Kama wewe ni mkufunzi, huenda ukavutiwa kutumia maudhui ya elimu kwenye YouTube. Zifuatazo ni baadhi ya nyenzo za kukuwezesha wewe na wanafunzi wako muwe salama mtandaoni.
Kwa mafunzo ya kufana na nyenzo za elimu, tembelea youtube.com/teachers, youtube.com/education na youtube.com/schools.
Kutumia video darasani
YouTube haimiliki maudhui yanayochapishwa kwenye tovuti na haipo katika nafasi ya kutoa ruhusa ili kuyatumia. Mmiliki halisi wa maudhui ndiye tu anayeweza kutoa ruhusa kama hiyo. Ili kuwasiliana na mmiliki wa video, bofya kituo chake. Baadhi ya watayarishi huorodhesha njia unazoweza kuwasiliana nao katika chaneli yao.
Epuka maudhui ambayo huenda hayakubaliki
Huenda ungependa kuwasha Hali yenye Mipaka, kipengele kinachokuruhusu ubainishe kuwa hungependa kuona maudhui ambayo huenda hayakubaliki kwenye YouTube
Kuripoti
- Maudhui yasiyofaa: Ukiona video ambayo unahisi kuwa haifai, ripoti video hiyo. Hii ndiyo njia ya haraka zaidi ya kutufahamisha kuhusu maudhui ambayo huenda hayafai. Wataalamu wa sera za YouTube hukagua video zinazoripotiwa saa 24 kwa siku, siku 7 kwa wiki.
- Faragha: Ukiona video ambayo unaamini kuwa inakiuka faragha ya mwanafunzi, mwalimu mwenza, au mfanyakazi wa shule, tafadhali mwelekeze yeye au mzazi wake kwenye Mwongozo wetu wa Faragha na utaratibu wa kuwasilisha malalamiko kuhusu faragha. Kwa malalamiko kuhusu faragha, tutaondoa tu maudhui iwapo mtu au watu binafsi walioangaziwa wanaweza kutambuliwa kwa uwazi. Tembelea Sehemu ya Faragha ya Kituo chetu cha Usalama ili upate maelezo zaidi.
- Unyanyasaji: Mzazi au mlezi anayetambulika kisheria ndiye tu anayeweza kuwasilisha malalamiko kwa niaba ya mtoto. Makala yetu kuhusu unyanyasaji na uchokozi wa mtandaoni yana nyenzo unazoweza kurejelea iwapo mwanafunzi au mwalimu ana masuala kuhusu unyanyasaji kwenye YouTube.