Kapag nagla-live stream sa YouTube, makikita mo ang performance ng iyong stream. Makakakuha ka ng iba't ibang sukatan depende kung nagsi-stream ka mula sa telepono o encoder.
Mula sa Live Control Room
Ipinapakita ng mga live stream sa mobile ang ilang sukatan habang naka-live ka. Kabilang sa mga sukatang ito ang:
Status ng stream
Real-time analytics
- Mga magkakasabay na manonood: Ang bilang ng mga sabay-sabay na manonood. Ang peak na pagsasabay-sabay ay ang pinakamataas na bilang ng mga manonood habang nasa live stream.
- Tagal: Ang itinagal ng stream.
- Mga mensahe sa live chat: Puwedeng i-off o i-filter para sa mga mensahe sa Super Chat ang mga mensaheng ito. Para i-off o i-filter, i-tap ang button sa gitnang bahagi sa ibaba.
- Mga like: Ang kabuuang bilang ng mga user na nag-like sa stream. Naililipat ang mga like sa VOD archive ng live stream.
Analytics pagkatapos ng stream
Kapag natapos ka sa isang live stream sa mobile, may ipapakitang mabilisang snapshot ng mga sukatan ng iyong stream.
- Mga pag-playback: Kung ilang beses na sinimulang i-play ng browser o device ang stream.
- Mga Bagong Subscriber: Ang bilang ng mga user na nag-subscribe sa iyong channel habang nagsi-stream.
- Kabuuang haba ng panonood: Ang kabuuang oras na na-play ang event sa lahat ng panonood.
- Peak ng magkakasabay na panonood: Ang pinakamataas na bilang ng mga panonood habang nagsi-stream.
- Tagal: Ang tagal ng oras na live ang stream.
- Avg. na Haba ng Panonood: Ang average na oras na pinanood ng isang manonood ang stream.
- Mga reaksyon: Kung ilan at anong uri ng mga reaksyon ang nakuha ng stream.
Sa YouTube Studio App
Analytics sa level ng video
- Average na Magkakasabay na manonood: Ang average na bilang ng mga manonood na sabay-sabay na nanonood ng iyong stream anumang oras.
- Peak ng Magkakasabay na manonood: Ang maximum na bilang ng mga manonood na sabay-sabay na nanonood ng iyong stream sa anumang pagkakataon.
- Mga reaksyon: Kung ilan at anong uri ng mga reaksyon ang nakuha ng stream.
Analytics sa level ng channel
- Average na Magkakasabay na manonood: Ang average na bilang ng mga sabay-sabay na manonood na nahikayat mo sa lahat ng iyong stream.
- Peak ng Magkakasabay na manonood: Ang maximum na bilang ng mga sabay-sabay na manonood na nahikayat mo sa lahat ng iyong stream.
- Oras na Na-stream: Kabuuang bilang ng mga oras na nabuo sa live streaming mula period x hanggang y.
Mula sa YouTube Analytics
Sa YouTube Analytics puwede kang magbukud-bukod ayon sa Live, On demand, o Live at on demand.
Makakatanggap ka ng Mga Ulat sa Haba ng Panonood para sa mga indibidwal na video o para sa isang channel, gaya ng mga karaniwang upload.
Kabilang sa mga ulat ang:
- Haba ng Panonood
- Pagpapanatili ng Audience
- Demograpiko
- Mga Lokasyon ng Pag-playback
- Mga Source ng Trapiko at Mga Device
Makakakuha ka ng higit pang impormasyon tungkol sa data na available sa ulat sa Haba ng Panonood.
Sa Live streaming, puwede mong tingnan ang Peak na pagsasabay-sabay at ang mga mensahe sa chat. Available ang ulat sa antas ng video at magiging available ang mga sukatan sa YouTube Analytics sa loob ng ilang minuto pagkatapos ng iyong live stream. Puwede mong i-download ang data bilang CSV file.
Nakabatay sa Video ID ang data sa YouTube Analytics. Ipinoproseso at inaalisan ng spam ang data at sinusukat nito ang impormasyong naiiba sa nakukuha mo sa Live Control Room.
Matuto pa tungkol sa Pag-uulat sa Super Chat.