Кейбір авторлық құқық иелері YouTube-тегі авторлық құқығы сақталған контентін оңай анықтау және басқару үшін Content ID YouTube автоматтық сәйкестендіру жүйесін пайдаланады.
Content ID қалай жұмыс істейді?
Авторлық құқық иелері жіберген аудио және визуалдық файлдардың дерекқорын пайдалана отырып, Content ID жүйесі авторлық құқығы қорғалған контенттің сәйкестіктерін анықтайды. Бейне YouTube-ке жүктеп салынғаннан кейін ол Content ID жүйесінде автоматты түрде сканерленеді.
Content ID жүйесі сәйкестік тапса, сәйкес болған бейнеге Content ID шағым беріледі. Авторлық құқық иесінің Content ID баптауларына байланысты Content ID шағымы мына әрекеттердің бірінде көрсетіледі:
- Бейненің көрілуіне блок қойылады
- Бейнеде жарнама көрсету арқылы оны монетизациялайды, кейде табысын жүктеп салушымен бөліседі
- Бейненің көру саны статистикасын қадағалайды
Осы әрекеттің кез келгені георгафиялық орналасуға байланысты болуы мүмкін екенін естен шығармаңыз. Мысалы, бейне бір елде/аймақта монетизациялануы мүмкін, ал басқа елде/аймақта блокталуы немесе бақылануы мүмкін.
Content ID құралын кім пайдаланады?
Content ID арнайы критерийлерге сай келетін авторлық құқық иелеріне қолжетімді. Мақұлдау үшін оларда YouTube-ке жиі жүктеп салынатын түпнұсқа материалдың едәуір бөлігіне қатысты айрықша құқықтары болуы керек.
YouTube қызметі Content ID құралын пайдалану жөніндегі цензурасыз нұсқауларды да ұсынады. Осы нұсқаулардың орындалуын қадағалау үшін Content ID пайдаланылуы және даулар үздіксіз бақылауда болады.
Егер сіз авторлық құқық иесі болсаңыз және контентіңіз Content ID критерийіне сай келеді деп ойласаңыз, бізге авторлық құқығыңызды басқару қажеттілігіңізді білдіру үшін мына үлгіні толтырсаңыз болады.