Фишинг
Фишинг – бұл белгісіз біреудің несиелік картаңыздың нөмірлері немесе басқа қаржылық деректер сияқты жеке ақпаратыңызды алу үшін сізді алдауы. Мұндай ақпарат зиянкес адамдардың қолына түссе, олар әдетте оны сіздің ақшаңызды, мүлкіңізді немесе жеке басыңызды растайтын деректерді ұрлау үшін пайдаланады.
Есіңізде болсын, YouTube ешқашан құпия сөзіңізді, электрондық мекенжайыңызды немесе аккаунтыңызға қатысты басқа ақпаратты сұрамайды.
YouTube сайтында спам немесе фишинг әрекеті болуы мүмкін бейнелерді кездестірсеңіз, оларды тексеру үшін YouTube ұжымына хабарлаңыз. Спам және фишинг туралы толық ақпарат алу үшін Ұлттық киберқауіпсіздік қауымдастығының веб-сайтына кіріңіз.
Егер Google аккаунтыңызға қауіп төнуі мүмкін деп алаңдасаңыз, хакерлік әрекет жасалған немесе деректері ұрланған Google аккаунтын қорғау жолы туралы толық ақпарат алыңыз.
Аккаунт қауіпсіздігі
YouTube серверлерінде сақталатын ақпаратты қорғау үшін тиісті қауіпсіздік шараларын қолданады. Қосымша ақпарат алу үшін Google құпиялық саясатын оқыңыз.
Құпия сөзіңіз қауіпсіз болуы керек екенін есте сақтаңыз. Құпия сөзіңізді ЕШҚАШАН басқалармен бөліспеңіз.
Аккаунтты қауіпсіздікте сақтау
Біз компьютерді, браузерді, Gmail және Google аккаунтын қорғауға көмектесетін қарапайым тексеру тізімін жасадық. Бүкіл тексеру тізімін қарап шығуды ұсынамыз, бірақ YouTube арнаңызды қорғауға көмектесу үшін келесі қадамдарды атап өткіміз келеді.- Google аккаунтыңызға қалпына келтіру телефон нөмірін және қосымша қауіпсіз электрондық мекенжайды қосыңыз. Телефон нөмірі мен қауіпсіз электрондық мекенжайдың екеуі де болмаса, белгісіз біреу сіздің қауіпсіздік сұрағыңызды білу немесе болжау арқылы аккаунтыңызға кіре алады. Қауіпсіздік ақпаратыңызды осы жерден жаңартуға болады.
- Қалпына келтіруге қажет ақпаратты қауіпсіз және жаңартылған күйде сақтаңыз.
- Google аккаунтыңыз үшін бірегей әрі күрделі құпия сөз жасаңыз (және басқа сайттар үшін бірдей аккаунтқа кіру деректері мен құпия сөзді пайдаланбаңыз). Күрделі құпия сөзді жасауға көмектесетін бірнеше кеңес:
- Құпия сөзіңіздің ұзындығы кемінде сегіз таңбадан тұруы, сандар мен әріптерді қамтуы және жалпы қолданыстағы сөздер болмауы керек.
- Сөзді немесе қысқартылған сөзді таңдап, кейбір әріптердің арасына сандарды енгізіңіз.
- Тыныс белгілерін қойыңыз.
- Бас және кіші әріптерді араластырып қойыңыз.
- Басқа аккаунт түрімен байланысты құпия сөздерді пайдаланбаңыз.
- Аккаунтыңыз компания немесе ұйым үшін орнатылған болса, бұрынғы қызметкеріңіз компаниядан кеткен кезде, құпия сөзіңізді және қалпына келтіруге қажет ақпаратты жаңартыңыз.
Аккаунтыңыздың деректері ұрланды деп күдіктенсеңіз, бұл туралы осында хабарлай аласыз.
Google-дегі алаяқтық әрекеттерге алданып қалмау және алаяқтық әрекеттер жайлы хабарлау жолдары туралы толық ақпарат алыңыз.
Google қауіпсіздік орталығы
Google және интернеттегі деректеріңізді түсініңіз. Деректеріңізді басқару және интернеттегі қауіпсіздікті сақтау үшін кейбір кеңестерді оқып шығыңыз.
Google желілік әдебі туралы курс
Google желілік әдебі туралы курс — мұғалімдер мен орта мектеп оқушыларына арналған интерактивті және пайдалануға ыңғайлы оқыту курсы. Бірнеше қысқа сабақта құпиялық, саясат және киберкеңістікте жауапты азамат болудың жолдары туралы толық ақпарат беріледі.
Google отбасылық қауіпсіздік орталығы
Google отбасылық қауіпсіздік орталығында отбасыңыздың интернеттегі қауіпсіздігін сақтау бойынша кеңестер бар.