Duim ’n video op of af

Om ’n video op te duim, is ’n vinnige manier om vir ’n videoskepper te wys dat jy hul werk geniet. As jy aangemeld is, sal ’n video by jou “Opduimvideo’s”-snitlys gevoeg word wanneer jy dit opduim.

As jy nie eintlik mal is oor ’n video nie, is afduim een manier om jou mening te wys. Hou in gedagte dat as jy onvanpaste inhoud wil aangee, jy eerder die video moet aangee.

Jou publieke "Opduimvideo’s"-snitlys sal ná 5 Desember 2019 privaat gemaak word, wat beteken dat net jy hierdie snitlys kan sien. Jy kan video's steeds opduim, en video's sal steeds die aantal opduime wys.

Duim video’s op of af

Gebruik duim op  onder die videospeler om ’n video op te duim. Gebruik duim af  om ’n video af te duim. Kies bloot die ikoon weer om jou keuse te ontdoen.

Hartjies op opmerkings

As jy ’n opmerking op die Gemeenskapoortjie of die kykbladsy maak, kan skeppers ’n hartjie gebruik om waardering vir jou opmerking te toon.

Jy sal op twee maniere weet wanneer ’n skepper ’n hartjie op jou opmerking gebruik:

• Jy sal die skepper se avatar met ’n klein hartjie  op jou opmerking sien.
• Jy sal ’n kennisgewing kry (afhangend van jou intekeninginstellings op rekenaar en mobiele toestelle) dat ’n kanaaleienaar “mal is oor jou opmerking”.

Bekyk jou opduimvideo’s

Wanneer jy ’n video opduim, word dit outomaties by ’n snitlys gevoeg sodat jy al jou opduimvideo’s maklik weer kan besoek. Hoe om video’s te sien wat jy opgeduim het:

1. Meld aan by YouTube.
2. Gaan na biblioteek .
3. Tik op Opduimvideo’s .

Verwyder opduimvideo’s

Jy kan “opduime” van video’s af verwyder en jou Opduimvideo’s-snitlys bestuur.

1. Gaan na biblioteek .
2. Kies die snitlys Opduimvideo’s .
3. Tik op Meer langs die video wat jy wil verwyder.
4. Kies Verwyder uit Opduimvideo’s .