໜ່ຽວໄກພຽງເທື່ອດຽວ.
ບາງຕົວຢ່າງຂອງເນື້ອຫາທີ່ຕົກຢູ່ໃນໝວດນີ້ຄືກັນ:
- ຄຳແນະນໍາກ່ຽວກັບວິທີເພີ່ມດ້າມຈັບປືນໃສ່ອາວຸດປືນ.
- ຄຳແນະນຳຈາກຜູ້ຜະລິດ ຫຼື ບໍລິສັດປືນຊັ້ນນຳເພື່ອການຊື້ອາວຸດປືນ (ເຊັ່ນ: “ຮ້ານຂາຍປືນທີ່ດີທີ່ສຸດ 15 ແຫ່ງ”).
- ການແນະນໍາຜູ້ໃຊ້ໃຫ້ໄປຫາເວັບໄຊທີ່ອໍານວຍຄວາມສະດວກໃນການຂາຍປືນໂດຍກົງ.
- ການສົ່ງເສີມການຂາຍອາວຸດປືນ ຫຼື ສ່ວນປະກອບຂອງປືນ, ຮວມທັງແຕ່ບໍ່ຈໍາກັດພຽງ:
- ການຂາຍຊິ້ນສ່ວນ ຫຼື ອົງປະກອບກ່ຽວກັບອາວຸດປືນທີ່ຈໍາເປັນຕໍ່ ຫຼື ເພີ່ມປະສິດທິພາບການເຮັດວຽກຂອງອາວຸດປືນ ເຊິ່ງຮວມມີ:
- ຊິ້ນສ່ວນປືນສໍາເລັດຮູບ 80%
- ລູກປືນ
- ຄລິບໃສ່ລູກປືນ
- ກະບອກເກັບສຽງ
- ສາຍພານລູກປືນ
- ພານທ້າຍ
- ຊຸດແປງ
- ຄໍປືນ
- ກ້ອງສ່ອງ
- ສູນປືນ
- ວິດີໂອທີ່ມີເນື້ອຫາສົ່ງເສີມຮ້ານຂາຍປືນ.
- ວິດີໂອທີ່ສົ່ງເສີມຜູ້ຜະລິດ ຫຼື ລະຫັດສ່ວນຫຼຸດສໍາລັບຮ້ານຂາຍປືນ.
- ວິດີໂອທີ່ປະກອບມີການແນະນໍາ (ຕົວຢ່າງ: ການປະກອບ/ການຖອດຊິ້ນສ່ວນປືນຈໍາລອງ ຫຼື ຂັ້ນຕອນການດັດແປງປືນ), ຄໍາແນະນໍາ ຫຼື ຊອບແວການຜະລິດອາວຸດປືນ ຫຼື ອຸປະກອນສໍາລັບການພິມ 3 ມິຕິຂອງປືນ ຫຼື ຊິ້ນສ່ວນຂອງປືນ.
- ການປະກອບ/ການແຍກສ່ວນອາວຸດປືນເພື່ອຈຸດປະສົງໃນການດັດແປງ.
|
ເພື່ອສຶກສາເພີ່ມເຕີມກ່ຽວກັບຄຳສັບສຳຄັນທີ່ໃຊ້ໃນຂໍ້ແນະນຳເຫຼົ່ານີ້, ກະລຸນາເຂົ້າເບິ່ງ ຕາຕະລາງຄຳນິຍາມ ຂອງພວກເຮົາ.
ບັນຫາຄວາມຂັດແຍ່ງ
‘ບັນຫາຄວາມຂັດແຍ່ງ' ແມ່ນຫົວຂໍ້ທີ່ອາດສະເທືອນໃຈຜູ້ຊົມ, ເຊິ່ງມັກກ່ຽວຂ້ອງກັບໂສກນາຕະກຳທີ່ເກີດກັບມະນຸດ. ນະໂຍບາຍນີ້ມີຜົນນຳໃຊ້ເຖິງແມ່ນວ່າເນື້ອຫາຈະເປັນຄຳເຫັນທີ່ບໍລິສຸດ ຫຼື ມີພາບທີ່ບໍ່ຈະແຈ້ງກໍຕາມ.
ບັນຫາຄວາມຂັດແຍ່ງຮວມມີການລະເມີດຕໍ່ເດັກນ້ອຍ, ການລ່ວງລະເມີດທາງເພດຜູ້ໃຫຍ່, ການລ່ວງລະເມີດທາງເພດ, ການທຳຮ້າຍຕົວເອງ, ການຂ້າຕົວຕາຍ, ພຶດຕິກຳການກິນທີ່ຜິດປົກກະຕິ, ການລ່ວງລະເມີດໃນຄອບຄົວ, ການເຮັດແທ້ງ ແລະ ກາລຸນຍະຄາດ.
ລາຍລະອຽດຂອງນະໂຍບາຍ
ຄຳແນະນຳໂຄສະນາ |
ຕົວເລືອກແບບສອບຖາມ ແລະ ລາຍລະອຽດ |
ເນື້ອຫານີ້ສາມາດສ້າງລາຍໄດ້ໂຄສະນາໄດ້ |
ເນື້ອຫາທີ່ກ່ຽວຂ້ອງກັບການປ້ອງກັນບັນຫາຄວາມຂັດແຍ່ງ. ເນື້ອຫາທີ່ມີການກ່າວເຖິງບັນຫາຄວາມຂັດແຍ່ງໃນໄລຍະສັ້ນໆໃນວິດີໂອໃດໜຶ່ງ ແລະ ບໍ່ສະແດງພາບຮຸນແຮງ ແລະ ບໍ່ມີຄຳອະທິບາຍ. ເນື້ອຫາທີ່ບໍ່ມີພາບຮຸນແຮງ, ບໍ່ມີຄຳອະທິບາຍທີ່ກ່ຽວກັບການລ່ວງລະເມີດໃນຄອບຄົວ, ການທຳຮ້າຍຕົວເອງ, ການລະເມີດທາງເພດຜູ້ໃຫຍ່, ການເອົາລູກອອກ ແລະ ການລ່ວງລະເມີດທາງເພດ.
ຕົວຢ່າງບາງສ່ວນຂອງເນື້ອຫາທີ່ຈັດຢູ່ໃນໝວດໝູ່ນີ້ໄດ້ແກ່:
- ການລາຍງານຂ່າວໂດຍມີບັນຫາຄວາມຂັດແຍ່ງເປັນຫົວຂໍ້ຫຼັກເຊິ່ງບໍ່ມີລັກສະນະຈະແຈ້ງ ແລະ ບໍ່ໄດ້ກ່າວເຖິງລາຍລະອຽດ.
- ເນື້ອຫາກ່ຽວກັບການເຮັດແທ້ງທີ່ບໍ່ຈະແຈ້ງ, ຮວມທັງການບັນຍາຍ ແລະ ການສະແດງຄວາມຄິດເຫັນສ່ວນຕົວ ຫຼື ເນື້ອຫາກ່ຽວກັບຂະບວນການທາງການແພດ.
- ເນື້ອຫາທີ່ກວມເອົາຂໍ້ເທັດຈິງທາງປະຫວັດສາດ ຫຼື ທາງກົດໝາຍກ່ຽວກັບການເຮັດແທ້ງ.
- ການລາຍງານຫົວຂໍ້ຂ່າວທີ່ມີເນື້ອຫາທີ່ບໍ່ໄດ້ມີລັກສະນະຈະແຈ້ງ ແລະ ບໍ່ໄດ້ກ່າວເຖິງລາຍລະອຽດເຊິ່ງກ່ຽວຂ້ອງກັບການຂ້າຕົວຕາຍ/ການທຳຮ້າຍຕົວເອງ, ການລ່ວງລະເມີດທາງເພດຜູ້ໃຫຍ່, ການລ່ວງລະເມີດໃນຄອບຄົວ, ການລ່ວງລະເມີດທາງເພດ ຫຼື ກາລຸນຍະຄາດ.
- ການສະແດງພາບທີ່ສ້າງຂຶ້ນ ຫຼື ເປັນຜົນງານສິນລະປະຂອງບັນຫາຄວາມຂັດແຍ່ງແຕ່ບໍ່ໄດ້ຈະແຈ້ງຫຼາຍ.
- ຮູບເງົາທີ່ສະແດງພາບບຸກຄົນກຳລັງໂດດຈາກຂົວ, ແຕ່ບໍ່ໄດ້ສະແດງພາບສົບຢ່າງຈະແຈ້ງ.
- ການອ້າງອີງໂດຍທົ່ວໄປເຖິງພຶດຕິກຳການກິນທີ່ຜິດປົກກະຕິໂດຍບໍ່ມີສັນຍານທີ່ກະຕຸ້ນ ຫຼື ເຮັດໃຫ້ເກີດການຮຽນແບບພຶດຕິກຳ.
ຊື່ ແລະ ຮູບຕົວຢ່າງ:
- ການອ້າງອີງເຖິງບັນຫາຄວາມຂັດແຍ່ງເຊິ່ງບໍ່ໄດ້ສະແດງພາບຢ່າງຈະແຈ້ງ.
ຄຳນິຍາມ:
- ການອ້າງອີງສັ້ນໆບໍ່ແມ່ນການເນັ້ນໃສ່ເນື້ອຫາ (ບໍ່ແມ່ນຈຸດຕົ້ນຕໍ) ແລະ ຮວມເຖິງການພາດພິງເຖິງຫົວຂໍ້ທີ່ລະບຸວ່າເປັນຂໍ້ຂັດແຍ່ງ ຫຼື ມີຄວາມລະອຽດອ່ອນ. ຕົວຢ່າງ: ການຮັບຮູ້ແບບຄ່າວໆເຖິງຫົວຂໍ້ທີ່ເປັນຂໍ້ຂັດແຍ່ງ ຫຼື ມີຄວາມລະອຽດອ່ອນຈະບໍ່ຖືວ່າເປັນຈຸດຕົ້ນຕໍ, ແຕ່ເປັນການອ້າງອີງສັ້ນໆ.
- ເຊັ່ນ: “ໃນວິດີໂອອາທິດໜ້າ, ພວກເຮົາຈະສົນທະນາກ່ຽວກັບອັດຕາການຂ້າຕົວຕາຍທີ່ຫຼຸດລົງ.”
- ສັນຍານທີ່ກະຕຸ້ນ ຫຼື ເຮັດໃຫ້ເກີດການຮຽນແບບພຶດຕິກຳມີດັ່ງນີ້:
- BMI ຫຼື ນ້ຳໜັກທີ່ຕ່ຳກວ່າເກນຫຼາຍ.
- ການສະແດງຮູບຮ່າງທີ່ມີນ້ຳໜັກຕ່ຳກວ່າເກນ ຫຼື ຈ່ອຍແຫ້ງຫຼາຍ.
- ການຂົ່ມເຫັງ ຫຼື ສ້າງຄວາມອັບອາຍເຊິ່ງກ່ຽວຂ້ອງກັບນ້ຳໜັກ ຫຼື ຮູບຮ່າງ.
- ການອ້າງອີງເຖິງການຢຸດກິນບໍ່ໄດ້, ການເຊື່ອງ ຫຼື ການກັກຕຸນອາຫານ.
- ການອອກກຳລັງກາຍເພື່ອໃຫ້ຮ່າງກາຍເຜົາຜານຫຼາຍກວ່າປະລິມານແຄລໍຣີທີ່ໄດ້ຮັບ.
- ການອາຈຽນ ຫຼື ການໃຊ້ຢາລະບາຍໃນທາງທີ່ຜິດ.
- ການຕິດຕາມຄວາມຄືບໜ້າຂອງການຫຼຸດນ້ຳໜັກ.
- ການອ້າງອີງເຖິງການປິດບັງພຶດຕິກຳໃດກໍຕາມຂ້າງເທິງ.
|
ເນື້ອຫານີ້ອາດບໍ່ສ້າງລາຍໄດ້ໂຄສະນາ ຫຼື ອາດສ້າງແບບຈຳກັດ |
ເນື້ອຫາກ່ຽວກັບບັນຫາຄວາມຂັດແຍ່ງທີ່ບໍ່ລົບກວນສາຍຕາ ແຕ່ອາດຈະມີພາສາທີ່ເປັນຄຳອະທິບາຍ. ເນື້ອຫາດ້ານລະຄອນ, ສິນລະປະ, ການສຶກສາ, ສາລະຄະດີ ຫຼື ເນື້ອຫາທີ່ມີຄວາມຈິງທາງວິທະຍາສາດກ່ຽວກັບບັນຫາຄວາມຂັດແຍ່ງ. ຫົວຂໍ້ຫຼັກທີ່ບໍ່ຮຸນແຮງ, ບໍ່ສື່ຄວາມໝາຍກ່ຽວກັບການລ່ວງລະເມີດເດັກນ້ອຍ. ເນື້ອຫາທີ່ບໍ່ຮຸນແຮງແຕ່ສື່ຄວາມໝາຍທີ່ກ່ຽວຂ້ອງກັບການລ່ວງລະເມີດທາງເພດຜູ້ໃຫຍ່, ການລ່ວງລະເມີດທາງເພດ ຫຼື ການລ່ວງລະເມີດໃນຄອບຄົວ.
ຕົວຢ່າງບາງສ່ວນຂອງເນື້ອຫາທີ່ຍັງຈັດຢູ່ໃນໝວດໝູ່ນີ້ນຳແມ່ນໄດ້ແກ່:
- ເນື້ອຫາທີ່ເວົ້າເຖິງການລະເມີດຕໍ່ເດັກນ້ອຍເປັນຫົວຂໍ້ຫຼັກແຕ່ບໍ່ມີຄຳອະທິບາຍຢ່າງລະອຽດ ຫຼື ການສະແດງພາບຢ່າງຈະແຈ້ງ.
- ການສະແດງພາບທີ່ສ້າງຂຶ້ນ ຫຼື ເປັນຜົນງານສິນລະປະກ່ຽວກັບພຶດຕິກຳການກິນທີ່ຜິດປົກກະຕິໂດຍມີສັນຍານທີ່ກະຕຸ້ນ ຫຼື ເຮັດໃຫ້ເກີດການຮຽນແບບພຶດຕິກຳ.
- ການສະແດງພາບທີ່ສ້າງຂຶ້ນ ຫຼື ພາບເຄື່ອນໄຫວຂອງບັນຫາຄວາມຂັດແຍ່ງແຕ່ບໍ່ໄດ້ຈະແຈ້ງຫຼາຍໂດຍບໍ່ມີບໍລິບົດດ້ານການສຶກສາ ຫຼື ສິນລະປະ.
- ການສະແດງພາບທີ່ສ້າງຂຶ້ນ ຫຼື ເປັນຜົນງານສິນລະປະຂອງບັນຫາຄວາມຂັດແຍ່ງເຊິ່ງຈະແຈ້ງພໍສົມຄວນ.
- ຮູບເງົາທີ່ສະແດງພາບບຸກຄົນກຳລັງກີດຂໍ້ມືຕົນເອງເຊິ່ງສະແດງໃຫ້ເຫັນເລືອດ.
- ເລື່ອງການຟື້ນຕົວຈາກພຶດຕິກຳການກິນທີ່ຜິດປົກກະຕິ ເຊັ່ນ: ເລື່ອງຂອງບຸກຄົນໜຶ່ງໃນການເອົາຊະນະໂຣກບູລິເມຍ.
ຊື່ ແລະ ຮູບຕົວຢ່າງ:
- ການສະແດງພາບບັນຫາຄວາມຂັດແຍ່ງຢ່າງຈະແຈ້ງໃນຮູບຕົວຢ່າງ, ຮວມທັງການສະແດງພາບແທ້, ພາບທີ່ສ້າງຂຶ້ນ ແລະ ພາບທີ່ເປັນຜົນງານສິນລະປະ.
|
ເນື້ອຫານີ້ຈະບໍ່ສາມາດສ້າງລາຍໄດ້ໂຄສະນາ |
ການສະແດງຮູບພາບຮຸນແຮງ ຫຼື ໃນລັກສະນະທີ່ອະທິບາຍຢ່າງລະອຽດຕໍ່ກັບບັນຫາຄວາມຂັດແຍ່ງເປັນຫົວຂໍ້ຫຼັກ. ການອ້າງອີງຢ່າງຈະແຈ້ງເຖິງພຶດຕິກຳການກິນທີ່ຜິດປົກກະຕິພ້ອມກັບການອ້າງອີງ ຫຼື ບໍລິບົດໃດໆຕໍ່ໄປນີ້: BMI ຫຼື ນ້ຳໜັກທີ່ຕ່ຳກວ່າເກນຫຼາຍ, ການສະແດງຮູບຮ່າງທີ່ມີນ້ຳໜັກຕ່ຳກວ່າເກນ ຫຼື ຈ່ອຍແຫ້ງ, ການຂົ່ມເຫັງ ຫຼື ສ້າງຄວາມອັບອາຍເຊິ່ງກ່ຽວຂ້ອງກັບນ້ຳໜັກ ຫຼື ຮູບຮ່າງ, ການອ້າງອີງເຖິງໂຣກການກິນບໍ່ຢຸດ, ການເຊື່ອງ ຫຼື ການກັກຕຸນອາຫານ, ການອອກກຳລັງກາຍເພື່ອໃຫ້ຮ່າງກາຍເຜົາຜານຫຼາຍກວ່າປະລິມານແຄລໍຣີທີ່ໄດ້ຮັບ, ການອາຈຽນ ຫຼື ການໃຊ້ຢາລະບາຍໃນທາງທີ່ຜິດ, ການຕິດຕາມຄວາມຄືບໜ້າຂອງການຫຼຸດນ້ຳໜັກ, ການອ້າງອີງເຖິງການປິດບັງພຶດຕິກຳໃດກໍຕາມຂ້າງເທິງ.
ຕົວຢ່າງບາງສ່ວນຂອງເນື້ອຫາທີ່ຍັງຈັດຢູ່ໃນໝວດໝູ່ນີ້ນຳແມ່ນໄດ້ແກ່:
- ການບັນຍາຍໃນມຸມມອງແບບບຸກຄົນທີໜຶ່ງ ຫຼື ຊີວະປະຫວັດຂອງຜູ້ລອດຊີວິດຢ່າງລະອຽດທີ່ສ້າງຄວາມຕົກໃຈເຊິ່ງເປັນການເວົ້າເຖິງປະສົບການຕໍ່ໄປນີ້ໃນອະດີດ:
- ການລະເມີດຕໍ່ເດັກນ້ອຍ
- ໂຣກມັກຮັກເດັກນ້ອຍ
- ການທຳຮ້າຍຕົວເອງ
- ການຂ້າຕົວຕາຍ
- ການລ່ວງລະເມີດໃນຄອບຄົວ
- ກາລຸນຍະຄາດ
- ການສົ່ງເສີມ ຫຼື ການຍ້ອງຍໍບັນຫາຄວາມຂັດແຍ່ງໃນເນື້ອຫາ, ຊື່ ຫຼື ຮູບຕົວຢ່າງ ເຊັ່ນ: "ວິທີຂ້າຕົວຕາຍຢ່າງມີກຽດ”.
- ການສະແດງພາບການທຳຮ້າຍຕົວເອງຢ່າງຈະແຈ້ງເຊິ່ງເຜີຍໃຫ້ເຫັນບາດແຜ, ເລືອດ ຫຼື ການບາດເຈັບ.
- ສຽງທີ່ຊັດເຈນຂອງບັນຫາຄວາມຂັດແຍ່ງທີ່ເກີດຂຶ້ນ.
- ການອ້າງອີງຢ່າງຈະແຈ້ງເຖິງພຶດຕິກຳການກິນທີ່ຜິດປົກກະຕິໂດຍມີສັນຍານກະຕຸ້ນ ຫຼື ເຮັດໃຫ້ເກີດການຮຽນແບບພຶດຕິກຳ.
- ການສະແດງພາບຂອງບັນຫາຄວາມຂັດແຍ່ງຢ່າງຈະແຈ້ງພໍສົມຄວນໂດຍບໍ່ມີບໍລິບົດດ້ານການສຶກສາ ຫຼື ສິນລະປະ.
- ວິດີໂອທີ່ບໍ່ໄດ້ຕັດຕໍ່ທີ່ມີພາບບຸກຄົນກີດຂໍ້ມືຕົນເອງເຊິ່ງສະແດງໃຫ້ເຫັນເລືອດ.
- ການສະແດງພາບເຄື່ອນໄຫວຂອງບັນຫາຄວາມຂັດແຍ່ງເຊິ່ງນຳສະເໜີໃນລັກສະນະທີ່ສ້າງຄວາມຕື່ນຕົກໃຈ.
- ການສະແດງຕົວລະຄອນທີ່ຂົ່ມເຫັງຜູ້ອື່ນ.
ຄຳນິຍາມ:
ການເນັ້ນໃສ່ ຫຼື ຈຸດຕົ້ນຕໍໝາຍເຖິງສ່ວນໃດສ່ວນໜຶ່ງ ຫຼື ທັງໝົດຂອງວິດີໂອ ຫຼື ການສົນສະນາຢ່າງຕໍ່ເນື່ອງກ່ຽວກັບບັນຫາຄວາມຂັດແຍ່ງໃດໜຶ່ງ. ການພາດພິງເຖິງບັນຫາຄວາມຂັດແຍ່ງບໍ່ຖືວ່າເປັນການເນັ້ນໃສ່ປະເດັນດັ່ງກ່າວ. ຕົວຢ່າງ: ການຮັບຮູ້ແບບຄ່າວໆເຖິງຫົວຂໍ້ທີ່ເປັນຂໍ້ຂັດແຍ່ງ ຫຼື ມີຄວາມລະອຽດອ່ອນ (ເຊັ່ນ: “ໃນວິດີໂອອາທິດໜ້າ, ພວກເຮົາຈະສົນທະນາກ່ຽວກັບອັດຕາການຂ້າຕົວຕາຍທີ່ຫຼຸດລົງ.”) ຈະບໍ່ຖືວ່າເປັນຈຸດຕົ້ນຕໍ, ແຕ່ສ່ວນໜຶ່ງຂອງວິດີໂອທີ່ເວົ້າກ່ຽວກັບຫົວຂໍ້ດັ່ງກ່າວໂດຍສະເພາະແມ່ນຖືວ່າເປັນຈຸດຕົ້ນຕໍ. ການເນັ້ນໃສ່ບໍ່ຈຳເປັນຕ້ອງເວົ້າດ້ວຍວາຈາສະເໝີໄປ. ຫາກມີຮູບ ຫຼື ຂໍ້ຄວາມທີ່ເນັ້ນໃສ່ບັນຫາລະອຽດອ່ອນ ຈະຖືວ່າເປັນໂຟກັສເຊັ່ນກັນ.
|
ເພື່ອສຶກສາເພີ່ມເຕີມກ່ຽວກັບຄຳສັບສຳຄັນທີ່ໃຊ້ໃນຂໍ້ແນະນຳເຫຼົ່ານີ້, ກະລຸນາເຂົ້າເບິ່ງ ຕາຕະລາງຄຳນິຍາມ ຂອງພວກເຮົາ.
ເຫດການທີ່ລະອຽດອ່ອນ
ເຫດການທີ່ລະອຽດອ່ອນແມ່ນເຫດການ ຫຼື ການປ່ຽນແປງທີ່ມີຄວາມສ່ຽງສູງຕໍ່ຄວາມສາມາດຂອງ Google ໃນການຈັດຫາຂໍ້ມູນຄຸນນະພາບສູງທີ່ກ່ຽວຂ້ອງ ແລະ ເຫດການຈິງຈາກພາກພື້ນ ພ້ອມທັງຄວາມສາມາດໃນການຫຼຸດເນື້ອຫາທີ່ບໍ່ຄຳນຶງເຖິງຄວາມຮູ້ສຶກຜູ້ອື່ນ ຫຼື ການສະແຫວງຫາຜົນປະໂຫຍດໃນຄຸນສົມບັດທີ່ໂດດເດັ່ນ ແລະ ຄຸນສົມບັດການສ້າງລາຍໄດ້. ໃນຊ່ວງເຫດການທີ່ລະອຽດອ່ອນ, ພວກເຮົາອາດດຳເນີນການຫຼາຍຢ່າງເພື່ອຈັດການກັບຄວາມສ່ຽງເຫຼົ່ານີ້.
ຕົວຢ່າງຂອງເຫດການທີ່ລະອຽດອ່ອນຮວມມີພາວະສຸກເສີນຂອງພົນລະເຮືອນ, ໄພພິບັດທາງທຳມະຊາດ, ພາວະສຸກເສີນທາງສາທາລະນະສຸກ, ການກໍ່ການຮ້າຍ ແລະ ເຫດການທີ່ກ່ຽວຂ້ອງ, ຄວາມຂັດແຍ່ງ ຫຼື ການກໍ່ເຫດຮຸນແຮງທີ່ສົ່ງຜົນກະທົບເປັນວົງກວ້າງ. ນະໂຍບາຍນີ້ມີຜົນບັງຄັບໃຊ້ເຖິງແມ່ນວ່າເນື້ອຫາຈະບໍ່ມີຮູບທີ່ຈະແຈ້ງຢູ່ກໍຕາມ.
ລາຍລະອຽດຂອງນະໂຍບາຍ
ຄຳແນະນຳໂຄສະນາ |
ຕົວເລືອກແບບສອບຖາມ ແລະ ລາຍລະອຽດ |
ເນື້ອຫານີ້ສາມາດສ້າງລາຍໄດ້ໂຄສະນາໄດ້ |
ການສົນທະນາກ່ຽວກັບການເສຍຊີວິດ ຫຼື ເຫດການເສົ້າສະຫຼົດທີ່ບໍ່ໄດ້ສະແຫວງຫາຜົນປະໂຫຍດ ຫຼື ປິດບັງເຫດການ.
ໃນບາງກໍລະນີ, ພວກເຮົາອາດປ້ອງກັນບໍ່ໃຫ້ສ້າງລາຍໄດ້ຈາກເນື້ອຫາໃດກໍຕາມທີ່ກ່ຽວຂ້ອງກັບເຫດການທີ່ລະອຽດອ່ອນເພື່ອຫຼີກເວັ້ນການລະເມີດ ຫຼື ການສະແຫວງຫາຜົນປະໂຫຍດຈາກເຫຍື່ອ. ບໍລິບົດມີຄວາມສຳຄັນ: ເຊັ່ນ: ພວກເຮົາອາດອະນຸຍາດໃຫ້ເນື້ອຫາສ້າງລາຍໄດ້ໂຄສະນາຫາກມີການລາຍງານຂ່າວທີ່ເຊື່ອຖືໄດ້, ເນື້ອຫາສາລະຄະດີ ຫຼື ການສົນທະນາກ່ຽວກັບເຫດການທີ່ລະອຽດອ່ອນ.
|
ເນື້ອຫານີ້ຈະບໍ່ສາມາດສ້າງລາຍໄດ້ໂຄສະນາ |
ຜູ້ສ້າງອາດບໍ່ສາມາດສ້າງລາຍໄດ້ຈາກເນື້ອຫາທີ່ໄດ້ກຳໄລຈາກ ຫຼື ສະແຫວງຫາຜົນປະໂຫຍດຈາກເຫດການທີ່ລະອຽດອ່ອນ.
ຕົວຢ່າງ (ບໍ່ຄົບຖ້ວນ):
- ການຫາກຳໄລຈາກເຫດການທີ່ໂສກເສົ້າໂດຍບໍ່ມີສິດທິປະໂຫຍດຕໍ່ຜູ້ໃຊ້, ການຂາຍຜະລິດຕະພັນ ຫຼື ບໍລິການທີ່ອາດບໍ່ເປັນໄປຕາມມາດຕະຖານ ແລະ/ຫຼື ຄຳແນະນຳຂອງໜ່ວຍງານຄວບຄຸມເບິ່ງແຍງທີ່ກ່ຽວຂ້ອງ (ຕົວຢ່າງ: ອົງກອນບັນເທົາທຸກຈາກເຫດການສຸກເສີນ, ເຈົ້າໜ້າທີ່ສາທາລະນະສຸກ ຫຼື ອົງກອນລະຫວ່າງປະເທດ).
- ການໃຊ້ຄີເວີດທີ່ກ່ຽວຂ້ອງກັບເຫດການທີ່ລະອຽດອ່ອນເພື່ອກະຕຸ້ນການເຂົ້າເບິ່ງເພີ່ມເຕີມ.
|
ເພື່ອສຶກສາເພີ່ມເຕີມກ່ຽວກັບຄຳສັບສຳຄັນທີ່ໃຊ້ໃນຂໍ້ແນະນຳເຫຼົ່ານີ້, ກະລຸນາເຂົ້າເບິ່ງ ຕາຕະລາງຄຳນິຍາມ ຂອງພວກເຮົາ.
ເຮັດໃຫ້ເກີດມີພຶດຕິກຳທີ່ບໍ່ຊື່ສັດ
ເນື້ອຫາທີ່ຍ້ອງຍໍ ຫຼື ສົ່ງເສີມພຶດຕິກຳທີ່ບໍ່ຊື່ສັດ ເຊັ່ນ: ການລ່ວງລະເມີດ, ການໂກງ ຫຼື ການແຮັກເອົາຂໍ້ມູນທາງຄອມພິວເຕີທີ່ເປັນສ່ວນຕົວ ຫຼື ໄດ້ຮັບຄ່າຕອບແທນ.
ລາຍລະອຽດຂອງນະໂຍບາຍ
ຄຳແນະນຳໂຄສະນາ |
ຕົວເລືອກແບບສອບຖາມ ແລະ ລາຍລະອຽດ |
ເນື້ອຫານີ້ສາມາດສ້າງລາຍໄດ້ໂຄສະນາໄດ້ |
ການອ້າງອີງທາງການສຶກສາ, ທີ່ຕະຫຼົກ ຫຼື ທີ່ກ່ຽວຂ້ອງກັບເພງ ຫຼື ຄຳຖະແຫຼງກ່ຽວກັບພຶດຕິກຳທີ່ບໍ່ຊື່ສັດ. ເນື້ອຫາທີ່ບໍ່ສົ່ງເສີມພຶດຕິກຳທີ່ບໍ່ຊື່ສັດ ເຊັ່ນ: ລາຍງານຂ່າວກ່ຽວກັບການກະທຳຜິດຕໍ່ຫຼັກປະພຶດປະຕິບັດ.
ຕົວຢ່າງບາງສ່ວນຂອງເນື້ອຫາທີ່ຕົກຢູ່ໃນໝວດໝູ່ນີ້:
ການລ່ວງລະເມີດ
- ການສຳຫຼວດຕຶກອາຄານທີ່ຖືກປະຖິ້ມໄວ້ ຫຼື ສະຖານທີ່ທີ່ຖືກຮື້ຖອນເພື່ອແບ່ງປັນ ຫຼື ໃຫ້ຄວາມຮູ້ແກ່ຜູ້ຊົມກ່ຽວກັບຄຳອະທິບາຍການໄດ້ຮັບອະນຸຍາດ.
- ການທັດສະນະຂອງເຂດທີ່ມີການຈຳກັດຢູ່ສະຖານທີ່ Chernobyl ພ້ອມໂດຍໃບອະນຸຍາດ ແລະ ການອະນຸຍາດທີ່ຈຳເປັນ.
- ລາຍງານຂ່າວກ່ຽວກັບ:
- ເນື້ອຫາທີ່ລະເມີດຫຼັກປະພຶດປະຕິບັດຂອງຮ້ານຄ້າຍ່ອຍ ຫຼື ອາຄານພານິດ (ເຊັ່ນ: ການເຂົ້າພັກຄ້າງຄືນຢູ່ຮ້ານຄ້າຫຼັງຈາກໂມງເລີກວຽກ).
- ການແອບອ້າງເປັນພະນັກງານຂອງຮ້ານຄ້າຍ່ອຍໃນຮ້ານຄ້າໂດຍບໍ່ໄດ້ຮັບຄວາມຍິນຍອມຈາກເຈົ້າຂອງ (ເຊັ່ນ: ການສວມໃສ່ເຄື່ອງແບບຂອງຮ້ານ ແລະ ການໃຫ້ຄຳແນະນຳກ່ຽວກັບສິນຄ້າແກ່ລູກຄ້າ).
ການແຮັກ
- ການທົດສອບການເຈາະ (ບໍລິການທີ່ພວກແຮັກເກີທີ່ມີຈັນຍາບັນຂາຍໃຫ້ບໍລິສັດຕ່າງໆເພື່ອທົດສອບຫາຈຸດອ່ອນທາງດ້ານຄວາມປອດໄພກາຍະພາບ ແລະ ຂໍ້ມູນ).
- ຂໍ້ສະເໜີກ່ຽວກັບຂໍ້ຜິດພາດ (ຮາງວັນທີ່ສະເໜີໃຫ້ຊອກຫາຂໍ້ຜິດພາດທາງຄອມພິວເຕີໃນລະບົບ ຫຼື ໂປຣແກຣມຕ່າງໆ).
- ການແຮັກທາງດິຈິຕອນ, ແຮັກທາງຊີວິດຈິງ, ຄຳແນະນຳ ແລະ ເຄັດລັບ (ເຊັ່ນ: ການລັກໂທລະສັບ, ສໍ້ໂກງເກມ, ຕົວດັດແປງເກມ, ການບໍລິການ VPN).
- ລາຍງານດ້ານການສຶກສາ, ສາລະຄະດີ ຫຼື ລາຍງານຂ່າວກ່ຽວກັບການໃຊ້ ຫຼື ການສົ່ງເສີມໃຫ້ໃຊ້ຊອບແວແຮັກຂໍ້ມູນໃນ e-sports ທີ່ແຂ່ງຂັນກັນ.
ອາດຊະຍາກຳ
- ສາລະຄະດີກ່ຽວກັບອາຊະຍາກຳ.
- ບັນຊີສ່ວນຕົວໂດຍບຸກຄົນທີ່ໄດ້ຮັບຜົນກະທົບຈາກອາຊະຍາກຳ.
|
ເນື້ອຫານີ້ຈະບໍ່ສາມາດສ້າງລາຍໄດ້ໂຄສະນາ |
ເນື້ອຫາທີ່ມີຈຸດປະສົງໃຫ້ຄວາມຮູ້ຜູ້ຊົມກ່ຽວກັບວິທີເຂົ້າເຖິງ ຫຼື ປ່ຽນແປງລະບົບ, ອຸປະກອນ ຫຼື ຊັບສິນໂດຍບໍ່ໄດ້ຮັບອະນຸຍາດໃນລັກສະນະທີ່ປະສົງຮ້າຍ. ການສະແດງການກະທຳທີ່ຂັດຕໍ່ຫຼັກປະພຶດປະຕິບັດຂອງຊັບສິນ. ການສະແດງຜະລິດຕະພັນ ຫຼື ບໍລິການທີ່ຊ່ວຍເຮັດໃຫ້ມີການເຂົ້າໃຈຜິດ ຫຼື ການໂກງ ເຊັ່ນ: ການບໍລິການຂຽນບົດຄວາມທາງວິຊາການ ຫຼື ວິທີການແຮັກເພື່ອເອົາຊະນະການແຂ່ງຂັນ e-sports
ຕົວຢ່າງບາງສ່ວນຂອງເນື້ອຫາທີ່ຕົກຢູ່ໃນໝວດໝູ່ນີ້:
ການລ່ວງລະເມີດ
- ການສົ່ງເສີມ ຫຼື ການຍ້ອງຍໍການບຸກລຸກ, ເຊັ່ນ: ການສະແດງຜາດໂຜນໃນຕອນກາງຄືນໃນອາຄານທີ່ມີການຮັກສາຄວາມປອດໄພ.
- ການລະເມີດຫຼັກປະພຶດປະຕິບັດຂອງຮ້ານຄ້າຍ່ອຍ ຫຼື ອາຄານພານິດ.
- ການແອບອ້າງເປັນພະນັກງານໃນຮ້ານຄ້າຍ່ອຍໂດຍບໍ່ໄດ້ຮັບຄວາມຍິນຍອມຈາກເຈົ້າຂອງສະຖານທີ່.
- ການສະແດງການບຸກລຸກເຮືອນໂດຍບໍ່ມີບໍລິບົດເພີ່ມເຕີມ, ເຊັ່ນ: ວິດີໂອພາບຈາກກ້ອງວົງຈອນປິດຂອງການບຸກລຸກເຮືອນ.
ການແຮັກ
- ການຊຸກຍູ້ ຫຼື ເຮັດໃຫ້ຜູ້ຊົມສາມາດນຳໃຊ້ໃນການຕິດຕາມແບບດິຈິຕອນ ຫຼື ຕິດຕາມຄົນອື່ນ ຫຼື ນຳໃຊ້ໃນກິດຈະກຳຕ່າງໆຂອງເຂົາເຈົ້າໂດຍທີ່ບໍ່ໄດ້ຮັບການຍິນຍອມຈາກເຂົາເຈົ້າ.
- ເຄັດລັບໃນການດັກຟັງໂທລະສັບຂອງບຸກຄົນໂດຍບໍ່ໄດ້ຮັບຄວາມຍິນຍອມຈາກເຂົາເຈົ້າ.
- ການໃຊ້ ຫຼື ສະໜັບສະໜູນໃຫ້ໃຊ້ຊອບແວການແຮັກໃນການແຂ່ງຂັນ e-sports
ຜະລິດຕະພັນ ຫຼື ບໍລິການທີ່ຂາດຈັນຍາບັນ
- ການບໍລິການຂຽນບົດທາງວິຊາການ.
- ການຫຼີກເວັ້ນການກວດສອບຢາເສບຕິດ.
- ການປອມແປງ ຫຼື ສ້າງໜັງສືຜ່ານແດນປອມ ຫຼື ເອກະສານປະຈຳຕົວອື່ນໆ.
|
ເພື່ອສຶກສາເພີ່ມເຕີມກ່ຽວກັບຄຳສັບສຳຄັນທີ່ໃຊ້ໃນຂໍ້ແນະນຳເຫຼົ່ານີ້, ກະລຸນາເຂົ້າເບິ່ງ ຕາຕະລາງຄຳນິຍາມ ຂອງພວກເຮົາ.
ເນື້ອຫາທີ່ບໍ່ເໝາະສົມສໍາລັບເດັກນ້ອຍ ແລະ ຄອບຄົວ
ເນື້ອຫາທີ່ “ສ້າງມາສໍາລັບເດັກນ້ອຍ” ຕ້ອງເໝາະສໍາລັບຜູ້ຊົມທີ່ເປັນຄອບຄົວເທົ່ານັ້ນຈຶ່ງຈະສ້າງລາຍໄດ້ຢູ່ YouTube ໄດ້. ເຊິ່ງນີ້ໝາຍຄວາມວ່າເນື້ອຫາດັ່ງກ່າວຕ້ອງປະຕິບັດຕາມ ຫຼັກການດ້ານຄຸນນະພາບສໍາລັບເນື້ອຫາເດັກນ້ອຍ ແລະ ຄອບຄົວ ຂອງ YouTube ແລະ ນະໂຍບາຍໂຄງການຂອງພວກເຮົາ.
ລາຍລະອຽດຂອງນະໂຍບາຍ
ເນື້ອຫາທີ່ສົ່ງເສີມການປະພຶດທາງລົບ
ການສົ່ງເສີມພຶດຕິກໍາໃນທາງລົບທີ່ອາດຈະມີຜົນກະທົບທາງລົບຕໍ່ເດັກນ້ອຍ.
ຄຳແນະນຳໂຄສະນາ |
ຕົວເລືອກແບບສອບຖາມ ແລະ ລາຍລະອຽດ |
ເນື້ອຫານີ້ສາມາດສ້າງລາຍໄດ້ໂຄສະນາໄດ້
|
ເນື້ອຫາທີ່ສົ່ງເສີມການປະພຶດໃນທາງບວກ ແລະ ບໍ່ເປັນອັນຕະລາຍຕໍ່ເດັກນ້ອຍ.
ຕົວຢ່າງບາງສ່ວນຂອງເນື້ອຫາທີ່ຕົກຢູ່ໃນໝວດໝູ່ນີ້:
- ເນື້ອຫາການສຶກສາກ່ຽວກັບພຶດຕິກໍາທາງລົບ
- ການປະກາດບໍລິການສາທາລະນະ (PSAs) ຫຼື ວິດີໂອກ່ຽວກັບຜົນກະທົບທາງລົບຂອງການຂົ່ມເຫງ ຫຼື ເຮັດໃຫ້ເດັກນ້ອຍອັບອາຍ
- ການສະແດງພຶດຕິກຳການກິນອາຫານທີ່ດີຕໍ່ສຸຂະພາບ
- ວິດີໂອກ່ຽວກັບກິລາ ແລະ ການອອກກຳລັງກາຍ
- DIY, ການທ້າທາຍ ຫຼື ການຢອກກັນທີ່ມີຄວາມສ່ຽງຕໍ່າ ແລະ ບໍ່ເປັນອັນຕະລາຍທີ່ຮ້າຍແຮງຕໍ່ຮ່າງກາຍ ຫຼື ອາລົມຂອງເດັກນ້ອຍ, ເຊັ່ນ:
- DIY, ເດໂມ ຫຼື ວິທີການ, ເຊັ່ນ: ການອົບ ຫຼື ປຸງແຕ່ງອາຫານດ້ວຍເຄື່ອງໃຊ້ໃນວິທີການທີ່ປອດໄພ ແລະ ເໝາະສົມ
- ການຢອກກັນທີ່ເດັກນ້ອຍບໍ່ໄດ້ຮັບບາດເຈັບ ຫຼື ຖືກທຳຮ້າຍຮ່າງກາຍ
|
ເນື້ອຫານີ້ຈະບໍ່ສາມາດສ້າງລາຍໄດ້ໂຄສະນາ |
ເນື້ອຫາທີ່ອາດສົ່ງຜົນກະທົບຕໍ່ເດັກນ້ອຍໂດຍການສົ່ງເສີມການປະພຶດທາງລົບ ເຊັ່ນ: ການສໍ້ໂກງ ແລະ ການຂົ່ມເຫັງ ຫຼື ເນື້ອຫາທີ່ອາດພາໃຫ້ມີຄວາມອັນຕະລາຍທາງຮ່າງກາຍ ຫຼື ອາລົມຮຸນແຮງແກ່ເດັກນ້ອຍ.
ຕົວຢ່າງບາງສ່ວນຂອງເນື້ອຫາທີ່ຕົກຢູ່ໃນໝວດໝູ່ນີ້:
- ເນື້ອຫາທີ່ສະໜັບສະໜຸນ ຫຼື ສົ່ງເສີມພຶດຕິກຳທາງລົບຂອງເດັກນ້ອຍ ຫຼື ເນື້ອຫາກ່ຽວກັບບັນຫາທາງສັງຄົມທີ່ສົ່ງຜົນກະທົບທາງລົບຕໍ່ເດັກນ້ອຍ.
- ພຶດຕິກຳທີ່ບໍ່ຊື່ສັດ, ເຊັ່ນ: ການໂກງການສອບເສັງ
- ການສະແດງປືນແທ້ ຫຼື ປືນຈິງໃນເນື້ອຫາເດັກນ້ອຍ
- ກິນອາຫານທີ່ມີນໍ້າຕານສູງ ຫຼື ໄຂມັນສູງ
- ການຂົ່ມເຫງ, ການຄຸກຄາມ ຫຼື ການເຮັດໃຫ້ເດັກນ້ອຍອັບອາຍ
- ເນື້ອຫາກ່ຽວກັບວິທີການປ່ຽນຮ່າງກາຍໃຫ້ເບິ່ງຈ່ອຍລົງ, ມີສ່ວນໂຄ້ງຂຶ້ນ ຫຼື ມີກ້າມເນື້ອຂຶ້ນ, ຈໍາກັດ ຫຼື ເພີ່ມແຄລໍລີ່ ແລະ ອື່ນໆ.
- DIY ຫຼື ຄວາມທ້າທາຍທີ່ພັນລະນາ ຫຼື ສົ່ງຜົນເສຍຫາຍທີ່ຮ້າຍແຮງຕໍ່ຮ່າງກາຍ ຫຼື ຈິດໃຈ, ເຊັ່ນ:
- ການນໍາໃຊ້ສານເຄມີທີ່ເກືອດຫ້າມ, ວັດຖຸລະເບີດ, ໄມ້ຂີດໄຟສໍາລັບເນື້ອຫາ DIY ກ່ຽວກັບພູເຂົາໄຟ ແລະ ອື່ນໆ.
- ການທ້າທາຍໃນການບັນຈຸອາຫານທີ່ອາດຈະເຮັດໃຫ້ເກີດການຂາດອາກາດຫາຍໃຈ
- ການສົ່ງເສີມການກິນອາຫານທີ່ບໍ່ສາມາດກິນໄດ້
|
ເນື້ອຫາສຳລັບຜູ້ໃຫຍ່ທີ່ມີເປົ້າໝາຍໄປໃສ່ເດັກນ້ອຍ
ເນື້ອຫາສ່ວນໃຫຍ່ກ່ຽວຂ້ອງກັບຜູ້ຊົມທີ່ເປັນໄວຮຸ່ນ ຫຼື ຜູ້ໃຫຍ່ ເຊັ່ນ: ໂປ້ເປືອຍ, ເພດ, ຄວາມຮຸນແຮງສົມຈິງ, ຢາເສບຕິດ, ເຫຼົ້າ ຫຼື ຄວາມຫຍາບຄາຍໃນວິດີໂອ, ຮູບຕົວຢ່າງ ຫຼື ຊື່.
ໝວດໝູ່ |
ມີໂຄສະນາແບບຈຳກັດ ຫຼື ບໍ່ມີເລີຍ ![](//lh3.googleusercontent.com/7jc4hmVu9K3zo8iN50sppQ_geNMnTaICt95GfiwnVJ3XtJr2QJY8eSgEgzAjyIfZDqM=w18) |
ເນື້ອຫາທີ່ສ້າງຂຶ້ນເພື່ອໃຫ້ເໝາະສົມກັບເດັກນ້ອຍ ແລະ ຄອບຄົວ, ແຕ່ມີປະເດັນສຳລັບຜູ້ໃຫຍ່. |
- ເລື່ອງເພດ ແລະ ການສຽດສີທາງເພດ
- ຄວາມຮຸນແຮງ, ອາວຸດຈິງ
- ຖ້ອຍຄໍາຫຍາບຄາຍປານກາງ, ຮຸນແຮງ ຫຼື ຮຸນແຮງທີ່ສຸດ
- ຢາເສບຕິດ ແລະ ເຫຼົ້າ
- ການພັນລະນາອື່ນໆຂອງເດັກນ້ອຍ ຫຼື ຕົວລະຄອນຍອດນິຍົມຂອງເດັກນ້ອຍທີ່ບໍ່ເໝາະສົມສຳລັບເດັກນ້ອຍ ແລະ ຄອບຄົວ
|
ເນື້ອຫາທີ່ເຮັດໃຫ້ຕື່ນຕົກໃຈເຊິ່ງມີເປົ້າໝາຍໄປໃສ່ເດັກນ້ອຍ
ເນື້ອຫາທີ່ປອດໄພສຳລັບຜູ້ໃຫຍ່ແຕ່ອາດເຮັດໃຫ້ເດັກນ້ອຍຕົກໃຈ ຫຼື ຢ້ານ ເຊັ່ນ: ຕົວລະຄອນຜູ້ໃຫຍ່ທີ່ເປັນຕາຢ້ານ ຫຼື ເນື້ອຫາທີ່ເຮັດໃຫ້ຕື່ນຕົກໃຈ ເຊັ່ນ: ການລັກພາຕົວ, ໜັງສະຫຍອງຂວັນ ແລະ ອື່ນໆ.
ໝວດໝູ່ |
ມີໂຄສະນາແບບຈຳກັດ ຫຼື ບໍ່ມີເລີຍ ![](//lh3.googleusercontent.com/7jc4hmVu9K3zo8iN50sppQ_geNMnTaICt95GfiwnVJ3XtJr2QJY8eSgEgzAjyIfZDqM=w18) |
ເນື້ອຫາທີ່ສ້າງຂຶ້ນເພື່ອໃຫ້ເໝາະສົມກັບເດັກນ້ອຍ ແລະ ຄອບຄົວ, ແຕ່ມີເນື້ອຫາທີ່ເຮັດໃຫ້ເດັກນ້ອຍຢ້ານ ຫຼື ຕົກໃຈ. |
- ຕົວລະຄອນທີ່ມີຈຸດປະສົງເພື່ອເຮັດໃຫ້ເດັກນ້ອຍຢ້ານ, ເຊັ່ນ: Momo ຫຼື ຕົວລະຄອນສະຫຍອງຂວັນຂອງຜູ້ໃຫຍ່
- ເນື້ອຫາທີ່ພັນລະນາເຖິງການນອງເລືອດ ຫຼື ເນື້ອຫາຮຸນແຮງທີ່ຈະແຈ້ງອື່ນໆ
- ເນື້ອຫາທີ່ບໍ່ຈະແຈ້ງເຊິ່ງສາມາດເຮັດໃຫ້ເດັກນ້ອຍຢ້ານ, ເຊັ່ນ: ການລັກພາຕົວ, ສາກສະຫຍອງຂວັນ, ເຂັມສັກຢາທີ່ໃຊ້ເປັນອາວຸດ ແລະ ອື່ນໆ.
|
ເພື່ອສຶກສາເພີ່ມເຕີມກ່ຽວກັບຄຳສັບສຳຄັນທີ່ໃຊ້ໃນຂໍ້ແນະນຳເຫຼົ່ານີ້, ກະລຸນາເຂົ້າເບິ່ງ ຕາຕະລາງຄຳນິຍາມ ຂອງພວກເຮົາ.
ເນື້ອຫາທີ່ກ່ຽວຂ້ອງກັບຢາສູບ
ເນື້ອຫາທີ່ສົ່ງເສີມຢາສູບ ແລະ ຜະລິດຕະພັນທີ່ກ່ຽວຂ້ອງກັບຢາສູບແມ່ນບໍ່ເໝາະສົມສຳລັບການໂຄສະນາ. ນະໂຍບາຍນີ້ຕົກຢູ່ພາຍໃຕ້ການກະທຳທີ່ເປັນໄພ ຫຼື ອັນຕະລາຍເຊິ່ງຢູ່ໃນແບບສອບຖາມການຮັບຮອງດ້ວຍຕົນເອງໃນ YouTube Studio, ສະນັ້ນເພື່ອຄວາມແນ່ໃຈ ກະລຸນາກວດເບິ່ງຄໍາແນະນຳໃນຫົວຂໍ້ດັ່ງກ່າວຢ່າງລະອຽດນຳ.
ຕົວຢ່າງ: (ບໍ່ຄົບຖ້ວນ)
ໝວດໝູ່ |
ມີໂຄສະນາແບບຈຳກັດ ຫຼື ບໍ່ມີເລີຍ ![](//lh3.googleusercontent.com/7jc4hmVu9K3zo8iN50sppQ_geNMnTaICt95GfiwnVJ3XtJr2QJY8eSgEgzAjyIfZDqM=w18) |
ການສົ່ງເສີມຢາສູບ |
- ຢາສູບ, ຊິກາ, ຢາສູບແບບຫຍ້ຳ
|
ການສົ່ງເສີມຜະລິດຕະພັນທີ່ກ່ຽວຂ້ອງກັບຢາສູບ |
- ຢາສູບກະບອກ, ຢາສູບແບບແຜ່ນມ້ວນ, ຢາສູບປາກກາ
|
ການສົ່ງເສີມຜະລິດຕະພັນທີ່ອອກແບບມາເພື່ອຈຳລອງການສູບຢາ |
- ຢາສູບສະໝຸນໄພ, ຢາສູບອີເລັກໂທຣນິກ, ຢາສູບໄຟຟ້າ
|
ເພື່ອສຶກສາເພີ່ມເຕີມກ່ຽວກັບຄຳສັບສຳຄັນທີ່ໃຊ້ໃນຂໍ້ແນະນຳເຫຼົ່ານີ້, ກະລຸນາເຂົ້າເບິ່ງ ຕາຕະລາງຄຳນິຍາມ ຂອງພວກເຮົາ.
ການກໍ່ຄວາມບໍ່ສະຫງົບ ແລະ ເຮັດໃຫ້ເສຍກຽດ
ເນື້ອຫາທີ່ກ່ຽວກັບການກໍ່ຄວາມບໍ່ສະຫງົບ, ການເຮັດໃຫ້ໃຈຮ້າຍ ຫຼື ການເຮັດໃຫ້ເສຍກຽດທີ່ບໍ່ເປັນປະໂຫຍດແມ່ນບໍ່ເໝາະສົມສຳລັບການໂຄສະນາ. ນະໂຍບາຍນີ້ຕົກຢູ່ພາຍໃຕ້ເນື້ອຫາສະແດງຄວາມກຽດຊັງ ແລະ ສ້າງຄວາມເສື່ອມເສຍເຊິ່ງຢູ່ໃນແບບສອບຖາມການຮັບຮອງດ້ວຍຕົນເອງໃນ YouTube Studio, ສະນັ້ນເພື່ອຄວາມແນ່ໃຈ ກະລຸນາກວດເບິ່ງຄໍາແນະນຳໃນຫົວຂໍ້ດັ່ງກ່າວຢ່າງລະອຽດນຳ.
ຕົວຢ່າງ: (ບໍ່ຄົບຖ້ວນ)
ໝວດໝູ່ |
ມີໂຄສະນາແບບຈຳກັດ ຫຼື ບໍ່ມີເລີຍ ![](//lh3.googleusercontent.com/7jc4hmVu9K3zo8iN50sppQ_geNMnTaICt95GfiwnVJ3XtJr2QJY8eSgEgzAjyIfZDqM=w18) |
ເນື້ອຫາທີ່ເປັນການກໍ່ຄວາມບໍ່ສະຫງົບ ແລະ ເຮັດໃຫ້ເສຍກຽດ |
- ເນື້ອຫາທີ່ເນັ້ນໃສ່ການເຮັດໃຫ້ອັບອາຍ ຫຼື ດູຖູກບຸກຄົນ ຫຼື ກຸ່ມຄົນໃດໜຶ່ງ.
|
ເນື້ອຫາທີ່ລ່ວງລະເມີດ, ຂົ່ມຂູ່ ຫຼື ຂົ່ມເຫງບຸກຄົນ ຫຼື ກຸ່ມບຸກຄົນ |
- ເນື້ອຫາທີ່ແຍກບຸກຄົນໃດໜຶ່ງອອກມາສະເພາະເພື່ອລ່ວງລະເມີດ ຫຼື ຂົ່ມຂູ່
- ເນື້ອຫາທີ່ສະແດງໃຫ້ເຫັນເຫດການທີ່ໂສກເສົ້າທີ່ບໍ່ໄດ້ເກີດຂຶ້ນ ຫຼື ຜູ້ຖືກເຄາະຮ້າຍ ຫຼື ຄອບຄົວຂອງພວກເຂົານັ້ນເປັນຜູ້ກະທຳ ຫຼື ສົມຮູ້ຮ່ວມຄິດປິດບັງເຫດການ
- ການໂຈມຕີສ່ວນບຸກຄົນທີ່ເປັນອັນຕະລາຍ, ໃສ່ຮ້າຍປ້າຍສີ ແລະ ການທໍາລາຍຊື່ສຽງ
|
ເພື່ອສຶກສາເພີ່ມເຕີມກ່ຽວກັບຄຳສັບສຳຄັນທີ່ໃຊ້ໃນຂໍ້ແນະນຳເຫຼົ່ານີ້, ກະລຸນາເຂົ້າເບິ່ງ ຕາຕະລາງຄຳນິຍາມ ຂອງພວກເຮົາ.
ຄຳນິຍາມ
ພວກເຮົາໄດ້ກຳນົດຕາຕະລາງຂອງຄຳນິຍາມຕ່າງໆເພື່ອຊ່ວຍໃຫ້ທ່ານເຂົ້າໃຈຂໍ້ກຳນົດຫຼາຍຂຶ້ນເຊິ່ງໂດຍທົ່ວໄປແລ້ວໄດ້ຖືກນຳໃຊ້ໃນຂໍ້ແນະນໍາກ່ຽວກັບເນື້ອຫາທີ່ເປັນມິດຕໍ່ຜູ້ໂຄສະນາຂອງພວກເຮົາ.
ຄຳນິຍາມ
ຂໍ້ກຳນົດ |
ຄຳນິຍາມ |
ເພງ |
ນີ້ໝາຍເຖິງວິດີໂອໃດກໍຕາມທີ່ມີເພງ, ເຊັ່ນ: ວິດີໂອເພງຢ່າງເປັນທາງການ, ຮູບໜ້າປົກ, ແບັກກິງແທຣັກ, ດົນຕີເປີດຕົວ/ປິດຕົວ, ຣີແອັກຊັນຕໍ່ວິດີໂອເພງ, ການຫຼິ້ນເພງໃນລະຫວ່າງການສອນເຕັ້ນ, ການເພີ່ມ ຫຼື ໄດ້ເພງຜ່ານເຄື່ອງມືຂອງ YouTube ຫຼື ເພງທີ່ຫຼິ້ນໃນພື້ນຫຼັງ. ນີ້ບໍ່ມີຜົນກັບບົດກະວີ ແລະ ການສະແດງທີ່ມີຄຳເວົ້າ. |
ການສຶກສາ |
“ການສຶກສາ” ໝາຍເຖິງການໃຫ້ຂໍ້ມູນ ຫຼື ການສິດສອນກ່ຽວກັບຫົວຂໍ້ໃດໜຶ່ງໂດຍບໍ່ຕັ້ງໃຈເຮັດໃຫ້ຜູ້ຊົມຮັບເອົາຂໍ້ມູນບໍ່ຖືກຕ້ອງ. ເນື້ອຫາການສຶກສາທີ່ສະແດງເຖິງຄວາມຄິດເຫັນໃນທາງທີ່ເປັນກາງ ເຊັ່ນ: ການສົນທະນາກ່ຽວກັບການປະຕິບັດທາງເພດທີ່ປອດໄພ. ຂໍ້ກຳນົດຕໍ່ໄປນີ້ແມ່ນໄດ້ກ່ຽວຂ້ອງກັບບໍລິບົດ:
- “ສາລະຄະດີ” ໝາຍເຖິງການລະນຶກ ແລະ ອະນຸລັກເຫດການທາງປະຫວັດສາດໂດຍການອ້າງອີງເຖິງເອກະສານຕົ້ນສະບັບ ຫຼື ການພັນລະນາຄວາມເປັນຈິງ ເຊັ່ນ: ໃນປະຫວັດສາດຂອງອີຢິບບູຮານ.
- “ວິທະຍາສາດ” ໝາຍເຖິງຄວາມກ້າວໜ້າໃນການສອບຖາມຜ່ານການທົດລອງວິທະຍາສາດ ແລະ ທິດສະດີ ເຊັ່ນ: ໃນເວລາທີ່ນຳສະເໜີຂໍ້ມູນກ່ຽວກັບທາງຈິດຕະວິທະຍາຂອງມະນຸດ.
|
ສິນລະປະ |
“ສິນລະປະ” ໝາຍເຖິງສິນລະປະທີ່ມີຈຸດປະສົງເພື່ອສະແດງຄວາມຄິດສ້າງສັນຂອງມະນຸດ ເຊັ່ນ: ການແຕ້ມຮູບ, ແຜນພາບຕ່າງໆ, ສະຖາປັດຕະຍະກຳ, ຮູບປັ້ນ, ວັນນະຄະດີ, ບົດກະວີ, ດົນຕີ, ການສະແດງ ແລະ ເນື້ອຫາທີ່ມີສະຄຣິບ. ຕົວຢ່າງ: ວິດີໂອການບັນຍາຍບົດກະວີ. |
ແຕ່ງຂຶ້ນມາ |
“ແຕ່ງຂຶ້ນມາ” ໝາຍເຖິງເນື້ອຫາທີ່ມີການຂຽນບົດ ເຊັ່ນ: ໜັງ ຫຼື ເລື່ອງສົມມຸດ, ຮວມທັງເນື້ອຫາກາຕູນພາບເຄື່ອນໄຫວ.
|
ກຣາບຟິກ, ການສະແດງພາບກຣາບຟິກ |
"ກຣາບຟິກ" ຫຼື "ການສະແດງພາບກຣາບຟິກ" ໝາຍເຖິງການຮວມເອົາການສະແດງທີ່ຈະແຈ້ງ ແລະ ເປັນຈິງຄືດັ່ງຕໍ່ໄປນີ້:
- ການນອງເລືອດ ຫຼື ບາດແຜທີ່ເກີດຈາກການກະທຳທີ່ຮຸນແຮງ ເຊັ່ນ: ການຕໍ່ສູ້ຕາມທ້ອງຖະໜົນ.
- ການກະທຳທີ່ຮຸນແຮງຕໍ່ສັດ, ເຊັ່ນ: ການເຕະ.
- ພາບກິດຈະກຳທາງເພດ, ອະໄວຍະວະທາງເພດ ແລະ ຂອງແຫຼວ.
|
ຄວາມສົມຈິງ |
“ຄວາມສົມຈິງ” ໝາຍເຖິງການແຍກອອກເປັນສາມລະດັບ:
- “ຄວາມສົມຈິງຕໍ່າ”: ແຕກຕ່າງຈາກຄວາມເປັນຈິງຫຼາຍ ເຊັ່ນ: ແມວເວົ້າໄດ້.
- “ຄວາມສົມຈິງປານກາງ”: ແຕກຕ່າງຈາກຄວາມເປັນຈິງໜ້ອຍ ເຊັ່ນ: ພາບທີ່ເກີນຈິງທີ່ສະແດງເຖິງບຸກຄົນໃນໂລກຄວາມເປັນຈິງ ເຊັ່ນ: ມະນຸດ ຫຼື ຕົວລະຄອນອະນິເມຊັນໃນວິດີໂອເກມ.
- “ຄວາມສົມຈິງສູງ”: ສະຖານະການໂລກຄວາມເປັນຈິງສະແດງໃຫ້ເຫັນເຖິງມະນຸດເປັນຕົວລະຄອນຫຼັກ ເຊັ່ນ: ການຕໍ່ສູ້ຕາມທ້ອງຖະໜົນ.
|
ຈະແຈ້ງ, ຄວາມຈະແຈ້ງ |
“ຈະແຈ້ງ” ຫຼື “ຄວາມຈະແຈ້ງ” ໝາຍເຖິງວິທີການນຳສະເໜີຫົວຂໍ້ທີ່ກ່ຽວກັບການລະເມີດທີ່ສາມາດເບິ່ງເຫັນໄດ້ໃນເນື້ອຫາ. ບາງຕົວຢ່າງຮວມມີ:
- ວິດີໂອການສະແດງ ຫຼື ການສະແດງຂັ້ນຕອນການເອົາລູກອອກ.
- ສຽງ ຫຼື ສຽງບຸກຄົນທີ່ກຳລັງໄດ້ຮັບການທຳຮ້າຍ.
|
ໂດຍທາງອ້ອມ, ເວົ້າເປັນໄນໆ |
“ໂດຍທາງອ້ອມ” ຫຼື“ ເວົ້າເປັນໄນໆ” ໝາຍເຖິງການສະແດງ ຫຼື ການເບິ່ງເຫັນເນື້ອຫາທີ່ມີການລະເມີດທາງອ້ອມ ແລະ ມີການຊີ້ນຳ. ບາງຕົວຢ່າງຮວມມີ:
- ວິດີໂອການສະແດງ ຫຼື ການບັນຍາຍເຖິງຕຽງສັ່ນຮວມທັງສຽງຄາງ ເຊິ່ງຊີ້ບອກໃຫ້ເຫັນວ່າມີກິດຈະກຳທາງເພດເກີດຂຶ້ນ.
- ວິດີໂອການສະແດງ ຫຼື ການບັນຍາຍກ່ຽວກັບລົດທີ່ລະເບີດຂຶ້ນເຊິ່ງເປັນການບອກເຖິງຊ່ວງເວລາແຫ່ງຄວາມຕາຍ.
|
ໂຟກັສ, ເນັ້ນໃສ່ |
“ໂຟກັສ” ຫຼື “ເນັ້ນໃສ່” ໝາຍເຖິງເວລາທີ່ພາກສ່ວນ ຫຼື ວິດີໂອເຕັມທີ່ກ່ຽວກັບຫົວຂໍ້ໃດໜຶ່ງ ແລະ ມີການອ້າງອີງຊໍ້າໆກັນ ແລະ ການເນັ້ນໃສ່ຫົວຂໍ້ນັ້ນໆ. ການອ້າງອີງເຖິງໜຶ່ງໃນຫົວຂໍ້ທີ່ລະບຸວ່າເປັນການໂຕ້ແຍ່ງກັນ ຫຼື ລະອຽດອ່ອນ ບໍ່ແມ່ນເຫດຜົນທີ່ບໍ່ມີໂຄສະນາ. ຕົວຢ່າງ: ການຮັບຮູ້ຫົວຂໍ້ການໂຕ້ແຍ່ງກັນ ຫຼື ທີ່ລະອຽດອ່ອນໄລຍະສັ້ນໆ (ເຊັ່ນ: “ໃນວິດີໂອອາທິດຕໍ່ໄປ, ພວກເຮົາຈະສົນທະນາກ່ຽວກັບການຫຼຸດລົງຂອງອັດຕາການຂ້າຕົວຕາຍ.”) ຈະບໍ່ຖືເປັນຈຸດຕົ້ນຕໍ, ແຕ່ສ່ວນໃດໜຶ່ງຂອງວິດີໂອທີ່ເວົ້າກ່ຽວກັບຫົວຂໍ້ດັ່ງກ່າວແມ່ນຖືວ່າເປັນຈຸດຕົ້ນຕໍ. ໂຟກັສບໍ່ຈໍາເປັນຕ້ອງເປັນຄໍາເວົ້າ. ຫາກມີຮູບ ຫຼື ຂໍ້ຄວາມທີ່ເນັ້ນໃສ່ບັນຫາລະອຽດອ່ອນ ຈະຖືວ່າເປັນໂຟກັສເຊັ່ນກັນ. ບາງຕົວຢ່າງຮວມມີ:
- ວິດີໂອທີ່ເນັ້ນໃສ່ວິທີການກະທຳທີ່ທຳຮ້າຍຕົວເອງ.
- ເນື້ອຫາພຽງແຕ່ເນັ້ນໃສ່ການນຳໃຊ້ຖ້ອຍຄໍາຫຍາບຄາຍແບບຮຸນແຮງໂດຍບໍ່ມີບໍລິບົດ ຫຼື ເຫດຜົນອື່ນ.
|
ຊ່ວງເວລາສັ້ນໆ |
“ຊ່ວງເວລາສັ້ນໆ” ໝາຍເຖິງຊ່ວງເວລາທີ່ບໍ່ໄດ້ເນັ້ນໃສ່ເນື້ອຫາ (ບໍ່ແມ່ນຈຸດໂຟກັສ) ແລະ ຮວມເຖິງການອ້າງອີງເຖິງຫົວຂໍ້ທີ່ລະບຸວ່າມີການໂຕ້ແຍ່ງກັນ ຫຼື ຫົວຂໍ້ທີ່ລະອຽດອ່ອນ. ຕົວຢ່າງ: ການຮັບຮູ້ແບບຄ່າວໆເຖິງຫົວຂໍ້ທີ່ເປັນຂໍ້ຂັດແຍ່ງ ຫຼື ມີຄວາມລະອຽດອ່ອນ (ເຊັ່ນ: “ໃນວິດີໂອອາທິດໜ້າ, ພວກເຮົາຈະສົນທະນາກ່ຽວກັບອັດຕາການຂ້າຕົວຕາຍທີ່ຫຼຸດລົງ.”) ຈະບໍ່ຖືວ່າເປັນຈຸດຕົ້ນຕໍ, ແຕ່ເປັນການອ້າງອີງສັ້ນໆ.
|
ຕື່ນຕົກໃຈ |
ໝາຍເຖິງລັກສະນະທີ່ມີເຈດຕະນາກະຕຸ້ນຄວາມຢາກຮູ້ຢາກເຫັນ ຫຼື ຄວາມສົນໃຈໃນວົງກວ້າງ, ໂດຍສະເພາະການນຳສະເໜີດ້ວຍການສະແດງໃຫ້ເຫັນລາຍລະອຽດທີ່ມີຄວາມລະອຽດອ່ອນ, ເກີນຈິງ ຫຼື ຈະແຈ້ງ.
- “ການກິນອາຫານທີ່ເຮັດໃຫ້ເກີດຄວາມຕື່ນຕົກໃຈ” ເຊັ່ນ: ການກິນສັດ ຫຼື ຊິ້ນສ່ວນຂອງສັດທີ່ຍັງມີຊີວິດຢູ່ ຫຼື ເຄື່ອນໄຫວຢ່າງເຫັນໄດ້ຊັດເຈນ.
- “ການກຽມອາຫານ ຫຼື ການກິນທີ່ເຮັດໃຫ້ເກີດຄວາມຕື່ນຕົກໃຈ” ເປັນການກຽມອາຫານ ຫຼື ການກິນທີ່ເປັນໄປໃນທາງການສະແດງ ເຊັ່ນ: ສ່ວນໜຶ່ງຂອງ “ມັອກບັງ” ຫຼື ການເຮັດ ASMR.
- “ການສະແດງພາບຂອງບັນຫາຄວາມຂັດແຍ່ງເຊິ່ງເຮັດໃຫ້ເກີດຄວາມຕື່ນຕົກໃຈ” ເຊິ່ງເປັນຫົວຂໍ້ທີ່ລະອຽດອ່ອນ ເຊັ່ນ: ການຂົ່ມເຫັງ, ກາຍເປັນປະເດັນຫຼັກຂອງຄວາມບັນເທີງ, ໂດຍສະເພາະຢ່າງຍິ່ງການໂຕ້ຕອບຜ່ານຕົວລະຄອນດ້ານລົບ.
|
ວິດີໂອທັງໝົດທີ່ໄດ້ອັບໂຫຼດລົງ YouTube ຕ້ອງປະຕິບັດຕາມ ຂໍ້ກຳນົດບໍລິການ ແລະ ຂໍ້ແນະນຳຊຸມຊົນ ຂອງ YouTube. ເພື່ອໃຫ້ສາມາດສ້າງລາຍໄດ້ດ້ວຍໂຄສະນາ, ທ່ານຈະຕ້ອງປະຕິບັດຕາມ ນະໂຍບາຍການສ້າງລາຍໄດ້ຂອງ YouTube ແລະ ນະໂຍບາຍໂຄງການ.
ພວກເຮົາອາດສະຫງວນສິດໃນການປິດໃຊ້ໂຄສະນາທັງໝົດຢູ່ຊ່ອງຂອງທ່ານໃນກໍລະນີທີ່ເນື້ອຫາສ່ວນໃຫຍ່ຂອງທ່ານບໍ່ເໝາະສົມກັບຜູ້ລົງໂຄສະນາໃດໆເລີຍ ຫຼື ກໍລະນີທີ່ມີການລະເມີດຢ່າງຮ້າຍແຮງຊ້ຳຫຼາຍເທື່ອ (ເຊັ່ນ: ການອັບໂຫຼດເນື້ອຫາທີ່ກໍ່ຄວາມບໍ່ສະຫງົບ, ເຮັດໃຫ້ບຸກຄົນອື່ນເສື່ອມເສນ ຫຼື ສະແດງຄວາມກຽດຊັງ).