Mag-set up ng mga notification sa email

Nalalapat lang sa mga user ng Content Manager ng YouTube Studio ang mga feature na inilalarawan sa artikulong ito. Para sa impormasyon tungkol sa mga pangkalahatang notification sa YouTube, matuto pa rito.

Kapag sine-set up mo ang iyong Content Manager, kailangan mong tukuyin kung sino ang dapat abisuhan sa pamamagitan ng email kapag nagkaroon ng iba't ibang aktibidad sa account. Halimbawa, posibleng kailangang abisuhan ang ilang user kapag may na-dispute na claim at posible namang hindi na kailangang abisuhan ang iba. Para i-set up ang mga notification sa email:

1. Mag-sign in sa Content Manager ng Studio.
2. Mula sa kaliwang menu, piliin ang Mga Setting .
3. Sa seksyong Pangkalahatang-ideya, sa ilalim ng Mga notification sa email, ilagay ang mga email address sa mga naaangkop na text box:
   • Pangunahing notification: Mga pangunahing email address para sa Content Manager account.
     • Makakatanggap ng email kapag may aktibidad sa Content Manager, kabilang ang mga aktibidad sa ibaba (mga di-pagkakasundo sa pagmamay-ari, isyu sa claim, at update sa pagtanggal).
     • Ipapadala rin ang mga detalye ng partner account at notification sa ulat sa mga email address na ito.
   • Notification sa di-pagkakasundo: Makakatanggap ng email kapag may aktibidad na nauugnay sa mga di-pagkakasundo sa pagmamay-ari ng asset.
     • Tandaan: Makikita ng iba pang partner ng YouTube ang mga email address na inilagay rito kapag nireresolba ang mga di-pagkakasundo sa pagmamay-ari.
   • Notification sa isyu sa claim: Makakatanggap ng email kapag may mga bagong dispute sa claim at apela.

   • Notification ng claim ng third-party: (available lang sa ilang partner) Makakatanggap ng email kapag may mga update sa status sa mga claim mula sa mga third-party.

   • Notification sa pagtanggal: Makakatanggap ng email kapag may mga update sa status sa mga kahilingan sa pagtanggal na inihain mo.

Tandaan: Para maglagay ng isang email address sa isang text box, pindutin ang enter pagkatapos ng email para i-save ito. Para maglagay ng maraming email address, paghiwalayin ang mga ito gamit ang kuwit. Pagkatapos ng huling email, pindutin ang enter para i-save ito.

4. I-click ang I-SAVE.