Mga uri ng lisensya sa YouTube

Ang lisensya ay nagbibigay sa isang tao ng legal na pahintulot na gumamit ng content na ibang tao ang nagmamay-ari ng mga karapatan. Ang iba't ibang lisensya ay may magkakaibang panuntunan tungkol sa kung paano puwedeng gamitin ang content. Kapag nag-upload ka ng content sa YouTube, ang mga uri ng lisensya na mapagpipilian mo ay: Karaniwang lisensya ng YouTube Creative Commons Attribution license

Karaniwang lisensya ng YouTube

Ang karaniwang lisensya ng YouTube ay ang default na setting para sa lahat ng pag-upload sa YouTube. Para masuri ang mga tuntunin ng karaniwang lisensya ng YouTube, pumunta sa aming Mga Tuntunin ng Serbisyo.

Creative Commons Attribution license

Ang Creative Commons ay pandaigdigang nonprofit na organisasyong nagbibigay sa mga creator ng standardized na paraan para magbigay sa ibang tao ng pahintulot na gamitin ang gawa nila. Puwede kang magdagdag ng Creative Commons Attribution license sa iyong video kung nalilisensyahan ang content sa ilalim ng lisensyang CC BY. Kasama sa mga halimbawa ang:

• Orihinal na content na gawa mo
• Content na ni-release sa ilalim ng lisensyang CC BY
• Content sa pampublikong domain

Tandaan: Kung may claim sa Content ID sa iyong video, hindi ka makakapagdagdag ng Creative Commons Attribution license sa video mo.

Kung magdaragdag ka ng Creative Commons Attribution license sa iyong video, nangangahulugan ito na puwedeng gamitin ulit ng iba pang creator ang gawa mo nang napapailalim sa mga tuntunin ng lisensyang CC BY. Kung gumagamit ka ng gawa ng ibang tao sa ilalim ng Creative Commons Attribution license, kailangang magbigay ka ng credit (attribution) sa kanya.

Magdagdag ng Creative Commons Attribution license sa iyong video

Gamit ang computer, puwede kang magdagdag ng Creative Commons Attribution license sa iyong video habang nag-a-upload ng video o pagkatapos nito.

Habang nag-a-upload

1. Sa isang computer, mag-sign in sa YouTube Studio.
2. Sa kanang sulok sa itaas, i-click ang GUMAWA Mag-upload ng mga video .
3. Piliin ang video na gusto mong i-upload.
4. Sa page ng Mga Detalye , sa ibaba, i-click ang Magpakita pa.
5. Sa ilalim ng Lisensya, i-click ang dropdown para piliin ang Creative Commons - Attribution.

Pagkatapos ng pag-upload

1. Sa isang computer, mag-sign in sa YouTube Studio.
2. Sa kaliwang menu, piliin ang Content .
3. I-click ang pamagat o thumbnail ng isang video.
4. Sa page ng Mga Detalye , sa ibaba, i-click ang Magpakita pa.
5. Sa ilalim ng Lisensya, i-click ang dropdown para piliin ang Creative Commons - Attribution.

Magbigay ng credit sa ibang creator sa ilalim ng Creative Commons license

Para magbigay ng credit sa ibang creator, puwede mong isama ang sumusunod na impormasyon sa iyong video at paglalarawan ng video:

• Pamagat ng gawa
• May-akda ng gawa
• Source ng gawa (URL)
• Impormasyon ng lisensya, gaya ng “lisensyado sa ilalim ng CC BY.”

Puwedeng gawin ang pagsasama ng impormasyong ito sa iyong video sa iba't ibang paraan, gaya ng pag-overlay ng text o voiceover.

Mga madalas itanong (FAQ)

Paano ako makakahanap ng Creative Commons content sa YouTube?

Para makahanap ng Creative Commons content sa YouTube, piliin ang Creative Commons sa listahan ng mga filter para sa advanced na paghahanap.

Puwede ka ring tumingin sa mga paglalarawan ng video para makita ang impormasyon ng lisensya.

Puwede ba akong mag-monetize ng content na may Creative Commons Attribution license?

Puwede kang mag-monetize ng Creative Commons content kung binibigyan ka ng kasunduan sa lisensya ng mga karapatang gamitin ito sa komersyal na paraan. Kung minsan, ire-require sa iyo ng mga may-ari ng copyright na bigyan ng credit ang creator ng content o magbigay ng patunay ng pagbili para magamit ito sa video mo para sa mga komersyal na layunin.

Matuto pa tungkol sa kung anong content ang puwede mong i-monetize.

Anong uri ng content ang kwalipikado para sa Creative Commons Attribution license?

Mamamarkahan mo ng Creative Commons (CC) Attribution license ang iyong na-upload nang video kung puwede mong lisensyahan sa ilalim ng lisensyang CC BY ang lahat ng content nito. Ang ilang halimbawa ay:

• Orihinal na content na gawa mo
• Content na ni-release sa ilalim ng lisensyang CC BY
• Content sa pampublikong domain

Kung may claim sa Content ID ang iyong video, hindi mo mamamarkahan ang video mo ng Creative Commons Attribution license.

Paano ako makakakuha ng pahintulot na gamitin ang content ng ibang tao?

Hindi maibibigay sa iyo ng YouTube ang mga karapatang gamitin ang content ng ibang tao at hindi ka namin matutulungang hanapin ang mga party na makakapagbigay sa iyo ng mga ito. Kakailanganin mong magsaliksik at pangasiwaan ang prosesong ito nang mag-isa o sa tulong ng abogado.

Halimbawa, hindi maibibigay sa iyo ng YouTube ang mga karapatang gumamit ng content na na-upload na sa YouTube. Kung gusto mong gamitin ang content ng ibang tao sa YouTube, puwede kang makipag-ugnayan nang direkta sa kanya. Naglilista ang ilang creator ng mga paraan kung paano makikipag-ugnayan sa kanila sa channel nila.

Kung nagbabalak kang gumamit ng musika ng ibang tao, tumingin sa Audio Library ng YouTube para sa musika at mga sound effect na royalty-free at libre. Matuto pa tungkol sa paggamit ng musikang may pahintulot na magamit sa YouTube.