Mga pagwawakas ng channel o account

Kung mawawakasan ang iyong channel, makakatanggap ka ng email na nagpapaliwanag sa dahilan ng pagwawakas. Kung mawawakasan ang iyong channel sa YouTube, pagbabawalan ka sa paglusot sa pagwawakas — o pagpayag sa iba na gamitin ang iyong channel para i-bypass ang kanilang pagwawakas — sa pamamagitan ng paggamit o paggawa ng anupamang channel sa YouTube.  

Nalalapat ito sa lahat ng iyong kasalukuyang channel, anumang bagong channel na gagawin mo o magkakaroon ka, at anumang channel kung saan paulit-ulit o kitang-kita ang pagtatampok sa iyo.

Mga pagwawakas ayon sa Mga Alituntunin ng Komunidad

Mga dahilan kung bakit puwedeng wakasan ang mga channel o account:

• Mga paulit-ulit na paglabag sa Mga Alituntunin ng Komunidad o Mga Tuntunin ng Serbisyo sa alinmang anyo ng content (tulad ng paulit-ulit na pag-post ng mga mapang-abuso, mapoot, at/o mapanligalig na video o komento)
• Isang kaso ng matinding pang-aabuso (tulad ng mapanamantalang gawi, spam, o pornograpiya)
• Pagtuon sa paglabag sa patakaran (tulad ng mapoot na salita, panliligalig, o pagpapanggap)

Kung sa palagay mo ay nagkamali sa pagwawakas ng iyong channel/account, puwede kang umapela gamit ang form na ito.

• Huwag magsumite ng request sa pag-apela nang mahigit sa isang beses. Kapag maraming isinusumiteng request, nadaragdagan ang dami ng susuriin at nagdudulot ito ng mga pagkaantala sa aming pagsagot.
• Kumpletuhin ang pagsagot sa form hangga't posible kasama ang iyong Channel ID. Kung mas marami kang ibibigay na impormasyon sa amin, mas madaling mapoproseso ang iyong request.

Mga pagwawakas dahil sa copyright

Kung winakasan ang iyong channel dahil sa mga claim ng paglabag sa copyright at sa palagay mo ay hindi tama ang mga claim, puwede kang maghain ng counter-notification. Available pa rin ang prosesong ito para sa mga creator na may mga winakasang channel, pero hindi maa-access ang webform ng counter notification. Puwede kang magsumite ng free-form na sagot sa notification (counter-notification)

Para sa higit pang impormasyon tungkol sa proseso ng counter notification, pumunta sa Copyright Center.

Tandaan: Ang paghahain ng counter-notification ay nagsisimula ng legal na proseso.

I-download ang data para sa mga pagwawakas ng channel

Kung wawakasan ang iyong channel, puwede mong i-download ang data mo. Alamin kung paano i-download ang iyong data sa Google.