ຈັດການການຕັ້ງຄ່າຊ່ອງ

ທ່ານສາມາດຈັດການການຕັ້ງຄ່າຊ່ອງຂອງທ່ານຢູ່ YouTube Studio. ປ່ຽນແປງທຸກຢ່າງນັບຕັ້ງແຕ່ປະເທດ/ພາກພື້ນຂອງທ່ານຈົນເຖິງການເບິ່ງເຫັນຊ່ອງຂອງທ່ານ.

1. ເຂົ້າສູ່ລະບົບຫາ YouTube Studio.
2. ຈາກເມນູຊ້າຍ, ໃຫ້ເລືອກ ການຕັ້ງຄ່າ.
3. ຈາກເມນູຊ້າຍ, ໃຫ້ເລືອກ ຊ່ອງ.
4. ກຳນົດການຕັ້ງຄ່າຊ່ອງ ແລະ ເລືອກ ບັນທຶກ.

ຂໍ້ມູນພື້ນຖານ

ປະເທດທີ່ພັກອາໄສ

ທ່ານສາມາດເລືອກປະເທດ/ພາກພື້ນສຳລັບຊ່ອງ YouTube ຂອງທ່ານໂດຍນໍາໃຊ້ລູກສອນລົງ. ເງື່ອນໄຂສິດສຳລັບ ໂຄງການຮຸ້ນສ່ວນ YouTube ແມ່ນອີງໃສ່ການຕັ້ງຄ່າປະເທດ/ພາກພື້ນທີ່ທ່ານເລືອກຢູ່ບ່ອນນີ້.

ຄີເວີດ

ທ່ານສາມາດເພີ່ມຄີເວີດທີ່ກ່ຽວກັບຊ່ອງຂອງທ່ານດ້ວຍການຕັ້ງຄ່ານີ້.

ການຕັ້ງຄ່າຂັ້ນສູງ

ຕັ້ງຄ່າຜູ້ຊົມຊ່ອງຂອງທ່ານ

ເຮັດໃຫ້ຂັ້ນຕອນການເຮັດວຽກຂອງທ່ານງ່າຍຂຶ້ນໂດຍການເລືອກການຕັ້ງຄ່າຊ່ອງ. ການຕັ້ງຄ່ານີ້ຈະສົ່ງຜົນກະທົບຕໍ່ວິດີໂອທີ່ມີຢູ່ ແລະ ວິດີໂອໃນອະນາຄົດ. ຖ້າທ່ານຕັດສິນໃຈທີ່ຈະບໍ່ເລືອກການຕັ້ງຄ່າ, ທ່ານຈຳເປັນຕ້ອງລະບຸວິດີໂອແຕ່ລະລາຍການຢູ່ຊ່ອງຂອງທ່ານທີ່ສ້າງຂຶ້ນມາສຳລັບເດັກນ້ອຍ. ການຕັ້ງຄ່າສຳລັບວິດີໂອແຕ່ລະລາຍການຈະຍົກເລີກການຕັ້ງຄ່າຂອງຊ່ອງ.

ທ່ານຈະຖືກຈຳກັດຈາກຄຸນສົມບັດບາງຢ່າງຢູ່ຊ່ອງຂອງທ່ານນຳ. ຖ້າທ່ານບໍ່ແນ່ໃຈວ່າວິດີໂອຂອງທ່ານຖືກສ້າງຂຶ້ນມາສຳລັບເດັກນ້ອຍຫຼືບໍ່, ໃຫ້ກວດເບິ່ງ ບົດຄວາມສູນຊ່ວຍເຫຼືອ ນີ້.

ການລິ້ງບັນຊີ Google Ads

ທ່ານສາມາດລິ້ງຊ່ອງ YouTube ຂອງທ່ານໃສ່ບັນຊີ Google Ads ເພື່ອອະນຸຍາດໃຫ້ສະແດງໂຄສະນາ. ໂຄສະນາເຫຼົ່ານີ້ແມ່ນອີງໃສ່ການໂຕ້ຕອບກັບວິດີໂອຢູ່ຊ່ອງຂອງທ່ານ ແລະ ເຮັດໃຫ້ສາມາດເຂົ້າເຖິງຂໍ້ມູນເຈາະເລິກ. ສຶກສາເພີ່ມເຕີມ.

ຄຳບັນຍາຍອັດຕະໂນມັດ

ທ່ານສາມາດເລືອກທີ່ຈະປ່ຽນຄຳເວົ້າທີ່ອາດບໍ່ເໝາະສົມດ້ວຍວົງເລັບເປີດ, ຂີດກ້ອງສອງອັນ ແລະ ວົງເລັບປິດ “[ __ ]” ເປັນຄ່າເລີ່ມຕົ້ນໃນ ຄຳບັນຍາຍອັດຕະໂນມັດ.

ການໂຄສະນາ

ຖ້າທ່ານເລືອກຕົວເລືອກນີ້, ໂຄສະນາແບບປັບແຕ່ງສ່ວນຕົວທີ່ອີງໃສ່ຄວາມສົນໃຈຂອງຜູ້ຊົມ ຫຼື ໂຄສະນາສ້າງການຕະຫຼາດໃໝ່ແມ່ນຈະຖືກປິດນຳໃຊ້. ການປິດນຳໃຊ້ການຕັ້ງຄ່ານີ້ອາດຫຼຸດລາຍໄດ້ຢູ່ຊ່ອງຂອງທ່ານ. ນອກຈາກນັ້ນ, ລາຍງານການດຳເນີນການທີ່ສ້າງລາຍໄດ້ ແລະ ລາຍຊື່ສ້າງການຕະຫຼາດໃໝ່ຈະຢຸດເຮັດວຽກສຳລັບຊ່ອງຂອງທ່ານ.

ປ່ຽນເສັ້ນທາງຊ່ອງ

ທ່ານສາມາດໃຊ້ URL ທີ່ກຳນົດເອງຂອງທ່ານໃນເວີຊັນແບບຫຍໍ້ເພື່ອປ່ຽນເສັ້ນທາງຜູ້ຊົມຂອງທ່ານໄປຫາຊ່ອງອື່ນ. ຢູ່ຊ່ອງຂໍ້ມູນ URL ປ່ຽນເສັ້ນທາງ, ໃຫ້ໃສ່ URL ຂອງເວັບໄຊທີ່ URL ປ່ຽນເສັ້ນທາງຂອງທ່ານຈະນຳໄປ.

ໝາຍເຫດ: URL ປ່ຽນເສັ້ນທາງແມ່ນມີໃຫ້ແກ່ຮຸ້ນສ່ວນ ແລະ ຜູ້ລົງໂຄສະນາທີ່ເປີດນຳໃຊ້ຄຸນສົມບັດນີ້ຜ່ານຜູ້ຈັດການຮຸ້ນສ່ວນ ຫຼື ໂຕແທນຝ່າຍຂາຍຂອງເຂົາເຈົ້າ.

ຕົວຢ່າງ: ຖ້າ URL ຂອງທ່ານແມ່ນ www.youtube.com/c/YouTubeCreators, ທ່ານສາມາດເຮັດໃຫ້ URL ແບບຫຍໍ້ຂອງທ່ານ (www.youtube.com/YouTubeCreators) ພາຜູ້ຊົມໄປຫາຊ່ອງ YouTube Nation ໂດຍໃສ່ www.youtube.com/user/youtubenation ຫຼື www.youtube.com/channel/UCUD4yDVyM54QpfqGJX4S7ng ຢູ່ຊ່ອງຂໍ້ມູນ URL ປ່ຽນເສັ້ນທາງ.

 

ການເບິ່ງເຫັນຊ່ອງ

ທ່ານສາມາດເຮັດໃຫ້ຊ່ອງຂອງທ່ານເຊື່ອງໄວ້ຊົ່ວຄາວໂດຍເລືອກຕົວເລືອກນີ້. ຜູ້ຊົມຈະບໍ່ເຫັນວິດີໂອ, ລາຍການຫຼິ້ນ ແລະ ລາຍລະອຽດຊ່ອງຂອງທ່ານອີກຕໍ່ໄປ. 

ໃນຖານະເຈົ້າຂອງຊ່ອງ, ທ່ານຍັງສາມາດເຫັນ:

• ຫນ້າເວັບຊ່ອງຂອງທ່ານ
• ຮູບໜ້າປົກຊ່ອງ ແລະ ໄອຄອນຂອງທ່ານ
• ວິດີໂອ ແລະ ລາຍການຫຼິ້ນຂອງທ່ານ
• ຄຳເຫັນ ແລະ ການວິເຄາະຂອງທ່ານ
• ໂພສຊຸມຊົນຂອງທ່ານ

ທ່ານສາມາດເຮັດໃຫ້ຊ່ອງຂອງທ່ານເບິ່ງເຫັນໄດ້ອີກຄັ້ງໃນເວລາໃດກໍໄດ້ ແລະ ເນື້ອຫາຂອງທ່ານຈະເປີດເປັນສາທາລະນະແກ່ຜູ້ຊົມ.

ໝາຍເຫດ: ການເບິ່ງເຫັນຊ່ອງຂອງທ່ານແມ່ນມີໃຫ້ແກ່ຮຸ້ນສ່ວນ ແລະ ຜູ້ລົງໂຄສະນາທີ່ເປີດນໍາໃຊ້ຄຸນສົມບັດນີ້ຜ່ານຜູ້ຈັດການຮຸ້ນສ່ວນ ຫຼື ໂຕແທນຝ່າຍຂາຍຂອງເຂົາເຈົ້າ.

ການຕັ້ງຄ່າອື່ນໆ

ທ່ານສາມາດຈັດການຕົວຕົນຂອງທ່ານຢູ່ YouTube ແລະ ລຶບເນື້ອຫາຂອງທ່ານທີ່ມີການຕັ້ງຄ່າເຫຼົ່ານີ້ອອກຢ່າງຖາວອນ.