Hindi gagana ang kasalukuyang YouTube app sa ilang partikular na modelo ng device, at hindi gagana ang mga mas lumang bersyon ng YouTube app.
Mga smart TV, streaming device, at game console
Puwede mong tingnan kung compatible ang mga smart TV, streaming device, at game console sa YouTube app dito.
Mga mobile device
I-update ang Mga Bersyon ng Android App
Kung natanggap mo ang sumusunod na mensahe, nangangahulugan itong hindi na sinusuportahan ang bersyong ginagamit mo. Kakailanganin mong mag-update para ma-access ang YouTube app. Para mag-update sa pinakabagong bersyon ng YouTube Android app, bisitahin ang Google Play Store.
Kung gusto mong patuloy na gamitin ang YouTube nang hindi ina-update ang app, bisitahin ang m.youtube.com sa iyong mobile browser.
Mga problema sa pag-update
Kung hindi mo ma-update ang iyong app, hindi na sinusuportahan ng bersyon mo ng Android OS ang mas bagong bersyon ng YouTube app. Para makuha ang pinakabagong bersyon ng YouTube app, mag-update sa pinakabagong Android OS.
Puwede mong patuloy na gamitin ang YouTube app nang hindi ina-update ang iyong OS, pero kalaunan, hindi na susuportahan ang mga mas lumang bersyon ng YouTube app. Puwede mong bisitahin anumang oras ang m.youtube.com sa iyong mobile browser para makanood sa YouTube.
Hindi na available ang YouTube sa ilang device
Kung mapapansin mo ang mensaheng ito kapag in-access mo ang YouTube sa smart TV, streaming device, o gaming console, hindi na gagana ang YouTube app sa iyong device.
Mensahe: "Hindi na available ang YouTube dahil hindi natutugunan ng device na ito ang mga pinakabagong requirement."
Pana-panahon naming ina-update ang aming mga pamantayan sa seguridad para mapanatiling ligtas ang impormasyon ng user. Nangangahulugan itong io-off namin ang aming mga serbisyo sa mga device na hindi na nakakatugon sa mga pamantayang iyon. Kung may web browser ang iyong TV, posibleng ipagpatuloy ang paggamit sa YouTube sa pamamagitan ng youtube.com.
Kung minsan, puwede mong i-upgrade ang firmware ng iyong device para ma-restore ang access sa YouTube app. Kung hindi ka sigurado kung paano i-upgrade ang firmware mo, makipag-ugnayan sa manufacturer ng iyong device.