გვსურს, რომ YouTube-ზე თავს უსაფრთხოდ გრძნობდეთ, ამიტომ გირჩევთ, შეგვატყობინოთ, თუ საიტზე განთავსებული ვიდეოები ან კომენტარები თქვენს კონფიდენციალურობას ან უსაფრთხოების შეგრძნებას არღვევს.
თუ ვინმემ გამოაქვეყნა თქვენი პერსონალური ინფორმაცია ან ატვირთა თქვენი ვიდეო თქვენი თანხმობის გარეშე (მათ შორის, პირად ან სენსიტიურ გარემოებებში), სთხოვეთ ამტვირთავს, წაშალოს კონტენტი. თუ ამტვირთავთან ვერ შეთანხმდებით, ან თუ მათთან დაკონტაქტება გეუხერხულებათ, შეგიძლიათ მოითხოვოთ კონტენტის წაშლა ჩვენი კონფიდენციალურობასთან დაკავშირებული მითითებების საფუძველზე.
კონტენტის წაშლის კრიტერიუმები
ჩვენი კონფიდენციალურობასთან დაკავშირებული მითითებები გთავაზობთ ჩვენი კონფიდენციალურობის დარღვევის გამო საჩივრის შეტანის პროცესის შესახებ დეტალურ განმარტებას. ის, ასევე, განმარტავს ფაქტორებს, რომელთაც ვითვალისწინებთ კონფიდენციალურობის სასარჩელო მოთხოვნების შეფასებისას.
კონტენტი წაშლას რომ დაექვემდებაროს, პირი უნიკალურად იდენტიფიცირებადი უნდა იყოს და მან ან მისმა კანონიერმა წარმომადგენელმა უნდა შეიტანოს სარჩელი. თუ გსურთ კონფიდენციალურობის დარღვევის გამო საჩივრის შეტანის პროცესით სარგებლობა, თქვენ უნიკალურად იდენტიფიცირებადი უნდა იყოთ კონტენტში კონფიდენციალურობის დარღვევის გამო საჩივრის შეტანის პროცესში. ინდივიდის უნიკალურად იდენტიფიცირებადობის შეფასებისას ვითვალისწინებთ შემდეგ ფაქტორებს:
- სურათს ან ხმას
- სრულ სახელს
- ფინანსურ ინფორმაციას
- საკონტაქტო ინფორმაციას
- პერსონალურად ამოცნობად სხვა ინფორმაციას
როცა კონფიდენციალურობის დარღვევის შესახებ საჩივარს წარადგენთ, ჩვენ ვითვალისწინებთ საზოგადოებრივ ინტერესს, აქტუალობას და ფაქტორების თანხმობას, რომლებიც ჩვენს საბოლოო გადაწყვეტილებაზე ახდენს გავლენას. ასევე, იმას, ნაჩვენებია თუ არა ვიდეოში ადამიანების სიკვდილისა და სერიოზული ტრავმების მომენტები.
გარდაცვლილი მომხმარებლების კონფიდენციალურობისა და ხსოვნის პატივსაცემად, ჩვენ ვითვალისწინებთ მოთხოვნებს ოჯახის უახლოესი წევრებისგან ან იურიდიული წარმომადგენლებისგან მას შემდეგ, რაც დადასტურდება პირის გარდაცვალება.
მინიშნებები YouTube-ზე თქვენი კონფიდენციალურობის დაცვის შესახებ:
- კარგად დაფიქრდით, სანამ პერსონალურ ინფორმაციას გამოაქვეყნებთ. აქ იგულისხმება ისეთი მაგალითებიც, როგორიცაა ინფორმაცია ქალაქის შესახებ, რომელშიც ცხოვრობთ, სკოლა, რომელშიც დადიხართ ან სახლის მისამართი.
- დაიცავით თქვენი ანგარიშის მონაცემები, ნუ გაუმხელთ თქვენს პაროლს სხვებს. YouTube-ის თანამშრომლები არასდროს მოგთხოვენ პაროლს. ნუ მოტყუვდებით, თუ ვინმე გაგეცნობათ, როგორც YouTube-ის წარმომადგენელი.
- ჯერ მიიღეთ ნებართვა. მიიღეთ სხვა ადამიანების გადაღების ან მათი პერსონალური ინფორმაციის გამოქვეყნების ნებართვა.
- ეწვიეთ ჩვენს კონფიდენციალურობისა და უსაფრთხოების პარამეტრების გვერდს იმ ხელსაწყოების სიის სანახავად, რომელთა გამოყენებაც შეგიძლიათ საიტზე თქვენი კონტენტისა და გამოცდილების სამართავად.
- გაეცანით ჩვენს საუკეთესო გამოცდილებას, რომ უზრუნველყოთ Google ანგარიშის უსაფრთხოება.
- Google ანგარიშის ძლიერი უსაფრთხოება: იზრუნეთ თქვენი ანგარიშის უსაფრთხოებაზე 2-ფაზიანი დადასტურების მეშვეობით.