Content ID para sa mga partner sa musika

Available lang ang mga feature na inilalarawan sa artikulong ito sa mga partner na gumagamit sa system ng pagtutugma ng Content ID ng YouTube.

Binibigyang-daan ng system ng Content ID ng YouTube ang mga partner sa musika na madaling matukoy at mapamahalaan ang kanilang musika sa YouTube. Sina-scan ng YouTube ang mga na-upload na video sa database ng musikang isinumite mo. Kapag tumugma ang content sa isang video na na-upload ng user sa isang gawang pagmamay-ari mo, ikaw ang magpapasya kung imo-monetize, iba-block, o ita-track ang video.

Para magamit ang Content ID, gagawa ka ng mga asset sa system ng pamamahala ng mga karapatan ng YouTube. Ang bawat asset ay kumakatawan sa isang piraso ng intellectual property. Maaari kang maghatid ng apat na uri ng mga asset ng musika:

• Mga asset ng Music Video
• Mga asset ng Sound Recording
• Mga asset ng Composition Share
• Mga asset ng Art Track

Kinikilala rin ng YouTube ang mga ugnayan sa pagitan ng mga asset na ito. Puwedeng mag-embed ng asset ng Sound Recording ang isang asset ng Music Video, at nag-e-embed ng isa o higit pang asset ng Composition Share ang isang Sound Recording.

Para makagawa ng mga asset, ia-upload mo ang mga media file at ang nauugnay na metadata ng mga ito gamit ang mga template ng spreadsheet. Dapat ka lang gumawa ng mga asset para sa mga item kung saan pagmamay-ari mo ang mga karapatan; halimbawa, hindi dapat gumawa ang mga music label ng mga asset ng Composition Share nang walang naaangkop na kontrata, at hindi dapat gumawa ang mga publisher ng musika ng mga asset ng Sound Recording.

Hindi nakakagawa ng Art Track kapag gumawa ng asset ng sound recording. Para gawing available ang recording bilang isang Art Track, dapat mong i-upload ang mga recording gamit ang spreadsheet sa pag-upload ng Art Track o ang YouTube Music DDEX feed.

Gamit ang mga reference na nauugnay sa iyong mga asset, tinutukoy ng Content ID ang mga video na na-upload ng user na naglalaman ng naka-copyright na gawa mo at gumagawa ito ng claim na nagpapahayag ng iyong pagmamay-ari sa content na nasa video.

Kapag na-claim ng isa sa iyong mga asset ang pagmamay-ari sa isang video na na-upload ng user, ilalapat ng YouTube ang patakaran ng asset na iyon sa video. Sa mga sitwasyon kung saan may magkakaibang patakaran ang asset ng Sound Recording at ang mga naka-embed na asset ng Composition Share nito, ilalapat ng YouTube ang pinakamahihigpit na patakaran; tingnan ang Paano inilalapat ang mga patakaran? para sa higit pang detalye.