YouTube қызығу көрсеткіштері (көру саны, лайктар, дизлайктар және жазылымдар) YouTube бейнеңізге немесе арнаңызға қатысты қанша әрекет жасалғанын көрсетеді. Бұл көрсеткіштер бейнеңіздің немесе арнаңыздың қаншалықты танымал екенін білу үшін маңызды болуы мүмкін.
Көрсеткіштеріңіздің жоғары сапалы екеніне және оларды компьютерлік бағдарламалар емес, адамдар жасайтынына көз жеткізгіміз келеді. Қандай көру әрекеті, лайк немесе дизлайк және жазылым есепке алынуы тиіс екендігін анықтау үшін жүйелерімізге біраз уақыт керек.
Ескертпе: көрсеткіштер бейнеңіз жарияланғаннан кейін бірден емес, бірнеше сағаттан кейін пайда болады.
Көрсеткіштердегі өзгеріс
Шынайы қызығу көрсеткіштері есептелгеннен кейін, олар жиірек жаңартылып тұруы тиіс. Бұл өзгерістердің жиілігі бейне не арна танымалдығына және көру санына байланысты өзгеріп отырады. Қызығу деңгейі үздіксіз расталып және түзетіліп отыратыны есіңізде болсын.
Кейбір бейнелерде және арналарда көрсеткіштер өзгермейтін болып көрінуі немесе сіз күткеннен өзгеше болуы мүмкін. Арнайы тексеру алгоритмі контент авторларына, жарнама берушілерге және көрермендерге дәл және бірдей көрсеткіштердің берілуін қадағалайды. Көрсеткіштердің дәлдігін тексеру үшін YouTube көрсеткіштердің есептелуін уақытша баяулатуы, тоқтатуы немесе өзгертуі және сапасы төмен ойнату әрекеттерін есепке алмауы мүмкін.
Ескертпе: сапасы төмен ойнату әрекеттерінің мысалдары – бір бейнені бірнеше терезеде және планшетте ойнату немесе трансляциялау.
Ақылы жарнамаларды көру
Бейнеңіз YouTube-те жарнама ретінде пайдаланылса, оны көру саны бейнеңізді көру саны ретінде есептелуі мүмкін. Ондай ақылы жарнамаларды көру әрекеті есептеледі, себебі ол көрермен бейнеге қатысты әрекет жасағанын көрсетеді.
- Өткізіп жіберілетін In-Stream жарнамалары: ақылы жарнаманы көру саны бейнені көру саны болып төмендегі жағдайларда есептеледі:
- пайдаланушы оны соңына дейін (ұзақтығы 11–30 секунд болса) көрсе;
- пайдаланушы оны кемінде 30 секунд (одан ұзақ болған жағдайда) көрсе;
- пайдаланушы оған қатысты әрекет жасаса.
- Фидтегі бейнежарнамалар: пайдаланушы жарнаманы басып, бейненің ойнатылуы басталғанда, ақылы жарнаманы көру саны бейнені көру саны ретінде есептеледі.
YouTube Analytics-те көру санын тексеру
Сіз жүктеп салған бейнені көру санын YouTube Analytics арқылы бақылауға болады. Нақты уақыттағы әрекеттер көрсеткішінде шамамен алынған көру саны ғана көрсетілетінін ескеріңіз. Ол көру бетіндегі көрсеткішке сәйкес келмеуі мүмкін.