ສິດການອະນຸຍາດຊ່ອງ ເຮັດໃຫ້ທ່ານສາມາດໃຫ້ສິດເຂົ້າເຖິງຊ່ອງຂອງທ່ານກັບຜູ້ໃຊ້ຄົນອື່ນຜ່ານບົດບາດສະເພາະໄດ້. ໂດຍການລະບຸບົດບາດຈະຊ່ວຍໃຫ້ທ່ານເລືອກລະດັບການເຂົ້າເຖິງທີ່ເໝາະສົມໄດ້. ປ່ຽນໄປໃຊ້ສິດການອະນຸຍາດຊ່ອງ ເພື່ອປ້ອງກັນຄວາມສ່ຽງດ້ານຄວາມປອດໄພ ເຊັ່ນ: ການແບ່ງປັນລະຫັດຜ່ານ ແລະ ຫຼຸດຄວາມກັງວົນອື່ນໆຕໍ່ຄວາມເປັນສ່ວນຕົວ.
ຫາກຊ່ອງ YouTube ລິ້ງກັບບັນຊີແບຣນແລ້ວ, ສະມາຊິກຫຼາຍຄົນສາມາດຈັດການຊ່ອງຈາກບັນຊີ Google ຂອງເຂົາເຈົ້າໄດ້. ທ່ານບໍ່ຈຳເປັນແຍກຊື່ຜູ້ໃຊ້ ຫຼື ລະຫັດຜ່ານເພື່ອຈັດການຊ່ອງ YouTube ດ້ວຍບັນຊີແບຣນ. ບັນຊີແບຣນສາມາດລິ້ງກັບຊ່ອງ YouTube ແຕ່ບໍ່ສາມາດລິ້ງກັບບໍລິການ Google ອື່ນໆໄດ້.
ກ່ອນອື່ນໝົດ, ໃຫ້ກວດສອບເບິ່ງວ່າຊ່ອງຂອງທ່ານເຊື່ອມຕໍ່ກັບບັນຊີແບຣນ ແລ້ວຫຼືບໍ່. ຫາກບໍ່ແມ່ນ, ທ່ານສາມາດປ່ຽນຜູ້ຈັດການຊ່ອງໄດ້ ແຕ່ປ່ຽນເຈົ້າຂອງບໍ່ໄດ້. ເພື່ອໂອນຍ້າຍຄວາມເປັນເຈົ້າຂອງຊ່ອງ, ໃຫ້ປ່ຽນແປງເປັນບັນຊີແບຣນໂດຍການລຶບບົດບາດທັງໝົດໃນ ຕັ້ງຄ່າການອະນຸຍາດ ອອກ.
ແກ້ບັນຫາກ່ຽວກັບການເພີ່ມບົດບາດໃສ່ບັນຊີແບຣນ
ທ່ານຄວນໃຊ້ສິດການອະນຸຍາດຊ່ອງເພື່ອຈັດການສິດເຂົ້າເຖິງຂອງຜູ້ໃຊ້ໃນຊ່ອງຂອງທ່ານ.
ຫາກທ່ານຕ້ອງການໃຊ້ບົດບາດບັນຊີແບຣນ (ບໍ່ແນະນຳ) ແລະ ກຳລັງພົບບັນຫາໃນການເພີ່ມບຸກຄົນອື່ນ, ທ່ານອາດຕ້ອງເລືອກຖອນຕົວອອກຈາກສິດການອະນຸຍາດຊ່ອງ ແລ້ວຈຶ່ງກັບຄືນມາເລືອກໃຊ້ອີກເທື່ອໜຶ່ງໃນພາຍຫຼັງ. ເພື່ອສະຫຼັບກັບໄປໃຊ້ບັນຊີແບຣນຂອງທ່ານ, ທ່ານຕ້ອງເຊີນທຸກຄົນໃຫ້ເຂົ້າຮ່ວມບັນຊີແບຣນອີກຄັ້ງ.
ເພື່ອຖອນຕົວ, ໃຫ້ເລືອກ “ຖອນຕົວອອກຈາກສິດການອະນຸຍາດໃນ YouTube Studio” ຢູ່ທາງລຸ່ມ ການຕັ້ງຄ່າ 
ເບິ່ງ ຫຼື ເພີ່ມບົດບາດໃສ່ບັນຊີແບຣນຂອງທ່ານ
ໃຊ້ບົດບາດບັນຊີແບຣນເມື່ອຈຳເປັນເທົ່ານັ້ນ. ມັນເປັນສິ່ງສໍາຄັນທີ່ຈະໃຫ້ລະດັບສິດເຂົ້າເຖິງທີ່ເໝາະສົມກັບຜູ້ໃຊ້ເພື່ອຫຼີກເວັ້ນບັນຫາຄວາມປອດໄພ. ຫຼີກເວັ້ນການປະຕິບັດທີ່ບໍ່ປອດໄພ ເຊັ່ນ: ການແບ່ງປັນລະຫັດຜ່ານ.
ເຈົ້າຂອງຊ່ອງມີໜ້າທີ່ຕ້ອງຮັບຊາບລາຍລະອຽດການເປັນເຈົ້າຂອງໃນບັນຊີແບຣນຂອງຕົນເອງ. ຂໍແນະນຳໃຫ້ທ່ານກວດສອບສິດການອະນຸຍາດບັນຊີແບຣນຢ່າງເປັນປະຈຳເພື່ອຮັກສາຄວາມປອດໄພຂອງບັນຊີ.
ເພື່ອຊອກຮູ້ວ່າໃຜຈັດການບັນຊີແບຣນຂອງທ່ານ, ໃຫ້ປະຕິບັດດັ່ງນີ້:
- ເຂົ້າໄປຫາພາກສ່ວນ ບັນຊີແບຣນ ຂອງບັນຊີ Google ຂອງທ່ານ.
- ພາຍໃຕ້ "ບັນຊີແບຣນຂອງທ່ານ", ໃຫ້ເລືອກບັນຊີທີ່ທ່ານຕ້ອງການເບິ່ງ.
- ເລືອກ ຈັດການສິດການອະນຸຍາດ. ທ່ານຈະເຫັນລາຍຊື່ຂອງຄົນທີ່ສາມາດຈັດການບັນຊີໄດ້, ຮວມທັງເຈົ້າຂອງນຳ.
ເພື່ອເຊີນຄົນໃໝ່ໃຫ້ເຂົ້າຮ່ວມບັນຊີແບຣນຂອງທ່ານ, ໃຫ້ປະຕິບັດດັ່ງນີ້:
- ເພື່ອເຊີນຄົນໃໝ່, ໃຫ້ເລືອກ ເຊີນຜູ້ໃຊ້ໃໝ່
.
- ລະບຸທີ່ຢູ່ອີເມວຂອງເຂົາເຈົ້າ.
- ຢູ່ກ້ອງຊື່ຂອງເຂົາເຈົ້າ, ໃຫ້ເລືອກບົດບາດຂອງເຂົາເຈົ້າດັ່ງຕໍ່ໄປນີ້:
- ເຈົ້າຂອງ ສາມາດໃຊ້ຄຳສັ່ງສ່ວນໃຫຍ່ໄດ້ ແລະ ເຂົາເຈົ້າເປັນຜູ້ຄວບຄຸມວ່າໃຜຈັດການບັນຊີ. ບັນຊີຕ້ອງມີເຈົ້າຂອງຫຼັກ 1 ຄົນ.
- ຜູ້ຈັດການ ສາມາດໃຊ້ບໍລິການ Google ທີ່ຮອງຮັບບັນຊີແບຣນໄດ້ (ຕົວຢ່າງ: ການແບ່ງປັນຮູບພາບໃນ Google ຮູບພາບ ຫຼື ການໂພສວິດີໂອຢູ່ YouTube).
- ຜູ້ຈັດການຝ່າຍການສື່ສານ ສາມາດດຳເນີນການເຊັ່ນດຽວກັນໄດ້ຄືກັບຜູ້ຈັດການ, ແຕ່ເຂົາເຈົ້າບໍ່ສາມາດໃຊ້ YouTube ໄດ້.
- ແຕະ ເຊີນ
ແລ້ວໆ.
.ທຸກຄົນທີ່ທ່ານເຊີນຈະໄດ້ຮັບອີເມວທີ່ເຂົາເຈົ້າສາມາດຍອມຮັບຄຳເຊີນຂອງທ່ານໄດ້.
ກຳນົດໃຫ້ຕົວທ່ານເອງໃຫ້ເປັນເຈົ້າຂອງຫຼັກຂອງບັນຊີແບຣນຂອງທ່ານ
ນອກເໜືອໄປຈາກການມີເຈົ້າຂອງຫຼັກ 1 ຄົນໃນບັນຊີແບຣນແລ້ວ, ພວກເຮົາຂໍແນະນຳໃຫ້ທ່ານມີເຈົ້າຂອງອື່ນອີກຢ່າງໜ້ອຍ 1 ຄົນທີ່ເຊື່ອມໂຍງກັບບັນຊີແບຣນຂອງທ່ານ.
ຫາກທ່ານບໍ່ສາມາດກຳນົດເຈົ້າຂອງຫຼັກໃໝ່ໄດ້, ກະລຸນາ ຢັ້ງຢືນວ່າທ່ານໄດ້ຖອນຕົວອອກຈາກສິດການອະນຸຍາດຊ່ອງແລ້ວ. ຜູ້ຈັດການຈະບໍ່ມີຕົວເລືອກທີ່ຈະປ່ຽນບົດບາດເຈົ້າຂອງຫຼັກ.
- ຢູ່ຄອມພິວເຕີຂອງທ່ານ, ໃຫ້ເຂົ້າໄປຫາພາກສ່ວນ ບັນຊີແບຣນ ຂອງບັນຊີ Google ຂອງທ່ານ.
- ພາຍໃຕ້ "ບັນຊີແບຣນຂອງທ່ານ", ໃຫ້ເລືອກບັນຊີທີ່ທ່ານຕ້ອງການຈັດການ.
- ກະລຸນາຄລິກ ຈັດການສິດການອະນຸຍາດ.
- ຊອກຫາຊື່ຂອງທ່ານໃນລາຍຊື່.
- ເຄັດລັບ: ຫາກທ່ານຊອກຫາຊື່ຂອງທ່ານບໍ່ເຫັນ, ທ່ານຈະຕ້ອງໃຫ້ເຈົ້າຂອງຊ່ອງຄົນອື່ນ ເພີ່ມທ່ານໃຫ້ເປັນເຈົ້າຂອງ. ຫຼັງຈາກຍອມຮັບຄຳເຊີນ ແລະ ລໍຖ້າ 7 ມື້ແລ້ວ, ໃຫ້ລອງອີກຄັ້ງຈາກຂັ້ນຕອນທີ 1.
- ຢູ່ຖັດຈາກຊື່ຂອງທ່ານ, ໃຫ້ຄລິກລູກສອນລົງ
