Mæligildi á YouTube sem tengjast virkni (áhorf, læk, diss og áskriftir) endurspegla samskipti áhorfenda við tiltekið YouTube vídeó eða tiltekna rás. Slík mæligildi kunna að vera mikilvæg vísbending um heildarvinsældir vídeósins eða rásarinnar.
Við viljum tryggja gæði mæligilda og að þau séu raunverulega frá fólki en ekki tölvuforritum komin. Kerfin okkar þurfa tiltekinn tíma til að reikna út lögmæti áhorfa, læka, dissa og áskrifta.
Athugaðu: Það getur tekið einhvern tíma þar til mæligildin koma í ljós kerfinu fyrstu klukkutímana eftir að þú birtir vídeóið þitt.
Breytingar á mæligildum
Talning mæligilda ætti að birtast oftar þegar lokið er við að telja lögmæta viðburði. Tímasetning þeirra er breytileg eftir vinsældum og áhorfi vídeósins eða rásarinnar. Hafðu í huga að við erum stöðugt að staðfesta og breyta þátttökuviðburðum.
Talning mæligilda tiltekinna vídeóa eða rása gæti stundum litið út fyrir að vera frosin eða hún sýnir hugsanlega ekki mæligildin sem þú bjóst við. Mæligildi eru staðfest með algrími til að tryggja sanngjarna og jákvæða upplifun fyrir höfunda efnis, auglýsendur og áhorfendur. YouTube kann tímabundið að hægja á, frysta eða breyta talningu mæligilda þinna og hunsa spilun í litlum gæðum til að staðfesta að mæligildin séu nákvæm.
Athugaðu: Notkun á nokkrum tækjum í einu til að spila sama vídeóið og straumspila sama vídeóið í nokkrum gluggum og flipum eru dæmi um spilun í litlum gæðum.
Áhorf á greiddar auglýsingar
Þegar vídeóið þitt er notað sem auglýsing á YouTube teljum við hugsanlega áhorf á auglýsinguna þína sem áhorf á vídeóið þitt. Slíkt áhorf á greiddar auglýsingar telst sem áhorf vegna þess að það gefur til kynna að áhorfandinn hafi átt í samskiptum við vídeóið.
- Auglýsingar sem ekki er hægt að sleppa í streymi: Áhorf á greiddar auglýsingar verður talið sem áhorf í eftirfarandi tilvikum:
- Einhver horfir á heila auglýsingu sem er 11–30 sekúndur á lengd
- Einhver horfir á a.m.k. 30 sekúndur af auglýsingu sem er meira en 30 sekúndur á lengd
- Einhver á í samskiptum við auglýsinguna
- Auglýsingar í vídeói: Áhorf á greiddar auglýsingar verður talið sem áhorf þegar einhver smellir á auglýsinguna og spilun vídeósins hefst
Athuga áhorf hjá YouTube greiningu
Notaðu YouTube greiningu til að skoða áhorf þitt nánar ef þú ert að leita að vídeói sem þú hlóðst upp. Hafðu í huga að Virkni í rauntíma sýnir einungis áætlaða áhorfsvirkni. Hún passar hugsanlega ekki við töluna sem birtist á áhorfssíðunni.