Foutspoor YouTube-videofoute

As jy probleme ondervind om jou YouTube-video te speel, kan jy hierdie foutsporingstappe probeer om jou kwessie op te los. Sommige van die mees algemene foutboodskappe is:

• Iets was fout.
• Terugspeelfout. Tik om weer te probeer.
• Het verbinding met bediener verloor.
• Hierdie video is nie beskikbaar nie.
• Iets het skeefgeloop. Tik om weer te probeer.
• Gaan asseblief jou netwerkverbinding na (probeer weer).
• Hierdie inhoud is nie beskikbaar nie

Gaan jou internetspoed na

• Herbegin jou internetverbinding.
• Voer ’n internetspoedtoets uit om seker te maak jou internet kan die gekose videoresolusie ondersteun. Jy kan ook die gehalte van jou video verander om jou ervaring te verbeter. Let wel: As jy veelvuldige toestelle op dieselfde netwerk gebruik, kan dit die spoed verminder waarteen jou toestel werk.
• Kontroleer die YouTube-video se resolusie en die aanbevole spoed wat nodig is om die video te speel. Die onderstaande tabel toon die benaderde snelhede wat aanbeveel word om elke videoresolusie te speel.

Videoresolusie Aanbevole volgehoue spoed 4K 20 Mbps HD 1080 p 5 Mbps HD 720 p 2,5 Mbps SD 480 p 1,1 Mbps SD 360 p 0,7 Mbps

• Kyk na Statistieke vir bleeksiele as jy belangstel om meer inligting te sien oor hoe jou video’s teruggespeel word.

Maak seker dat jy by YouTube aangemeld is

Maak seker dat jy by YouTube aangemeld is.

Om die YouTube-gemeenskap te beskerm, kan ons afgemelde gebruikers verhinder om toegang tot YouTube-video’s te kry wanneer hulle materiaal probeer aflaai om vanlyn te gebruik.

As jy ’n navorser is wat vir jou akademiese navorsing toegang tot YouTube-data probeer kry, kan jy vir YouTube se navorserprogram aansoek doen. Jy kan hier meer oor die proses en beskikbare data te wete kom.

Herbegin die YouTube-app of herselflaai jou toestel

Probeer die YouTube-app toemaak of jou toestel herselflaai. Jy kan ook die YouTube-app deïnstalleer en herinstalleer. 

Dateer jou blaaier op en gaan jou uitbreidings na

Probeer jou blaaier opdateer of maak jou blaaier se kasgeheue en webkoekies skoon. Jy kan ook kyk of jou blaaieruitbreidings wat advertensies blokkeer, videoterugspeel beïnvloed. Nog ’n opsie is om te probeer om YouTube in ’n incognito-venster oop te maak met alle uitbreidings gedeaktiveer en te kyk of die kwessie voortduur.

Dateer die YouTube-app op

Probeer opdateer na die jongste beskikbare weergawe van die YouTube-app. Jy kan ook probeer om jou toestel se fermware/stelselsagteware op te dateer.

Gaan jou datagebruik na 

Maak seker dat jy datagebruik vir YouTube aangeskakel het:

1. Gaan na jou toestelinstellings.
2. Tik op Sellulêr.
3. Gaan na YouTube in die "Sellulêre data"-afdeling.
4. Tik langs YouTube op die knoppie sodat dit aan is.

Ander soorte foute 

Groen of swart skerm in die videospeler

As jy die oudio van ’n YouTube-video kan hoor, maar die videospeler is groen of swart, kan jy probeer om:

• ’n Ander blaaier te gebruik om die video te kyk.
• Jou blaaier se kasgeheue en webkoekies skoon te maak.

Probeer hierdie foutsporingwenke as dit nie werk nie.

Oudiokwessies

As jy nie ’n YouTube-video se oudio kan hoor nie, kan jy probeer om:

• Seker te maak dat die klank/volume aangeskakel is vir jou blaaier of toestel.
• Jou toestel se klankinstellings te kontroleer.
• Jou blaaier of toestel te herbegin.

Inhoud met ’n ouderdomsbeperking

Soms oortree inhoud nie ons beleid nie, maar dit is dalk nie geskik vir kykers jonger as 18 nie. In hierdie gevalle sal ons moontlik ’n ouderdomsbeperking op die video plaas. Let wel: Beperkmodus kan ook vir ’n video aangeskakel wees.

Kwessies met die aflaai van video’s

As jy nie YouTube Premium het nie, of as die aflaai van video’s nie vir jou beskikbaar is nie, kan jy nie video’s aflaai nie. As jy video’s kan aflaai maar jy ondervind probleme, kan jy hierdie aflaaifoutsporingwenke probeer.

Rekeningfoutkwessies

As jy probleme met jou rekening ondervind, kan jy hierdie foutsporingartikels probeer.

Kwessies met betaalde YouTube-produkte

As die bogenoemde stappe nie werk nie en jy:

• Het ’n fliek of TV-program op YouTube gekoop, of
• Is ’n aktiewe betaalde lid van YouTube Music, YouTube Premium of YouTube TV

Jy kan ons kontak vir ondersteuning met aankope of lidmaatskap.